The Comprehensive Aramaic Lexicon

12:01	ܚܕܪܢܝ ܒܕܓܠܘܬܐ ܐܦܪܝܡ܂ ܘܒܝܬ ܐܝܣܪܐܝܠ ܘܝܗܘܕܐ ܒܢܟܠܐ܂ ܥܕܡܐ ܕܢܚܬ ܥܡܗ ܕܐܠܗܐ܂ ܥܡܐ ܩܕܝܫܐ ܘܡܗܝܡܢܐ܂

12:02	ܐܦܪܝܡ ܪܥܐ ܪܘܚܐ܂ ܘܪܕܦ ܥܠܥܠܐ ܝܘܡܐ ܟܠܗ܂ ܕܓܠܘܬܐ ܘܒܙܬܐ ܐܣܓܝܘ܂ ܘܕܝܬܩܐ ܥܡ ܐܬܘܪܝܐ ܦܣܩܘ܂ ܘܡܫܚܐ ܠܡܨܪܝܢ ܐܘܒܠܘ܂

12:03	ܘܕܝܢܐ ܐܝܬ ܠܡܪܝܐ ܥܡ/ܥܠ#3#/ ܝܗܘܕܐ܂ ܘܢܬܒܥ ܠܝܥܩܘܒ ܐܝܟ ܐܘܪ̈ܚܬܗ܂ ܘܐܝܟ ܨ̈ܢܥܬܗ ܢܦܪܥܝܘܗܝ܂
12:04	ܒܡܪܒܥܐ ܓܝܪ ܢܟܠ ܠܐܚܘܗܝ ܘܒܥܘܫܢܗ ܐܬܪܘܪܒ ܩܕܡ ܐܠܗܐ܂
12:05	ܘܐܬܡܨܝ ܚܝܠ ܡܠܐܟܐ ܘܒܥܐ ܡܢܗ܂ ܒܝܬ ܐܝܠ ܐܫܟܚܗ ܘܬܡܢ ܡܠܠ ܥܡܗ܂
12:06	ܘܡܪܝܐ ܐܠܗܐ ܚܝܠܬܢܐ ܐܬܕܟܪܗ܂܀
12:07	ܐܢܬ ܕܝܢ ܐܬܦܢܝ ܠܘܬ ܐܠܗܟ܂ ܘܛܝܒܘܬܐ ܘܕܝܢܐ ܛܪ܂ ܣܟܐ ܠܐܠܗܟ ܐܡܝܢܐܝܬ܂
12:08	ܡܣܐܬܐ ܕܢܟܠܐ ܒܐܝܕܗ ܕܟܢܥܢ ܘܠܡܛܠܡ ܪܚܡ܂
12:09	ܘܐܡܪ ܐܦܪܝܡ܂ ܕܥܬܪܬ ܘܐܫܟܚܬ ܠܝ ܟܐ̈ܒܐ܂ ܘܟܠܗ݀ ܠܐܘܬܝ ܠܐ ܣܦܩܐ ܠܝ ܠܚܛܗܐ ܕܚܛܝܬ܂
12:10	ܐܢܐ ܐܢܐ ܡܪܝܐ ܐܠܗܟ ܕܐܣܩܬܟ ܡܢ ܐܪܥܐ ܕܡܨܪܝܢ܂ ܬܘܒ ܐܘܬܒܟ ܒܡܫ̈ܟܢܐ ܐܝܟ ܝܘܡ̈ܬܐ ܕܥܕܥܐ̈ܕܐ܂
12:11	ܘܡܠܠܬ/ܘܐܢܐ ܡܠܠܬ#3#/ ܥܡ ܢܒ̈ܝܐ܂ ܘܐܢܐ ܚ̈ܙܘܢܝ ܐܣܓܝܬ܂ ܘܒܐܝܕܐ ܕܢܒ̈ܝܐ ܐܬܕܡܝܬ܂
12:12	ܒܓܠܥܕ ܟܐ̈ܒܐ܂ ܘܒܓܠܓܠܐ ܠܣܪܝܩܘܬܐ ܕܒܚܬܘܢ ܬܘܪ̈ܐ܂ ܐܦ ܡܕܒܚ̈ܝܟܘܢ ܐܝܟ ܓ̈ܠܐ ܒܚܩܠܐ ܕܐܪܥܐ ܒܝܪܬܐ܂
12:13	ܘܥܪܩ ܝܥܩܘܒ \ܠܐܪܥܐ ܕܐܪܡ /ܠܐܪܡ#3#/܂ ܘܦܠܚ ܐܝܣܪܝܠ ܚܠܦ ܐܢܬܬܐ܂ ܘܥܠ ܐ̈ܦܝ ܐܢܬܬܐ ܢܛܪ܂
12:14	ܘܒܢܒ̈ܝܐ ܐܣܩ ܡܪܝܐ ܠܐܝܣܪܝܠ/ܠܒܢ̈ܝ ܐܝܣܪܝܠ#3#/ ܡܢ ܡܨܪܝܢ/ܐܪܥܐ ܕܡܨܪܝܢ#3#/܂ ܘܒܢܒ̈ܝܐ ܐܬܢܛܪ܂
12:15	ܐܪܓܙ ܐܦܪܝܡ ܘܡܪܡܪ܂ ܘܕܡܗ ܥܠܘܗܝ ܢܬܐܫܕ܂ ܘܚܣܕܗ ܢܦܢܐ ܠܗ ܡܪܗ܂܀