The Comprehensive Aramaic Lexicon

46:01	ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܬܪܥܐ ܕܕܪܬܐ ܓܘܝܬܐ ܕܚܐ݁ܪ ܠܡܕܢܚܐ܂ ܢܗܘܐ ܐܚܝܕ ܫܬܐ ܝܘܡ̈ܝܢ ܕܡܬܥܒܕ ܒܗܘܢ ܥܒ݁ܕܐ܂ ܘܒܝܘܡܐ ܕܫܒܬܐ/ܕܫܒܥܐ#3#/ ܢܬܦܬܚ܂ ܘܒܝܘܡܐ ܕܪܝܫ ܝܪܚܐ ܢܬܦܬܚ܂
46:02	ܘܢܥܘܠ ܡܕܒܪܢܐ ܒܡܥܠܢܐ ܕܐܣܟܘܦܬܐ ܕܬܪܥܐ ܡܢ ܠܒܪ܂ ܘܢܩܘܡ ܥܠ ܐܣܟܘܦܬܗ ܕܬܪܥܐ܂ ܘܢܩܪܒܘܢ ܟܗ̈ܢܐ ܝܩ̈ܕܘܗܝ ܫ̈ܠܡܐ ܘܩܘܪ̈ܒܢܘܗܝ܂ ܘܢܣܓܘܕ ܒܐܣܟܘܦܬܐ ܕܬܪܥܐ ܘܢܦܘܩ܂ ܘܬܪܥܐ ܠܐ ܢܬܬܚܕ ܥܕܡܐ ܠܪܡܫܐ܂
46:03	ܘܢܣܓܕܘܢ ܥܡܐ ܕܐܪܥܐ ܒܡܥܠܢܗ ܕܬܪܥܐ ܗ݀ܘ܂ ܒܫ̈ܒܐ ܘܒܪܝܫ ܝܪ̈ܚܐ ܩܕܡ ܡܪܝܐ܂
46:04	ܘܝܩ̈ܕܐ ܫ̈ܠܡܐ ܕܡܩܪܒ ܡܕܒܪܢܐ ܩܕܡ ܡܪܝܐ ܒܝܘܡܐ ܕܫܒܬܐ܂ ܫܬܐ ܐܡܪ̈ܝܢ ܕܠܝܬ ܒܗܘܢ ܡܘܡܐ܂ ܘܕܟܪܐ ܕܠܝܬ ܒܗ ܡܘܡܐ܂
46:05	ܘܣܡܝܕܐ ܢܥܒܕ܂ ܣܐܬܐ ܠܬܘܪܐ ܘܣܐܬܐ ܠܕܟܪܐ܂ ܘܠܐܡܪܐ ܐܝܟ ܕܡ݁ܛܐ ܒܐ̈ܝܕܘܗܝ܂ ܡܫܚܐ ܕܝܢ ܗܡܝܢܐ ܠܣܐܬܐ܂
46:06	ܘܒܝܘܡܐ ܕܪܝܫ ܝܪܚܐ܂ ܬܘܪܐ ܕܠܝܬ ܒܗ ܡܘܡܐ܂ ܘܫܬܐ ܐܡܪ̈ܝܢ ܕܠܝܬ ܒܗܘܢ ܡܘܡܐ܂ ܘܕܟܪܐ ܕܠܝܬ ܒܗ ܡܘܡܐ܂
46:07	ܘܣܡܝܕܐ ܢܥܒܕ ܣܐܬܐ ܠܬܘܪܐ ܘܣܐܬܐ ܠܕܟܪܐ܂ ܘܠܐܡܪܐ ܐܝܟ ܕܡ݁ܛܐ ܒܐ̈ܝܕܘܗܝ܂ ܡܫܚܐ ܕܝܢ ܗܡܝܢܐ ܠܣܐܬܐ܂
46:08	ܘܡܐ ܕܥܐ݁ܠ ܡܕܒܪܢܐ ܒܐܣܟܘܦܬܗ ܕܬܪܥܐ ܢܥܘܠ ܘܒܗ݀ ܢܦܘܩ܂
46:09	ܘܡܐ ܕܥܐ݁ܠܝܢ ܥܡܐ ܕܐܪܥܐ ܩܕܡ ܡܪܝܐ ܒܙܒܢܐ ܕܥܕܥܐܕܐ܂ ܡ݁ܢ ܕܥܐ݁ܠ ܒܬܪܥܐ ܓܪܒܝܝܐ ܠܡܣܓܕ܂ ܢܦܘܩ ܠܗ ܒܬܪܥܐ ܬܝܡܢܝܐ܂ ܘܡ݁ܢ ܕܥܐ݁ܠ ܒܬܪܥܐ ܬܝܡܢܝܐ܂ ܢܦܘܩ ܠܗ ܒܬܪܥܐ ܓܪܒܝܝܐ܂ ܘܠܐ ܢܗܦܘܟ ܒܬܪܥܐ ܕܥܐ݁ܠ܂ ܐܠܐ ܠܩܘܒܠܗ ܢܦܘܩ܂
46:10	ܡܕܒܪܢܐ ܕܝܢ ܕܒܝܢܬܗܘܢ܂ ܒܬܪܥܐ ܕܥܐ݁ܠ ܒܗ ܢܦܘܩ܂
46:11	ܘܒܙܒܢܐ ܕܥܕܥܐܕܐ܂ ܢܗܘܐ ܣܡܝܕܐ ܣܐܬܐ ܠܬܘܪܐ ܘܣܐܬܐ ܠܕܟܪܐ܂ ܘܠܐܡܪܐ ܐܢܫ ܐܝܟ ܕܡ݁ܛܐ ܒܐ̈ܝܕܘܗܝ܂ ܡܫܚܐ ܕܝܢ ܗܡܝܢܐ ܠܣܐܬܐ܂
46:12	ܘܡܐ ܕܡܩܪܒ ܡܕܒܪܢܐ ܝܩ̈ܕܐ ܫ̈ܠܡܐ ܐܘ ܩܘܪ̈ܒܢܐ ܦܘܪܫܢܐ ܠܡܪܝܐ܂ ܢܬܦܬܚ/ܢܦܬܚ#3#/ ܠܗ \ܬܪܥܐ ܕܚܐ݁ܪ ܠܡܕܢܚܐ /ܬܪܥܐ ܕܡܕܢܚܐ#3#/ ܕܐܚܝܕ܂ ܘܢܩܪܒ ܝܩ̈ܕܘܗܝ ܫ̈ܠܡܐ ܘܩܘܪ̈ܒܢܘܗܝ܂ ܘܢܐܚܕܝܘܗܝ ܠܬܪܥܐ ܘܗܝܕܝܢ ܢܦܘܩ܂ ܐܝܟ ܕܥܒ݁ܕ ܒܝܘܡܐ ܕܫܒܬܐ܂
46:13	ܘܐܡܪܐ ܒܪ ܫܢܬܐ ܕܠܝܬ ܒܗ ܡܘܡܐ ܢܗܘܐ ܡܩܪܒ ܒܝܘܡܐ܂ ܝܩܕܐ ܫܠܡܐ ܠܡܪܝܐ ܡܢ ܨܦܪ ܠܨܦܪ܂
46:14	ܘܣܡܝܕܐ ܢܩܪܒ ܥܠܘܗܝ ܡܢ ܨܦܪ ܠܨܦܪ܂ ܚܕ ܡܢ ܫܬܐ ܠܣܐܬܐ܂ ܘܡܫܚܐ ܚܕܐ ܡܢ ܬܠܬ ܡܢ̈ܘܬܗ ܕܗܡܝܢܐ܂ ܠܡܦܠܗ ܠܣܡܝܕܐ ܠܡܪܝܐ܂ ܢܡܘܣܐ ܠܥܠܡ ܐܡܝܢܐܝܬ܂
46:15	ܘܢܩܪܒܘܢ ܐܡܪ̈ܐ ܘܣܡܝܕܐ ܘܡܫܚܐ ܡܢ ܨܦܪ ܠܨܦܪ ܝܩܕܐ ܫܠܡܐ ܐܡܝܢܐܝܬ܂
46:16	ܗܟܢܐ ܐܡ݁ܪ ܡܪܐ ܡܪ̈ܘܬܐ܂ ܡܕܒܪܢܐ ܟܕ ܢܬܠ ܡܘܗܒܬܐ ܠܚܕ ܡܢ ܒܢ̈ܘܗܝ܂ ܝܪܬܘܬܗ ܠܒ̈ܢܘܗܝ ܬܗܘܐ܂
46:17	ܘܟܕ ܢܬܠ ܡܘܗܒܬܐ ܡܢ ܝܪܬܘܬܗ/ܝܘܪܬܢܗ#3#/ ܠܚܕ ܡܢ ܥܒ݂̈ܕܘܗܝ܂ ܬܗܘܐ ܠܗ ܥܕܡܐ ܠܫܢܬܐ ܕܡܬܚܪܪ܂ ܘܬܗܘܐ ܠܗ ܠܡܕܒܪܢܐ܂ ܝܪܬܘܬܐ ܕܝܢ ܕܒܢ̈ܘܗܝ ܠܗܘܢ ܬܗܘܐ܂
46:18	ܘܠܐ ܢܣܒ ܡܕܒܪܢܐ ܡܢ ܝܪܬܘܬܗ ܕܥܡܐ܂ ܘܠܐ ܢܥܠܘܒ ܐܢܘܢ ܡܢ ܝܘܪܬܢܗܘܢ/ܝܪܬܘܬܗܘܢ#3#/܂ ܐܠܐ ܡܢ ܝܪܬܘܬܗ ܢܘܪܬ ܠܒܢ̈ܘܗܝ܂ ܕܠܐ/ܘܠܐ#3#/ ܢܬܒܕܪܘܢ ܥܡܝ ܐܢܫ ܡܢ ܝܘܪܬܢܗ/ܝܪܬܘܬܗ#3#/܂
46:19	ܘܐܥܠܢܝ ܒܡܥܠܢܐ ܕܥܠ ܓܢܒ ܬܪܥܐ ܕܐܟܣܕܪܐ ܓܘܝܬܐ ܕܩܘܕܫܐ ܕܟܗ̈ܢܐ ܕܚܝ݁ܪܐ ܠܓܪܒܝܐ܂ ܘܚܙ݁ܝܬ ܕܐܝܬ ܬܡܢ ܐܬܪܐ ܒܫ̈ܦܘܠܝܗ݀ \ܡܢ ܡܥܪܒܐ /ܕܡܥܪܒܐ#3#/܂

46:20	ܘܐܡܪ ܠܝ܂ ‍<‍ܒܪܢܫܐ#3#‍>‍ ܗܢܘ ܐܬܪܐ ܕܡܒܫܠܝܢ ܒܗ ܟܗ̈ܢܐ ܬܕܟܝܬܐ ܕܚ̈ܛܗܐ܂ ܘܐܦ݁ܝܢ ܒܗ ܣܡܝܕܐ܂ ܕܠܐ ܢܦܩܘܢ ܠܕܪܬܐ ܒܪܝܬܐ ܘܢܩܕܫܘܢܗ ܠܥܡܐ܂

46:21	ܘܐܦܩܢܝ ܠܕܪܬܐ ܒܪܝܬܐ ܘܐܥܒܪܢܝ ܥܠ ܐܪ̈ܒܥܐ ܣܛܪ̈ܝܗ݀ ܕܕܪܬܐ܂ ܘܚܙ݁ܝܬ ܕܪܬܐ ܒܣܛܪ ܕܪܬܐ܂ ܘܕܪܬܐ ܐܚܪܬܐ ܒܣܛܪܐ ܐܚܪܢܐ ܕܕܪܬܐ܂
46:22	ܒܐܪ̈ܒܥܐ ܣܛܪ̈ܝܗ݀ ܕܕܪܬܐ ܕܪ̈ܐ ܕܩ̈ܕܩܬܐ܂ ܐܪ̈ܒܥܝܢ ܐ̈ܡܝܢ ܐܘܪܟܗܝܢ܂ ܘܬܠܬܝܢ ‍<‍ܐܡܝܢ#3#‍>‍ ܦܬܝܗܝܢ܂
46:23	ܘܐܟܣܕܪ̈ܐ ܚܕܪ̈ܢ ‍<‍ܗ̈ܘܝ#3#‍>‍ ܠܐܪ̈ܒܥܬܝܗܝܢ܂
46:24	ܘܐܡܪ ܠܝ܂ ܗܢܘ ܒܝܬ ܛܒܚ̈ܐ ܕܡܒܫܠܝܢ ܒܗ ܕܒܚܬܐ ܕܥܡܐ ܡܫܡܫ̈ܢܘܗܝ ܕܒܝܬܐ ܀