The Comprehensive Aramaic Lexicon

035:001	ܕܘܢ ܡܪܝܐ ܕܝܢܝ ܘܐܬܟܬܫ ܥܡ ܐܝܠܝܢ ܕܡܬܟܬܫܝܢ ܥܡܝ܂
035:002	ܐܚܘܕ ܙܝܢܐ ܘܣܟܪܐ ܘܩܘܡ ܒܥܘܕܪܢܝ܂
035:003	ܫܡܘܛ ܣܦܣܝܪܐ ܘܐܒܪܩ ܠܘܩܒܠ ܪ̈ܕܘܦܝ܂ ܘܐܡܪ ܠܢܦܫܝ ܕܐܢܐ ܗܘ ܦܪܘܩܟܝ܂
035:004	ܢܒܗܬܘܢ ܘܢܚܦܪܘܢ ܐܝܠܝܢ ܕܒܥܝܢ ܠܢܦܫܝ܂ ܢܗܦܟܘܢ/ܢܬܗܦܟܘܢ#3#/ ܠܒܣܬܪܗܘܢ ܘܢܚܦܪܘܢ܂ ܐܝܠܝܢ ܕܐܬܚܫܒܘ ܥܠܝ ܒܝܫܬܐ܂
035:005	ܢܗܘܘܢ ܐܝܟ ܕܚܝܚܐ ܩܕܡ ܪܘܚܐ܂ ܘܡܠܐܟܗ ܕܡܪܝܐ ܢܪܕܘܦ ܐܢܘܢ܂
035:006	ܬܚܫܟ ܐܘܪܚܗܘܢ ܘܢܗ̈ܘܝܢ ܒܗ݀ ܡܫܪ̈ܘܥܝܬܐ܂ ܘܡܠܐܟܗ ܕܐܠܗܐ ܢܪܕܘܦ ܐܢܘܢ܂
035:007	ܥܠ ܕܛܡܪܘ ܠܝ ܦܚ̈ܐ܂ ܘܡܨܝܕܬܐ ܦܪܣܘ ܠܢܦܫܝ/ܥܠ ܢܦܫܝ#3#/܂
035:008	ܬܐܬܐ ܥܠܝܗܘܢ ܒܝܫܬܐ ܡܢ ܫܠܝܐ܂ ܘܡܨܝܕܬܐ ܕܛܡܪܘ ܬܐܚܘܕ ܐܢܘܢ܂ ܘܓܘܡܨܐ ܕܚܦܪܘ ܢܦܠܘܢ ܒܗ܂
035:009	ܢܦܫܝ ܕܝܢ ܬܪܘܙ ܒܐܠܗܐ ܘܬܬܒܣܡ ܒܦܘܪܩܢܗ܂
035:010	ܘܟܠܗܘܢ ܓܪ̈ܡܝ ܢܐܡܪܘܢ܂ ܡܪܝܐ ܡܢܘ ܐܟܘܬܟ܂ ܕܡܦܨܐ ܐܢܬ ܠܒܝܫܐ ܡܢ ܒܥܠܕܒܒܗ܂ ܘܠܡܣܟܢܐ ܘܠܒܝܫܐ ܡܢ ܡܢ ܕܚܛܦ ܠܗ ܒܩܛܝܪܐ܂
035:011	ܩܡܘ ܣܗ̈ܕܐ ܕܥܘܠܐ܂ ܘܡܕܡ ܕܠܐ ܝܕܥ ܗܘܝܬ ܫܐܠܘܢܝ܂
035:012	ܦܪܥܘܢܝ ܒܝܫܬܐ ܚܠܦ ܛܒܬܐ܂ ܘܐܘܒܕܘ ܢܦܫܝ ܡܢ ܒܢ̈ܝ ܐܢܫܐ܂
035:013	ܘܐܢܐ ܒܟܪܝܗܘܬܗܘܢ ܠܒܫܬ ܣܩܐ܂ ܘܡܟܟܬ ܢܦܫܝ ܒܨܘܡܐ܂ ܘܨܠܘܬܝ ܠܥܘܒܝ ܗܦܟܬ܂
035:014	ܐܝܟ ܪܚܡܐ ܘܐܝܟ ܐܚܐ ܡܗܠܟ ܗܘܝܬ܂ ܘܐܝܟ ܗܘ ܕܝܬܒ ܒܐܒܠܐ ܐܬܕܘܝܬ܂

035:015	ܒܚܫܝ ܐܬܟܢܫܘ ܘܚܕܝܘ ܠܝ܂ ܐܬܟܢܫܘ ܥܠܝ ܢܘܓܪܐ ܘܠܐ ܝܕܥܬ܂

035:016	ܒܫܘܒܗܪܗܘܢ ܘܒܒܘܙܚܗܘܢ ܚܪܩܘ ܥܠܝ ܫ̈ܢܝܗܘܢ܂
035:017	ܡܪܝ ܟܕܘ ܚܙܝܬ܂ ܐܗܦܟ ܢܦܫܝ ܡܢ ܫܓܘܫܝܗܘܢ܂ ܘܡܢ ܐܪ̈ܝܘܬܐ ܝܚܝܕܘܬܝ܂
035:018	ܐܘܕܐ ܠܟ ܒܥܕܬܐ ܪܒܬܐ܂ ܘܒܥܡ̈ܡܐ ܣ̈ܓܝܐܐ ܐܙܡܪ ܠܟ܂
035:019	ܕܠܐ ܢܚܕܘܢ ܠܝ ܒ̈ܥܠܕܒܒܝ܂ ܘܫܩܪ̈ܐ ܕܣܢܝܢ ܠܝ ܡܓܢ܂ ܕܡܪܡܙܝܢ ܒܥܝܢ̈ܝܗܘܢ܂
035:020	ܘܫܠܡܐ ܠܐ ܐܡܪܝܢ܂ ܘܥܠ ܡܟܝܟܐ ܕܐܪܥܐ/ܒܐܪܥܐ#3#/ ܢܟܠܐ ܡܬܚܫܒܝܢ܂
035:021	ܦܬܚܘ ܥܠܝ ܦܘܡܗܘܢ ܘܐܡܪܘ܂ ܐܗܐ ܐܗܐ ܚܙܬ ܒܗ ܥܝܢܢ܂
035:022	ܚܙܝܬ ܐܠܗܐ ܘܠܐ ܬܫܬܘܩ܂ ܡܪܝ ܘܠܐ ܬܪܚܩ ܡܢܝ܂
035:023	‍<‍ܐܠܐ#3#‍>‍ ܐܬܬܥܝܪ ܠܕܝܢܝ ܐܠܗܝ ܘܡܪܝ ܘܚܙܝ ܥܘܠܒܢܝ܂
035:024	ܕܘܢܝܢܝ/ܕܘܢ ܠܝ#3#/ ܐܝܟ ܙܕܝܩܘܬܟ ܡܪܝܐ܂ ܕܠܐ ܢܚܕܘܢ ܠܝ܂
035:025	ܘܠܐ ܢܐܡܪܘܢ ܒܠܒܗܘܢ܂ ܕܐܬܬܢܝܚܬ ܢܦܫܢ ܘܛܒܥܢܝܗ܂
035:026	ܢܒܗܬܘܢ/ܘܢܦܗܘܢ#3#/ ܘܢܚܦܪܘܢ ܐܟܚܕܐ܂ ܐܝܠܝܢ ܕܨܒܝܢ ܠܒܝܫܬܝ܂ ܘܐܝܠܝܢ ܕܡܬܪܘܪܒܝܢ ܥܠܝ ܢܠܒܫܘܢ ܒܗܬܬܐ܂
035:027	ܢܫܒܚܘܢ ܘܢܚܕܘܢ܂ ܐܝܠܝܢ ܕܨܒܝܢ ܠܙܟܘܬܝ܂ ܘܢܐܡܪܘܢ ܒܟܠܙܒܢ ܕܪܒ ܗܘ ܡܪܝܐ܂ ܕܨܒܐ ܒܫܠܡܐ ܕܥܒܕܗ܂
035:028	ܠܫܢܝ ܢܘܕܐ ܒܙܕܝܩܘܬܟ ܘܟܠܗ ܝܘܡܐ ܒܬܫܒ̈ܚܬܟ܂