The Comprehensive Aramaic Lexicon

022:002	ܐܠܗܝ ܐܠܗܝ ܠܡܢܐ ܫܒܩܬܢܝ܂ ܘܐܪܚܩܬ ܡܢ ܦܘܪܩܢܝ ܒܡ̈ܠܐ ܕܣ̈ܟܠܘܬܝ܂
022:003	ܐܠܗܝ ܐܩܪܝܟ ܒܐܝܡܡܐ ܘܠܐ ܬܥܢܝܢܝ܂ ܘܒܠܠܝܐ ܘܠܐ ܬܟܬܪ ܠܝ܂
022:004	ܐܢܬ ܩܕܝܫ ܘܝܬܒ ܒܫܘܒܚܟ ܐܝܣܪܝܠ܂

022:005	ܒܟ ܣܒܪܘ ܐ̈ܒܗܝ ܣܒܪܘ ܒܟ ܘܦܨܝܬ ܐܢܘܢ܂

022:006	ܠܘܬܟ ܓܥܘ ܘܐܬܦܨܝܘ܂ ܒܟ ܣܒܪܘ ܘܠܐ ܒܗܬܘ܂
022:007	ܐܢܐ ܬܘܠܥܐ ܐܢܐ ܘܠܐ ܒܪܢܫܐ܂ ܚܣܕܐ ܕܒܢ̈ܝ ܐܢܫܐ ܘܣܘܠܢܗ ܕܥܡܐ܂
022:008	ܟܠ ܕܚܙܐܘܢܝ ܡܝܩܘ ܒܝ܂ ܐܦܛܪܘ ܒܣ̈ܦܘܬܗܘܢ ܘܐܢܝܕܘ ܒܪ̈ܝܫܝܗܘܢ܂
022:009	ܐܬܬܟܠ ܥܠ ܡܪܝܐ ܕܢܦܨܝܘܗܝ܂ ܘܢܦܠܛܝܘܗܝ ܐܢ ܨܒܐ ܒܗ܂
022:010	ܡܛܠ ܕܐܢܬ ܗܘ ܬܘܟܠܢܝ ܡܢ ܡܪܒܥܐ܂ ܘܣܒܪܝ ܥܠ/ܡܢ#3#/ ܬܕܝ̈ܗ݀ ܕܐܡܝ܂
022:011	ܥܠܝܟ ܐܫܬܕܝܬ/ܐܬܐܫܕܬ#3#/ ܡܢ ܡܪܒܥܐ܂ ܘܡܢ ܟܪܣܗ݀ ܕܐܡܝ ܐܠܗܝ ܐܢܬ܂
022:012	ܠܐ ܬܪܚܩ ܡܢܝ܂ ܡܛܠ ܕܐܘܠܨܢܐ ܩܪܒ ܘܠܝܬ ܕܡܥܕܪ܂
022:013	ܐܬܟܪܟܘܢܝ ܬܘܪ̈ܐ ܣ̈ܓܝܐܐ܂ ܘܐܪ̈ܘܢܐ ܕܒܝܫܢ ܚܕܪܘܢܝ܂
022:014	ܦܬܚܘ ܥܠܝ ܦܘܡܗܘܢ܂ ܐܝܟ ܐܪܝܐ ܕܢܗܡ ܘܚܛܦ܂
022:015	ܘܐܝܟ ܡ̈ܝܐ ܐܬܐܫܕܬ܂ ܘܐܬܒܕܪܘ ܟܠܗܘܢ ܓܪ̈ܡܝ ܘܗܘܐ ܠܒܝ ܐܝܟ ܫܥܘܬܐ܂ ܘܐܬܡܣܝܘ ܒܓܘ ܡ̈ܥܝ܂
022:016	ܘܝܒܫ ܐܝܟ ܚܨܦܐ ܕܦܚܪܐ ܚܝܠܝ܂ ܘܠܫܢܝ ܕܒܩ ܠܫܡ̈ܝ ܚܟܝ܂ \ܘܥܠ ܥܦܪܐ /ܘܠܥܦܪܐ#3#/ ܕܡܘܬܐ ܫܕܝܬܢܝ܂
022:017	ܡܛܠ ܕܚܕܪܘܢܝ ܟܠܒ̈ܐ܂ ܘܟܢܘܫܬܐ ܕܒܝܫ̈ܐ ܟܪܟܘܢܝ܂ ܒܙܥܘ ܐ̈ܝܕܝ ܘܪ̈ܓܠܝ܂
022:018	ܘܐܝܠܠܘ ܟܘܠܗܘܢ ܓܪ̈ܡܝ܂ ܗܢܘܢ ܚܪܘ ܘܚܙܘ ܒܝ܂
022:019	ܘܦܠܓܘ ܢܚ̈ܬܝ ܒܝܢܬܗܘܢ܂ ܘܥܠ ܠܒܘܫܝ ܐܪܡܝܘ ܦܣܐ/ܦܨܐ#3#/܂
022:020	ܘܐܢܬ ܡܪܝܐ ܠܐ ܬܪܚܩ ܡܢܝ܂܀ ܐܝܠ ܐܝܠ ܠܥܘܕܪܢܝ ܟܬܪ܂
022:021	ܘܦܨܗ݀ ܡܢ ܚܪܒܐ ܠܢܦܫܝ܂ ܘܡܢ ܐܝܕܐ ܕܟܠܒ̈ܐ ܝܚܝܕܘܬܝ܂
022:022	ܦܪܘܩܝܢܝ ܡܢ ܦܘܡܗ ܕܐܪܝܐ ܘܡܢ ܩܪܢܐ ܪܡܬܐ ܡܘܟܟܝ܂
022:023	ܕܐܣܒܪ ܫܡܟ ܠܐ̈ܚܝ܂ ܘܒܓܘ ܟܢܘܫܬܐ ܐܫܒܚܟ܂
022:024	ܕܚ̈ܠܘܗܝ ܕܡܪܝܐ ܫܒܚܘܗܝ܂ ܘܟܠܗ ܙܪܥܗ ܕܝܥܩܘܒ ܐܘܩܪܘܗܝ܂ ܘܕܚܠܘ ܡܢܗ ܟܠܗ ܙܪܥܗ ܕܐܝܣܪܝܠ܂
022:025	ܡܛܠ ܕܠܐ ܫܛ ܘܠܐ ܐܣܠܝ ܓܥܬܗ ܕܡܣܟܢܐ܂ ܘܠܐ ܐܗܦܟ ܐ̈ܦܘܗܝ ܡܢܗ܂ ܟܕ ܓܥܐ ܠܘܬܗ ܫܡܥܗ/ܫܡܗ#3#/܂
022:026	ܡܢ ܩܕܡܝܟ ܗܝ ܬܫܒܘܚܬܝ ܒܥܕܬܐ ܪܒܬܐ܂ ܢܕܪ̈ܝ ܐܫܠܡ ܩܕܡ ܕܚ̈ܠܘܗܝ܂
022:027	ܢܐܟܠܘܢ ܡܣ̈ܟܢܐ ܘܢܣܒܥܘܢ܂ ܘܢܫܒܚܘܢ ܠܡܪܝܐ ܐܝܠܝܢ ܕܒܥܝܢ ܠܗ܂ ܘܢܚܐ ܠܒܗܘܢ ܠܥܠܡܝܢ܂
022:028	ܢܬܕܟܪܘܢ/ܘܢܬܟܠܘܢ#3#/ ܘܢܬܦܢܘܢ ܠܘܬ ܡܪܝܐ ܟܠܗܘܢ ܥܒܪ̈ܝܗ݀ ܕܐܪܥܐ܂ ܘܩܕܡܘܗܝ ܢܣ̈ܓܕܢ ܟܠܗܝܢ ܫܪ̈ܒܬܐ ܕܥܡ̈ܡܐ܂
022:029	ܡܛܠ ܕܕܡܪܝܐ ܗܝ ܡܠܟܘܬܐ ܘܗܘܝܘ ܫܠܝܛ ܥܠ ܥܡ̈ܡܐ܂
022:030	ܢܐܟܠܘܢ ܘܢܣܓܕܘܢ ܩܕܡ ܡܪܝܐ ܟܠܗܘܢ ܟܦܢ̈ܝܗ݀ ܕܐܪܥܐ܂ ܘܩܕܡܘܗܝ ܢܒܪܟܘܢ ܟܠ ܢܚ̈ܬܝ ܥܦܪܐ݁ ܢܦܫܝ ܠܗ \ܗܘ ܚܝܐ /ܘܚܝܐ#3#/܂
022:031	ܙܪܥܐ ܕܢܦܠܚܝܘܗܝ ܢܣܒܪ ܕܪܗ ܠܡܪܝܐ/ܕܡܪܝܐ#3#/܂
022:032	ܢܐܬܘܢ ܘܢܚܘܘܢ ܙܕܝܩܘܬܗ܂ ܠܥܡܐ ܕܡܬܝܠܕ ܕܥܒܕ ܡܪܝܐ܂