The Comprehensive Aramaic Lexicon

077:002	ܒܩܠܝ ܠܘܬ ܐܠܗܐ ܩܪܝܬ ܘܫܡܥܢܝ܂ ܘܐܪܝܡܬ ܒܩܠܝ ܠܘܬܗ ܘܥܢܢܝ܂

077:003	ܒܝܘܡܐ ܕܐܘܠܨܢܝ ܠܡܪܝܐ ܒܥܝܬ܂ ܘܐܝܕܗ ܒܠܠܝܐ ܢܓܕܬܢܝ ܘܠܐ ܫܠܝܬ܂ ܘܠܝܬ ܡܒܝܐܢܐ ܠܢܦܫܝ܂

077:004	ܐܬܕܟܪܬ ܐܠܗܐ ܘܐܬܕܠܚܬ܂ ܘܪܢܝܬ ܘܐܬܛܪܦܬ ܪܘܚܝ܂
077:005	ܘܐܚܕܘܢܝ ܨܘܪ̈ܢܐ ܒܥܝܢ̈ܝ܂ ܚܪܫܬ ܘܠܐ ܡܠܠܬ܂
077:006	ܘܚܫܒܬ ܝܘܡ̈ܝ ܕܡܢ ܩܕܡ ܘܫܢ̈ܝܐ ܕܡܢ ܥܠܡܝܢ܂
077:007	ܐܬܕܟܪܬ܂ ܪܢܝܬ ܒܠܠܝܐ ܘܒܠܒܝ ܪܢܝܬ܂ ܘܒܨܝܬ ܪܘܚܝ ܘܐܡܪܬ܂
077:008	ܕܠܥܠܡ ܛܥܢܝ ܡܪܝܐ܂ ܘܠܐ ܡܘܣܦ ܬܘܒ ܠܡܨܛܒܝܘ ܒܝ܂
077:009	ܐܘ \ܕܠܡܐ ܠܥܠܡ /ܕܠܥܠܡ#3#/ ܡܥܒܪ ܛܝܒܘܬܗ܂ ܡܢܝ܂ \ܐܘ ܡܫܠܡ /ܘܡܫܠܡ#3#/ ܡܠܬܗ ܠܕܪܕܪܝܢ܂
077:010	ܐܘ ܛܥܐ ܐܠܗܐ ܠܡܪܚܡܘ܂ ܐܘ ܚܡܠ ܪ̈ܚܡܘܗܝ ܒܪܘܓܙܗ܂
077:011	ܐܡܪܬ ܕܟܪܝܗܘܬܝ ܗܝ܂ ܘܬܢܝܐ ܐܢܝܢ ܕܝܡܝܢܗ ܕܥܠܝܐ܂
077:012	ܡܛܠ ܕܐܬܕܟܪܬ ܡܢ ܩܕܝܡ ܬܕܡܪ̈ܬܟ܂
077:013	ܘܪܢܝܬ ܒܟܠܗܘܢ ܥܒ̈ܕܝܟ܂ ܘܒܨܢ̈ܥܬܟ ܪܢܝܬ܂
077:014	ܐܠܗܐ ܐܘܪܚܟ/ܪܘܚܟ#3#/ ܩܕܝܫܐ ܗܝ܂ ܘܠܝܬ ܕܪܒ ܐܝܟ ܐܠܗܢ܂
077:015	ܐܢܬ ܗܘ ܐܠܗܐ ܕܥܒܕܬ/ܕܥܒܕ ܐܢܬ#3#/ ܬܕܡܪ̈ܬܐ܂ ܘܚܘܝܬ ܒܥܡ̈ܡܐ ܥܘܫܢܟ܂
077:016	ܘܦܪܩܬ ܒܕܪܥܟ ܠܥܡܟ܂ ܠܒܢ̈ܝ ܝܥܩܘܒ ܘܝܘܣܦ܂
077:017	ܚܙܐܘܟ ܡ̈ܝܐ ܐܠܗܐ܂ ܚܙܐܘܟ ܡ̈ܝܐ ܘܕܚܠܘ܂ ܐܦ ܬܗ̈ܘܡܐ ܙܥܘ܂
077:018	ܘܥܢ̈ܢܐ ܪܙܦ ܡ̈ܝܐ܂ ܝܗܒܘ ܩܠܐ ܫܡ̈ܝ ܫܡܝܐ܂ ܐܦ ܓܐܪ̈ܝܟ ܦܪ̈ܚܝܢ܂
077:019	ܘܩܠܐ ܕܪ̈ܥܡܝܟ ܒ̈ܓܝܓܠܐ܂ ܐܢܗܪܘ ܒܪ̈ܩܝܟ ܠܬܒܝܠ܂ ܐܬܕܠܚܬ ܘܙܥܬ ܐܪܥܐ܂
077:020	ܒܝܡܐ ܐܘܪܚܟ ܘܫܒ̈ܝܠܝܟ ܒܡ̈ܝܐ ܣ̈ܓܝܐܐ܂ ܘܥܩ̈ܒܬܟ ܠܐ ܐܬܝܕܥ܂
077:021	ܕܒܪܬ ܠܥܡܟ ܐܝܟ ܥܢܐ܂ ܒܐܝܕܐ ܕܡܘܫܐ ܘܕܐܗܪܘܢ܂