The Comprehensive Aramaic Lexicon

069:002	ܦܪܘܩܝܢܝ ܐܠܗܐ ܡܛܠ ܕܡܛܘ ܡ̈ܝܐ ܥܕܡܐ ܠܢܦܫܐ܂
069:003	ܛܒܥܬ ܒܗܘܬܐ ܥܡܝܩܬܐ ܘܠܝܬ ܒܗ݀ ܒܝܬ ܩܝܡܐ܂ ܥܠܬ ܠܥܘܡܩܐ ܕܡ̈ܝܐ ܘܨܡܪܬܐ ܛܒܥܬܢܝ܂
069:004	ܠܐܝܬ ܒܩܪ̈ܝ ܘܚܪܬ/ܘܚܪܫܬ#3#/ ܓܓܪܬܝ܂ ܓ̈ܙܝ ܥܝܢ̈ܝ ܟܕ ܡܣܟܐ ܐܢܐ ܠܐܠܗܝ܂

069:005	ܣܓܝܘ ܡܢ ܣܥܪܐ ܕܪܝܫܝ ܒ̈ܥܠܕܒܒܝ ܕܡܓܢ܂ ܘܥܫܢܘ ܡܢ ܓܪ̈ܡܝ ܒ̈ܥܠܕܒܒܝ ܕܫܘܩܪܐ܂ ܡܕܡ ܕܠܐ ܛܠܡܬ ܡܦܢܐ ܗܘܝܬ܂

069:006	ܐܠܗܐ ܐܢܬ ܝܕܥ ܐܢܬ ܣܟ̈ܠܘܬܝ܂ ܘܚ̈ܛܗܝ ܡܢܟ ܠܐ ܐܬܟܣܝܘ܂
069:007	ܠܐ ܢܒܗܬܘܢ ܒܝ ܐܝܠܝܢ ܕܡܣܒܪܝܢ ܒܟ ܡܪܝܐ ܐܠܗܐ ܚܝܠܬܢܐ܂ ܘܠܐ ܢܚܦܪܘܢ ܒܝ ܐܝܠܝܢ ܕܒܥܝܢ ܠܟ ܐܠܗܗ ܕܐܝܣܪܝܠ܂
069:008	ܡܛܠܬܟ ܩܒܠܬ ܚܣܕܐ܂ ܘܟܣܝܬ ܒܗܬܬܐ ܠܐ̈ܦܝ܂
069:009	ܘܢܘܟܪܝܐ ܗܘܝܬ ܠܐ̈ܚܝ܂ ܘܐܟܣܢܝܐ ܠܒܢ̈ܝ ܐܡܝ܂
069:010	ܡܛܠ ܕܛܢܢܗ ܕܒܝܬܟ ܐܟܠܢܝ܂ ܘܚܣܕܐ ܕܡܚܣ̈ܕܢܝܟ ܢܦܠ ܥܠܝ܂
069:011	ܡܟܟܬ/ܒܟܝܬ#3#/ ܢܦܫܝ ܒܨܘܡܐ܂ ܘܗܘܝܬ ܠܗܘܢ ܠܚܣܕܐ܂
069:012	ܥܒܕܬ ܠܒܘܫܝ ܣܩܐ܂ ܘܗܘܝܬ ܠܗܘܢ ܠܡܬܠܐ܂
069:013	ܘܪܢܘ ܒܝ ܐܝܠܝܢ ܕܝܬܒܝܢ ܒܬܪܥܐ܂ ܘܪܢܘ ܒܝ ܐܝܠܝܢ ܕܫܬܝܢ ܫܟܪܐ܂
069:014	ܘܐܢܐ ܨܠܝܬ ܩܕܡܝܟ/ܩܕܡ#3#/ ܡܪܝܐ ܒܙܒܢܐ ܡܩܒܠܐ܂ ܐܠܗܐ ܒܣܘܓܐܐ ܕܛܝܒܘܬܟ ܥܢܝܢܝ܂ ܘܒܣܘܓܐܐ ܕܦܘܪܩܢܟ܂
069:015	ܦܨܢܝ܂ ܡܢ ܣܝܢܐ ܕܠܐ ܐܛܒܥ܂ ܘܐܬܦܨܐ ܡܢ ܣ̈ܢܐܝ ܘܡܢ ܥܘܡܩܐ ܕܡ̈ܝܐ܂
069:016	ܕܠܐ ܬܛܒܥܢܝ ܨܡܪܬܐ ܕܡ̈ܝܐ܂ ܘܠܐ ܬܒܠܥܢܝ ܗܘܬܐ܂ ܘܠܐ ܬܐܚܘܕ ܥܠܝ ܒܐܪܐ ܦܘܡܗ݀܂
069:017	ܥܢܝܢܝ ܡܪܝܐ ܡܛܠ ܕܛܒܐ ܗܝ ܛܝܒܘܬܟ ‍<‍ܦܨܢܝ#3#‍>‍܂ ܘܒܣܘܓܐܐ ܕܪ̈ܚܡܝܟ ܐܬܦܢ ܥܠܝ܂
069:018	ܠܐ ܬܗܦܟ ܐ̈ܦܝܟ ܡܢ ܥܒܕܟ ܡܛܠ ܕܥܩܬ ܠܝ ܒܥܓܠ ܥܢܝܢܝ܂
069:019	ܩܪܒ ܢܦܫܝ ܠܦܘܪܩܢܟ܂ ܡܛܠ ܒ̈ܥܠܕܒܒܝ ܦܪܘܩܝܢܝ܂
069:020	ܐܢܬ ܝܕܥ ܐܢܬ ܚܣܕܝ܂ ܘܒܗܬܬܝ ܠܘܩܒܠ ܟܘܠܗܘܢ ܒ̈ܥܠܕܒܒܝ܀܀
069:021	ܐܣܐ ܬܒܪܗ ܕܠܒܝ ܘܥܨܘܒ܂ ܣܟܝܬ ܠܡܢ ܕܬܟܪܐ ܠܗ ܘܠܝܬ܂ ܘܠܡܒܝܐܢܐ ܘܠܐ ܐܫܟܚܬ܂
069:022	ܝܗܒܘ ܒܡܐܟܘܠܬܝ ܡܪ̈ܪܐ܂ ܘܠܨܗܝܝ ܚܠܐ ܐܫܩܝܘܢܝ܂
069:023	ܢܗܘܐ ܦܬܘܪܗܘܢ ܩܕܡܝܗܘܢ ܦܚܐ܂ ܘܦܘܪܥܢܗܘܢ ܠܬܘܩܠܬܐ܂
069:024	ܢܚܫ̈ܟܢ ܥܝܢ̈ܝܗܘܢ ܕܠܐ ܢܚܙܘܢ܂ ܘܚܨܗܘܢ ܒܟܠܙܒܢ ܢܗܘܐ ܟܦܝܦ܂
069:025	ܐܫܘܕ ܥܠܝܗܘܢ ܪܘܓܙܟ܂ ܘܚܡܬܐ ܕܪܘܓܙܟ ܬܕܪܟ ܐܢܘܢ܂
069:026	ܢܗܘܐ ܒܝܬ ܡܥܡܪܗܘܢ ܚܪܒ܂ ܘܒܡܫ̈ܟܢܝܗܘܢ ܠܐ ܢܗܘܐ ܕܥܡܪ܂
069:027	ܡܛܠ ܕܠܡܢ ܕܐܢܬ ܡܚܝܬ ܪܕܦܘ܂ ܘܐܘܣܦܘ ܥܠ ܟܐܒܗ ܕܩܛܝܠܐ܂
069:028	ܗܒ ܥܘܠܐ ܥܠ ܥܘܠܗܘܢ܂ ܕܠܐ ܢܥܠܘܢ ܒܙܕܝܩܘܬܟ܂
069:029	ܢܬܥܛܘܢ ܡܢ ܣܦܪܟ ܕܚ̈ܝܐ܂ ܘܥܡ ܙܕܝܩ̈ܝܟ ܠܐ ܢܬܟܬܒܘܢ܂
069:030	ܘܐܢܐ ܡܣܟܢܐ ܐܢܐ ܘܡܟܐܒܐ܂ ܦܘܪܩܢܟ ܐܠܗܐ ܥܕܪܢܝ܂
069:031	ܐܫܒܚ ܫܡܗ ܕܐܠܗܐ ܒܬܫܒܘܚܬܐ܂ ܘܐܘܪܒܝܘܗܝ ܒܬܘܕܝܬܐ܂
069:032	ܐܫܦܪ ܠܡܪܝܐ ܡܢ ܬܘܪ̈ܐ ܡ̈ܦܛܡܐ܂ ܩܪ̈ܢܢܐ ܘܦܪ̈ܣܢܐ܂
069:033	ܚܙܘ ܡܣ̈ܟܢܐ ܘܚܕܘ ܘܢܚܐ ܠܒܟܘܢ܂
069:034	ܡܛܠ ܕܫܡܥ ܡܪܝܐ ܠܡܣ̈ܟܢܐ܂ ܘܠܐܣܝܪ̈ܘܗܝ ܠܐ ܫܐܛ܂
069:035	ܢܫܒܚܘܢܝܗܝ ܫܡܝܐ ܘܐܪܥܐ܂ ܘܝܡ̈ܡܐ ܘܟܠ ܕܪܚܫ ܒܗܘܢ܂
069:036	ܡܛܠ ܕܐܠܗܐ ܦܪܩ ܠܨܗܝܘܢ܂ ܘܡܒܢܐ ܠܩܘܪ̈ܝܐ ܕܝܗܘܕܐ܂ ܕܢܬܒܘܢ ܒܗ݀ ܥܒ̈ܕܘܗܝ ܘܢܐܪܬܘܢܗ݀܂
069:037	ܘܪ̈ܚܡܝ ܫܡܗ ܢܫܪܘܢ ܒܗ݀܂