The Comprehensive Aramaic Lexicon

07:01	ܡܐ ܕܐܣܝܬ ܠܐܝܣܪܝܠ ܘܐܬܓܠܝ ܥܘܠܗ ܕܐܦܪܝܡ ܘܒܝܫܬܗ݀ ܕܫܡܪܝܢ܂ ܡܛܠ ܕܥܒܕܘ ܫܘܩܪܐ ܩܕܡܝ܂ ܘܓܢܒܐ ܥܐܠ ܗܘܐ ܘܡܫܠܚ ܓܝܣܐ ܒܫ̈ܘܩܐ܂
07:02	ܘܠܐ ܐܡܪܝܢ ܒܠܒܗܘܢ ܕܟܠܗܝܢ ܒܝܫ̈ܬܗܘܢ ܥܗܕ ܐܢܐ܂ ܡܟܝܠ ܢܚܕܪ̈ܢ ܐܢܘܢ ܨ̈ܢܥܬܗܘܢ ܕܗ̈ܘܝ ܩܕܡ ܐ̈ܦܝ܂
07:03	ܒܒܝܫܘܬܗܘܢ/ܒܒܝ̈ܫܬܗܘܢ#3#/ ܚܕܝܘ ܠܡ̈ܠܟܐ ܘܒܕܓܠܘܬܗܘܢ܂
07:04	ܟܠܗܘܢ ܫ̈ܠܝܛܢܝܗܘܢ ܓܝܪܝܢ/ܓܝܕܝܢ#2#/ ܐܝܟ ܬܢܘܪܐ ܕܝܩܕ ܠܡܐܦܝܬܐ܂ ܢܒܛܠ ܡܢ ܡܕܝܢܬܐ ܠܐܫ ܠܝܫܐ ܥܕܡܐ ܕܚܡܥ܂
07:05	ܝܘܡܐ ܕܡ̈ܠܟܝܢ ܫܪܝܘ ܪ̈ܘܪܒܢܐ ܠܡܪܓܙ ܡܢ ܚܡܪܐ܂ ܢܓܕܘ ܐ̈ܝܕܝܗܘܢ ܥܡ ܒܝܫ̈ܐ܂
07:06	ܡܛܠ ܕܚܡ ܠܒܗܘܢ ܐܝܟ ܬܢܘܪܐ ܒܟܡܐܢܗܘܢ܂ ܘܟܠܗ ܠܠܝܐ ܥܬܩ ܪܘܓܙܗܘܢ ܘܒܨܦܪܐ ܝܩܕ ܗܘܐ ܐܝܟ ܢܘܪܐ/ܬܢܘܪܐ#3#/ ܘܫܠܗܒܝܬܐ܂
07:07	ܟܠܗܘܢ ܚܡܘ ܐܝܟ ܬܢܘܪܐ ܘܐܟܠܘ ܠܕܝܢ̈ܝܗܘܢ܂ ܟܠܗܘܢ ܡ̈ܠܟܝܗܘܢ ܢܦܠܘ܂ ܘܠܝܬ ܒܗܘܢ ܕܩܪܐ ܠܝ܂

07:08	ܐܦܪܝܡ ܒܥܡ̈ܡܐ ܐܬܚܠܛ܂ ܐܦܪܝܡ ܗܘܐ ܚܚܘܪܬܐ ܕܥܕܠܐ ܐܬܐܦܝܬ ܐܬܐܟܠܬ܂

07:09	ܗܟܢܐ ܐܟܠܘ ܢܘܟܪ̈ܝܐ ܚܝܠܗ ܘܠܐ ܝܕܥ܂ ܘܚܘܪ̈ܬܐ ܢܦܩ ܠܗ ܘܠܐ ܝܕܥ܂
07:10	ܘܐܬܡܟܟ ܐܝܩܪܗ ܕܐܝܣܪܝܠ ܩܕܡܘܗܝ܂ ܘܠܐ ܐܬܦܢܝܘ ܠܘܬ ܡܪܝܐ ܐܠܗܗܘܢ ܘܠܐ ܒܥܐܘܗܝ܂
07:11	ܘܗܘܐ ܐܦܪܝܡ ܐܝܟ ܝܘܢܐ ܫܒܪܬܐ ܕܠܝܬ ܒܗ݀ ܠܒܐ܂ ܠܡܨܪܝܢ ܐܬܘ ܘܠܐܬܘܪ ܐܙܠܘ܂
07:12	ܠܐܬܪ ܕܢܐܙܠܘܢ ܐܦܪܘܣ ܥܠܝܗܘܢ ܡܨܝܕܬܝ܂ ܘܐܝܟ ܦܪܚܬܐ ܕܫܡܝܐ ܐܚܬ ܐܢܘܢ܂ ܘܐܪܕܐ/ܘܐܕܪܐ#3#/ ܐܢܘܢ ܐܝܟ ܫܡܥܐ ܕܣܗܕܘܬܗܘܢ܂
07:13	ܘܝ ܠܗܘܢ ܕܢܕܘ ܡܢܝ܂ ܒܝܫܬܐ ܐܝܬܐ ܥܠܝܗܘܢ ܥܠ ܕܐܥܠܝܘ ܒܝ܂ ܐܢܐ ܓܝܪ ܦܪܩܬ ܐܢܘܢ ܘܗܢܘܢ ܡܠܠܘ ܥܠܝ ܕܓܠܘܬܐ܂
07:14	ܘܠܐ ܓܥܘ ܠܘܬܝ ܡܢ ܟܠܗ ܠܒܗܘܢ܂ ܐܠܐ ܐܝܠܠܘ ܥܠ ܡܫܟܒܗܘܢ܂ ܥܠ ܥܒܘܪܐ ܘܥܠ ܚܡܪܐ ܡܬܟܬܫܝܢ ܘܡܪܕܘ ܒܝ/ܥܠܝ#3#/܂
07:15	ܘܐܢܐ ܪܕܝܬ/ܐܪܕܝܬ#1##2#/ ܘܐܥܫܢܬ ܕܪܥܗܘܢ܂ ܘܥܠܝ ܐܬܚܫܒܘ ܒܝܫܬܐ܂
07:16	ܐܬܗܦܟܘ ܥܠ ܠܐ ܡܕܡ܂ ܘܗܘܘ ܐܝܟ ܩܫܬܐ ܢܟܝܠܬܐ܂ ܢܦܠܘܢ ܒܚܪܒܐ ܪ̈ܘܪܒܢܝܗܘܢ ܡܢ ܡܪܚܘܬܐ ܕܠܫܢܗܘܢ܂ ܗܢܘ ܥܘܪܙܠܗܘܢ ܕܒܐܪܥܐ/ܒܐܪܥܐ#3#/ ܕܡܨܪܝܢ܀