The Comprehensive Aramaic Lexicon

040:002	ܡܣܒܪܘ ܣܒܪܬ ܒܡܪܝܐ܂ ܕܐܬܦܢܝ ܠܘܬܝ ܘܫܡܥ ܒܥܘܬܝ܂
040:003	ܘܐܣܩܢܝ ܡܢ ܓܘܒܐ ܕܕܐܘܘܢܐ܂ ܘܡܢ ܣܝܢܐ ܕܚܒܠܐ܂ ܐܩܝܡ ܥܠ ܫܘܥܐ ܪ̈ܓܠܝ ܘܐܬܩܢ ܗ̈ܠܟܬܝ܂
040:004	ܝܗܒ ܒܦܘܡܝ ܬܫܒܘܚܬܐ ܚܕܬܐ ܬܫܒܘܚܬܐ ܠܐܠܗܐ܂ ܕܢܚܙܘܢ ܣ̈ܓܝܐܐ ܘܢܚܕܘܢ܂ ܘܢܣܒܪܘܢ ܒܡܪܝܐ܂
040:005	ܛܘܒܘܗܝ ܠܒܪ ܐܢܫܐ ܕܥܠ ܫܡܗ ܕܡܪܝܐ ܬܟܝܠ܂ ܘܠܐ ܦܢܐ ܠܣܪܝܩܘܬܐ܂ ܐܦ ܠܐ ܠܡܡܠܠܐ ܕܓܠܐ܂
040:006	ܣ̈ܓܝܐܢ ܐܢܝܢ ܕܥܒܕܬ ܡܪܝܐ ܐܠܗܢ܂ ܬܕܡܪ̈ܬܟ ܘܡܚܫ̈ܒܬܟ ܥܠܝܢ ܘܠܝܬ ܐܟܘܬܟ܂ ܚܘܝܬ ܘܐܡܪܬ ܘܣ̈ܓܝܐܢ ܐܢܝܢ ܡܢ ܡܢܝܢܐ܂
040:007	ܒܕܒܚ̈ܐ ܘܒܩܘܪ̈ܒܢܐ ܠܐ ܨܒܝܬ܂ ܐ̈ܕܢܐ ܕܝܢ ܢܩܒܬ/ܬܩܢܬ#3#/ ܠܝ܂ ܘܝܩ̈ܕܐ ܫ̈ܠܡܐ ܕܚܠܦ ܚ̈ܛܗܐ ܠܐ ܫܐܠܬ܂
040:008	ܗܝܕܝܢ ܐܡܪܬ ܕܗܐ ܐܬܝܬ܂ ܕܒܪܝܫ ܟܬ̈ܒܐ ܟܬܝܒ ܥܠܝ܂
040:009	ܠܡܥܒܕ ܨܒܝܢܟ ܐܠܗܐ ܨܒܝܬ܂ ܘܢܡܘܣܟ ܒܓܘ ܟܪܣܝ܂
040:010	ܣܒܪܬ ܙܕܝܩܘܬܟ ܒܥܕܬܐ ܪܒܬܐ܂ ܘܣܦܘ̈ܬܝ ܠܐ ܟܠܝܬ܂ ܡܪܝܐ ܐܢܬ ܝܕܥ ܐܢܬ܂
040:011	ܕܠܐ ܛܫܝܬ ܙܕܝܩܘܬܟ ܒܓܘ ܠܒܝ܂ ܐܠܐ ܦܘܪܩܢܟ ܘܗܝܡܢܘܬܟ ܐܡܪܬ܂ ܘܠܐ ܛܫܝܬ ܛܝܒܘܬܟ ܘܗܝܡܢܘܬܟ ܡܢ ܥܕܬܐ ܪܒܬܐ܂
040:012	ܐܦ ܐܢܬ ܡܪܝܐ ܠܐ ܬܟܠܐ ܡܢܝ ܪ̈ܚܡܝܟ܂ ܐܠܐ ܪ̈ܚܡܝܟ ܘܗܝܡܢܘܬܟ܂ ܒܟܠ ܙܒܢ ܢܢܛܪܘܢܢܝ܂
040:013	ܡܛܠ ܕܚܕܪ̈ܢܝ ܒܝܫ̈ܬܐ ܕܠܐ ܡܢܝܢ܂ ܘܐܕܪܟܘܢܝ ܚ̈ܛܗܝ ܘܠܐ ܐܫܟܚܬ ܠܡܚܙܐ܂ ܘܥܫܢܘ/ܣܓܝܘ#3#/ ܡܢ ܣܥܪܐ ܕܪܝܫܝ ܘܠܒܝ ܫܒܩܢܝ܂
040:014	ܨܒܝ ܡܪܝܐ ܠܡܦܨܝܘܬܢ܂ ܡܪܝܐ ܠܥܘܕܪܢܝ ܟܬܪ܂
040:015	ܢܒܗܬܘܢ ܘܢܚܦܪܘܢ ܐܝܠܝܢ ܕܒܥܝܢ ܠܡܩܛܠ ܠܢܦܫܝ܂ ܢܗܦܟܘܢ ܠܒܣܬܪܗܘܢ ܘܢܚܦܪܘܢ܂ ܐܝܠܝܢ ܕܨܒܝܢ ܠܒܝܫܬܝ܂

040:016	ܢܬܡܗܘܢ ܒܬܢܝܐ ܕܒܗܬܬܗܘܢ܂ ܐܝܠܝܢ ܕܐܡܪܘ ܥܠܝ ܐܗܐ ܐܗܐ܂

040:017	ܢܚܕܘܢ ܒܟ ܟܠ ܕܒܥܝܢ ܠܟ܂ ܘܢܐܡܪܘܢ ܒܟܠ ܙܒܢ ܕܪܒ ܗܘ ܡܪܝܐ܂ ܐܝܠܝܢ ܕܪܚܡܝܢ ܦܘܪܩܢܟ܂
040:018	ܘܐܢܐ ܡܣܟܢܐ ܐܢܐ ܘܒܝܫܐ܂ ܡܪܝ ܐܬܚܫܒܘ ܥܠܝ܂ ܡܥܕܪܢܝ ܐܢܬ ܘܡܦܨܝܢܝ ܐܠܗܝ ܠܐ ܬܘܚܪ܂