The Comprehensive Aramaic Lexicon

08:01	ܦܘܡܟ/ܪܥܡܟ#3#/ ܐܝܟ ܩܪܢܐ ܘܐܝܟ ܢܫܪܐ ܥܠ ܒܝܬܗ ܕܡܪܝܐ܂ ܥܠ ܕܥܒܪܘ ܥܠ ܩܝܡܝ ܘܥܠ ܢܡܘܣܝ ܐܥܠܝܘ܂
08:02	ܠܝ ܩܪܘ ܘܐܡܪܘ ܝܕܥܢܟ/ܕܝܕܥܢܟ#3#/ ܐܠܗܢ܂
08:03	ܛܥܐ ܐܝܣܪܝܠ ܛܒܬܐ܂ ܘܒܥܠܕܒܒܐ ܪܕܦ ܐܢܘܢ܂
08:04	ܐܡܠܟܘ ܐܠܐ ܠܐ ܡܢܝ܂ ܘܐܫܬܠܛܘ ܘܠܐ ܐܘܕܥܘܢܝ܂ ܣܐܡܗܘܢ ܘܕܗܒܗܘܢ ܥܒܕܘ ܠܗܘܢ ܦܬܟܪܐ ܕܢܐܒܕܘܢ܂
08:05	ܛܥܘ ܒܥܓܠܟܝ ܫܡܪܝܢ ܘܐܬܚܡܬ ܪܘܓܙܝ ܥܠܝܗܘܢ܂ ܥܕܡܐ ܠܐܡܬܝ ܠܐ ܡܫܟܚܝܢ ܠܡܙܟܐ܂
08:06	ܡܛܠ ܕܡܢ ܐܝܣܪܝܠ ܗܘ܂ ܘܢܓܪܐ ܗܘ ܥܒܕܗ ܘܠܐ ܗܘܐ ܐܠܗܐ܂ ܐܠܐ ܠܛܥܝܘܬܐ ܗܘܐ ܥܓܠܟܝ ܫܡܪܝܢ܂

08:07	ܡܛܠ ܕܪܘܚܐ ܙܪܥܘ ܘܥܠܥܠܐ ܚܨܕܘ܂ ܘܩܝܡܬܐ ܠܝܬ ܠܗܘܢ܂ ܘܐܦ ܠܐ ܫܒܠܐ ܕܥܒܕ ܩܡܚܐ܂ ܘܐܠܘ ܐܝܬ ܗܘܐ ܠܗܘܢ ܢܘܟܪ̈ܝܐ ܐܟܠܝܢ ܗܘܘ ܠܗ܂

08:08	ܐܬܒܠܥ ܐܝܣܪܝܠ܂ ܘܡܟܝܠ/ܘܡܢ ܗܫܐ#3#/ ܗܘܘ ܒܥܡ̈ܡܐ ܐܝܟ ܡܐܢܐ ܕܠܝܬ ܒܗ ܚܫܚܘ܂
08:09	ܡܛܠ ܕܗܢܘܢ ܣܠܩܘ ܠܐܬܘܪ ܐܝܟ ܥܪܕܐ ܝܚܝܕܝܐ܂ ܐܦܪܝܡ ܡܘܗ̈ܒܬܐ ܪܚܡ܂
08:10	ܐܦܢ ܢܫܬܠܡܘܢ ܒܥܡ̈ܡܐ ܐܟܢܫ ܐܢܘܢ܂ ܘܢܬܬܢܝܚܘܢ ܩܠܝܠ ܡܢ ܫܩܠܐ ܕܡ̈ܠܟܐ ܘܕܫ̈ܠܝܛܢܐ܂
08:11	ܡܛܠ ܕܐܣܓܝ ܐܦܪܝܡ ܡܕܒܚ̈ܐ ܠܚܛܝܬܐ܂ ܘܗܘܘ ܠܗ ܡܕܒܚ̈ܐ ܠܚܛܗܐ ܪܒܐ܂
08:12	ܘܟܬܒܬ ܠܗ ܣܘܓܐܐ ܕܢܡܘ̈ܣܝ܂ ܘܐܝܟ ܢܘܟܪ̈ܝܬܐ ܚܫܒ ܐܢܝܢ ܠܡ̈ܠܝ/ܡ̈ܠܝ#3#/܂
08:13	ܕܒܚ̈ܐ ܕܓܒܝ̈ܬܐ ܡܕܒܚܝܢ ܘܒܣܪܐ ܐܟܠܝܢ܂ ܘܡܪܝܐ ܠܐ ܨܒܐ ܒܗܘܢ܂ ܡܟܝܠ ܢܬܕܟܪ ܥܘܠܗܘܢ ܘܢܦܩܘܕ ܚ̈ܛܗܝܗܘܢ ܘܗܢܘܢ ܠܡܨܪܝܢ ܢܗܦܟܘܢ܀܀
08:14	ܛܥܐ ܐܝܣܪܝܠ ܠܡ݁ܢ ܕܥܒܕܗ ܘܒܢܐ ܗܝ̈ܟܠܐ܂ ܘܝܗܘܕܐ ܐܣܓܝ ܡܕܝܢ̈ܬܐ ܥܫܝ̈ܢܬܐ܂ ܐܫܒܘܩ ܢܘܪܐ ܒܡܕܝܢ̈ܬܗ ܘܬܐܟܘܠ ܣܚܪ̈ܬܗ݀܀