The Comprehensive Aramaic Lexicon

09:01	ܘܩܪܐ ܒܐ̈ܕܢܝ ܒܩܠܐ ܪܡܐ ܘܐܡܪ܂ ܩܪܘܒܘ ܦܪ̈ܘܥܝܗ݀ ܕܡܕܝܢܬܐ܂ ܘܐܢܫ \ܡܐ̈ܢܐ ܕܦܘܪܥܢܗ /ܡ̈ܐܢܝ ܦܘܪܥܢܗ#3#/ ܒܐܝܕܗ܂
09:02	ܘܚܙ݁ܝܬ ܫܬܐ ܓܒܪ̈ܝܢ ܐܬ݁ܝܢ ܡܢ ܐܘܪܚܐ ܕܬܪܥܐ ܥܠܝܐ ܕܚ݁ܐܪ ܠܓܪܒܝܐ܂ ܘܐܢܫ \ܡܐ̈ܢܝ ܦܘܪܥܢܗ /ܡܐ̈ܢܐ ܕܦܘܪܥܢܗ#3#/ ܒܐܝܕܗ܂ ܘܓܒܪܐ ܚܕ ܒܝܢܬܗܘܢ ܘܠܒܝܫ ܒܘܨܐ܂ ܘܐܣܪ ܚܨ̈ܐ ܕܣܦܝܠܐ ܒ̈ܚܨܘܗܝ܂ ܘܐܬܘ ܘܩܡܘ ܥܠ ܓܢܒ ܡܕܒܚܐ ܕܢܚܫܐ܂
09:03	ܘܫܘܒܚܗ ܕܐܠܗܐ ܕܐܝܣܪܝܠ܂ ܣܠܩ ܡܢ ܟܪܘܒܐ ܕܩܐ݁ܡ ܗܘܐ ܥܠ \ܙܘܝܬܐ /ܬܪܥܐ ܕܙܘܝ̈ܬܐ#3#/ ܕܒܝܬܐ܂ ܘܩܪܐ ܠܓܒܪܐ ܕܠܒܝܫ ܒܘܨܐ ܘܐܣܪ ܚܨ̈ܐ ܕܣܦܝܠܐ ܒܚ̈ܨܘܗܝ܂

09:04	ܘܐܡܪ ܠܗ ܡܪܝܐ܂ ܥܒܪ ܒܓܘ ܡܕܝܢܬܐ ܒܓܘ ܐܘܪܫܠܡ܂ ܘܪܫܘܡ ܪܘܫܡܐ ܥܠ ܒܝܬ ܥܝܢ̈ܝܗܘܢ ܕܓܒܪ̈ܐ ܕܡܬܬܢܚܝܢ/ܕܡܬܬܢܝܚܝܢ#2#/ ܘܡܬܕܢܩܝܢ܂ ܥܠ ܟܠܗܝܢ ܛܢ̈ܦܘܬܐ ܘܒܝܫ̈ܬܐ ܕܡܬ̈ܥܒܕܢ ܒܓܘܗ݀܂

09:05	ܘܠܗ݀ܢܘܢ ܕܥܡܗ ܐܢܘܢ܂ ܐܡܪ ܠܗܘܢ ܠܥܢ̈ܝ܂ ܥܒܪܘ ܒܓܘ ܡܕܝܢܬܐ ܒܬܪܝ܂ ܘܚܪܘܒܘ ܘܠܐ ܢܚ̈ܘܣܢ ܥܝܢ̈ܝܟܘܢ܂ ܘܠܐ ܬܪܚܡܘܢ܂
09:06	ܘܠܣܒ̈ܐ ܘܠܓܕܘ̈ܕܐ ܘܠܒܬ̈ܘܠܬܐ܂ ܘ̈ܠܛܠܝܐ ܘܠܢܫ̈ܐ ܩܛܠܘ ܠܚܒܠܐ/ܠܚܪܒܐ#3#/܂ ܘܠܟܠ ܐܢܫ ܕܐܝܬ ܥܠܘܗܝ ܪܘܫܡܐ ܠܐ ܬܩܪܒܘܢ/ܬܬܩܪܒܘܢ#3#/܂ ܘܡܢ ܡܩܕܫܝ ܫܪܘ܂ ܘܫܪܝܘ ܒܓܒܪ̈ܐ ܣܒ̈ܐ ܕܩܝ݁ܡܝܢ ܗܘܘ ܩܕܡ ܒܝܬܐ܂
09:07	ܘܐܡܪ ܠܗܘܢ܂ ܛܡܐܘܗܝ ܠܒܝܬܐ܂ ܘܡܠܘ ܕܪ̈ܐ ܚܪ̈ܝܒܐ܂ ܦܘܩܘ ܩܛܠܘ ܒܡܕܝܢܬܐ܂
09:08	ܘܟܕ ܚܪܒܘ ܐܢܘܢ܂ ܐܫܬܚ݁ܪܬ ܐܢܐ ܘܢܦ݁ܠܬ ܥܠ ܐ̈ܦܝ܂ ܘܐܝܠܠ݁ܬ ܒܩܠܐ ܪܡܐ ܘܐܡ݁ܪܬ ܐܘܗ݀/ܐܘ#3#/ ܡܪܐ ܡܪ̈ܘܬܐ ܡܚܒܠ ܐܢܬ ܠܟܠ ܕܐܫܬܚܪ ܡܢ ‍<‍ܕܒܝܬ#3#‍>‍ ܐܝܣܪܝܠ܂ ܘܐܫ݁ܕ ܐܢܬ ܪܘܓܙܟ ܥܠ ܐܘܪܫܠܡ܂
09:09	ܘܐܡܪ ܠܝ܂ ܥܘ݂ܠܐ ܕܒܝܬ ܐܝܣܪܝܠ ܘܕܝܗܘܕܐ ܣܓܝ ܛܒ܂ ܘܐܬܡܠܝܬ ܐܪܥܐ ܕܡܐ܂ ܘܡܕܝܢܬܐ ܐܬܡܠܝܬ ܢܟܠܐ܂ ܘܐܡܪܘ ܫܒܩܗ݀ ܡܪܝܐ ܠܐܪܥܐ܂ ܘܠܐ ܚ݁ܙܐ ܠܢ ܡܪܝܐ܂
09:10	ܘܐܢܐ ܠܐ ܐܚܘܣ ܥܠܝܗܘܢ ܘܠܐ ܐܪܚܡ܂ ܐܘܪ̈ܚܬܗܘܢ ܒܪܝܫܗܘܢ/ܒܪܘܫܥܗܘܢ#3#/ ܐܦܪܘܥ ܀܂
09:11	ܘܚ݁ܙܝܬ ܠܓܒܪܐ ܕܠܒܝܫ ܒܘܨܐ ܕܥܢܐ ܘܐܡܪ܂ ܥܒ݁ܕܬ ܐܝܟܢܐ/ܐܝܟ#3#/ ܕܦܩܕܬܢܝ܂