← Back
The Comprehensive Aramaic Lexicon
← Return to the Text Browser
click on the file description for more information

62017: P Am

Click on a word for lexical analysis
Click on a red-colored coordinate for comments and/or translations of the line

previous chapter


05:01 ܫܡܥܘ ܡܠܬܐ ܗܕܐ ܕܐܢܐ ܫܩܠ ܥܠܝܟܘܢ ܐܘܠܝܬܐ ܒܝܬ ܐܝܣܪܝܠ܂
05:02 ܢܦܠܬ ܘܠܐ ܬܘܣܦ ܠܡܩܡ ܒܬܘܠܬܐ ܕܐܝܣܪܝܠ܂ ܐܫܬܒܩܬ ܥܠ ܐܪܥܐ ܘܠܝܬ ܕܡܩܝܡ ܠܗ݀܂
05:03 ܡܛܠ ܕܗܟܢܐ ܐܡܪ ܡܪܐ ܡܪ̈ܘܬܐ܂ ܡܕܝܢܬܐ ܕܢܦܩܝܢ ܗܘܘ ܡܢܗ݀ ܐܠܦ܂ ܢܫܬܚܪܘܢ ܒܗ݀ ܡܐܐ܂ ܘܕܢܦܩܝܢ ܗܘܘ ܡܢܗ݀ ܡܐܐ܂ ܢܫܬܚܪܘܢ ܒܗ݀ ܥܣܪܐ ܠܕܒܝܬ ܐܝܣܪܝܠ܂
05:04 ܡܛܠ ܕܗܟܢܐ ܐܡܪ ܡܪܝܐ ܠܕܒܝܬ ܐܝܣܪܝܠ܂ ܒܥܐܘܢܝ/ܕܒܥܐܘܢܝ#3#/ ܠܝ ܘܚܝܘ܂
05:05 ܘܠܐ ܬܒܥܘܢ ܠܒܝܬ ܐܝܠ܂ ܘܠܓܠܓܠܐ ܠܐ ܬܥܠܘܢ܂ ܘܠܒܪܫܒܥ ܠܐ ܬܥܒܪܘܢ܂ ܡܛܠ ܕܓܠܓܠܐ ܡܫܬܒܝܘ ܬܫܬܒܐ܂ ܘܒܝܬ ܐܝܠ ܢܗܘܐ ܐܝܟ ܕܠܐ ܐܝܬܘܗܝ܂
05:06 ܒܥܘ ܠܡܪܝܐ ܘܚܝܘ܂ ܕܠܐ ܢܐܩܕ/ܢܐܒܕ#3#/ ܐܝܟ ܢܘܪܐ ܒܝܬ ܝܘܣܦ܂ ܘܢܐܟܘܠ ܠܒܝܬ ܐܝܠ/ܠܕܒܝܬ ܐܝܠ#2#/ ܘܠܝܬ ܕܡܕܥܟ܂
05:07 ܕܗܦܟܝܢ/ܗܦܟܝܢ#3#/ ܕܝܢܐ ܠܡܪܪ̈ܐ ܘܙܕܝܩܘܬܐ ܠܐܪܥܐ ܫܒܩܘ܂
05:08 ܠܡ݁ܢ ܕܥܒܕ ܟܝܡܐ ܘܥܝܘܬܐ܂ ܘܗܦܟ ܠܨܦܪܐ ܛ̈ܠܠܝ ܡܘܬܐ܂ ܘܐܝܡܡܐ ܠܠܠܝܐ ܐܚܫܟ܂ ܕܩܪܐ ܠܡ̈ܝܐ ܕܝܡܐ܂ ܘܐܫܕ ܐܢܘܢ ܥܠ ܐ̈ܦܝܗ ܕܐܪܥܐ܂ ܡܪܝܐ ܫܡܗ܂
05:09 ܕܡܫܠܛ ܚܠܫܐ ܥܠ ܥܫܝܢܐ܂ ܘܡܟܝܟܐ ܥܠ ܪܡܐ ܡܥܠܐ܂
05:10 ܣܢܝܢ/ܕܣܢܝܢ#3#/ ܒܬܪܥܐ ܠܡܣܟܢܐ/ܠܡܟܣܢܐ#5#/܂ ܘܠܡ݁ܢ ܕܡܡܠܠ ܬܪ̈ܝܨܬܐ ܡܣܠܝܢ܂

05:11 ܡܛܠ ܗܢܐ ܚܠܦ ܕܩܦܚܬܘܢ ܠܡܣܟܢܐ܂ ܘܩܘܪ̈ܒܢܐ ܓܒܝ̈ܐ ܢܣܒܬܘܢ ܡܢܗ܂ ܒܬ̈ܐ ܕܦܣܝܠܬܐ ܕܒܢܝܬܘܢ ܠܐ ܬܬܒܘܢ ܒܗܘܢ܂ ܘܟܪ̈ܡܐ ܕܪܓܬܐ ܕܢܨܒܬܘܢ ܠܐ ܬܫܬܘܢ ‍<‍ܡܢ#3#‍>‍ ܚܡܪܗܘܢ܂

05:12 ܡܛܠ ܕܝܕܥ ܐܢܐ ܕܣ̈ܓܝܐܝܢ ܚ̈ܘܒܝܟܘܢ ܘܥܫܝ̈ܢܝܢ ܚ̈ܛܗܝܟܘܢ܂ ܐ̈ܠܘܨܘܗܝ ܕܙܕܝܩܐ ܢܣܒܘ ܫܘܚܕܐ܂ ܘܠܡܣܟܢܐ ܒܬܪܥܐ ܨܠܘ܂
05:13 ܡܛܠ ܗܢܐ ܡ݁ܢ ܕܡܣܬܟܠ ܒܙܒܢܐ ܗ݀ܘ ܢܫܬܘܩ ܠܗ܂ ܡܛܠ ܕܙܒܢܐ ܗ݀ܘ ܕܒܝܫܬܐ܂
05:14 ܒܥܘ ܛܒܬ̈ܐ ܘܠܐ ܒܝܫ̈ܬܐ ܕܬܚܘܢ܂ ܘܢܗܘܐ ܗܟܢܐ ܡܪܝܐ ܚܝܠܬܢܐ ܥܡܟܘܢ ܐܝܟ ܕܐܡܪܬܘܢ܂
05:15 ܣܢܘ ܒܝܫ̈ܬܐ ܘܪܚܡܘ ܛܒܬ̈ܐ܂ ܘܐܩܝܡܘ ܒܬܪܥܐ ܕܝܢ݂ܐ܂ ܟܒܪ ܢܪܚܡ ܡܪܝܐ ܐܠܗܐ ܚܝܠܬܢܐ ܥܠ ܫܪܟܗ ܕܝܘܣܦ܂
05:16 ܡܛܠ ܕܗܟܢܐ ܐܡܪ ܡܪܝܐ ܐܠܗܐ ܚܝܠܬܢܐ܂ ܒܟܠܗܘܢ ܫ̈ܘܩܐ ܡܪ̈ܩܕܬܐ܂ ܘܒܟܠܗܝܢ ܒܪ̈ܝܬܐ ܢܐܡܪܘܢ܂ ܗܘܝ ܗܘܝ܂ ܘܢܩܪܘܢ ܠܐܟܪ̈ܐ ܠܐܒܠܐ ܘܠܡܪ̈ܩܕܬܐ ܘܠܝܕ̈ܥܝ ܐܘ̈ܠܝܬܐ܂
05:17 ܘܒܟܠܗܘܢ ܟܪ̈ܡܐ ܡܪ̈ܩܕܬܐ܂ ܡܛܠ ܕܥܒܪ/ܕܥܒܕ#1##2#/ ܐܢܐ ܒܓܘܟܝ ܐܡܪ ܡܪܝܐ܂܀
05:18 ܘܝ ܠܕܪܓܝܢ ܠܝܘܡܗ ܕܡܪܝܐ܂ ܠܡܢܐ ܗܘܐ ܠܟܘܢ ܝܘܡܗ ܕܡܪܝܐ܂ ܕܚܫܘܟ ܗܘ ܘܠܐ ܢܗܝܪ܂
05:19 ܐܝܟ ܕܥܪܩ ܓܒܪܐ ܡܢ ܩܕܡ ܐܪܝܐ ܘܦܓܥܐ ܒܗ ܕܒܐ܂ ܘܥܐܠ ܠܒܝܬܐ ܘܣܡܟ ܐܝܕܗ ܥܠ ܐܣܬܐ ܘܢܟܬ ܠܗ ܚܘܝܐ܂
05:20 ܗܟܢܐ ܗܘ ܝܘܡܗ ܕܡܪܝܐ܂ ܚܫܘܟ ܗܘ ܘܠܐ ܢܗܝܪ܂ ܥܡܘܛ ܗܘ ܘܠܝܬ ܒܗ ܙܗܪܐ܂܀
05:21 ܣܢܝܬ ܘܐܣܠܝܬ ܥܕܥ̈ܐܕܝܟܘܢ܂ ܘܠܐ ܐܪܝܚ ܒܥܨܪ̈ܬܟܘܢ/ܥܨܪ̈ܬܟܘܢ#3#/܂
05:22 ܐܦܢ ܬܣܩܘܢ ܠܝ ܝܩ̈ܕܐ ܫ̈ܠܡܐ܂ ܒܩܘܪ̈ܒܢܝܟܘܢ ܠܐ ܐܨܛܒܐ܂ ܘܒܫܘܦܪܐ ܕܡ̈ܦܛܡܝܟܘܢ ܠܐ ܐܚܘܪ܂
05:23 ܐܥܒܪ ܡܢܝ ܩܠܐ ܕܙܡܪܟ܂ ܘܙܡܝܪܬܐ ܕܟܢܪܟ ܬܘܒ ܠܐ ܐܫܡܥ܂
05:24 ܘܢܬܓܠܐ ܕܝܢ݂ܐ ܐܝܟ ܡ̈ܝܐ܂ ܘܙܕܝܩܘܬܐ ܐܝܟ ܪܓܠܬܐ ܥܫܝܢܬܐ܂
05:25 ܕܠܡܐ ܕܒܚ̈ܐ ܘܩܘܪ̈ܒܢܐ ܩܪܒܬܘܢ ܠܝ ܐܪ̈ܒܥܝܢ ܫ̈ܢܝܢ ܒܡܕܒܪܐ ܒܝܬ/ܒ̈ܢܝ#3#/ ܐܝܣܪܝܠ܂
05:26 ܐܠܐ ܫܩܠܬܘܢ \ܡܫܟܢܗ ܕܡܠܟܘܡ /ܡܠܟܘܡ#3#/ ܘܟܘܢ ܨܠܡܟܘܢ܂ ܟܘܟܒܐ ܕܥܒܕܬܘܢ ܠܟܘܢ ܐܠܗܐ܂
05:27 ܐܫܒܝܟܘܢ ܠܗܠ ܡܢ ܕܪܡܣܘܩ܂ ܐܡܪ ܡܪܝܐ ܐܠܗܐ ܚܝܠܬܢܐ ܫܡܗ܂܀

next chapter