The Comprehensive Aramaic Lexicon

018:002	ܐܪܚܡܟ ܡܪܝܐ ܚܝܠܝ܂
018:003	ܘܬܘܟܠܢܝ܂ ܘܒܝܬ ܓܘܣܝ ܡܦܨܝܢܝ܂ ܐܠܗܐ ܬܩܝܦܐ ܕܬܟܝܠ ܐܢܐ ܥܠܘܗܝ܂ ܡܣܝܥܢܝ ܘܩܪܢܐ ܕܦܘܪܩܢܝ܂ ܘܒܝܬ ܓܘܣܝ
018:004	ܡܫܒܚܐ܂ ܐܩܪܐ ܠܡܪܝܐ ܘܡܢ ܒ̈ܥܠܕܒܒܝ ܐܬܦܪܩ܂
018:005	ܡܛܠ ܕܚܕܪܘܢܝ ܚܒ̈ܠܐ ܕܡܘܬܐ ܘܕܓܠܘ̈ܬܐ/ܘܕ̈ܓܠܬܐ#3#/ܘܪ̈ܓܠܬܐ#3#/ ܕܥܘ̈ܠܐ ܕܠܚ̈ܢܝ܂
018:006	ܘܚ̈ܒܠܐ ܕܫܝܘܠ ܟܪܟܘܢܝ܂ ܘܩܕܡܘܢܝ ܦܚ̈ܘܗܝ ܕܡܘܬܐ܂
018:007	ܒܐܘܠܨܢܝ ܩܪܝܬ ܠܡܪܝܐ ܘܠܐܠܗܝ ܩܪܝܬ܂ ܘܫܡܥ ܡܢ ܗܝܟܠܗ ܒܩܠܝ܂ ܘܓܥܬܝ/ܓܥܬ#3#/ ܩܕܡܘܗܝ ܘܥܠܬ ܒܐ̈ܕܢܘܗܝ܂
018:008	ܐܬܕܠܚܬ/ܘܐܬܬܠܚܬ#3#/ ܘܙܥܬ ܐܪܥܐ܂ ܘܫܬܐ̈ܣܐ ܕܛܘܪ̈ܐ ܙ̈ܥܝ ܘܐܬܬܠܚܝ/ܘܐܬܕܠܚܝ#3#/܂ ܡܛܠ ܕܐܬܚܡܬ ܥܠܝܗܘܢ܂
018:009	ܣܠܩ ܬܢܢܐ ܒܪܘܓܙܗ܂ ܘܢܘܪܐ ܡܢ ܦܪܨܘܦܗ ܐܬܓܘܙܠܬ܂ ܘܓܘܡܪ̈ܐ ܚ̈ܒܢ ܡܢܗ܂
018:010	ܐܪܟܢ ܫܡܝܐ ܘܢܚܬ܂ ܘܥܪ̈ܦܠܐ ܬܚܝܬ ܪ̈ܓܠܘܗܝ܂
018:011	ܪܟܒ ܥܠ ܟܪ̈ܘܒܐ ܘܦܪܚ܂ ܘܛܣ ܥܠ ܟܢ̈ܦܝܗ݀ ܕܪܘܚܐ܂
018:012	ܣܡ ܚܫܘܟܐ ܠܓܢܝܗ ܘܟܪܟܗ ܡܛܠܠܗ܂ ܘܚܫܘܟܐ ܕܡ̈ܝܐ ܒܥܢ̈ܢܐ ܕܐܐܪ܂
018:013	ܡܢ ܙܗܪܐ ܕܡܛܠܠܗ܂ ܥܢ̈ܢܘܗܝ ܥܒܕ ܒܪܕܐ ܘܓܘܡܪ̈ܐ ܕܢܘܪܐ܂
018:014	ܘܪܥܡ ܒܫܡܝܐ ܡܪܝܐ܂ ܘܥܠܝܐ ܝܗܒ ܩܠܗ ܒܪܕܐ ܘܓܘܡܪ̈ܐ ܕܢܘܪܐ܂
018:015	ܫܕܪ ܓܐܪ̈ܘܗܝ ܘܒܕܪ ܐܢܘܢ܂ ܒܪ̈ܩܘܗܝ ܐܣܓܝ ܘܕܠܚ ܐܢܘܢ܂
018:016	ܘܐܬܚܙܝܘ ܡܒ̈ܘܥܐ ܕܡ̈ܝܐ ܘܐܬܓܠܝ ܫܬܐ̈ܣܝܗ݀ ܕܬܒܝܠ܂ ܡܢ ܟܐܬܟ ܡܪܝܐ܂ ܘܡܢ ܢܫܡܬܐ ܕܪܘܚܐ ܕܪܘܓܙܟ܂
018:017	ܫܕܪ ܡܢ ܡܪܘܡܐ ܘܫܠܢܝ܂ ܘܩܒܠܢܝ ܡܢ ܡ̈ܝܐ ܣ̈ܓܝܐܐ܂
018:018	ܘܦܨܝܢܝ ܡܢ ܒ̈ܥܠܕܒܒܝ ܥܫܝ̈ܢܐ ܘܡܢ ܣ̈ܢܐܝ ܕܥܫܢܘ ܡܢܝ܂
018:019	ܩܕܡܘܢܝ ܒܝܘܡܐ ܕܥܩܬܝ܂ ܘܗܘܐ ܠܝ ܡܪܝܐ ܦܪܘܩܐ܂
018:020	ܘܐܦܩܢܝ ܠܐܪܘܚܬܐ ܘܦܨܝܢܝ ܡܛܠ ܕܨܒܐ ܒܝ܂
018:021	ܘܦܪܥܢܝ ܡܪܝܐ ܐܝܟ ܙܕܝܩܘܬܝ܂ ܘܐܝܟ ܕܟܝܘܬܐ ܕܐ̈ܝܕܝ ܫܠܡܢܝ܂
018:022	ܡܛܠ ܕܢܛܪܬ ܐܘܪ̈ܚܬܗ ܕܡܪܝܐ܂ ܘܠܐ ܐܬܡܪܕܬ/ܘܐܬܡܪܬ#3#/ ܡܢ ܐܠܗܝ܂
018:023	ܡܛܠ ܕܟܠܗܘܢ ܕܝܢ̈ܘܗܝ ܠܘܩܒܠܝ܂ ܘܢܡܘ̈ܣܘܗܝ ܠܐ ܐܥܒܪܬ/ܥܒܪܬ#3#/ ܡܢܝ܂
018:024	ܘܗܘܝܬ ܕܠܐ ܡܘܡ ܥܡܗ܂ ܘܐܙܕܗܪܬ ܡܢ ܚ̈ܛܗܝ܂
018:025	ܘܦܪܥܢܝ ܡܪܝܐ ܐܝܟ ܙܕܝܩܘܬܝ܂ ܘܐܝܟ ܕܟܝܘܬܐ ܕܐ̈ܝܕܝ ܩܕܡ ܥܝܢ̈ܘܗܝ܂
018:026	ܥܡ ܚܣܝܐ ܚܣܝܐ ܬܗܘܐ ܘܥܡ ܬܡܝܡܐ ܬܬܡܡ܂
018:027	ܘܥܡ ܓܒܝܐ ܬܬܓܒܐ܂ ܘܥܡ ܥܩܝܡܐ ܬܬܦܬܠ܂
018:028	ܡܛܠ ܕܐܢܬ ܥܡܐ ܡܣܟܢܐ ܬܦܪܘܩ܂ ܘܥܝ̈ܢܐ ܪ̈ܡܬܐ ܬܡܟܟ܂
018:029	ܐܢܬ ܬܢܗܪ/ܐܢܗܪ#3#/ ܫܪܓܝ܂ ܡܪܝܐ ܐܠܗܝ ܢܢܗܪ ܚܫܘܟܝ܂
018:030	ܡܛܠ ܕܒܟ ܐܪܗܛ ܥܠ ܓܝܣܐ܂ ܘܒܐܠܗܝ ܐܫܘܪ ܫܘܪܐ܂
018:031	ܐܠܗܐ ܕܕܠܐ ܡܘܡ ܐܘܪܚܗ܂ ܡܐܡܪܗ ܕܡܪܝܐ ܒܩܐ܂ ܘܡܥܕܪ ܠܟܠ ܕܬܟܝܠܝܢ ܥܠܘܗܝ܂
018:032	ܡܛܘܠ ܕܠܝܬ ܐܠܗܐ ܠܒܪ ܡܢ ܡܪܝܐ܂ ܘܠܝܬ ܕܬܩܝܦ ܐܝܟ ܐܠܗܝ܂
018:033	ܐܠܗܐ ܕܚܙܩܢܝ ܚܝܠܐ܂ ܘܝܗܒ ܕܠܐ ܡܘܡ ܐܘܪܚܝ܂
018:034	ܥܒܕ ܪ̈ܓܠܝ ܐܝܟ ܕܐܝܠܐ܂ ܘܥܠ ܪܘܡܝ/ܪܘܡܐ#3#/ ܐܩܝܡܢܝ܂
018:035	ܐܠܦ ܐ̈ܝܕܝ ܠܩܪܒܐ܂ ܘܫܪܪ ܐܝܟ ܩܫܬܐ ܕܢܚܫܐ ܕܪ̈ܥܝ܂
018:036	ܝܗܒܬ ܠܝ ܣܟܪܐ ܕܦܘܪܩܢܐ ܝܡܝܢܟ ܬܣܝܥܢܝ ܘܡܪܕܘܬܟ ܬܪܒܝܢܝ܂
018:037	ܐܪܘܚܬ ܦܣ̈ܥܬܝ ܬܚܘܬܝ ܕܠܐ ܢܙܘܥܘܢ ܩܘܪ̈ܨܠܝ܂

018:038	ܐܪܕܘܦ ܒ̈ܥܠܕܒܒܝ ܘܐܕܪܟ ܐܢܘܢ܂ ܘܠܐ ܐܗܦܘܟ ܥܕܡܐ ܕܐܓܡܪ ܐܢܘܢ܂

018:039	ܐܡܚܐ ܐܢܘܢ ܘܠܐ/ܕܠܐ#3#/ ܢܫܟܚܘܢ ܠܡܩܡ܂ ܘܢܦܠܘܢ ܬܚܝܬ ܪ̈ܓܠܝ܂
018:040	ܬܚܙܩܢܝ ܚܝܠܐ ܒܩܪܒܐ܂ ܘܬܒܪܟ ܠܕܩܝܡܝܢ/ܠܐܝܠܝܢ ܕܩܝܡܝܢ#3#/ ܥܠܝ ܬܚܘܬܝ܂
018:041	ܘܠܒ̈ܥܠܕܒܒܝ ܬܬܒܪ/ܬܕܒܪ#3#/ ܩܕܡܝ܂ ܘܠܣ̈ܢܐܝ ܐܫܬܩ ܐܢܘܢ܂
018:042	ܢܓܥܘܢ ܘܠܐ ܢܗܘܐ ܠܗܘܢ ܦܪܘܩܐ܂ ܢܒܥܘܢ ܡܢ ܡܪܝܐ ܘܠܐ ܢܥܢܐ ܐܢܘܢ܂
018:043	ܐܫܚܘܩ ܐܢܘܢ ܐܝܟ ܥܦܪܐ ܥܠ ܐ̈ܦܝ ܪܘܚܐ܂ ܘܐܝܟ ܣܝܢܐ ܕܫ̈ܘܩܐ ܐܕܘܫ ܐܢܘܢ܂
018:044	ܬܦܨܝܢܝ ܡܢ ܕܝܢ̈ܘܗܝ ܕܥܡܐ܂ ܘܬܥܒܕܢܝ ܪܝܫܐ ܠܥܡ̈ܡܐ܂ ܥܡܐ ܕܠܐ ܝܕܥܬ/ܝܕܥ ܗܘܝܬ#3#/ ܢܦܠܚܘܢܢܝ܂
018:045	ܘܡܫܡܥ ܐܕܢܐ ܢܫܡܥܘܢܢܝ܂ ܒܢ̈ܝܐ ܢܘܟܪ̈ܝܐ ܢܫܬܥܒܕܘܢ ܠܝ܂
018:046	ܒܢ̈ܝܐ ܢܘܟܪ̈ܝܐ ܢܬܟܠܘܢ ܘܢܬܚܓܪܘܢ ܡܢ ܫܒܝ̈ܠܝܗܘܢ܂
018:047	ܚܝ ܗܘ ܡܪܝܐ ܘܒܪܝܟ ܗܘ ܡܚܝܠܢܝ܂ ܐܬܬܪܝܡ/ܢܬܬܪܝܡ#3#/ ܐܠܗܝ ܘܦܪܘܩܝ܂
018:048	ܐܠܗܐ ܕܝܗܒ ܠܝ ܬܒܥܬܐ܂ ܘܫܥܒܕ ܠܥܡ̈ܡܐ ܬܚܘܬܝ܂
018:049	ܘܦܨܝܢܝ ܡܢ ܒ̈ܥܠܕܒܒܝ܂ ܘܡܢ ܐܝܠܝܢ ܕܩܝܡܝܢ ܥܠܝ ܐܪܝܡܝܢܝ܂ ܘܡܢ ܓܒܪ̈ܐ ܥܘ̈ܠܐ ܬܦܨܝܢܝ܂
018:050	ܡܛܠ ܗܢܐ ܐܘܕܐ ܠܟ ܒܝܬ ܥܡ̈ܡܐ ܡܪܝ܂ ܘܠܫܡܟ ܐܙܡܪ܂
018:051	ܡܘܪܒ ܦܘܪܩܢܐ ܕܡܠܟܗ܂ ܘܥܒܕ ܛܝܒܘܬܐ ܠܡܫܝܚܗ܂ ܠܕܘܝܕ ܘܠܙܪܥܗ ܥܕܡܐ ܠܥܠܡ܂