The Comprehensive Aramaic Lexicon

07:01	ܗܟܢܐ ܚܘܝܢܝ ܡܪܐ ܡܪ̈ܘܬܐ܂ ܒܪܝܬܐ ܕܩܡܨܐ ܒܪܝܫ ܡܘܥܝܬܐ ܕܠܩܫܐ܂ ܘܗܘ ܠܩܫܐ ܒܬܪ/ܒܝܬ#3#/ ܓܙܐ ܗܘܐ ܕܡܠܟܐ܂
07:02	ܘܟܕ ܓܡܪ ܠܡܐܟܠܗ ‍<‍ܠܟܠܗ#3#‍>‍ ܠܥܣܒܐ ܕܐܪܥܐ ܐܡܪܬ܂ ܡܪܐ ܡܪ̈ܘܬܐ ܚܣܢܝ܂ ܡܢܘ ܢܩܝܡܝܘܗܝ ܠܝܥܩܘܒ ܡܛܠ ܕܙܥܘܪ ܗܘ܂
07:03	ܐܗܦܟܝܗ݀ ܡܪܝܐ ܠܗܕܐ ܘܠܐ ܬܗܘܐ܂
07:04	ܗܟܢܐ ܚܘܝܢܝ ܡܪܐ ܡܪ̈ܘܬܐ܂ ܘܗܐ ܩܪܐ ܠܡܕܢ ܒܢܘܪܐ ܡܪܐ ܡܪ̈ܘܬܐ܂ ܘܐܟܠܬ ܠܬܗܘܡܐ ܪܒܐ ܘܐܟܠܬ ܠܦܠܓܘܬܐ܂
07:05	ܘܐܡܪܬ܂ ܡܪܐ ܡܪ̈ܘܬܐ ܚܣܢܝ܂ ܡܢܘ ܢܩܝܡܝܘܗܝ ܠܝܥܩܘܒ ܡܛܠ ܕܙܥܘܪ ܗܘ܂
07:06	ܐܗܦܟܝܗ݀ ܡܪܝܐ ܠܗܕܐ ܘܐܦ ܗܝ ܠܐ ܬܗܘܐ܂
07:07	ܗܟܢܐ ܚܘܝܢܝ܂ ܘܗܐ ܡܪܝܐ ܩܐܡ ܥܠ ܫܘܪܐ ܕܐܕܡܘܣ܂ ܘܒܐܝܕܗ ܐܕܡܘܣ܂
07:08	ܘܐܡܪ܂ ܠܝ ܡܪܝܐ܂ ܡܢܐ ܚܙܝܬ ܥܡܘܣ܂ ܘܐܡܪܬ ܐܕܡܘܣ܂ ܘܐܡܪ ܠܝ ܡܪܝܐ܂ ܗܐ ܐܢܐ ܣܐܡ ܐܢܐ ܐܕܡܘܣ ܒܓܘ ܥܡܝ ܐܝܣܪܝܠ܂ ܘܠܐ ܐܘܣܦ ܬܘܒ ܕܐܥܒܪ ܐܢܘܢ܂
07:09	ܘܢܚܪ̈ܒܢ ܦܪ̈ܟܐ ܕܓܘܚܟܐ܂ ܘܡܩ̈ܕܫܐ ܕܐܝܣܪܝܠ ܢܚܪܒܘܢ܂ ܘܐܩܘܡ ܥܠ ܒܝܬ ܝܘܪܒܥܡ ܒܚܪܒܐ܂
07:10	ܘܫܠܚ ܐܡܘܨܝܐ ܟܘܡܪܐ ܕܒܝܬ ܐܝܠ ܠܘܬ ܝܘܪܒܥܡ ܡܠܟܐ ܕܐܝܣܪܝܠ ܘܐܡܪ ܠܗ܂ ܡܪܕ ܥܠܝܟ ܥܡܘܣ ܒܓܘ ܒܝܬ ܐܝܣܪܝܠ܂ ܘܠܐ ܡܫܟܚܐ ܐܪܥܐ ܠܡܣܝܒܪܘ ܡ̈ܠܘܗܝ܂
07:11	ܡܛܠ ܕܗܟܢܐ ܐܡܪ ܥܡܘܣ ܕܒܚܪܒܐ ܢܬܩܛܠ ܝܘܪܒܥܡ ܘܐܝܣܪܝܠ ܒܫܒܝܐ ܢܫܬܒܐ ܡܢ ܐܪܥܗ܂
07:12	ܘܐܡܪ ܐܡܘܨܝܐ ܠܥܡܘܣ܂ ܚܙܝܐ܂ ܥܪܘܩ ܙܠ ܠܟ ܠܐܪܥܐ ܕܝܗܘܕܐ܂ ܘܐܟܘܠ ܬܡܢ ܠܚܡܐ ܘܬܡܢ ܬܬܢܒܐ܂
07:13	ܘܒܝܬ ܐܝܠ ܠܐ ܬܘܣܦ ܬܘܒ ܠܡܬܢܒܝܘ܂ ܡܛܠ ܕܡܩܕܫܐ ܗܘ ܕܡܠܟܐ ܘܒܝܬ ܡܠܟܘܬܐ ܗܘ܂
07:14	ܘܥܢܐ ܥܡܘܣ ܘܐܡܪ ܠܐܡܘܨܝܐ܂ ܐܢܐ ܠܐ ܗܘܝܬ ܢܒܝܐ ܐܦ ܠܐ ܒܪ ܢܒ̈ܝܐ܂ ܐܠܐ ܪܥܝܐ ܐܢܐ ܘܠܩܛ ܫܩ̈ܡܐ܂
07:15	ܘܕܒܪܢܝ ܡܪܝܐ ܡܢ ܒܣܬܪ ܥܢܐ܂ ܘܐܡܪ ܠܝ ܡܪܝܐ܂ ܙܠ ܐܬܢܒܐ ܥܠ ܥܡܝ ܐܝܣܪܝܠ܂
07:16	ܡܟܝܠ ܫܡܥ ܡܠܬܗ ܕܡܪܝܐ܂ ܐܢܬ ܐܡܪܬ ܕܠܐ ܬܬܢܒܐ ܥܠ ܕܒܝܬ ܐܝܣܪܝܠ܂ ܘܠܐ ܬܠܦ ܠܕܒܝܬ ܐܝܣܚܩ܂܀

07:17	ܡܛܠ ܗܢܐ ܗܟܢܐ ܐܡܪ ܡܪܝܐ܂ ܐܢܬܬܟ ܒܡܕܝܢܬܟ ܬܙܢܐ܂ ܘܒܢܝܟ ܘܒܢ̈ܬܟ ܒܚܪܒܐ ܢܦܠܘܢ܂ ܘܐܪܥܟ ܒܫܘܝܬܐ ܬܬܦܠܓ܂ ܘܐܢܬ ܒܐܪܥܐ ܛܡܐܬܐ ܬܡܘܬ܂ ܘܐܝܣܪܝܠ ܒܫܒܝܐ ܢܫܬܒܐ ܡܢ ܐܪܥܗ܂܀