← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62014: P Ez

Click on a word for lexical analysis
Click on a red-colored coordinate for comments and/or translations of the line

previous chapter


37:01 ܘܗܘܬ ܥܠܝ ܐܝܕܗ ܕܡܪܝܐ܂ ܘܐܦܩܢܝ ܒܪܘܚܗ ܡܪܝܐ/ܕܡܪܝܐ#3#/܂ ܘܐܫܪܝܢܝ ܒܦܩܥܬܐ ܘܡܠܝܐ/ܕܡܠܝܐ#3#/ ܗܘܬ ܓܪ̈ܡܐ܂
37:02 ܘܐܥܒܪܢܝ ܥܠܝܗܘܢ ܚܕܪ̈ܝܗܘܢ܂ ܘܚܙ݁ܝܬ ܕܣܓܝܐܝܢ ܛܒ ܒܦܩܥܬܐ ܘܛܒ ܝܒܝܫܝܢ܂
37:03 ܘܐܡܪ ܠܝ܂ ܒܪܢܫܐ܂ ܚܐ݁ܝܢ ܓܪ̈ܡܐ ܗܠܝܢ܂ ܘܐܡ݁ܪܬ܂ ܐܢܬ ܗܘ ܝܕܥ݁ ܡܪܐ ܡܪ̈ܘܬܐ܂
37:04 ܘܐܡܪ ܠܝ܂ ܐܬܢܒܐ ܥܠ ܓܪ̈ܡܐ ܗܠܝܢ ܘܐܡܪ ܠܗܘܢ ܓܪ̈ܡܐ ܝܒܝܫ̈ܐ܂ ܫܡܥܘ ܦܬܓܡܗ ܕܡܪܝܐ܂
37:05 ܗܟܢܐ ܐܡ݁ܪ ܡܪܐ ܡܪ̈ܘܬܐ ܠܓܪ̈ܡܐ ܗܠܝܢ܂ ܗܐ ܐܢܐ ܡܥܠ ܐܢܐ ܒܟܘܢ ܪܘܚܐ ܘܬܚܘܢ܂
37:06 ܘܐܬܠ ܥܠܝܟܘܢ ܓܝ̈ܕܐ܂ ܘܐܣܩ ܥܠܝܟܘܢ ܒܣܪܐ܂ ܘܐܩܪܘܡ ܥܠܝܟܘܢ ܡܫܟܐ܂ ܘܐܬܠ ܒܟܘܢ ܪܘܚܐ ܘܬܚܘܢ܂ ܘܬܕܥܘܢ ܕܐܢܐ ܐܢܐ ܡܪܝܐ܂
37:07 ܘܐܬܢܒܝ݁ܬ ܐܝܟ/ܐܝܟܢܐ#3#/ ܕܦܩܕܢܝ܂ ܘܟܕ ܐܬܢܒܝ݁ܬ܂ ܗܘܐ ܩܠܐ ܘܙܘܥܐ܂ ܘܩܪܒܘ ܓܪ̈ܡܐ ܓܪܡܐ ܠܘܬ ܫܪܝܬܗ܂
37:08 ܘܚܙ݁ܝܬ ܕܣܠܩ ܥܠܝܗܘܢ ܓܝ̈ܕܐ ܘܒܣܪܐ ܘܐܬܩܪܡ ܥܠܝܗܘܢ ܡܫܟܐ ܡܢ ܠܥܠ܂ ܘܪܘܚܐ ܠܝܬ ܗܘܬ ܒܗܘܢ܂
37:09 ܘܐܡܪ ܠܝ܂ ܐܬܢܒܐ ܥܠ ܪܘܚܐ܂ ܐܬܢܒܐ ܒܪܢܫܐ ‍<‍ܥܠ ܪܘܚܐ#3#‍>‍ ܘܐܡܪ ܠܪܘܚܐ܂ ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܬܝ ܪܘܚܐ ܡܢ ܐܪ̈ܒܥ ܪ̈ܘܚܐ܂ ܘܦܘܚܝ ܒܗܠܝܢ ܩ̈ܛܝܠܐ ܘܢܚܘܢ܂
37:10 ܘܐܬܢܒܝ݁ܬ ܐܝܟ ܕܦܩܕܢܝ܂ ܘܥܠܬ ܒܗܘܢ ܪܘܚܐ ܘܚܝܘ܂ ܘܩܡܘ ܥܠ ܪ̈ܓܠܝܗܘܢ܂ ܚܝܠܐ ܕܛܒ ܣܓܝ܂
37:11 ܘܐܡܪ ܠܝ ܒܪܢܫܐ܂ ܗܠܝܢ ܓܪ̈ܡܐ ܟܠܗܘܢ ܕܒܢ̈ܝ ܐܝܣܪܝܠ ܐܢܘܢ܂ ܕܐܡ݁ܪܝܢ ܗܘܘ ܝܒܫܘ ܓܪ̈ܡܝܢ ܘܐܒܕ ܣܒܪܢ ܘܒܛܠܢ ܠܢ܂
37:12 ܡܛܠ ܗܢܐ ܐܬܢܒܐ ܘܐܡܪ ܠܗܘܢ܂ ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܗܐ ܦܬ݁ܚ ܐܢܐ ܩܒܪ̈ܝܟܘܢ܂ ܘܡܣܩ ܐܢܐ ܠܟܘܢ ܡܢ ܩܒܪ̈ܝܟܘܢ܂ ܘܡܝܬܐ ܐܢܐ ܠܟܘܢ ܠܐܪܥܐ ܕܐܝܣܪܝܠ܂
37:13 ܘܬܕܥܘܢ ܕܐܢܐ ܐܢܐ ܡܪܝܐ܂ ܡܐ ܕܦܬ݁ܚܬ ܩܒܪ̈ܝܟܘܢ܂ ܘܡܐ ܕܐܣܩ݁ܬܟܘܢ ܡܢ ܩܒܪ̈ܝܟܘܢ܂
37:14 ܐܬܠ ܪܘܚܝ ܒܟܘܢ ܘܬܚܘܢ܂ ܘܐܫܒܘܩܟܘܢ ܒܐܪܥܟܘܢ܂ ܘܬܕܥܘܢ ܕܐܢܐ ܐܢܐ ܡܪܝܐ܂ ܐܡ݁ܪܬ ܘܥܒ݁ܕ ܐܢܐ܂ ܐܡ݁ܪ ܡܪܐ ܡܪ̈ܘܬܐ܂
37:15 ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
37:16 ܐܢܬ ܕܝܢ ܒܪ ܐܢܫܐ܂ ܣܒ ܠܟ ܩܝܣܐ ܚܕ܂ ܘܟܬܘܒ ܥܠܘܗܝ ܝܗܘܕܐ܂ ܘܒܢ̈ܝ ܐܝܣܪܐܝܠ ܚܒܪ̈ܘܗܝ܂ ܘܣܒ ܩܝܣܐ ܐܚܪܢܐ܂ ܘܟܬܘܒ ܥܠܘܗܝ ܝܘܣܦ ܒܩܝܣܐ ܕܐܦܪܝܡ܂ ܘܟܠܗܘܢ ܒܢ̈ܝ ܐܝܣܪܝܠ ܚܒܪ̈ܘܗܝ܂
37:17 ܘܩܪܒ ܐܢܘܢ ܚܕ ܠܘܬ ܚܕ܂ ܘܢܗܘܘܢ ܚܕ ܩܝܣ ܒܐܝܕܟ܂
37:18 ܘܐܢ ܐܡܪܘ ܠܟ ܒ̈ܢܝ ܥܡܟ ܚܘܢ ܡܢܐ ܐ̈ܢܝܢ ܗܠܝܢ܂
37:19 ܐܡܪ ܠܗܘܢ܂ ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܗܐ ‍<‍ܐܢܐ#3#‍>‍ ܢܣ݁ܒ ܐܢܐ ܩܝܣܐ ܕܝܘܣܦ ܕܒܐܝܕܗ ܕܐܦܪܝܡ܂ ܘܫ̈ܒܛܐ ܕܐܝܣܪܝܠ/ܕܒܢ̈ܝ ܐܝܣܪܝܠ#3#/ ܚܒܪ̈ܘܗܝ܂ ܘܐܬܠ ܐܢܘܢ ܥܡ/ܥܠ#3#/ ܩܝܣܐ ܕܝܗܘܕܐ܂ ܘܐܥܒܕ ܐܢܘܢ ܚܕ ܩܝܣ܂ ܘܢܗܘܘܢ ܚܕ ܒܐܝܕܝ܂
37:20 ܘܩܝܣ̈ܐ ܕܟܬ݁ܒ ܐܢܬ/ܐܢܐ#2#/ ܥܠܝܗܘܢ܂ ܐܚܘܕ ܐܢܘܢ ܒܐܝܕܟ ܠܥܢܝ̈ܗܘܢ܂
37:21 ܘܐܡܪ ܠܗܘܢ܂ ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܗܐ ܢܣ݁ܒ ܐܢܐ ܠܒܢ̈ܝ ܐܝܣܪܝܠ ܡܢ ܒܝܢܬ ܥܡ̈ܡܐ ܕܐܙܠܘ ܠܘܬܗܘܢ/ܒܬܪܗܘܢ#3#/܂ ܘܐܟܢܫ ܐܢܘܢ ܘܐܝܬܐ ܐܢܘܢ ܠܐܪܥܗܘܢ܂
37:22 ܘܐܥܒܕ ܐܢܘܢ ܥܡܐ ܚܕ ܒܐܪܥܐ܂ ܒܛܘܪ̈ܐ ܕܐܝܣܪܝܠ܂ ܘܚܕ ܡܠܟܐ ܢܗܘܐ ܠܟܠܗܘܢ/ܠܗܘܢ#3#/܂ ܘܬܘܒ ܠܐ ܢܗܘܘܢ ܬܪ̈ܝܢ ܥܡ̈ܡܝܢ܂ ܘܬܘܒ ܠܐ ܢܬܦܠܓܘܢ ܠܬܪ̈ܬܝܢ ܡ̈ܠܟܘܢ܂
37:23 ܘܬܘܒ ܠܐ ܢܬܛܢܦܘܢ ܒܦܬܟܪ̈ܝܗܘܢ܂ ܘܒ̈ܛܢܦܘܬܗܘܢ ܘܒܟܠܗ ܥܘ݂ܠܗܘܢ܂ ܘܐܦܪܘܩ/ܘܐܦܩ#3#/ ܐܢܘܢ ܡܢ ܟܠܗ ܒܝܬ ܡܥܡܪܗܘܢ ܕܚܛܘ ܒܗ܂ ܘܐܕܟܐ ܐܢܘܢ ܘܢܗܘܘܢ ܠܝ ܥܡܐ܂ ܘܐܢܐ ܐܗܘܐ ܠܗܘܢ ܐܠܗܐ܂
37:24 ܘܥܒ݂ܕܝ ܕܘܝܕ ܢܡܠܟ ܥܠܝܗܘܢ܂ ܘܪܥܝ݁ܐ ܚܕ ܢܗܘܐ ܠܟܠܗܘܢ܂ ܘܒܕܝܢ̈ܝ ܢܗܠܟܘܢ܂ ܘܦܘܩ̈ܕܢܝ ܢܛܪܘܢ ܘܢܥܒܕܘܢ ܐܢܘܢ܂
37:25 ܘܢܬܒܘܢ ܒܐܪܥܐ ܕܝܗ݀ܒܬ ܠܥܒܕܝ ܝܥܩܘܒ܂ ܕܝܬܒܘ ܒܗ݀ ܐ̈ܒܗܝܗܘܢ܂ ܘܢܬܒܘܢ ܒܗ݀ ܗܢܘܢ ܘܒ̈ܢܝܗܘܢ ܘܒܢ̈ܝ ܒ̈ܢܝܗܘܢ ܠܥܠܡ܂ ܘܕܘܝܕ ܥܒ݂ܕܝ ܢܗܘܐ ܠܗܘܢ ܡܕܒܪܢܐ ܠܥܠܡ܂
37:26 ܘܐܩܝܡ ܠܗܘܢ ܩܝܡܐ ܕܫܠܡܐ ‍<‍ܘܐܗܘܐ ܠܗܘܢ ܐܠܗܐ#3#‍>‍܂ ܘܩܝܡܐ ܕܥܠܡ/ܠܥܠܡ#3#/ ܢܗܘܐ ܥܡܗܘܢ܂ ܘܐܣܓܐ ܐܢܘܢ܂ ܘܐܬܠ ܡܩܕܫܝ ܒܝܢܬܗܘܢ ܠܥܠܡ܂
37:27 ܘܢܗܘܐ ܒܝܬ ܡܫܪܝ ܒܗܘܢ ‍<‍ܘܐܗܘܐ ܠܗܘܢ ܐܠܗܐ#3#‍>‍܂ ܘܗܢܘܢ ܢܗܘܘܢ ܠܝ ܥܡܐ܂
37:28 ܘܢܕܥܘܢ ܥܡ̈ܡܐ ܕܐܢܐ ܐܢܐ ܡܪܝܐ ܕܡܩܕܫ ܐܢܐ ܠܐܝܣܪܝܠ܂ ܡܐ ܕܗܘܐ ܒܗܘܢ ܡܩܕܫܝ ܠܥܠܡ܂

next chapter