The Comprehensive Aramaic Lexicon

05:01	ܫܡܥܘ ܗܕܐ ܟܗ̈ܢܐ ܘܨܘܬܘ ܒܝܬ/ܕܒܝܬ#3#/ ܐܝܣܪܝܠ ܘܒܝܬ ܡܠܟܐ ܫܡܥܘ܂ ܡܛܠ ܕܕܝܠܟܘܢ ܗܘ ܕܝܢܐ܂ ܕܦܚ̈ܐ ܗܘܝܬܘܢ ܠܕܘ̈ܩܐ ܘܡܨܝܕܬܐ ܕܦܪܝܣܐ ܥܠ ܬܒܘܪ܂
05:02	ܘܨ̈ܝܕܐ ܕܨܝܕܝܢ ܛܡܪܘ ܦܚ̈ܐ܂ ܐܢܐ ܕܝܢ ܐܪܕܐ ܠܟܠܗܘܢ܂
05:03	ܐܢܐ ܝܕܥ ܐܢܐ ܠܐܦܪܝܡ܂ ܘܐܝܣܪܝܠ ܠܐ ܟܣܐ ܡܢܝ܂ ܡܛܠ ܕܗܫܐ ܙܢܝ ܐܦܪܝܡ܂ ܘܐܬܛܢܦ ܐܝܣܪܝܠ܂
05:04	ܠܐ ܫ̈ܒܩܢ ܠܗܘܢ ܨܢ̈ܥܬܗܘܢ ܕܢܬܦܢܘܢ ܠܘܬ ܐܠܗܗܘܢ܂ ܡܛܠ ܕܪܘܚܐ ܕܙܢܝܘܬܐ ܒܓܘܗܘܢ܂ ܘܠܡܪܝܐ ܠܐ ܝܕܥܘ܂
05:05	ܘܢܬܡܟܟ ܐܝܩܪܗ ܕܐܝܣܪܝܠ ܩܕܡܘܗܝ܂ ܘܐܝܣܪܝܠ ܘܐܦܪܝܡ ܢܬܬܩܠܘܢ ܒܥܘ݂ܠܗܘܢ܂ ܘܢܬܬܩܠ ܐܦ ܝܗܘܕܐ ܥܡܗܘܢ܂
05:06	ܒܥܢܗܘܢ ܘܒܬܘܪ̈ܝܗܘܢ ܢܐܙܠܘܢ ܠܡܒܥܝܗ ܠܡܪܝܐ ܘܠܐ ܢܫܟܚܘܢܗ܂ ܡܛܠ ܕܦܪܩ ܠܗ ܡܢܗܘܢ܂
05:07	ܒܡܪܝܐ ܓܝܪ ܕܓܠܘ܂ ܡܛܠ ܕܒ̈ܢܝܐ ܢܘܟܪ̈ܝܐ ܐܘܠܕܘ܀
05:08	ܩܪܘ ܫܝܦܘܪܐ ܒܪܡܬܐ ܘܩܪܢܐ ܒܪܡܬܐ܂ ܩܥܘ/ܩܪܘ#2#/ ܒܝܬ ܐܘܢ ܒܬܪܟ ܒܢܝܡܝܢ܂
05:09	ܐܦܪܝܡ ܠܚܒܠܐ ܢܗܘܐ ܒܝܘܡܐ ܕܡܟܣܢܘܬܐ܂ ܒܫܪܒܬܐ ܕܐܝܣܪܝܠ ܐܘܕܥܬ ܗܝܡܢܘܬܐ܂
05:10	ܗܘܘ ܪ̈ܘܪܒܢܐ ܕܝܗܘܕܐ ܐܝܟ ܗܢܘܢ ܕܡܫܢܝܢ ܬܚܘܡܐ܂ ܐܫܘܕ ܪܘܓܙܝ ܥܠܝܗܘܢ ܐܝܟ ܡ̈ܝܐ܂
05:11	ܛܠܝܡ ܐܦܪܝܡ ܘܐܠܝܨ ܒܕܝܢܐ܂ ܡܛܠ ܕܨܒܐ ܠܡܐܙܠ/ܕܢܐܙܠ#3#/ ܒܬܪ ܣܪ̈ܝܩܬܐ/ܣܪܝܩܘܬܐ#3#/܂

05:12	ܘܐܢܐ ܐܗܘܐ ܐܝܟ ܕܠܘܚܝܐ ܠܐܦܪܝܡ܂ ܘܐܝܟ ܐܪܝܐ ܠܕܒܝܬ ܝܗܘܕܐ܂

05:13	ܘܚܙܐ ܐܦܪܝܡ ܟܘܪ̈ܗܢܘܗܝ ܘܝܗܘܕܐ ܟܐ̈ܒܘܗܝ܂ ܘܐܙܠ ܐܦܪܝܡ ܠܐܬܘܪ ܘܫܕܪ ܠܘܬ ܡܠܟܐ ܕܝܪܒ܂ ܘܗܘ ܠܐ ܡܫܟܚ ܠܡܐܣܝܘܬܟܘܢ܂ ܘܠܐ ܢܚܠܡ ܡܢܟܘܢ ܟܐ̈ܒܝܟܘܢ܂
05:14	ܡܛܠ ܕܐܢܐ ܐܝܟ ܐܪܝܐ ܠܐܦܪܝܡ ܘܐܝܟ ܓܘܪܝܐ ܕܐܪܝܐ ܠܕܒܝܬ/ܥܠ ܕܒܝܬ#3#/ ܝܗܘܕܐ܂ ܐܢܐ ܐܬܒܪ/ܐܕܒܪ#1##2#/ ܘܐܙܠ ܘܐܫܩܘܠ ܘܠܝܬ ܕܡܦܨܐ܂
05:15	ܐܗܦܘܟ ܐܙܠ ܠܐܬܪܝ/ܠܐܪܥܝ#3#/܂ ܥܕܡܐ ܕܢܚܘܒܘܢ ܘܢܒܥܘܢ ܐ̈ܦܝ܂ ܘܒܐܘܠܨܢܗܘܢ ܢܩܕܡܘܢ ܠܘܬܝ܂