← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62027: P Ps

Click on a word for lexical analysis
Click on a red-colored coordinate for comments and/or translations of the line

previous chapter


010:001 ܠܡܢܐ ܡܪܝܐ ܩܡܬ ܒܪܘܚܩܐ܂ ܘܐܗܡܝܬ ܚܝܪܟ ܒܙܒܢ̈ܐ ܕܐܘܠܨܢܐ܂
010:002 ܒܫܘܒܗܪܗ ܕܪܫܝܥܐ ܝܩܕ ܡܣܟܢܐ܂ ܢܬܬܚܕܘܢ ܒܬܪܥܝܬܐ ܗܝ ܕܐܬܚܫܒܘ܂
010:003 ܡܛܠ ܕܡܫܬܒܗܪ ܪܫܝܥܐ ܒܪ̈ܓܝܓܬܐ ܕܢܦܫܗ܂ ܥܘܠܐ ܡܬܒܪܟ ܘܪܓܙ ܡܪܝܐ܂
010:004 ܘܪܫܝܥܐ ܒܪܡܘܬܗ ܠܐ ܡܥܩܒ܂ ܘܠܝܬ ܐܠܗܐ ܒܟܘܠܗܝܢ ܬܪ̈ܥܝܬܗ܂
010:005 ܘܫܪ̈ܝܢ ܐܘܪ̈ܚܬܗ ܒܟܠܙܒܢ܂ ܘܡܥܠܝ ܕܝܢܟ ܡܢ ܠܩܘܒܠܗ܂ ܘܠܟܠܗܘܢ ܒ̈ܥܠܕܒܒܘܗܝ ܫܐܛ܂
010:006 ܐܡܪ ܒܠܒܗ ܕܠܐ ܐܙܘܥ ܠܕܪܕܪܝܢ܂ ܪܢܐ ܒܒܝܫܬܐ
010:007 ܘܠܘܛܬܐ ܡܠܐ ܦܘܡܗ܂ ܬܘܟܐ ܘܢܟܠܐ ܬܚܝܬ ܠܫܢܗ ܥܘܠܐ ܘܥܬܐ܂
010:008 ܝܬܒ ܒܟܡܐܢܐ ܒܕܝܪܐ܂ ܘܒܛܘܫܝܐ ܩܛܠ ܠܙܕܝܩܐ܂ ܥܝܢ̈ܘܗܝ ܠܒܝܫܐ ܕܝܩ̈ܢ܂
010:009 ܘܟܡܢ ܠܡܚܛܦ ܠܡܣܟܢܐ ܒܢܓܕܐ ܕܡܨܝܕܬܗ܂
010:010 ܗܘ ܢܬܡܟܟ ܘܢܦܠ܂ ܘܒܓܪ̈ܡܘܗܝ ܟܘܪܗܢܐ ܘܟܐܒ̈ܐ܂
010:011 ܐܡܪ ܒܠܒܗ ܕܛܥܐ ܐܠܗܐ܂ ܘܐܦܢܝ ܐ̈ܦܘܗܝ ܘܠܐ ܚܙܐ ܠܥܠܡ܂
010:012 ܩܘܡ ܡܪܝܐ ܐܠܗܝ ܘܐܪܝܡ ܐܝܕܟ܂ ܘܠܐ ܬܛܥܝܘܗܝ ܠܒܝܫܐ܂
010:013 ܠܡܢܐ/ܥܠ ܡܢܐ#3#/ ܐܪܓܙ ܚܛܝܐ ܠܐܠܗܐ܂ ܘܐܡܪ ܒܠܒܗ ܕܠܐ ܬܒܥ܂
010:014 ܚܙܐ ܐܢܬ ܕܐܝܬ ܥܘܠܐ ܘܪܘܓܙܐ/ܘܪܘܫܥܐ#3#/܂ ܘܚܐܪ ܐܢܬ ܕܢܫܬܠܡ/ܕܢܫܠܡ#3#/ ܒܐ̈ܝܕܝܟ܂ ܥܠܝܟ ܢܫܬܒܩ ܒܝܫܐ܂ ܘܕܝܬܡܐ ܐܢܬ ܗܘ ܥܕܘܪܗ܂
010:015 ܬܒܪ ܕܪܥܗ ܕܚܛܝܐ܂ ܘܕܒܝ݁ܫܐ/ܘܕܒܝ݂ܫܐ#3#/ ܬܬܒܥܐ/ܬܬܒܥܗ#3#/ ܚܛܝܬܗ ܘܠܐ ܬܫܬܟܚ܂
010:016 ܡܪܝܐ ܡܠܟܐ ܗܘ ܠܥܠܡ ܥܠܡܝܢ܂ ܐܒܕܘ ܥܡ̈ܡܐ ܡܢ ܐܪܥܗ܂
010:017 ܣܒܪܐ ܕܡܣ̈ܟܢܐ ܫܡܥ ܐܢܬ ܡܪܝܐ܂ ܘܛܘܝܒܐ ܕܠܒܗܘܢ ܬܨܘܬ ܐܕܢܟ܂
010:018 ܠܡܕܢ ܠܝ̈ܬܡܐ ܘܠܒܝܫ̈ܐ܂ ܕܠܐ ܢܘܣܦ ܬܘܒ ܠܡܘܒܕܘ ܒܢܝܢܫ̈ܐ ܡܢ ܐܪܥܐ܂

next chapter