The Comprehensive Aramaic Lexicon

078:001	ܥܡܝ ܨܘܬ ܢܡܘܣܝ ܘܐܬܛܦܝܣܘ܂ ܘܨܠܘ ܐ̈ܕܢܝܟܘܢ ܠܡ̈ܠܘܗܝ ܕܦܘܡܝ܂
078:002	ܗܐ ܓܝܪ ܐܦܬܚ/ܦܬܚ#3#/ ܦܘܡܝ ܒܡܬ̈ܠܐ܂ ܘܐܡܪ ܦܠܐ̈ܬܐ ܕܡܢ ܩܕܝܡ܂
078:003	ܐܝܠܝܢ ܕܫܡܥܢ ܝܕܥܢ ܐܢܝܢ܂ ܐܦ ܐܝܠܝܢ ܕܐܒ̈ܗܝܢ ܐܫܬܥܝܘ ܠܢ܂
078:004	ܕܠܐ ܢܟܣܐ ܡܢ ܒܢܝܗܘܢ܂ ܐܠܐ ܠܕܪܐ ܐܚܪܝܐ/ܐܚܪܢܐ#3#/ ܢܫܬܥܐ܂ ܬܫ̈ܒܚܬܗ ܕܡܪܝܐ ܘܚܝܠܗ܂ ܘܬܕܡܪ̈ܬܗ ܕܥܒܕ܂
078:005	ܕܐܩܝܡ ܣܗܕܘܬܗ ܒܝܥܩܘܒ܂ ܘܢܡܘܣܗ ܣܡ ܒܐܝܣܪܝܠ܂ ܐܝܟ ܕܦܩܕ ܠܐ̈ܒܗܝܢ܂ ܕܢܘܕܥܘܢ ܠܒ̈ܢܝܗܘܢ܂
078:006	ܕܢܕܥܘܢ/ܕܢܘܕܥܘ̈ܢ#3#/ ܠܕܪܐ ܐܚܪܝܐ/ܐܚܪܢܐ#3#/܂ ܒܢ̈ܝܐ ܕܡܬܝܠܕܝܢ ܘܩܝܡܝܢ܂ ܕܢܫܬܥܘܢ ܠܒ̈ܢܝܗܘܢ܂
078:007	ܕܢܗܘܐ ܣܒܪܗܘܢ ܒܐܠܗܐ܂ ܘܠܐ ܢܛܥܘܢ ܥܒ̈ܕܘܗܝ ܕܐܠܗܐ܂ ܘܦܘܩ̈ܕܢܘܗܝ ܢܛܪܘܢ܂
078:008	ܘܠܐ ܢܗܘܘܢ ܐܝܟ ܐ̈ܒܗܝܗܘܢ܂ ܕܪܐ ܒܝܫܐ ܘܡܡܪܡܪܢܐ܂ ܕܪܐ ܕܠܐ ܐܬܩܢ ܠܒܗ܂ ܘܠܐ ܗܝܡܢ ܒܐܠܗܐ ܕܪܘܚܗ܂
078:009	ܒܢ̈ܘܗܝ ܕܐܦܪܝܡ ܕܡܬܚܘ ܝܬܪܐ ܘܫܕܘ ܒܩܫܬܐ܂ ܘܗܦܟܘ ܒܝܘܡܐ ܕܩܪܒܐ܂
078:010	ܥܠ ܕܠܐ ܢܛܪܘ ܩܝܡܗ ܕܐܠܗܐ܂ ܘܒܢܡܘܣܗ ܠܐ ܨܒܘ ܠܡܗܠܟܘ܂
078:011	ܘܛܥܘ ܥܒ̈ܕܘܗܝ ܘܬܕܡܪ̈ܬܗ܂ ܕܚܘܝ ܐܢܘܢ܂
078:012	ܩܕܡ ܐ̈ܒܗܝܗܘܢ ܕܥܒܕ ܬܕܡܪ̈ܬܐ ܒܐܪܥܐ ܕܡܨܪܝܢ܂ ܘܒܚ̈ܩܠܬܐ ܕܨܥܢ܂
078:013	ܬܪܥ ܝܡܐ ܘܐܥܒܪ/ܘܥܒܪ#3#/ ܐܢܘܢ܂ ܘܐܩܝܡ ܡ̈ܝܐ ܐܝܟ ܕܒܙܩ̈ܐ܂
078:014	ܕܒܪ ܐܢܘܢ ܒܐܝܡܡܐ ܒܥܢܢܐ܂ ܘܟܠܗ ܠܠܝܐ ܒܙܗܪܐ ܕܢܘܪܐ܂
078:015	ܬܪܥ ܛܪܢܐ ܒܡܕܒܪܐ܂ ܘܐܫܩܝ ܐܢܘܢ ܐܝܟ ܕܡܢ ܬܗܘܡܐ ܪܒܐ܂

078:016	ܐܦܩ ܪ̈ܕܝܐ ܡܢ ܟܐܦܐ܂ ܘܪܕܘ ܡ̈ܝܐ ܐܝܟ ܢܗܪ̈ܘܬܐ܂

078:017	ܘܐܘܣܦܘ ܬܘܒ ܥܡܐ ܠܡܚܛܐ܂ ܘܠܡܡܪܡܪܘ/ܘܠܡܡܪܡܪܘܗܝ#3#/ ܠܡܪܝܡܐ/ܠܡܪܝܐ#3#/ ܒܨܗܝܐ܂
078:018	ܘܢܣܝܘ ܠܐܠܗܐ ܒܠܒܗܘܢ܂ ܠܡܫܐܠ ܡܐܟܘܠܬܐ ܠܢܦܫܗܘܢ/ܒܢܦܫܗܘܢ#3#/܂
078:019	ܘܪܛܢܘ ܥܠ ܐܠܗܐ ܘܐܡܪܘ܂ ܕܠܡܐ ܡܫܟܚ ܐܠܗܐ ܠܡܣܕܪ/ܠܡܣܕܪܘ#3#/ ܠܢ ܦܬܘܪ̈ܐ ܒܡܕܒܪܐ܂
078:020	ܐܢ ܡܚܐ ܠܛܪܢܐ ܘܪܕܘ ܡ̈ܝܐ ܘܐܪ̈ܓܠܬܐ ܐܪܕܝ/ܪ̈ܕܝ#3#/܂ ܕܠܡܐ ܐܦ ܠܚܡܐ ܡܫܟܚ ܠܡܬܠ/ܕܢܬܠ#3#/ ܠܢ܂ ܐܘ ܡܛܝܒ ܡܐܟܘܠܬܐ ܠܥܡܗ܂
078:021	ܡܛܠ ܗܢܐ ܫܡܥ ܡܪܝܐ ܘܪܓܙ ܘܢܘܪܐ ܐܚܕܬ ܒܝܥܩܘܒ/ܠܝܥܩܘܒ#3#/܂ ܐܦ ܪܘܓܙܐ ܣܠܩ ܒܐܣܪܝܠ܂
078:022	\ܥܠ ܕܠܐ /ܥܕܠܐ#3#/ ܗܝܡܢܘ ܒܐܠܗܐ܂ ܘܠܐ ܣܒܪܘ ܠܦܘܪܩܢܗ܂
078:023	ܘܦܩܕ ܠܥ̈ܢܢܐ ܡܢ ܠܥܠ܂ ܘܬܪ̈ܥܐ ܕܫܡܝܐ ܐܬܦܬܚܘ܂
078:024	ܐܚܬ ܠܗܘܢ ܡܢܢܐ ܠܡܐܟܠ܂ ܘܠܚܡܐ ܕܫܡܝܐ ܝܗܒ ܠܗܘܢ܂
078:025	ܠܚܡܐ ܕܡܠܐ̈ܟܐ ܐܟܠ ܒܪ ܐܢܫܐ܂ ܘܨܝܕܐ ܫܕܪ ܠܗܘܢ ܠܡܣܒܥ܂
078:026	ܐܫܒ ܪ̈ܘܚܐ ܒܫܡܝܐ܂ ܘܕܒܪ ܒܥܘܫܢܗ ‍<‍ܠܫܡܝܐ#3#‍>‍ ܠܬܝܡܢܐ܂
078:027	ܐܚܬ ܠܗܘܢ ܒܣܪܐ ܐܝܟ ܥܦܪܐ܂ ܘܐܝܟ ܚܠܐ ܕܝܡ̈ܡܐ/ܕܝܡܐ#3#/ ܦܪܚܬܐ ܕܓܦܐ܂
078:028	ܘܢܦܠܘ ܒܡܫܪ̈ܝܬܗܘܢ ܚܕܪ̈ܝ ܡܫ̈ܟܢܝܗܘܢ܂
078:029	ܐܟܠܘ ܘܣܒܥܘ ܛܒ܂ ܘܐܪ̈ܓܝܓܬܗܘܢ ܝܗܒ ܠܗܘܢ܂
078:030	ܘܠܐ ܦܪܩܘ ܡܢ ܪ̈ܓܝܓܬܗܘܢ܂ ܘܥܕ ܡܐܟܘܠܬܗܘܢ ܒܦܘܡܗܘܢ܂
078:031	ܪܘܓܙܗ ܕܐܠܗܐ ܣܠܩ ܒܗܘܢ܂ ܘܩܛܠ ܡܢ ܥܬܝܪ̈ܝܗܘܢ܂ ܘܠܓܒ̈ܝܐ ܕܐܝܣܪܝܠ ܐܒܪܟ܂
078:032	ܒܗܠܝܢ ܟܠܗܝܢ ܚܛܘ܂ ܘܬܘܒ ܠܐ ܗܝܡܢܘ ܒܬܕܡܪ̈ܬܗ܂
078:033	ܓܡܪܘ ܒܣܪܝܩܘܬܐ ܝܘܡ̈ܝܗܘܢ܂ ܘܫ̈ܢܝܗܘܢ ܡܣܪܗܒܐܝܬ܂
078:034	ܡܐ ܕܩܛܠ ܗܘܐ ܠܗܘܢ ܒܥܝܢ ܗܘܘ ܠܗ܂ ܗܦܟܝܢ ܗܘܘ ܘܡܩܕܡܝܢ ܠܘܬܗ܂
078:035	ܥܗܕܘ ܕܐܠܗܐ ܗܘ ܥܕܘܪܗܘܢ܂ ܘܐܠܗܐ ܡܪܝܡܐ ܦܪܘܩܗܘܢ܂
078:036	ܪܚܡܘܗܝ ܒܦܘܡܗܘܢ܂ ܘܒܠܫܢܗܘܢ ܟܕܒܘ ܒܗ܂
078:037	ܠܒܗܘܢ ܠܐ ܐܬܩܢܘ ܥܡܗ܂ ܘܠܐ ܗܝܡܢܘ ܒܩܝܡܗ܂
078:038	ܘܗܘ ܡܪܚܡܢ ‍<‍ܗܘ#3#‍>‍ ܘܫܒܩ ܚ̈ܛܗܐ ܘܠܐ ܡܚܒܠ܂ ܡܣܓܐ ܠܡܗܦܟܘ ܪܘܓܙܗ ܘܠܐ ܡܥܝܪ ܟܠܗ݀ ܚܡܬܗ܂
078:039	ܐܬܕܟܪ ܕܒܣܪܐ ܐܢܘܢ܂ ܪܘܚܐ ܕܐܙܠܐ ܘܠܐ ܗܦܟܐ܂
078:040	ܗܢܘܢ ܡܪܡܪܘܗܝ ܒܡܕܒܪܐ܂ ܘܐܪܓܙܘܗܝ ܒܐܫܝܡܘܢ܂
078:041	ܘܗܦܟܘ ܘܢܣܝܘ ܠܐܠܗܐ܂ ܘܠܩܕܝܫܐ ܕܐܝܣܪܝܠ ܓܪܓܘ܂
078:042	ܘܠܐ ܐܬܕܟܪܘ ܐܝܕܗ ܝܘܡܐ/ܒܝܘܡܐ#3#/ ܕܦܪܩ ܐܢܘܢ ܡܢ ܐܠܘܨܐ܂
078:043	ܕܥܒܕ ܒܡܨܪܝܢ ܐܬ̈ܘܬܗ܂ ܘܬܕܡܪ̈ܬܗ ܒܚ̈ܩܠܬܐ ܕܨܥܢ܂
078:044	ܕܗܦܟ ܢܗܪ̈ܘܬܗܘܢ ܠܕܡܐ ܘܪ̈ܕܝܗܘܢ ܕܠܐ ܢܫܬܘܢ ܡ̈ܝܐ܂
078:045	ܫܕܪ ܥܠܝܗܘܢ ܚܠܘܛܐ ܘܐܟܠ ܐܢܘܢ܂ ܘܐܘܪ̈ܕܥܐ ܘܚܒܠ ܐܢܘܢ܂
078:046	ܝܗܒ ܠܩܡܨܐ ܥ̈ܠܠܬܗܘܢ܂ ܘܠܐܘܬܗܘܢ ܠܙܚܠܐ܂
078:047	ܬܒܪ/ܬܒܕܪ#3#/ ܒܒܪܕܐ ܓܘܦܢ̈ܝܗܘܢ܂ ܘܬܐ̈ܢܝܗܘܢ ܒܓܠܝܕܐ܂
078:048	ܐܫܠܡ ܠܒܪܕܐ ܒܥܝܪܗܘܢ܂ ܘܩܢܝܢܗܘܢ ܠܝܩܕܢܐ܂
078:049	ܫܕܪ ܥܠܝܗܘܢ ܚܡܬܐ ܕܪܘܓܙܗ܂ ܚܡܬܐ ܘܪܘܓܙܐ ܘܐܘܠܨܢܐ܂ ܫܕܪ ܒܝܕ ܡܠܐܟܐ ܒܝܫܐ܂
078:050	ܘܬܪܥ ܫܒܝ̈ܠܐ ܒܝܫ̈ܐ܂ ܘܠܐ ܚܣܟ ܡܢ ܡܘܬܐ ܢܦܫܬ̈ܗܘܢ܂ ܘܚܝ̈ܘܬܗܘܢ ܠܡܘܬܐ ܐܫܠܡ܂
078:051	ܩܛܠ ܟܠ ܒܘܟܪ̈ܐ ܕܡܨܪܝܢ܂ ܪܝܫ ܟܠܗ ܝܠܕܗܘܢ ܒܡܫܟܢܐ ܕܚܡ܂
078:052	ܐܫܩܠ ܠܥܡܗ ܐܝܟ ܥܢܐ܂ ܘܕܒܪ ܐܢܘܢ ܐܝܟ ܓܙܪܐ ܒܡܕܒܪܐ܂
078:053	ܐܫܪܝ ܐܢܘܢ ܒܣܒܪܐ ܘܠܐ ܕܚܠܘ܂ ܘܠܒ̈ܥܠܕܒܒܝܗܘܢ ܟܣܝ ܝܡܐ܂
078:054	ܐܝܬܝ ܐܢܘܢ ܠܬܚܘܡܐ ܕܩܘܕܫܗ܂ ܠܗܢܐ ܛܘܪܐ ܕܩܢܬ ܝܡܝܢܗ܂
078:055	ܐܘܒܕ ܡܢ ܩܕܡܝܗܘܢ ܥܡ̈ܡܐ܂ ܘܐܪܡܝ ܐܢܘܢ ܒܚ̈ܒܠܐ ܕܝܪܬܘܬܗ܂ ܘܫܪܘ ܒܡܫ̈ܟܢܝܗܘܢ ܫܒ̈ܛܐ ܕܐܝܣܪܝܠ܂
078:056	ܘܢܣܝܘ ܘܡܪܡܪܘ ܠܐܠܗܐ ܡܪܝܡܐ܂ ܘܣܗ̈ܕܘܬܗ ܠܐ ܢܛܪܘ܂
078:057	ܘܗܦܟܘ ܘܕܓܠܘ ܐܝܟ ܐ̈ܒܗܝܗܘܢ܂ ܘܐܬܗܦܟܘ ܐܝܟ ܩܫܬܐ ܢܟܝܠܬܐ܂
078:058	ܘܐܪܓܙܘܗܝ ܒ̈ܥܠܘܬܗܘܢ܂ ܘܒܦܬܟܪ̈ܝܗܘܢ ܐܛܢܘܗܝ܂
078:059	ܘܫܡܥ ܐܠܗܐ ܘܐܬܚܡܬ܂ ܘܪܓܙ ܛܒ ܥܠ ܐܝܣܪܝܠ܂
078:060	ܘܛܥܐ ܠܡܫܟܢܐ ܕܫܝܠܘ܂ ܡܫܟܢܐ ܕܫܪܐ ܒܝܬ ܒܢܝܢܫ̈ܐ܂
078:061	ܝܗܒ ܠܫܒܝܬܐ ܥܡܗ ܘܬܫܒܘܚܬܗ ܒܐܝܕܐ ܕܐܠܘܨܐ܂
078:062	ܐܫܠܡ ܥܡܗ ܠܚܪܒܐ܂ ܘܐܗܡܝ ܡܢ ܝܪܬܘܬܗ܂
078:063	ܠܓܕܘ̈ܕܝܗܘܢ ܐܟܠܬ ܢܘܪܐ܂ ܘܒܬ̈ܘܠܬܗܘܢ ܐܬܛܪܦ܂
078:064	ܘܟܗ̈ܢܝܗܘܢ ܢܦܠܘ ܒܚܪܒܐ܂ ܘܐܪ̈ܡܠܬܗܘܢ ܠܐ ܐܬܒ̈ܟܝ܂
078:065	ܐܬܬܥܝܪ ܡܪܝܐ ܐܝܟ ܕܡܟܐ܂ ܘܐܝܟ ܓܒܪܐ ܕܢܦܨܗ ܚܡܪܗ܂
078:066	ܡܚܐ ܠܒ̈ܥܠܕܒܒܘܗܝ ܠܒܣܬܪܗ܂ ܘܚܣܕܐ ܕܥܠܡܐ ܝܗܒ ܠܗܘܢ܂
078:067	ܐܣܠܝ ܠܡܫܟܢܐ ܕܝܘܣܦ܂ ܘܒܫܒܛܐ ܕܐܦܪܝܡ ܠܐ ܐܬܪܥܝ܂
078:068	ܓܒܐ ܠܫܪܒܬܐ ܕܝܗܘܕܐ ܠܛܘܪܐ ܕܨܗܝܘܢ ܕܪܚܡ܂
078:069	ܒܢܐ ܥܠ ܪܘܡܐ ܡܩܕܫܗ܂ ܘܒܐܪܥܐ ܐܬܩܢܗ݀ ܠܥܠܡ܂
078:070	ܓܒܐ ‍<‍ܠܗ#3#‍>‍ ܠܕܘܝܕ ܥܒܕܗ ܘܕܒܪܗ ܡܢ ܓܙܪܐ ܕܥܢܐ܂
078:071	ܘܡܢ ܒܣܬܪ ܥܢܐ ܕܡܝܢܩܐ ܠܡܪܥܐ ܠܝܥܩܘܒ܂ ܥܡܗ ܘܠܐܝܣܪܐܝܠ ܝܪܬܘܬܗ܂
078:072	ܘܪܥܐ ܐܢܘܢ ܒܬܡܝܡܘܬܐ ܕܠܒܗ܂ ܘܒܣܘܟܠܐ ܕܐ̈ܝܕܘܗܝ ܕܒܪ ܐܢܘܢ܂