← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62027: P Ps

Click on a word for lexical analysis
Click on a red-colored coordinate for comments and/or translations of the line

previous chapter


068:002 ܢܩܘܡ ܐܠܗܐ ܘܢܬܒܕܪܘܢ ܟܠܗܘܢ ܒ̈ܥܠܕܒܒܘܗܝ܂ ܘܢܥܪܩܘܢ ܣܢܐ̈ܘܗܝ ܡܢ ܩܕܡܘܗܝ܂
068:003 ܘܐܝܟ ܕܡܬܛܠܩ ܬܢܢܐ ܢܬܛܠܩܘܢ܂ ܘܐܝܟ ܕܡܬܦܫܪܐ ܫܥܘܬܐ ܡܢ ܩܕܡ ܢܘܪܐ܂ ܢܐܒܕܘܢ ܪ̈ܫܝܥܐ ܡܢ ܩܕܡ ܐܠܗܐ܂
068:004 ܘܙܕܝܩ̈ܐ ܢܚܕܘܢ ܘܢܬܥܫܢܘܢ ܩܕܡ ܐܠܗܐ܂ ܘܢܚܕܘܢ ܒܒܘܣܡܗ܂
068:005 ܙܡܪܘ ܠܐܠܗܐ ܘܫܒܚܘ ܠܫܡܗ܂ ܫܒܚܘ ܠܕܪܟܝܒ ܠܡܥܪܒܐ ܡܪܝܐ ‍<‍ܗܘ#3#‍>‍ ܫܡܗ܂ ܐܬܥܫܢܘ ܩܕܡܘܗܝ܂
068:006 ܕܐܒܐ ܕܝ̈ܬܡܐ܂ ܘܕܝܢܐ ܕܐܪ̈ܡܠܬܐ܂ ܐܠܗܐ ܒܡܥܡܪܗ ܩܕܝܫܐ܂
068:007 ܐܠܗܐ ܡܘܬܒ ܝܚܝܕܝܐ ܒܒܝܬܐ ܘܡܦܩ ܐܣܝܪ̈ܐ ܒܟܫܝܪܘܬܐ܂ ܘܡܪ̈ܘܕܐ ܢܫܪܘܢ ܒܝܬ/ܒܒܝܬ#3#/ ܩܒܘܪ̈ܐ
068:008 ܐܠܗܐ ܟܕ ܢܦܩܬ ܩܕܡ ܥܡܟ܂ ܘܟܕ ܥܒܪܬ ܒܐܫܝܡܘܢ܂
068:009 ܐܪܥܐ ܙܥܬ܂ ܘܐܦ ܫܡܝܐ ܢܛܦܘ܂ ܡܢ ܩܕܡ ܐܠܗܐ ܗܢܐ/ܗܢܘ#3#/ ܛܘܪܐ ܕܣܝܢܝ܂ ܡܢ ܩܕܡ ܐܠܗܐ ܐܠܗܗ ܕܐܝܣܪܝܠ܂
068:010 ܡܛܪܐ ܕܨܒܝܢܐ ܝܗܒܬ ܐܠܗܐ ܠܝܪܬܘܬܟ܂ ܐܬܟܪܗܬ ܘܐܢܬ ܬܩܦܬܗ݀܂
068:011 ܘܚܝ̈ܘܬܟ ܥܡܪ̈ܝ ܒܗ݀܂ ܬܩܦܬ/ܬܩܢ#3#/ ܒܛܝܒܘܬܟ ܠܒܝܫ̈ܐ ܐܠܗܐ܂
068:012 ܡܪܝܐ ܢܬܠ ܡܠܬܐ ܕܣܒܪܬܐ ܒܚܝܠܐ ܪܒܐ܂
068:013 ܡ̈ܠܟܐ ܕܚܝ̈ܠܘܬܐ ܢܬܟܢܫܘܢ܂ ܘܫܘܦܪܗ ܕܒܝܬܟ ܢܦܠܓ ܒܙܬܐ܂
068:014 ܐܢ ܬܕܡܟܘܢ ܒܝܬ ܫ̈ܦܝܐ܂ ܓܦ̈ܐ ܕܝܘܢܐ ܕܩܪܝܡܝܢ ܒܟܣܦܐ܂ ܘܐܒܪ̈ܝܗ݀ ܒܕܗܒܐ ܣܢܝܢܐ܂
068:015 ܟܕ ܦܪܫ ܐܠܗܐ ܡܠܟܐ ܒܗ ܐܬܠܓܬ܂ ܒܨܠܡܘܢ܂
068:016 ܛܘܪܗ ܕܐܠܗܐ܂ ܛܘܪ̈ܐ ܕܒܝܫܢ ܛܘܪ̈ܐ ܕܓܒܢܝܡ܂ ܛܘܪ̈ܐ ܕܒܝܫܢ܂
068:017 ܡܢܐ ܨܒܝܢ ܐܢܬܘܢ ܒܛܘܪ̈ܐ ܕܓܒܢܝܡ܂ ܛܘܪܐ ܕܓܒܐ ܠܗ ܐܠܗܐ ܠܡܬܒ ܒܗ܂ ܡܪܝܐ ܢܫܪܐ ܒܗ ܠܥܠܡ܂
068:018 ܪܟܒ ܐܠܗܐ ܒܪ̈ܒܘܬܐ ܘܒܐ̈ܠܦܐ ܕܚܝܠܐ܂ ܡܪܝܐ ܒܗܘܢ ܣܝܢܝ ܒܩܘܕܫܗ܀܀܂
068:019 ܣܠܩܬ ܠܡܪܘܡܐ ܘܫܒܝܬ ܫܒܝܬܐ܂ ܘܝܗܒܬ/ܘܢܣܒܬ#3#/ ܡܘܗ̈ܒܬܐ ܠܒܢ̈ܝ ܐܢܫܐ܂ ܐܦ ܡܪ̈ܘܕܐ ܠܐ ܢܥܡܪܘܢ ܩܕܡ ܐܠܗܐ܂
068:020 ܒܪܝܟ ܗܘ ܡܪܝܐ ܒܟܠ ܝܘܡ ܕܐܓܒܝܢ ܝܪܬܘܬܗ܂ ܐܠܗܐ ܦܪܘܩܢ ܐܠܗܐ ܡܦܨܝܢܢ܂
068:021 ܡܪܝܐ ܐܠܗܐ ܡܪܗ ܕܡܘܬܐ ܡܦܩܢܐ܂
068:022 ܒܪܡ ܐܠܗܐ ܢܦܣܘܩ ܪܝܫܐ ܕܒ̈ܥܠܕܒܒܘܗܝ܂ ܘܒܝ̈ܥܬܐ ܕܣܥܪܐ ܕܐܝܠܝܢ ܕܡܗܠܟܝܢ ܒܚ̈ܛܗܝܗܘܢ܂
068:023 ܐܡܪ ܡܪܝܐ ܕܡܢ ܒܝܬ ܫܢ̈ܐ ܐܦܩ܂ ܘܐܗܦܟ ܡܢ ܥܘܡ̈ܩܘܗܝ ܕܝܡܐ܂
068:024 ܡܛܠ ܕܬܨܛܒܥ ܪܓܠܟ ܒܕܡܐ܂ ܘܠܫܢܐ ܕܟ̈ܠܒܝܟ ܡܢ ܒ̈ܥܠܕܒܒܝܟ܂
068:025 ܚܙܘ ܗ̈ܠܟܬܟ ܐܠܗܐ܂ ܗ̈ܠܟܬܗ ܕܐܠܗܝ ܘܕܡܠܟܝ ܩܕܝܫܐ܂
068:026 ܩܕܡܘ ܪ̈ܘܪܒܢܐ ܒܬܪ ܡܫܒܚ̈ܢܐ܂ ܒܝܢܬ ܥ̈ܠܝܡܬܐ ܕܢܩܫ̈ܢ ܒ̈ܦܠܓܐ܂
068:027 ܘܒܟܢ̈ܘܫܬܐ܂ ܒܪܟܘ ܠܡܪܝܐ ܐܠܗܐ ܡܢ ܡܒ̈ܘܥܐ ܕܐܝܣܪܝܠ܂
068:028 ܬܡܢ ܒܢܝܡܝܢ ܙܥܘܪܐ ܒܫܠܝܐ/ܡܢ ܫܠܝܐ#3#/܂ ܪ̈ܘܪܒܢܐ ܕܝܗܘܕܐ/ܕܝܗܘ̈ܕܝܐ#3#/ ܘܫ̈ܠܝܛܢܝܗܘܢ܂ ܪ̈ܘܪܒܢܐ ܕܙܒܘܠܘܢ ܘܪ̈ܘܪܒܢܐ ܕܢܦܬܠܝ܂
068:029 ܦܩܘܕ ܐܠܗܐ ܥܘܫܢܟ܂ ܘܐܥܫܢ ܐܠܗܐ ܠܗܕܐ ܕܥܬܕܬ ܠܢ܂
068:030 ܡܢ ܗܝܟܠܟ ܠܐܘܪܫܠܡ܂ ܠܟ ܢܝܬܘܢ ܡ̈ܠܟܐ/ܘܠܡ̈ܠܟܐ#3#/ ܩܘܪ̈ܒܢܐ܂
068:031 ܟܐܝ ܒܚܝܘܬܐ ܕܩܢܝܐ܂ ܟܢܘܫܬܐ ܕܐܪ̈ܘܢܐ܂ ܥ̈ܓܠܐ ܕܥܡ̈ܡܐ ܕܩܪܝܡܝܢ ܒܣܐܡܐ܂ ܒܕܪ ܥܡ̈ܡܐ ܕܨܒܝܢ ܩܪܒܐ܂
068:032 ܢܐܬܘܢ ܐܝܙ̈ܓܕܐ ܡܢ ܡܨܪܝܢ܂ ܘܟܘܫ ܬܫܠܡ ܐܝܕܐ ܠܐܠܗܐ܂
068:033 ܡ̈ܠܟܘܬܐ ܕܐܪܥܐ ܫܒܚܝܢ ܠܐܠܗܐ܂ ܙܡܪܘ ܠܡܪܝܐ܂
068:034 ܕܪܟܝܒ ܒܫ̈ܡܝ ܫܡܝܐ܂ ܡܢ ܡܕܢܚܐ ܝܗܒ ܩܠܗ ܩܠܐ ܥܫܝܢܐ܂
068:035 ܗܒܘ ܬܫܒܘܚܬܐ ܠܐܠܗܐ܂ ܘܐܝܣܪܝܠ ܪܒܘܬ ܝܐܝܘܬܐ܂ ܕܥܘܫܢܗ ܒܫ̈ܡܝ ܫܡܝܐ܂
068:036 ܕܚܝܠ ܐܢܬ ܐܠܗܐ ܡܢ ܡܩܕܫܟ܂ ܐܠܗܗ ܕܐܝܣܪܝܠ܂ ܗܘ ܢܬܠ ܚܝܠܐ ܘܥܘܫܢܐ ܠܥܡܗ/ܠܥܡܐ ܕܝܠܗ#3#/ ܒܪܝܟ ܗܘ ܐܠܗܐ܂

next chapter