Click on a word for lexical analysis
Click on a red-colored coordinate for comments and/or translations of the line
| 042:002 | ܐܝܟ ܐܝܠܐ ܕܓܥܐ ܥܠ ܦܨܝܕܐ ܕܡ̈ܝܐ܂ ܗܟܢܐ ܐܦ ܢܦܫܝ ܓܥܝܐ ܠܘܬܟ ܡܪܝܐ܂ |
| 042:003 | ܨܗܝܐ ܗܝ ܠܟ ܢܦܫܝ ܐܠܗܐ ܚܝܐ܂ ܕܐܡܬܝ ܐܬܐ ܘܐܚܙܐ ܐ̈ܦܝܟ܂ ܐܠܗܐ܂ |
| 042:004 | ܗܘܬ ܠܝ ܕܡܥܬܝ ܡܐܟܘܠܬܐ܂ ܒܐܝܡܡܐ ܘܒܠܠܝܐ܂ ܟܕ ܐܡܪܝܢ ܗܘܘ ܠܝ ܟܠܝܘܡ ܕܐܝܟܘ ܐܠܗܟ܂ |
| 042:005 | ܗܠܝܢ ܐܬܕܟܪܬ ܘܐܬܛܪܦܬ ܢܦܫܝ܂ ܡܛܠ ܕܐܥܒܪ/ܕܐܥܡܪ#3#/ ܒܣܬܪܟ ܥܫܝܢܐ܂ ܥܕܡܐ ܠܒܝܬܗ ܕܐܠܗܐ܂ ܒܩܠܐ ܕܬܫܒܘܚܬܐ ܘܕܬܘܕܝܬܐ ܣ̈ܓܝܐܐ ܚܕܝܢ܂ |
| 042:006 | ܠܡܢܐ ܡܬܛܪܦܬ ܢܦܫܝ ܘܠܡܢܐ ܬܡܝܗܬܝ/ܟܪܝܐ ܠܟܝ#3#/܂ ܣܟܝ ܠܐܠܗܐ ܡܛܠ ܕܬܘܒ ܐܘܕܐ ܠܗ܂ ܠܦܪܘܩܐ ܕܐ̈ܦܝ܂ |
| 042:007 | ܘܐܠܗܝ܂ ܥܠܝ ܢܦܫܝ ܐܬܛܪܦܬ܂ ܡܛܠ ܗܢܐ ܐܬܕܟܪܬܟ ܡܢ ܐܪܥܐ ܕܝܘܪܕܢܢ܂ ܘܡܢ ܚܪܡܘܢ ܘܡܢ ܛܘܪܐ ܙܥܘܪܐ܂ |
| 042:008 | ܬܗܘܡܐ ܠܬܗܘܡܐ ܩܪܐ܂ ܩܠܐ ܠܩܠܐ ܕܡ̈ܝܐ ܕܢܣܟ̈ܝܟ܂ ܟܠܗܘܢ ܡܚܫ̈ܘܠܝܟ ܘܓ̈ܠܠܝܟ ܥܠܝ ܥܒܪܘ܂ |
| 042:009 | ܒܐܝܡܡܐ ܢܦܩܘܕ ܡܪܝܐ ܪ̈ܚܡܘܗܝ܂ ܘܒܠܠܝܐ ܬܫܒܚ̈ܬܗ܂ ܥܡܝ ܨܠܘܬܐ ܗܘ ܠܐܠܗܐ ܚܝܐ܂ |
| 042:010 | ܐܡܪܬ ܠܐܠܗܐ ܕܠܡܢܐ ܛܥܝܬܢܝ܂ ܘܠܡܢܐ ܡܗܠܟ ܐܢܐ ܟܡܝܪܐܝܬ܂ ܒܐܘܠܨܢܐ ܕܒ̈ܥܠܕܒܒܝ܂ |
| 042:011 | ܒܬܒܪܐ ܕܓܪ̈ܡܝ ܚܣܕܘܢܝ ܒ̈ܥܠܕܒܒܝ <ܟܕ#3#> ܐܡܪܝܢ ܗܘܘ ܠܝ ܟܘܠ ܝܘܡ ܐܝܟܘ ܐܠܗܟ܂ |
| 042:012 | ܠܡܢܐ ܡܬܛܪܦܬܝ ܢܦܫܝ ܘܠܡܢܐ ܬܡܝܗܬܝ܂ ܣܟܝ ܠܐܠܗܐ ܡܛܠ ܕܬܘܒ ܐܘܕܐ ܠܗ܂ ܠܦܪܘܩܐ ܕܐ̈ܦܝ ܘܐܠܗܝ܂ |