The Comprehensive Aramaic Lexicon

27:01	ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
27:02	ܐܢܬ ܕܝܢ ܒܪ ܐܢܫܐ܂ ܐܠܝ ܐܘܠܝܬܐ ܥܠ ܨܘܪ܂
27:03	ܘܐܡܪ ܠܨܘܪ ܕܝܬ݁ܒܐ ܒܡܥܠܢܐ ܕܝܡܐ܂ ܬܐܓܘܪܬܐ ܕܥܡ̈ܡܐ ܘܕܓܙܪ̈ܬܐ/ܘܓܙܪ̈ܬܐ#3#/ ܣ̈ܓܝܐܬܐ܂ ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܨܘܪ܂ ܐܢܬܝ ܐܡܪܬܝ ܕܐܢܐ ܐܢܐ ܟܠܝܠܐ ܕܫܘܒܚܐ܂
27:04	ܬܚ̈ܘܡܝܟܝ ܒܠܒܐ ܕܝܡ̈ܡܐ ܘܒ̈ܢܝܟܝ ܫܟܠܠܘ ܫܘܦܪܟܝ܂
27:05	ܥܪ̈ܩܐ ܘܕܦ̈ܐ ܐܝܬܝܘ ܠܟܝ ܡܢ ܣܢܝܪ܂ ܘܐܪ̈ܙܐ ܡܢ ܠܒܢܢ ܢܣܒܘ ܕܢܥܒܕܘܢ ܠܟܝ ‍{‍ܥܕܪ̈ܐ‍}‍‍<‍ܥܪܕ̈ܐ‍>‍܂

27:06	ܘܡܢ ܒ̈ܠܘܛܐ ܕܒܝܫܢ ܥܒܕܘ ܠܩ̈ܝܟܝ܂ ܘܕܦܝ̈ܟܝ ܥܒܕܘ ܕܫܢܐ ܕܦܝܠܐ ܡܢ ܓܙܪ̈ܬܐ ܕܟܬ̈ܝܐ܂

27:07	ܘܩܪ̈ܡܐ ܕܒܘܨܐ ܕܨܒܬܟܝ ܐܝܬܝܘ ܡܢ ܡܨܪܝܢ܂ ܕܢܗܘܐ ܠܟܝ ܐܬܐ܂ ܬܟܠܬܐ ܘܐܪܓܘܢܐ ܐܝܬܝܘ ܠܟܝ ܡܢ ܓܙܪ̈ܬܐ ܕܐܠܣ ܠܬܟܣܝܬܟܝ܂
27:08	ܥܡܘܪ̈ܐ ܕܨܝܕܢ ܘܕܐܪܘܕ/ܘܐܪܘܕ#3#/ ܗܘܘ ܕܒܪ̈ܝ ܠܩ̈ܝܟܝ܂ ܚܟ̈ܝܡܝܟܝ ܨܘܪ ܗܘܘ ܡ̈ܠܚܝܟܝ܂
27:09	ܣܒ̈ܐ ܕܓܒܠ ܘܚ̈ܟܝܡܝܗ݀ ܗܘܘ ܒ̈ܕܩܝ ܒܕܩܝ̈ܟܝ܂ ܣ̈ܦܝܢܐ ܟܠܗܝܢ ܕܝܡܐ ܘܡ̈ܠܚܝܗܝܢ ܗܘܘ ܡܢ ܡܥܪ̈ܒܝܟܝ܂
27:10	ܦܪ̈ܣܝܐ ܘܠܘܕ̈ܝܐ ܘܦܘ̈ܛܝܐ ܓܒܪ̈ܐ ܩܪ̈ܒܬܢܐ ܗܘܘ ܒܚ̈ܝܠܝܟܝ܂ ܣܟܪ̈ܐ ܘܣܢܘܪ̈ܬܐ ܬܠܘ ܒܟܝ܂ ܘܗܘܘ ܠܟܝ ܫܘܒܚܐ܂
27:11	ܒܢ̈ܝ ܐܪܘܕ ܘܚܝ̈ܠܝܟܝ ܩܝ݁ܡܝܢ ܗܘܘ ܥܠ ܫܘܪ̈ܝܟܝ ܘܢ݁ܛܪܝܢ ܡ̈ܓܕܠܝܟܝ/ܒܡ̈ܓܕܠܝܟ#3#/܂ ܫ̈ܠܛܝܗܘܢ ܬܠܘ ܥܠ ܫܘܪ̈ܝܟܝ ܟܕ ܚܕܪܝܢ ܘܫܡܠܝܘ ܫܘܦܪܟܝ܂
27:12	ܬܪܫܝܫ ܒܝܬ ܬܐܓܘܪܬܟܝ ܘܣܘܓܐܐ ܕܥܘܬܪܟܝ܂ ܣܐܡܐ ܘܦܪܙܠܐ ܘܐܢܟܐ ܘܐܒܪܐ ܐܝܬܝܘ ܠܟܝ ܠܙܒܢ݂ܐ܂
27:13	ܝܘܢ ܘܬܘܒܝܠ ܘܡܫܟ ܬܓܪ̈ܝܟܝ܂ ܒܢ̈ܦܫܬܐ ܕܒܢ̈ܝ ܐܢܫܐ ܘܡ̈ܐܢܐ ܕܢܚܫܐ܂
27:14	ܡܢ ܒܝܬ ܬܘܓܪܡܐ܂ ܪ̈ܟܫܐ ܘܦܪ̈ܫܐ ܘܟܘ̈ܕܢܘܬܐ ܐܝܬܝܘ ܠܟܝ ܠܙܒ݂ܢܐ܂
27:15	ܒܢ̈ܝ ܕܪܢ ܬܓܪ̈ܝܟܝ܂ ܘܓܙܪ̈ܬܐ ܣܓܝܐ̈ܬܐ ܒܝܬ ܬܐܓܘܪܬܐ ܕܐ̈ܝܕܝܟܝ܂ ܩܪ̈ܢܬܐ ܕܡܫܚܐ ܘܠܒܘܢܬܐ ܐܝܬܝܘ ܠܟܝ ܩܘܪ̈ܒܢܐ܂
27:16	ܐܕܘܡ ܒܝܬ ܬܐܓܘܪܬܟܝ ܘܣܘܓܐܐ ܕܥܒ݁ܕܝ̈ܟܝ܂ ܐܪܓܘܢܐ ܘܒܘܨܐ ܘܦܬܟܐ ܘܬܟܠܬܐ ܘܫܪܝܐ ܘܦܬܘܬܟܐ ܐܝܬܝܘ ܠܟܝ ܠܙܒܢ݂ܐ܂
27:17	ܝܗܘܕܐ ܘܐܪܥܐ ܕܐܝܣܪܐܝܠ܂ ܗܢܘܢ ܐܢܘܢ ܬܓܪ̈ܝܟܝ܂ ܚ̈ܛܐ ܘܪܘܙܐ ܘܕܘܚܢܐ ܘܕܒܫܐ ܘܡܫܚܐ ܘܪ̈ܗܛܢܐ/ܘܐܪ̈ܗܛܢܐ#3#/ ܐܝܬܝܘ ܠܟܝ ܠܙܒܢ݂ܐ܂
27:18	ܕܪܡܣܘܩ ܒܝܬ ܬܐܓܘܪܬܟܝ ܘܣܘܓܐܐ ܕܥܒ݁ܕܝ̈ܟܝ ܘܣܘܓܐܐ ܕܥܘܬܪܟܝ܂ ܒܚܡܪܐ ܫܡܝܢܐ ܘܒܥܡܪܐ/ܘܥܡܪܐ#3#/ ܚܘܪܐ܂
27:19	ܘܕܢ ܘܝܘܢ ܡܢ ܐܘܙܠ ܐܝܬܝܘ ܠܟܝ ܠܙܒܢ݂ܐ ܦܪܙܠܐ ܕܬܦܠܚܝܢ܂ ܘܩܝ̈ܣܐ ܘܩ̈ܢܝܐ ܐܝܬܝܘ ܠܟܝ ܠܙܒܢ݂ܐ܂
27:20	ܕܪܢ ܒܝܬ ܬܐܓܘܪܬܟܝ܂ ܐܝܬܝܘ ܠܟܝ ܣܘܓܐܐ ܕܒܥܝܪܐ ܛܪܩܬܐ܂
27:21	ܘܕܟܪ̈ܐ ܘܐܡܪ̈ܐ ܘܓ̈ܕܝܐ ܐܝܬܝܘ ܠܟܝ܂
27:22	ܬܓܪ̈ܐ ܕܫܒܐ ܘܕܪܥܡܐ܂ ܒܣ̈ܡܢܐ/ܒܣ̈ܡܡܢܐ#2#/ ܛܪ̈ܩܐ ܘܟܐ̈ܦܐ ܛܒ̈ܬܐ ܘܕܗܒܐ ܐܝܬܝܘ ܠܟܝ ܠܙܒܢ݂ܐ܂
27:23	ܚܪܢ ܘܟܢܐ ܘܥܕܢ ܬܓܪ̈ܝ ܫܒܐ܂ ܘܐܬܘܪ ܒܝܬ ܬܐܓܘܪܬܟܝ܂
27:24	ܗܠܝܢ ܐܢܘܢ ܬܓܪ̈ܝܟܝ܂ ܕܡܝܬܝܢ ܠܟܝ ܡܐ̈ܢܐ ܕܬܟܠܬܐ ܘܕܦܬܟܐ/ܘܦܬܟܐ#3#/܂ ܘܣ̈ܝܡܬܐ ܛܒ̈ܬܐ ܟܕ ܚ̈ܙܝܩܢ ܒܚ̈ܒܠܐ ܘܒܐ̈ܠܦܐ ܕܥܪܩܐ܂
27:25	ܒ̈ܢܝ ܬܪܫܝܫ ܕܒܡܥܪ̈ܒܝܟܝ ܐܝܬܝܘ ܠܟܝ ܡܘܒ̈ܠܐ܂ ܘܐܬܡܠܝܬܝ ܘܥܫܢܬܝ ܛܒ܂
27:26	ܘܒܠܒܐ ܕܝܡ̈ܡܐ ܘܒܡ̈ܝܐ ܣܓ̈ܝܐܐ ܐܥܠܘܟܝ ܕܒܪ̈ܝ ܠܩ̈ܝܟܝ܂ ܪܘܚܐ ܕܫܘܒܐ ܬܒܪܬܟܝ ܒܠܒܐ ܕܝܡ̈ܡܐ܂
27:27	ܘܥܘܬܪܟܝ ܘܐܓܪܟܝ ܕܡܢ ܡܥܪ̈ܒܝܟܝ܂ ܟܠܗܘܢ ܓܒܪ̈ܐ ܩܪ̈ܒܬܢܝܟܝ ܘܡܠܚ̈ܝܟܝ ܘܒ̈ܕܩܝ ܒܕܩ̈ܝܟܝ ܕܡܢ ܡܥܪ̈ܒܝܟܝ܂ ܟܠܗܘܢ ܓܒܪ̈ܐ ܩܪ̈ܒܬܢܝܟܝ ܘܟܠܗ ܟܢܫܐ ܕܒܓܘܟܝ܂ ܢܦܠܘܢ ܒܠܒܐ ܕܝܡ̈ܡܐ ܒܝܘܡܐ ܕܡܦܘܠܬܟܝ܂
27:28	ܠܩܠܐ ܕܐܝܠܠܬܐ ܕܣ̈ܦܢܝܟܝ/ܕܣܦ̈ܝܢܝܟܝ#3#/ ܢܙܘܥܘܢ ܕܚܕܪܝܟܝ܂
27:29	ܘܢܚܬܘܢ ܡܢ ܣܦܝܢ̈ܝܗܘܢ ܟܠܗܘܢ ܕܒܪ̈ܝ ܠܩ̈ܐ/ܠܝܩ̈ܝܟܝ#3#/܂ ܘܡ̈ܠܚܐ ܘܟܠܗܘܢ ܣ̈ܦܢܐ ܕܝܡܐ/ܕܝܡܡܐ#3#/ ܒܐܪܥܐ ܢܩܘܡܘܢ܂
27:30	ܘܢܝܠܠܘܢ ܥܠܝܟܝ ܝܠܠܬܐ ܪܒܬܐ ܘܡܪܝܪܬܐ܂ ܘܢܪܡܘܢ ܥܦܪܐ ܒܪ̈ܝܫܝܗܘܢ ܘܢܬܦܠܦܠܘܢ ܒܩܛܡܐ܂
27:31	ܘܢܓܙܘܢ ܥܠܝܟܝ ܪ̈ܝܫܝܗܘܢ ܘܢܬܟܒܢܘܢ ܣܩ̈ܐ܂ ܘܢܒܟܘܢ ܥܠܝܟܝ ܡܪܝܪܐܝܬ ܒܡܪ̈ܩܕܬܐ܂
27:32	ܘܢܐܠܘܢ ܥܠܝܟܝ ܒܢܝܗܘܢ ܐ̈ܘܠܝܬܐ ܘܢܐܡܪܘܢ܂ ܡ݁ܢ \ܗܝ ܐܝܬ ܗܘܬ /ܐܢܬܝ ܗܘܝܬ#3#/ ܐܝܟ ܨܘܪ ܕܝܬ݁ܒܐ ܗܘܬ ܒܓܘ ܝܡܐ܂
27:33	ܟܕ ܢܦܩ ܩܢܝܢܟܝ ܡܢ ܝܡܐ܂ ܐܣܒܥܬܝ ܥܡ̈ܡܐ ܣ̈ܓܝܐܐ܂ ܘܡܢ ܣܘܓܐܐ ܕܥܘܬܪܟܝ ܘܕܬܐܓܘܪܬܟܝ ܐܥܬܪܬܝ ܡ̈ܠܟܐ ܕܐܪܥܐ܂
27:34	ܒܙ݁ܒܢܐ ܕܐܬܬܒܪܬܝ ܘܢܦܠܬܝ ܒܥ̈ܘܡܩܘܗܝ ܕܝܡܐ܂ ܬܐܓܘܪܬܟܝ ܘܟܠܗ ܟܢܫܟܝ ܢܦܠܘ ܒܓܘܟܝ܂
27:35	ܟܠܗܘܢ ܥܡܪ̈ܝ ܓܙܪ̈ܬܐ ܬܡܗܘ ܥܠܝܟܝ܂ ܘܡ̈ܠܟܝܗܘܢ ܬܘܪܘ ܘܕܡܥܘ ܐ̈ܦܝܗܘܢ܂
27:36	ܬܓܪ̈ܐ ܕܥܡ̈ܡܐ ܐܫܪܩܘ ܥܠܝܟܝ܂ ܠܐܒܕܢܐ ܗܘܝܬܝ ܘܠܝܬ ܐܢܬܝ ܠܥܠܡ܂