The Comprehensive Aramaic Lexicon

017:001	ܫܡܥ ܡܪܝܐ ܩܕܝܫܐ ܘܚܘܪ ܒܒܥܘܬܝ܂ ܘܨܘܬ ܨܠܘܬܝ ܕܠܐ ܡܢ ܣ̈ܦܘܬܐ ܢܟܘ̈ܠܬܢܝܬܐ܂
017:002	ܡܢ ܩܕܡܝܟ ܕܝܢܝ ܢܦܘܩ܂ ܘܥܝܢ̈ܝܟ ܢܚ̈ܙܝܢ ܬܪܝܨܘܬܐ܂
017:003	ܒܚܪܬ ܠܒܝ ܘܣܥܪܬܢܝ ܒܠܠܝܐ܂ ܘܒܩܝܬܢܝ ܘܠܐ ܐܫܟܚܬ ܒܝ ܥܘܠܐ܂ ܘܠܐ ܥܒܪܘ ܥܠ ܦܘܡܝ܂
017:004	ܥܒ̈ܕܐ ܕܒܢܝܢܫ̈ܐ܂ ܒܡܡܠܠܐ/ܒܡ̈ܠܐ#3#/ ܕܣܦܘ̈ܬܐ܂ ܐܠܐ ܢܛܪܬܢܝ ܡܢ ܐܘܪ̈ܚܬܐ ܒܝܫ̈ܬܐ܂
017:005	ܣܡܟܬ ܗ̈ܠܟܬܝ ܒܫ̈ܒܝܠܝܟ ܕܠܐ ܢܙܘ̈ܥܢ ܦܣ̈ܥܬܝ܂
017:006	ܐܢܐ ܩܪܝܬܟ ܡܛܠ ܕܥܢܝܬܢܝ܂ ܐܠܗܐ ܨܠܝ \ܐܕܢܟ ܠܘܬܝ /ܠܘܬܝ ܐܕܢܟ#3#/ ܘܫܡܥ ܡ̈ܠܝ܂
017:007	ܘܥܒܕܝܗܝ ܬܕܡܘܪܬܐ ܠܚܣܝܟ܂ ܘܦܪܘܩܐ ܕܐܝܠܝܢ/ܠܐܝܠܝܢ#3#/ ܕܡܣܒܪܝܢ ‍<‍ܒܟ#3#‍>‍܂ ܡܢ ܐܝܠܝܢ ܕܩܝܡܝܢ ܠܘܩܒܠ ܝܡܝܢܟ܂

017:008	ܢܛܪܝܢܝ ܐܝܟ ܒܒܬܐ ܕܥܝܢܐ܂ ܘܒܛܠܠܐ ܕܟܢ̈ܦܝܟ ܣܬܪܝܢܝ܂

017:009	ܡܢ ܩܕܡ ܚ̈ܛܝܐ ܗܠܝܢ/ܗܢܘܢ#3#/ ܕܒܙܘܢܝ ܘܒ̈ܥܠܕܒܒܝܗ݀ ܕܢܦܫܝ ܕܣܡܘ ܥܠܝ܂
017:010	ܣܟܘܪ ܦܘܡܗܘܢ ܕܡܠܠܘ ܫܒܗܪܢܘܬܐ/ܒܫܒܗܪܢܘܬܐ#3#/܂
017:011	ܫܒܚܘܢܝ ܘܗܫܐ ܟܪܟܘܢܝ܂ ܣܡܘ ܥܝܢ̈ܝܗܘܢ ܕܢܪܡܘܢܢܝ ܒܐܪܥܐ܂
017:012	ܕܡܝܢ ܠܐܪܝܐ ܕܒܥܐ ܠܡܬܒܪ܂ ܘܐܝܟ ܓܘܪܝܐ ܕܐܪܝܐ ܕܝܬܒ ܒܛܘܫܝܐ܂
017:013	ܩܘܡ ܡܪܝܐ ܩܕܡ ܐ̈ܦܝܗܘܢ ܘܐܒܪܟ ܐܢܘܢ܂ ܘܦܨܗ݀ ܠܢܦܫܝ ܡܢ ܪ̈ܫܝܥܐ ܘܡܢ ܚܪܒܐ܂
017:014	ܘܡܢ ܡ̈ܝܬܐ ܕܡܝܬܝܢ ܡܢ ܐ̈ܝܕܝܟ ܡܪܝܐ܂ ܘܡܢ ܡ̈ܝܬܐ ܕܚܦܪܐ܂ ܬܦܠܓ ܐܢܘܢ ܒܚ̈ܝܐ܂ ܘܣܝ̈ܡܬܟ ܡܠܝ ܟܪܣܗܘܢ܂ ܢܣܒܥܘܢ ܒ̈ܢܝܐ ܘܢܫܒܩܘܢ ܫܪܟܐ ܠܒܢܝܗܘܢ܂
017:015	ܐܢܐ ܕܝܢ ܒܙܕܝܩܘܬܐ ܐܚܙܐ ܐ̈ܦܝܟ܂ ܘܐܣܒܥ ܡܐ ܕܐܬܬܥܝܪܬ ܗܝܡܢܘܬܟ܂