The Comprehensive Aramaic Lexicon

06:01	ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
06:02	ܒܪܢܫܐ܂ ܣܝܡ ܐ̈ܦܝܟ ܠܛܘܪ̈ܐ ܕܐܝܣܪܝܠ܂ ܘܐܬܢܒܐ ܥܠܝܗܘܢ܂
06:03	ܘܐܡܪ܂ ܛܘܪ̈ܐ ܕܐܝܣܪܝܠ܂ ܫܡܥܘ ܦܬܓܡܗ ܕܡܪܐ ܡܪ̈ܘܬܐ܂ ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܠܛܘܪ̈ܐ ܘܠܪ̈ܡܬܐ ܘܠܢܚ̈ܠܐ ܘܠܦܨ̈ܝܕܐ܂ ܗܐ ‍<‍ܐܢܐ#3#‍>‍ ܡ݁ܝܬܐ ܐܢܐ ܥܠܝܟܘܢ ܚܪܒܐ܂ ܘܐܘܒܕ ܦܪ̈ܟܝܟܘܢ܂
06:04	ܘܢܨܕܘܢ ܡܕܒܚܝ̈ܟܘܢ܂ ܘܢܬܬܒܪܘܢ ܦܬܟܪ̈ܝܟܘܢ܂ ܘܐܪܡܐ ܚܪ̈ܝܒܝܟܘܢ ܩܕܡ ܕܚ̈ܠܬܟܘܢ܂
06:05	ܘܐܪܡܐ ܫ̈ܠܕܐ ܕܒܝܬ/ܕܒܢ̈ܝ#3#/ ܐܝܣܪܝܠ ܩܕܡ ܦܬܟܪ̈ܝܗܘܢ܂ ܘܐܕܪܐ ܓܪ̈ܡܝܟܘܢ ܚܕܪ ܡܕܒܚ̈ܝܟܘܢ܂

06:06	ܘܡܕܝܢܬ̈ܐ ܕܟܠܗ ܝܬܒܟܘܢ ܢܚܪ̈ܒܢ ܘܦܪ̈ܟܐ ܢܨ̈ܕܝܢ܂ ܡܛܠ ܕܢܚܪܒܘܢ ܘܢܨܕܘܢ ܡܕܒܚ̈ܝܟܘܢ܂ ܘܢܬܬܒܪܘܢ ܘܢܬܒܛܠܘܢ ܦܬܟܪ̈ܝܟܘܢ܂ ܘܢܬܓܕܡܘܢ ܓܠܝ̈ܦܝܟܘܢ܂ ܘܢܬܥܛܘܢ/ܘܢܬܛܥܘܢ#3#/ ܥܒ݁ܕܝ̈ܟܘܢ܂

06:07	ܘܢܦܠܘܢ ܚܪ̈ܝܒܐ ܒܝܢܬܟܘܢ܂ ܘܬܕܥܘܢ ܕܐܢܐ ܐܢܐ ܡܪܝܐ܂
06:08	ܘܐܘܬܪ ܡܢܟܘܢ ܒܝܬ ܥܡ̈ܡܐ܂ ܐܝܠܝܢ ܕܐܬܦܨܝܘ ܡܢ ܚܪܒܐ܂ ܘܐܬܒܕܪܘ ܒܡ̈ܕܝܢܬܐ܂
06:09	ܘܢܬܕܟܪܘܢܢܝ ܐܝܠܝܢ ܕܐܬܦܨܝܘ ܡܢܟܘܢ܂ ܒܝܬ ܥܡ̈ܡܐ ܕܐܫܬܒܝܘ ܠܬܡܢ܂ ܡܐ ܕܬܒ݁ܪܬ ܠܠܒܗܘܢ ܙܢܝܐ ܕܣܛܘ ܡܢܝ܂ ܘܥܝܢ̈ܝܗܘܢ ܕܛܥ̈ܝ ܒܬܪ ܦܬܟܪ̈ܝܗܘܢ܂ ܘܢܬܩܡ̈ܛܢ ܐ̈ܦܝܗܘܢ ܒܒܝܫܬܐ ܕܥܒܕܘ ܘܒܟܠܗ݀ ܛܢܦܘܬܗܘܢ܂
06:10	ܘܢܕܥܘܢ ܕܐܢܐ ܐܢܐ ܡܪܝܐ܂ ܘܠܐ ܗܘܐ ܣܪܝܩܐܝܬ ܐܡ݁ܪܬ ܕܐܥܒܕ ܠܗܘܢ ܒܝܫܬܐ ܗܕܐ܂
06:11	ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܩܘܫ ܒܟܦܟ ܘܪܦܘܣ ܒܪܓܠܟ܂ ܘܐܡܪ ܐܚܢ܂ ܥܠ ܟܘܠܗ݀ ܛܢܦܘܬܐ ܘܒܝܫܬܐ/ܘܒܝܫܘܬܐ#3#/ ܕܒܝܬ ܐܝܣܪܝܠ܂ ܕܒܚܪܒܐ/ܒܚܪܒܐ#3#/ ܘܒܟܦܢܐ ܘܒܡܘܬܢܐ ܢܦܠܘܢ܂
06:12	ܕܪܚܝܩ ܢܡܘܬ ܒܡܘܬܢܐ܂ ܘܕܩܪܝܒ ܒܚܪܒܐ ܢܦܠ܂ ܘܕܡܫܬܚܪ ܘܕܡܬܦܨܐ ܒܟܦܢܐ ܢܡܘܬ܂ ܘܐܫܡܠܐ ܪܘܓܙܝ ܒܗܘܢ܂
06:13	ܘܢܕܥܘܢ ܕܐܢܐ ܐܢܐ ܡܪܝܐ܂ ܡܐ ܕܗܘܘ ܩܛܝ̈ܠܝܗܘܢ ܒܝܢܬ ܦܬܟܪ̈ܝܗܘܢ ܚܕܪ ܡܕܒܚ̈ܝܗܘܢ܂ ܥܠ ܟܠ ܪܡܬܐ ܕܪܡܐ ܘܬܚܝܬ ܟܠ ܪ̈ܝܫܝ ܛܘܪ̈ܐ܂ ܘܬܚܝܬ ܟܠ ܐܝܠܢ ܕܡܛ݁ܠ܂ ܘܬܚܝܬ ܟܠ ܒܛܡܬܐ ܥܒܝܛܬܐ܂ ܒܐܬܪܐ ܕܣܡܘ ܬܡܢ ܒܣ̈ܡܐ ܠܟܠܗܘܢ ܦܬܟܪ̈ܝܗܘܢ܂
06:14	ܘܐܪܝܡ ܐܝܕܝ ܥܠܝܗܘܢ܂ ܘܐܥܒܕܝܗ݀ ܠܐܪܥܐ ܠܚܒܠܐ ܘܠܬܡܗܐ ܡܢ ܡܕܒܪܐ ܕܕܒܠܬ ܘܟܠܗ ܒܝܬ ܡܥܡܪܗܘܢ ܘܢܕܥܘܢ ܕܐܢܐ ܐܢܐ ܡܪܝܐ܂