The Comprehensive Aramaic Lexicon

12:01	ܚܙܘܐ ܕܦܬܓܡ̈ܘܗܝ ܕܡܪܝܐ ܥܠ ܐܝܣܪܝܠ܂ ܐܡܪ ܡܪܝܐ ܕܡܬܚ ܫܡܝܐ ܘܐܬܩܢ ܫܬܐ̈ܣܝܗ݀ ܕܐܪܥܐ܂ ܘܒܪܐ ܪܘܚܗ ܕܒܪܢܫܐ ܒܓܘܗ܂
12:02	ܗܐ ܐܢܐ ܥܒܕ ܐܢܐ ܠܗ݀ ܠܐܘܪܫܠܡ܂ ܬܪܥܐ ܕܪܥܠܐ ܠܟܠܗܘܢ ܥܡ̈ܡܐ ܕܚܕܝܪ̈ܝܢ/ܕܚܕܪ̈ܝܢ#3#/ ܠܗ݀܂ ܐܦ ܥܠ ܝܗܘܕܐ ܢܗܘܐ ܐܘܠܨܢܐ ܥܡ ܐܘܪܫܠܡ܂
12:03	ܘܢܗܘܐ ܒܗ ܒܝܘܡܐ ܗ݀ܘ܂ ܐܥܒܕܝܗ݀ ܠܐܘܪܫܠܡ ܟܐܦܐ ܕܕܝܫܐ ܠܟܠܗܘܢ ܥܡ̈ܡܐ܂ ܘܟܠܗܘܢ ܕܝܘܫ̈ܝܗ݀ ܡܣܬܪܛܘ ܢܣܬܪܛܘܢ܂ ܘܢܬܟܢܫܘܢ ܥܠܝܗ݀ ܟܠܗܘܢ ܥܡ̈ܡܐ ܕܐܪܥܐ܂
12:04	ܒܗ ܒܝܘܡܐ ܗ݀ܘ ܐܡܪ ܡܪܝܐ܂ ܐܡܚܐ ܠܟܠܗܘܢ ܪ̈ܟܫܐ ܒܬܡܗܐ܂ ܘܪ̈ܟܒܝܗܘܢ ܒܬܘܪܐ܂ ܘܥܠ ܕܒܝܬ ܝܗܘܕܐ ܐܦܬܚ ܥܝܢ̈ܝ܂ ܘܟܠܗܘܢ ܪ̈ܟܫܐ ܕܥܡ̈ܡܐ ܐܡܚܐ ܒܥܘܪܐ܂
12:05	ܘܢܐܡܪܘܢ ܪ̈ܘܪܒܢܐ ܕܝܗܘܕܐ ܒܠܒܗܘܢ܂ ܥܫܢܘ ܡܢܢ ܥܡܘܪ̈ܝܗ݀ ܕܐܘܪܫܠܡ܂ ܒܡܪܝܐ ܚܝܠܬܢܐ ܐܠܗܗܘܢ܂
12:06	ܒܗ ܒܝܘܡܐ ܗ݀ܘ܂ ܐܥܒܕ ܠܪ̈ܘܪܒܢܐ ܕܝܗܘܕܐ܂ ܐܝܟ ܓܡܘܪܬܐ ܕܢܘܪܐ ܒܩܝܣ̈ܐ܂ ܘܐܝܟ ܠܡܦܐܕܐ ܕܢܘܪܐ ܒܚܒܬܐ܂ ܘܢܐܟܠܘܢ ܠܝܡܝܢܐ ܘܠܣܡܠܐ܂ ܠܟܠܗܘܢ ܥܡ̈ܡܐ ܕܚܕܝܪ̈ܝܢ ܠܗܘܢ܂ ܘܬܬܒ ܐܘܪܫܠܡ ܬܘܒ ܒܕܘܟܬܗ݀ ܒܐܘܪܫܠܡ܂
12:07	ܘܢܦܩܘܕ ܡܪܝܐ ܠܡܫܟܢܐ ܕܝܗܘܕܐ ܐܝܟ ܕܡܢ ܠܘܩܕܡ܂ ܡܛܘܠ ܕܠܐ ܬܣܓܐ ܬܫܒܘܚܬܐ ܕܒܝܬ ܕܘܝܕ܂ ܘܬܫܒܘܚܬܐ ܕܥܡܘܪ̈ܝܗ݀ ܕܐܘܪܫܠܡ ܥܠ ܕܒܝܬ ܝܗܘܕܐ܂
12:08	ܒܗ ܒܝܘܡܐ ܗ݀ܘ܂ ܢܓܢ ܡܪܝܐ ܥܠ ܥܡܘܪ̈ܝܗ݀ ܕܐܘܪܫܠܡ܂ ܘܢܗܘܐ ܟܪܝܗܐ ܕܒܗܘܢ ܒܝܘܡܐ ܗ݀ܘ܂ ܐܝܟ ܕܘܝܕ܂ ܘܒܝܬ/ܘܕܒܝܬ#3#/ ܕܘܝܕ ܐܝܟ ܐܠܗܐ܂ ܐܝܟ ܡܠܐܟܗ ܕܡܪܝܐ ܕܩܕܡܝܗܘܢ܂܀܀
12:09	ܘܢܗܘܐ ܒܗ ܒܝܘܡܐ ܗ݀ܘ ‍<‍ܐܡܪ ܡܪܝܐ#2#‍>‍܂ ܐܒܥܐ ܠܡܘܒܕܘ ܠܟܠܗܘܢ ܥܡ̈ܡܐ ܕܐܬܝܢ ܥܠ ܐܘܪܫܠܡ܂

12:10	ܘܐܫܘܕ ܥܠ ܕܒܝܬ ܕܘܝܕ ܘܥܠ ‍<‍ܟܠܗܘܢ#1##2#‍>‍ ܥܡܘܪ̈ܝܗ݀ ܕܐܘܪܫܠܡ܂ ܪܘܚܐ ܕܪܘܚܦܐ ܘܕܪ̈ܚܡܐ܂ ܘܢܚܘܪܘܢ \ܠܘܬܝ ܒܡ݁ܢ /ܠܘܬ ܡ݁ܢ#3#/ ܕܕܩܪܘ܂ ܘܢܪܩܕܘܢ ܥܠܘܗܝ ܐܝܟ ܕܡܪܩܕܝܢ ܥܠ ܝܚܝܕܐ܂ ܘܢܬܬܒܪܘܢ ܥܠܘܗܝ ܐܝܟ ܕܡܬܬܒܪܝܢ ܥܠ ܒܘܟܪܐ܂܀

12:11	ܒܗ ܒܝܘܡܐ ܗ݀ܘ܂ ܬܣܓܐ ܡܪܩܘܕܬܐ ܒܐܘܪܫܠܡ܂ ܐܝܟ ܡܪܩܘܕܬܐ ܕܒܪ ܐܡܘܢ ܕܒܦܩܥܬ ܡܓܕܘ܂
12:12	ܘܬܪܩܕ ܐܪܥܐ ܫܪ̈ܒܢ ܫܪ̈ܒܢ ܐܝܟ ܚܕܐ܂ ܫܪܒܬܐ ܕܒܝܬ ܕܘܝܕ ܐܟܚܕܐ ܘܢܫܝ̈ܗܘܢ ܐܟܚܕܐ܂ ܫܪܒܬܐ ܕܒܝܬ ܢܬܢ/ܫܡܥܘܢ#3#/ ܐܟܚܕܐ ܘܢܫܝ̈ܗܘܢ ܐܟܚܕܐ܂
12:13	ܫܪܒܬܐ ܕܒܝܬ ‍<‍ܠܘܝ ܐܟܚܕܐ ܘܢܫ̈ܝܗܘܢ ܐܟܚܕܐ ܫܪܒܬܐ ܕܒܝܬ#5#‍>‍ ܫܡܥܘܢ/ܢܬܢ#3#/ ܐܟܚܕܐ ܘܢܫܝ̈ܗܘܢ ܐܟܚܕܐ܂
12:14	ܟܠܗܝܢ ܫܪ̈ܒܬܐ ܕܐܫܬܚܪ܂ ܢܪ̈ܩܕܢ ܫܪ̈ܒܢ ܫܪ̈ܒܢ ܐܟܚܕܐ ܘܢܝܫ̈ܝܗܘܢ ܐܟܚܕܐ݁܀