The Comprehensive Aramaic Lexicon

45:01	ܘܡܐ ܕܡܦܠܓܝܢ ܐܢܬܘܢ ܐܪܥܐ܂ ܦܪܘܫܘ ܦܘܪܫܢܐ ܠܡܪܝܐ܂ ܘܩܕܫܘ ܡܢ ܐܪܥܐ܂ ܘܢܗܘܐ ܐܘܪܟܗ݀ ܥܣܪ̈ܝܢ ܘܚܡܫܐ ܐ̈ܠܦܝܢ܂ ܘܦܬܝܗ݀ ܥܣܪܐ ܐ̈ܠܦܝܢ܂ ܘܢܗܘܘܢ ܩܕܝܫ̈ܝܢ ܟܠܗܘܢ ܬܚ̈ܘܡܝܗ݀ ܟܕ ܚܕܪ̈ܝܢ ܠܗ݀܂
45:02	ܘܬܗܘܐ ܠܡܩܕܫܐ ܚܡܫܡܐܐ ܒܚܡܫܡܐܐ܂ ܘܬܗܘܐ ܡܪܒܥܐ ܟܕ ܚ݁ܕܪܐ܂ ܘܚܡܫܝܢ ܐ̈ܡܝܢ ܫܛܚܗ݀܂
45:03	ܘܡܢ ܗܕܐ ܡܫܘܚܬܐ܂ ܐܘܪܟܐ ܥܣܪ̈ܝܢ ܘܚܡܫܐ ܐ̈ܠܦܝܢ܂ ܘܦܬܝܐ ܥܣܪܐ ܐ̈ܠܦܝܢ܂ ܘܒܗ݀ ܢܗܘܐ ܩܕܘܫ ܩܘܕܫ̈ܐ܂
45:04	ܘܩܘܕܫܐ ܕܐܪܥܐ܂ ܢܗܘܐ ܠܟܗ̈ܢܐ ܕܡܫܡܫܝܢ ܒܡܩܕܫܗ/ܠܡܩܕܫܗ#3#/ ܕܡܪܝܐ܂ ܘܡܬܩܪܒܝܢ ܠܡܫܡܫܘܬܗ ܠܡܪܝܐ܂ ܘܢܗܘܐ ܠܗܘܢ ܐܬܪܐ ܠܒܬ̈ܐ ܘܡܩܕܫܐ ܠܡܩ̈ܕܫܐ܂
45:05	ܘܢܗܘܐ ܥܣܪ̈ܝܢ ܘܚܡܫܐ ܐ̈ܠܦܝܢ ܐܘܪܟܐ܂ ܘܥܣܪ̈ܐ ܐ̈ܠܦܝܢ ܦܬܝܐ܂ ܘܢܗܘܐ ܝܘܪܬܢܐ ܠܠܘ̈ܝܐ ܕܡܫܡܫܝܢ ܒܝܬܐ/ܒܒܝܬܐ#3#/܂ ܥܣܪ̈ܝܢ ܒܬ̈ܝܢ܂
45:06	ܝܘܪܬܢܐ ܕܡܕܝܢܬܐ܂ ܚܡܫܐ ܐ̈ܠܦܝܢ ܦܬܝܐ܂ ܘܐܘܪܟܐ ܥܣܪ̈ܝܢ ܘܚܡܫܐ ܐ̈ܠܦܝܢ܂ ܠܘܩܒܠ ܦܘܪܫܢܐ ܕܡܩܕܫܐ ܢܗܘܐ ܠܟܠܗܘܢ ܕܒܝܬ ܐܝܣܪܝܠ܂
45:07	ܘܠܡܕܒܪܢܐ ‍<‍ܕܥܡܐ#3#‍>‍ ܠܦܘܪܫܢܐ ܕܩܘܕܫܐ ܘܠܝܘܪܬܢܐ ܕܡܕܝܢܬܐ܂ ܡܢ ܡܕܢܚܐ ܘܡܢ ܡܥܪܒܐ܂ ܘܐܘܪܟܐ ܢܗܘܐ ܠܘܩܒܠ ܦܠܓܘܬܐ܂ ܡܢ ܡܕܢܚܐ ܠܡܥܪܒܐ܂
45:08	ܢܗܘܐ ܝܘܪܬܢܐ ܠܒܢ̈ܝ ܐܝܣܪܝܠ܂ ܘܬܘܒ ܠܐ ܢܗܪܘܢ ܐܢܘܢ ܡܕܒܪ̈ܢܐ ܕܥܡܝ܂ ܘܐܪܥܐ ܢܬܠܘܢ ܠܒܢ̈ܝ ܐܝܣܪܝܠ ܠܫܪ̈ܒܬܗܘܢ ܀
45:09	ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܟܕܘ ܠܟܘܢ ܪܘܪ̈ܒܢܐ ܕܐܝܣܪܝܠ܂ ܐܥܒܪܘ ܡܢܟܘܢ ܚܛܘܦܝܐ ܘܒܙܬܐ܂ ܘܥܒܕܘ ܕܝܢܐ܂ ܘܙܕܝܩܘܬܐ܂ ܘܐܦܪܩܘ ܫܘܥܒܕܟܘܢ ܡܢ ܥܡܝ ܐܡ݁ܪ ܡܪܐ ܡܪ̈ܘܬܐ܂
45:10	ܡܣܐܬܐ ܕܩܘܫܬܐ ܘܟܝܠܬܐ/ܘܟܝܠܐ#3#/ ܕܩܘܫܬܐ܂ ܘܡܬ̈ܩܠܐ ܕܩܘܫܬܐ ܢܗܘܘܢ ܠܟܘܢ܂

45:11	ܟܝܠܬܐ ܘܡܬܩܠܐ ܬܩܢܘ܂ ܕܬܗܘܘܢ ܫܩ݁ܠܝܢ ܡܥܣܪ̈ܐ܂ ܚܕ ܡܢ ܥܣܪ̈ܐ ܫܘܝܐܝܬ܂

45:12	ܘܡܬܩ̈ܠܐ ܢܗܘܘܢ ܥܣܪ̈ܝܢ܂ ܡܬܩܠܐ ܡܢܗܘܢ ܥܣܪ̈ܝܢ ܘܚܡܫ ܡ̈ܥܝܢ܂ ܘܡܬܩܠܐ ܕܚܡܫܬܥܣܪ̈ ܢܗܘܐ ܠܟܘܢ ܡܢܝܐ܂
45:13	ܗܢܐ ܦܘܪܫܢܐ ܦܪܘܫܘ܂ ܚܕܐ ܡܢ ܫܬ ܡܢ̈ܘܬܗ ܕܟܘܪܐ ܕܚ̈ܛܐ܂ ܘܚܕܐ ܡܢ ܫܬ ܡ̈ܢܘܬܗ ܕܟܘܪܐ ܕܣܥܪ̈ܐ܂
45:14	ܘܡܫܚܐ ܡܢ ܥܣܪ ܟܝ̈ܠܢ ܕܗ݀ܘܐ/ܘܗܘܐ#3#/ ܟܘܪܐ܂ ܢܣܒܘܢ ܡܥܣܪܐ ܟܝܠܬܐ/ܕܟܝܠܬܐ#3#/ ܚܕܐ܂
45:15	ܘܚܕܐ ‍<‍ܚܕܐ#3#‍>‍ ܢܩܝܐ ܡܢ ܡܐܬܝܢ ܥܢܐ ܕܐܝܣܪܐܝܠ܂ ܠܣܡܝܕܐ ܘܠܩܘܪܒܢܐ ܘܠܝܩܕܐ ܫܠܡܐ܂ ܕܢܕܟܐ/ܘܢܕܟܐ#2#/ ܐܢܘܢ ܐܡ݁ܪ \ܡܪܐ ܡܪ̈ܘܬܐ /ܡܪܝܐ#3#/܂
45:16	ܟܠܗ ܥܡܐ ܕܐܪܥܐ ܢܦܪܫܘܢ ܦܘܪܫܢܐ ܗܢܐ ܠܡܕܒܪܢܐ ܕܐܝܣܪܝܠ܂
45:17	ܘܕܡܕܒܪܢܐ ܢܗܘܘܢ ܝܩ̈ܕܐ ܫ̈ܠܡܐ܂ ܘܣܡܝܕܐ ܘܢܘܩܝܐ ܒܪܝܫ ܝܪ̈ܚܐ ܘܒܫ̈ܒܐ܂ ܘܒܟܠܗܘܢ ܥܕܥܐ̈ܕܐ/ܥܐ̈ܕܐ#3#/ ܕܒܝܬ ܐܝܣܪܝܠ܂ ܗܘ ܢܩܪܒ ܬܕܟܝܬܐ ܕܚ̈ܛܗܐ܂ ܘܣܡܝܕܐ ‍<‍ܘܢܘܩܝܐ#3#‍>‍ ܘܝܩܕܐ ܫܠܡܐ܂ ܩܘܪܒܢܐ ܕܡܕܟܐ ܠܒ̈ܢܝ ܐܝܣܪܝܠ܂
45:18	ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܒܚܕ ܒܝܪܚܐ ܩܕܡܝܐ܂ ܣܒ ܬܘܪܐ ‍<‍ܚܕ#3#‍>‍ ܒܪ ܒܩܪܐ ܕܠܝܬ ܒܗ ܡܘܡܐ܂ ܘܕܟܝܗܝ ܠܡܩܕܫܐ܂
45:19	ܘܢܣܒ ܟܗܢܐ ܡܢ ܕܡܐ ܕܬܕܟܝܬܐ܂ ܘܢܪܘܣ ܥܠ ܐ̈ܣܟܦܬܗ ܕܒܝܬܐ܂ ܘܥܠ ܐܪ̈ܒܥ ܙܘܝ̈ܬܗ ܕܡܕܒܚܐ܂ ܘܥܠ ܐܣܟܘܦܬܐ ‍<‍ܓܘܝܬܐ#3#‍>‍ ܕܬܪܥܐ ܕܕܪܬܐ ܓܘܝܬܐ/#3#/܂
45:20	ܘܗܟܢܐ ܢܗܘܐ ܥܒ݁ܕ ܒܫܒܥܬܐ ܒܝܪܚܐ ܓܒܪܐ ܕܫ݁ܛܐ ܘܛ݁ܥܐ܂ ܘܢܕܟܘܢܗ ܠܒܝܬܐ܂
45:21	ܘܒܐܪ̈ܒܥܣܪܐ ܒܝܪܚܐ ܩܕܡܝܐ܂ ܢܗܘܐ ܠܟܘܢ ܦܨܚܐ ܘܥܕܥܐܕܐ܂ ܘܫܒܥܐ ܝܘܡ̈ܝܢ ܦܛܝܪܐ ܬܐܟܠܘܢ܂
45:22	ܘܢܩܪܒ ܡܕܒܪܢܐ ܒܗ ܒܝܘܡܐ ܗ݀ܘ܂ ܥܠ ܐ̈ܦܝ ܢܦܫܗ ܘܥܠ ܐ̈ܦܝ ܟܠܗ ܥܡܐ ܕܐܪܥܐ܂ ܬܘܪܐ ‍<‍ܒܪ ܒܩܪܐ#3#‍>‍ ܠܬܕܟܝܬܐ ܕܚ̈ܛܗܐ܂
45:23	ܘܫܒܥܐ ܝܘܡ̈ܘܗܝ ܕܥܕܥܐܕܐ܂ ܢܩܪܒ ܝܩ̈ܕܐ ܫ̈ܠܡܐ ܠܡܪܝܐ܂ ܫܒܥܐ ܬܘܪ̈ܝܢ ܘܫܒܥܐ ܕܟܪ̈ܝܢ ܕܠܝܬ ܒܗܘܢ ܡܘܡܐ ܠܬܕܟܝܬܐ ܕܚ̈ܛܗܐ܂ ܘܨܦܪܝܐ ܕܥ̈ܙܐ ܒܝܘܡܐ܂
45:24	ܘܣܡܝܕܐ ܣܐܬܐ ܠܬܘܪܐ ܘܣܐܬܐ ܠܕܟܪܐ܂ ܘܡܫܚܐ ܗܡܝܢܐ ܠܣܐܬܐ܂
45:25	ܘܒܚܡܫܥܣܪܐ ܒܝܪܚܐ ܕܫܒܥܐ܂ ܢܥܒܕ ܥܕܥܐܕܐ ܐܝܟ ܗܠܝܢ ܫܒܥܐ ܝܘ̈ܡܝܢ܂ ܐܝܟ ܬܕܟܝܬܐ ܕܚ̈ܛܗܐ ܘܐܝܟ ܝܩ̈ܕܐ ܫ̈ܠܡܐ܂ ܘܐܝܟ ܣܡܝܕܐ ܘܐܝܟ ܡܫܚܐ܂