← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62014: P Ez

Click on a word for lexical analysis
Click on a red-colored coordinate for comments and/or translations of the line

previous chapter


29:01 ܒܫܢܬܐ ܥܣܝܪܝܬܐ ܒܝܪܚܐ ܕܥܣܪܐ ܒܬܪܥܣܪܐ܂ ܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
29:02 ܒܪܢܫܐ ܣܝܡ ܐ̈ܦܝܟ ܥܠ ܦܪܥܘܢ ܡܠܟܐ ܕܡܨܪܝܢ ‍<‍ܘܐܡܪ#3#‍>‍ ܘܐܬܢܒܐ ܥܠܘܗܝ܂ ܘܥܠ ܟܠܗ݀ ܡܨܪܝܢ܂
29:03 ܡܠܠ ܘܐܡܪ܂ ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܗܐ ܐܢܐ ܥܠܝܟ ܦܪܥܘܢ ܡܠܟܐ ܕܡܨܪܝܢ܂ ܬܢܝܢܐ ܪܒܐ ܕܪܒܝܥ ܒܓܘ ܢܗܪ̈ܘܬܐ܂ ܘܐܡ݁ܪ ܕܕܝܠܝ/ܕܝܠܝ#3#/ ܗܘ ܢܗܪܐ ܘܐܢܐ ܥܒ݁ܕܬܗ܂
29:04 ܐܢܐ ܐܪܡܐ ܒܠܡܐ ܒܦܟܝ̈ܟ ܘܐܕܒܩ ܒ̈ܓܦܝܟ ܢܘ̈ܢܐ ܕܢܗܪܟ܂ ܘܐܣܩܟ ܡܢ ܓܘ ܢܗܪܟ܂ ܘܟܠܗܘܢ ܢܘ̈ܢܐ ܕܢܗܪܟ ܒܓܦܝ̈ܟ ܢܕܒܩܘܢ܂
29:05 ܘܐܪܡܝܟ ܒܡܕܒܪܐ ܠܟ ܘܠܟܠܗܘܢ ܢܘ̈ܢܐ ܕܢܗܪܟ܂ ܘܥܠ ܐ̈ܦܝ ܚܩܠܐ ܬܦܠ܂ ܘܠܐ ܬܬܟܢܫ ܘܠܐ ܬܬܚܡܠ܂ ܠܚܝܘܬܐ ܕܕܒܪܐ/ܕܐܪܥܐ#3#/ ܘܠܦܪܚܬܐ ܕܫܡܝܐ ܝܗܒ݁ܬܟ ܠܡܐܟܘܠܬܐ܂
29:06 ܘܢܕܥܘܢ ܟܠܗܘܢ ‍<‍ܥܡ̈ܡܐ#3#‍>‍ ܥܡܘܪ̈ܝܗ݀ ܕܡܨܪܝܢ ܕܐܢܐ ܐܢܐ ܡܪܝܐ܂ ܥܠ ܕܗܘܝܬ ܐܝܟ ܚܘܛܪܐ ܕܩܢܝܐ ܠܕܒܝܬ ܐܝܣܪܝܠ܂
29:07 \ܟܕ ܐܚܕܘܟ /ܘܕܐܚܕܘܟ#3#/ ܒܐ̈ܝܕܝܗܘܢ ܒܙܥܬ ܐ̈ܝܕܝܗܘܢ܂ ܘܟܕ ܐܣܬܡܟܘ ܥܠܝܟ܂ ܐܬܬܒܪܬ ܘܐܪܥܠܬ ܚܨ̈ܝܗܘܢ܂
29:08 ܡܛܠ ܗܢܐ ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܗܐ ܡܝܬܐ ܐܢܐ ܥܠܝܟ ܚܪܒܐ܂ \ܘܐܘܒܕ ܡܢܟ /ܘܡܘܒܕ ܐܢܐ ܡܢܟܝ#3#/ ܒܢ̈ܝ ܐܢܫܐ ܘܒܥܝܪܐ܂
29:09 ܘܬܗܘܐ ܐܪܥܐ ܕܡܨܪܝܢ ܠܚܒܠܐ ܘܠܚܘܪܒܐ܂ ܘܢܕܥܘܢ ܕܐܢܐ ܐܢܐ ܡܪܝܐ܂ ܥܠ ܕܐܡ݁ܪܬ ܕܕܝܠܝ/ܕܝܠܝ#3#/ ܗܘ ܢܗܪܐ ܘܐܢܐ ܥܒ݁ܕܬܗ܂
29:10 ܡܛܠ ܗܢܐ ܗܐ ܐܢܐ ܥܠܝܟ ܘܥܠ ܢܗܪܟ܂ ܘܐܬܠܝܗ݀ ܠܐܪܥܐ ܕܡܨܪܝܢ ܠܚܒܠܐ ܘܠܚܘܪܒܐ܂ ܡܢ ܡܓܕܠܐ ܕܣܘܢܐ ܘܥܕܡܐ ܠܬܚܘܡܐ ܕܟܘܫ܂
29:11 ܠܐ ܬܥܒܪ ܒܗ݀ ܪܓܠܐ ܕܒܪܢܫܐ܂ ܘܐܦܠܐ ܦܪܣܬܐ ܕܒܥܝܪܐ܂ ܘܠܐ ܬܬܒ ܐܪ̈ܒܥܝܢ ܫ̈ܢܝܢ܂
29:12 ܘܐܬܠܝܗ݀ ܠܐܪܥܐ ܕܡܨܪܝܢ ܠܚܒܠܐ ܒܝܢܬ ܡܕܝܢ̈ܬܐ ܕܨ̈ܕܝܢ܂ ܘܢܗ̈ܘܝܢ ܡܕܝܢ̈ܬܗ݀ ܠܚܒܠܐ ܐܪ̈ܒܥܝܢ ܫ̈ܢܝܢ܂ ܒܝܢܬ ܡܕܝ̈ܢܬܐ ܕܚܪ̈ܒܢ܂ ܘܐܒܕܪܝܗ݀ ܠܡܨܪܝܢ ܒܥܡ̈ܡܐ܂ ܘܐܕܪܐ ܐܢܘܢ ܒܡ̈ܕܝܢܬܐ ܀܂
29:13 ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܒܬܪ ܐܪ̈ܒܥܝܢ ܫܢ̈ܝܢ܂ ܐܟܢܫ ܐܢܘܢ ܠܡܨܪ̈ܝܐ ܡܢ ܥܡ̈ܡܐ ܕܐܬܒܕܪܘ ܒܝܢܬܗܘܢ܂
29:14 ܘܐܗܦܟ ܫܒܝܬܗ݀ ܕܡܨܪܝܢ܂ ܘܐܘܬܒ ܐܢܘܢ ܒܐܪܥܐ ܕܦܬܪܘܣ܂ ܒܐܪܥܐ ܕܐܙܕܒܢܘ ܡܢܗ݀܂ ܘܢܗܘܘܢ ܬܡܢ ܡܠܟܘܬܐ ܡܟܝܟܬܐ܂
29:15 ܘܬܗܘܐ ܡܟܝܟܐ ܡܢ ܟܠܗܝܢ ܡ̈ܠܟܘܬܐ܂ ܘܬܘܒ ܠܐ ܬܫܬܩܠ ܥܠ ܥܡ̈ܡܐ܂ ܘܐܙܥܪ ܐܢܘܢ ܕܠܐ ܢܫܥܒܕܘܢ ܠܥܡ̈ܡܐ܂
29:16 ܘܬܘܒ ܠܐ ܢܗܘܘܢ ܠܕܒܝܬ ܐܝܣܪܝܠ ܠܣܒܪܐ ܘܠܥܘܗܕܢܐ ܕܥܘ݂ܠܐ܂ ܥܠ ܕܐܙܠܘ ܒܬܪܗܘܢ܂ ܘܢܕܥܘܢ ܕܐܢܐ ܐܢܐ ܡܪܐ ܡܪ̈ܘܬܐ܂
29:17 ܒܥܣܪ̈ܝܢ ܘܫܒܥ ܫ̈ܢܝܢ܂ ܒܝܪܚܐ ܩܕܡܝܐ ܒܚܕ ܒܝܪܚܐ܂ ܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
29:18 ܒܪܢܫܐ܂ ܢܒܘܟܕܢܨܪ ܡܠܟܐ ܕܒܒܠ܂ ܫܥܒܕ ܠܟܠܗ ܚܝܠܗ ܫܘܥܒܕܐ ܪܒܐ ܥܠ ܨܘܪ܂ ܒܟܠ/ܟܠ#3#/ ܪܝܫ ܩܘ̈ܕܚܬܐ܂ ܘܟܠ ܟܬܦ ܚܠܝܨܐ܂ ܘܐܓܪܐ ܠܐ ܐܬܝܗܒ ܠܗ܂ ܘܠܚܝܠܗ ܡܢ/ܥܠ#3#/ ܨܘܪ ܥܠ ܫܘܥܒܕܐ ܕܫܥܒܕܗ ܀
29:19 ܡܛܠ ܗܢܐ ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܗܐ ܝܗ݀ܒ ܐܢܐ ܠܢܒܘܟܕܢܨܪ ܡܠܟܐ ܕܒܒܠ ܐܪܥܐ ܕܡܨܪܝܢ܂ ܘܢܫܩܘܠ ܩܢܝܢܗ݀ ܘܢܫܒܐ ܫܒܝܬܗ݀ ܘܢܒܘܙ ܒܙܬܗ݀܂ ܘܬܗܘܐ ܐܓܪܐ ܠܚܝܠܗ܂
29:20 ܘܚܠܦ ܦܥܠܘܬܐ ܕܥܒܕ ܒܨܘܪ܂ ܝܗ݀ܒܬ ܠܗ ܐܪܥܐ ܕܡܨܪܝܢ ܐܡ݁ܪ ܡܪܐ ܡܪ̈ܘܬܐ܂
29:21 ܒܗ ܒܝܘܡܐ ܗ݀ܘ܂ ܐ݁ܕܢܚ ܩܪܢܐ ܠܕܒܝܬ ܐܝܣܪܝܠ܂ ܘܐܦܬܚ ܦܘܡܟ ܒܝܢܬܗܘܢ܂ ܘܢܕܥܘܢ ܕܐܢܐ ܐܢܐ ܡܪܐ ܡܪ̈ܘܬܐ ܀܂

next chapter