← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62027: P Ps

Click on a word for lexical analysis
Click on a red-colored coordinate for comments and/or translations of the line

previous chapter


050:001 ܐܠܗ ܐ̈ܠܗܝܢ ܡܪܝܐ ܡܠܠ܂ ܘܩܪܗ݀ ܠܐܪܥܐ ܡܢ ܡܕܢܚ̈ܘܗܝ ܕܫܡܫܐ܂ ܘܥܕܡܐ ܠܡܥܪ̈ܒܘܗܝ܂
050:002 ܡܢ ܨܗܝܘܢ ܟܠܝܠܐ ܡܫܒܚܐ ܐܠܗܐ ܚܘܝ܂
050:003 ܢܐܬܐ ܐܠܗܐ ܘܠܐ ܢܫܬܘܩ܂ ܘܢܘܪܐ ܬܐܟܘܠ ܩܕܡܘܗܝ܂ ܘܚܕܪܘܗܝ ܬܬܓܘܙܠ ܛܒ܂
050:004 ܢܩܪܐ ܠܫܡܝܐ ܡܢ ܠܥܠ܂ ܘܐܪܥܐ ܠܡܕܢ ܥܡܗ܂
050:005 ܐܬܟܢܫܘ ܠܘܬܗ ܓܒ̈ܘܗܝ܂ ܕܡܩܝܡܝܢ ܩܝܡܗ ܥܠ/ܥܡ#3#/ ܕܒܚܬܐ܂
050:006 ܢܚܘܘܢ ܫܡܝܐ ܙܕܝܩܘܬܗ܂ ܡܛܠ ܕܐܠܗܐ ܗܘ ܕܝܢܐ܂
050:007 ܫܡܥ ܥܡܝ ܘܐܡܪ ܠܟ܂ ܘܐܝܣܪܝܠ ܐܣܗܕܟ/ܐܣܗܕ ܒܟ#3#/܂ ܐܢܐ ܐܢܐ ܐܠܗܐ/ܡܪܝܐ#3#/ ܐܠܗܟ܂
050:008 ܠܐ ܥܠ ܕܒܚ̈ܝܟ ܐܟܣܟ܂ ܘܥ̈ܠܘܬܟ ܠܘܩܒܠܝ ܐܢܝܢ ܒܟܠܙܒܢ܂
050:009 ܠܐ ܐܣܒ ܡܢ ܒܝܬܟ ܬܘܪ̈ܐ܂ ܐܦ ܠܐ ܡܢ ܓܙܪܟ ܓܕܝ̈ܐ܂
050:010 ܡܛܠ ܕܕܝܠܝ ܗܝ ܟܠܗ݀ ܚܝܘܬܐ ܕܕܒܪܐ܂ ܘܒܥܝܪܐ ܕܒܛܘܪ̈ܐ ܘܬܘܪ̈ܐ܂
050:011 ܝܕܥ ܐܢܐ ܟܘܠܗ݀ ܦܪܚܬܐ ܕܫܡܝܐ܂ ܘܚܝܘܬܐ ܕܕܒܪܐ ܕܝܠܝ ܗܝ܂
050:012 ܐܢ ܟܦܢ ܐܢܐ ܠܐ ܐܡܪ ‍<‍ܐܢܐ#3#‍>‍ ܠܟ܂ ܡܛܠ ܕܕܝܠܝ ܗܝ ܬܒܝܠ ܒܡܠܐܗ݀܂
050:013 ܠܐ ܐܟܠ ܐܢܐ ܒܣܪܐ ܕܐܪ̈ܘܢܐ܂ ܘܕܡܐ ܕܓܕܝ̈ܐ ܠܐ ܫܬܐ ܐܢܐ܂
050:014 ܕܒܚ ܠܐܠܗܐ ܬܘܕܝܬܐ܂ ܘܫܠܡ ܠܡܪܝܡܐ/ܠܐܠܗܐ#3#/ ܢܕܪ̈ܝܟ܂
050:015 ܘܩܪܝܢܝ ܒܝܘܡܐ ܕܐܘܠܨܢܐ܂ ܐܥܫܢܟ ܘܬܫܒܚܢܝ/ܘܐܢܬ ܬܫܒܚܢܝ#3#/܂
050:016 ܠܚܛܝܐ ܐܡܪ ܠܗ ܐܠܗܐ܂ ܡܐ ܠܟ ܘܠܟܬ̈ܒܐ ܕܦܘܩ̈ܕܢܝ܂ ܕܫܩܠܬ ܩܝܡܝ ܒܦܘܡܟ܂
050:017 ܐܢܬ ܕܝܢ ܣܢܝܬ ܡܪܕܘܬܝ/ܡܪܘܬܝ#3#/܂ ܘܫܕܝܬ/ܘܐܫܕܝܬ#3#/ܘܫܪܝܬ#3#/ ܡ̈ܠܝ ܠܒܣܬܪܟ܂
050:018 ܐܢ ܚܙܐ ܗܘܝܬ ܓܢܒܐ ܪܗܛ ܗܘܝܬ ܥܡܗ܂ ܘܥܡ/ܘܐܝܟ#3#/ ܓܝܪܐ ܡܢܬܟ ܣܐܡ ܗܘܝܬ܂
050:019 ܦܘܡܟ ܡܡܠܠ ܗܘܐ ܒܝܫܬ̈ܐ܂ ܘܠܫܢܟ ܡܡܠܠ ‍<‍ܗܘܐ#3#‍>‍ ܢܟܠܐ܂
050:020 ܝܬܒ ܗܘܝܬ ܘܪܢܐ ܒܐܚܘܟ܂ ܘܒܒܪ ܐܡܟ ܡܡܝܩ ܗܘܝܬ܂
050:021 ܗܠܝܢ ܟܠܗܝܢ ܥܒܕܬ ܘܫܬܩܬ ܠܟ܂ ܣܒܪܬ ܥܘܠܐ ܕܐܟܘܬܟ ܐܗܘܐ܂ ܐܟܣܟ ܕܝܢ ܘܐܣܕܘܪ ܐܢܝܢ ܠܥܢܝ̈ܟ܂
050:022 ܐܣܬܟܠܘ ܒܗܕܐ ܐܝܠܝܢ ܕܛܥܝܢ ܠܐܠܗܐ܂ ܕܠܡܐ ܢܬܒܪܟܘܢ ܘܠܝܬ ܕܡܦܨܐ܂
050:023 ܐܝܢܐ ܕܕܒܚ ܬܘܕܝܬܐ ܗܘ ܢܫܒܚܢܝ܂ ܬܡܢ ܐܚܘܝܘܗܝ ܐܘܪܚܐ ܕܦܘܪܩܢܗ ܕܐܠܗܢ܂

next chapter