The Comprehensive Aramaic Lexicon

18:01	ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂ ܒܪܢܫܐ܂
18:02	ܠܡܢܐ ܡܡܬܠܝܢ ܐܢܬܘܢ ܡܬܠܐ ܗܢܐ ܒܐܪܥܐ ܕܐܝܣܪܐܝܠ ܘܐܡ݁ܪܝܢ ܐܢܬܘܢ܂ ܐܒ̈ܗܐ ܐܟܠܘ ܒܣܪ̈ܐ ܘܫܢ̈ܐ ܕܒܢܝܐ ܩܗ̈ܝܢ܂
18:03	ܚܝ ܐܢܐ ܐܡ݁ܪ ܡܪܐ ܡܪ̈ܘܬܐ܂ ܐܢ ܢܗܘܐ ܬܘܒ ‍<‍ܡ݁ܢ#3#‍>‍ ܕܡܡܬܠ ܡܬܠܐ ܗܢܐ ܒܐܝܣܪܝܠ܂
18:04	ܡܛܠ ܕܟܠܗܝܢ ܢܦܫ̈ܬܐ ܕܝܠܝ ܐܢܝ̈ܢ܂ ܢܦܫܐ ܕܐܒܐ ܘܢܦܫܐ ܕܒܪܐ ܕܝܠܝ ܐܢܝ̈ܢ܂ ܢܦܫܐ ܕܚܛܝܐ ܗܝ ܬܡܘܬ܂
18:05	ܘܓܒܪܐ ܐܢ ܢܗܘܐ ܙܕܝܩ܂ ܘܢܥܒܕ ܕܝܢܐ ܘܙܕܝܩܘܬܐ܂
18:06	ܘܥܠ ܛܘܪ̈ܐ ܠܐ ܐܟܠ܂ ܘܠܐ ܐܪܝܡ ܥܝ̈ܢܘܗܝ ܠܦܬܟܪ̈ܐ ܘܠܕܚ̈ܠܬܐ ܕܒܢ̈ܝ ܐܝܣܪܝܠ܂ ܘܠܐܢܬܬ ܚܒܪܗ ܠܐ ܛܢܦ܂ ܘܠܐܢܬܬܐ ܒܟܦܣܗ݀ ܠܐ ܐܬܩܪܒ܂

18:07	ܘܠܐܢܫ ܠܐ ܛܠܡ܂ ܘܠܐܢܫ ܠܐ ܬܟ܂ ܘܦܢܝ ܡܫܟܢܐ ܕܢܣܒ܂ ܘܝܗܒ ܠܚܡܗ ܠܟܦܢܐ܂ ܘܠܥܪܛܠܝܐ ܐܠܒܫ ܬܟܣܝܬܐ܂

18:08	ܘܒܪܒܝܬܐ ܠܐ ܐܘܙܦ܂ ܘܒܩܨܨܐ ܠܐ ܝܗܒ܂ ܘܡܢ ܥܘ݂ܠܐ ܐܗܦܟ ܐܝܕܗ܂ ܘܕܢ ܕܝܢܐ ܕܩܘܫܬܐ/ܒܩܘܫܬܐ#3#/ ܒܝܬ ܓܒܪܐ ܠܚܒܪܗ܂
18:09	ܘܒܦܘܩ̈ܕܢܝ ܗܠܟ܂ ܘܕܝܢ̈ܝ ܢܛܪ ܘܥܒܕ ܩܘܫܬܐ܂ ܡ݁ܢ ܕܗܟܢܐ ܥܒܕ ܙܕܝܩܐ ܗܘ܂ ܘܡܚܐ ܢܚܐ ܐܡ݁ܪ ܡܪܐ ܡܪ̈ܘܬܐ ܀
18:10	ܘܐܢ ܢܘܠܕ ܒܪܐ ܥܘ݁ܠܐ ܐܫ݁ܕ ܕܡܐ܂ ܘܢܥܒܕ ܚܕܐ ܡܢ ܗܠܝܢ܂
18:11	ܘܢܐܟܘܠ ܥܠ ܛܘܪ̈ܐ܂ ܘܢܛܢܦ ܐܢܬܬ ܚܒܪܗ܂
18:12	ܘܢܛܠܘܡ ܠܡܣܟܢܐ ܘܠܒܝ݁ܫܐ܂ ܘܢܬܘܟ ܠܚܒܪܗ܂ ܘܠܐ ܢܦܢܐ ܡܫܟܢܐ ܠܡܪ̈ܘܗܝ܂ ܘܠܦܬܟܪ̈ܐ ܢܪܝܡ ܥܝܢ̈ܘܗܝ ܘܢܥܒܕ ܛܢܦܘܬܐ܂
18:13	ܘܒܪܒܝܬܐ ܢܘܙܦ܂ ܘܒܩܨܨܐ ܢܣܒ܂ ܕܠܡܐ ܚܝ݁ܐ/ܢܐܚܐ#3#/ ܠܐ ܢܚܐ܂ ܡܛܠ ܕܗܠܝܢ ܟܠܗܝܢ ܒܝܫ̈ܬܐ ܥܒܕ܂ ܐܠܐ ܡܡܬ ܢܡܘܬ܂ ܘܕܡܗ ܥܠܘܗܝ ܢܗܘܐ܂
18:14	ܘܐܢ ܢܘܠܕ ܒܪܐ܂ ܘܢܚܙܐ ܟܠܗܘܢ ܚ̈ܛܗܐ ܕܥܒܕ ܐܒܘܗܝ ܘܠܐ ܢܥܒܕ ܐܟܘܬܗܘܢ܂
18:15	ܘܥܠ ܛܘܪ̈ܐ ܠܐ ܢܐܟܘܠ܂ ܘܠܐ ܢܪܝܡ ܥܝܢ̈ܘܗܝ ܠܦܬܟܪ̈ܐ ܕܒܢ̈ܝ/ܕܒܝܬ#3#/ ܐܝܣܪܝܠ܂ ܘܠܐܢܬܬ ܚܒܪܗ ܠܐ ܢܛܢܦ܂
18:16	ܘܠܐܢܫ ܠܐ ܢܛܠܘܡ܂ ܘܡܫܟܢܐ ܕܐܢܫ ܠܐ ܢܫܩܘܠ܂ ܘܬܘܟܐ ܠܐ ܢܬܘܟ܂ ܘܠܚܡܗ ܢܬܠ ܠܟܦܢܐ܂ ܘܠܥܪܛܠܝܐ ܢܠܒܫ܂
18:17	ܘܡܢ ܡܣܟܢܐ ܠܐ ܢܗܦܟ ܐܝܕܗ܂ ܘܪܒܝܬܐ ܠܐ ܢܫܩܘܠ܂ ܘܝܬܝܪܐ ܠܐ ܢܣܒ܂ ܘܕ̈ܝܢܝ ܢܥܒܕ ܘܒܦܘܩ̈ܕܢܝ ܢܗܠܟ܂ ܠܐ ܢܡܘܬ ܒܥܘ݂ܠܗ ܕܐܒܘܗܝ܂ ܐܠܐ ܡܚܐ ܢܚܐ܂
18:18	ܐܒܘܗܝ ܕܝܢ ܥܠ ܕܛܠܡ ܛܠܘܡܝܐ ܘܬܟ ܬܘܟܐ ܠܐܚܘܗܝ܂ ܘܡܕܡ ܕܫܦܝܪ ܠܐ ܥܒܕ ܒܥܡܗ܂ ܡܝܬ ܒܚ̈ܛܗܘܗܝ܂
18:19	ܘܐܢ ܐܡ݁ܪܝܢ ܐܝܟܘ ܠܐ ܡܬܦܪܥ ܒܪܐ ܚ̈ܛܗܐ/ܒܚ̈ܛܗܐ#3#/ ܕܐܒܘܗܝ܂ ܐܡܪ ܠܗܘܢ܂ ܡܛܠ ܕܥܒܕ ܒܪܐ ܕܝܢܐ ܘܙܕܝܩܘܬܐ܂ ܘܢܛܪ ܟܘܠܗܘܢ ܦܘܩ̈ܕܢܝ܂ ܡܚܐ ܢܚܐ܂
18:20	ܢܦܫܐ ‍<‍ܕܝܢ#3#‍>‍ ܕܚ݁ܛܝܐ ܗܝ ܬܡܘܬ܂ ܠܐ ܢܬܦܪܥ ܒܪܐ ܚ̈ܛܗܐ ܕܐܒܘܗܝ܂ ܐܦܠܐ ܐܒܐ ܢܬܦܪܥ ܚ̈ܛܗܐ ܕܒܪܗ܂ ܙܟܘܬܗ/ܙܟܝܘܬܐ#3#/ ܕܙܟܝܐ ܥܠܘܗܝ ܬܗܘܐ܂ ܘܚܛܝܬܗ ܕܚܛܝܐ ܥܠܘܗܝ ܬܗܘܐ܂
18:21	ܥܘ݁ܠܐ ܕܝܢ ܐܢ ܢܗܦܘܟ ܡܢ ܟܠܗܘܢ ܚ̈ܛܗܘܗܝ ܕܥܒܕ܂ ܘܢܛܪ ܦܘܩ̈ܕܢܝ ܘܢܥܒܕ ܕܝܢܐ ܘܙܕܝܩܘܬܐ܂ ܡܚܐ ܢܚܐ ܘܠܐ ܢܡܘܬ܂
18:22	ܘܟܠܗܘܢ ܚ̈ܛܗܘܗܝ ܕܥܒܕ ܠܐ ܢܬܕܟܪܘܢ ܠܗ܂ ܐܠܐ ܒܙܕܝܩܘܬܐ ܕܥܒܕ ܢܚܐ܂
18:23	ܠܐ ܨ݁ܒܐ ܐܢܐ ܒܡܘܬܗ ܕܚܛܝܐ܂ ܐܡ݁ܪ ܡܪܐ ܡܪ̈ܘܬܐ܂ ܐܠܐ ܕܢܗܦܘܟ ܡܢ ܐܘܪܚܗ ܒܝܫܬܐ ܘܢܚܐ܂
18:24	ܘܐܢ ܢܗܦܘܟ ܙܕܝܩܐ ܡܢ ܙܕܝܩܘܬܗ܂ ܘܢܥܒܕ ܥܘ݂ܠܐ ܘܛܢܦܘܬܐ ܐܝܟ ܗܠܝܢ ܕܥܒܕ ܚܛܝܐ܂ ܟܠܗ݀ ܙܕܝܩܘܬܗ ܕܥܒܕ ܠܐ ܬܬܕܟܪ ܠܗ܂ ܐܠܐ ܒܥܘ݁ܠܐ ܕܥܒܕ ܘܒܚ̈ܛܗܐ ܕܚܛܐ ܒܗܘܢ ܢܡܘܬ܂
18:25	ܘܐܡܪܬܘܢ/ܘܐܡܪܝܢ ܐܢܬܘܢ#3#/ ܠܐ ܫܦܝܪ̈ܢ ‍<‍ܐܠܐ#3#‍>‍ ܐܘܪ̈ܚܬܗ ܕܡܪܝܐ܂ ܫܡܥܘ ܗܟܝܠ ܕܒܝܬ ܐܝܣܪܝܠ܂ ܐܘܪ̈ܚܬܝ ܕܝܠܝ ܫܦܝܪ̈ܢ ܐ̈ܢܝܢ܂ ܐܘܪ̈ܚܬܟܘܢ ܗܘ ܕܝܠܟܘܢ ܠܐ ܫܦܝܪ̈ܢ܂
18:26	ܘܐܢ ܢܗܦܘܟ ܙܕܝܩܐ ܡܢ ܙܕܝܩܘܬܗ ܘܢܥܒܕ ܥܘ݂ܠܐ܂ ܒܗ ܒܥܘ݂ܠܐ ܕܥܒܕ ܢܡܘܬ܂
18:27	ܘܐܢ ܢܗܦܘܟ ܥܘ݁ܠܐ ܡܢ ܥܘܠܘܬܗ܂ ܘܢܥܒܕ ܕܝܢܐ ܘܙܕܝܩܘܬܐ ܢܚܐ ܢܦܫܗ܂
18:28	ܘܐܢ ܢܚܙܐ ܘܢܗܦܘܟ ܡܢ ܟܠܗܘܢ ܚ̈ܛܗܘܗܝ ܕܥܒܕ܂ ܡܚܐ ܢܚܐ ܘܠܐ ܢܡܘܬ܂
18:29	ܘܐܡ݁ܪܝܢ ܕܒܝܬ ܐܝܣܪܝܠ ܠܐ ܫܦܝܪ̈ܢ ܐܘܪ̈ܚܬܗ ܕܡܪܝܐ܂ ܐܘܪ̈ܚܬܝ ܕܝܠܝ ܫܦܝܪ̈ܢ ܐܢܝ̈ܢ ܕܒܝܬ ܐܝܣܪܝܠ܂ ܐܠܐ ܐܘܪ̈ܚܬܟܘܢ ܗܘ ܕܝܠܟܘܢ ܠܐ ܫܦܝܪ̈ܢ܂
18:30	ܡܛܠ ܗܢܐ ܐܢܫ ܐܝܟ ܐܘܪ̈ܚܬܗ ܐܕܘܢܟܘܢ ܒܝܬ/ܕܒܝܬ#3#/ ܐܝܣܪܐܝܠ܂ ܐܡ݁ܪ ܡܪܐ ܡܪ̈ܘܬܐ܂ ܬܘܒܘ ܘܐܬܦܢܘ ܡܢ ܟܠܗ ܥܘ݂ܠܟܘܢ܂ ܘܠܐ ܬܗܘܐ ܠܟܘܢ ܬܘܩܠܬܐ ܠܚ̈ܛܗܝܟܘܢ܂
18:31	ܘܫܕܘ ܡܢܟܘܢ ܟܠܗ/ܠܟܠܗ#3#/ ܥܘ݂ܠܐ ܕܥܒܕܬܘܢ܂ ܘܥܒܕܘ ܠܟܘܢ ܠܒܐ ܚܕܬܐ ܘܪܘܚܐ ܚܕܬܐ܂ ܘܠܐ ܬܡܘܬܘܢ ܕܒܝܬ ܐܝܣܪܝܠ܂
18:32	ܡܛܠ ܕܠܐ ܨ݁ܒܐ ܐܢܐ ܒܡܘܬܗ ܕܡܝܬܐ/ܕܚܛܝܐ#3#/ ‍<‍ܚܛܝܐ#3#‍>‍ ܐܡ݁ܪ ܡܪܐ ܡܪ̈ܘܬܐ܂ ܐܠܐ ܬܘܒܘ ܘܚܝܘ ܀