The Comprehensive Aramaic Lexicon

089:002	ܛܝܒܘܬܗ ܕܡܪܝܐ ܠܥܠܡ ܐܙܡܪ܂ ܘܠܕܪܕܪܝܢ ܐܘܕܥ ܗܝܡܢܘܬܗ ܒܦܘܡܝ܂
089:003	ܡܛܠ ܕܐܡܪ ܕܥܠܡܐ ܒܛܝܒܘܬܐ ܢܬܒܢܐ܂ ܘܫܡܝܐ ܬܬܩܢ ܗܝܡܢܘܬܟ܂
089:004	ܩܝܡܐ ܐܩܝܡܬ ܠܓܒܝܝ܂ ܘܝܡܝܬ ܠܕܘܝܕ ܥܒܕܝ܂
089:005	ܕܥܕܡܐ ܠܥܠܡ ܐܬܩܢ ܙܪܥܟ܂ ܘܐܒܢܐ ܠܕܪܕܪܝܢ ܟܘܪܣܝܟ܂
089:006	ܢܘܕܘܢ ܫܡܝܐ ܬܕܡܪ̈ܬܟ ܡܪܝܐ܂ ܘܗܝܡܢܘܬܟ ܒܥܕܬܐ ܕܩܕܝܫ̈ܐ܂
089:007	ܡܢܘ ܕܦܚܡ ܠܡܪܝܐ ܒܫ̈ܡܝ ܫܡܝܐ܂ ܘܕܕܡܐ ܠܡܪܝܐ ܒܒܢ̈ܝ ܡܠܐ̈ܟܐ܂
089:008	ܐܠܗܐ ܩܡ ܒܥܕܬܐ ܕܩܕܝܫ̈ܐ܂ ܪܒ ܘܕܚܝܠ ܥܠ ܟܠܗܘܢ ܕܚܕܪ̈ܘܗܝ܂
089:009	ܡܪܝܐ ܐܠܗܐ ܚܝܠܬܢܐ܂ ܡܢܘ ܐܟܘܬܟ ܥܫܝܢܐ܂ ܗܝܡܢܘܬܟ ܚܕܪ̈ܝܟ܂
089:010	ܐܢܬ ܫܠܝܛ ܐܢܬ ܒܓܐܝܘܬܗ ܕܝܡܐ܂ ܘܕܠܘܚܝܐ/ܘܕܠܘܚܐ#3#/ ܕܓܠܠܘ̈ܗܝ ܐܢܬ ܡܫܬܩ܂
089:011	ܐܢܬ ܡܡܟܟ ܐܢܬ ܠܫܒܗܪ̈ܢܐ ܐܝܟ ܕܠܩ̈ܛܝܠܐ܂ ܒܕܪܥܟ ܥܫܝܢܐ ܒܕܪܬ ܠܒ̈ܥܠܕܒܒܝܟ܂
089:012	ܕܝܠܟ ܐܢܘܢ ܫܡܝܐ ܘܕܝܠܟ ܗܝ ܐܪܥܐ܂ ܬܒܝܠ ܒܡܠܐܗ݀ ܐܢܬ ܬܩܢܬ܂
089:013	ܠܓܪܒܝܐ ܘܠܬܝܡܢܐ ܐܢܬ ܒܪܝܬ܂ ܬܒܘܪ ܘܚܪܡܘܢ ܠܫܡܟ ܗܘ ܡܫܒܚܝܢ܂
089:014	ܕܝܠܟ ܗܘ ܕܪܥܐ ܘܕܝܠܟ ܗܝ ܓܢܒܪܘܬܐ܂ ܬܥܫܢ ܐܝܕܟ ܘܬܬܪܝܡ ܝܡܝܢܟ܂
089:015	ܒܙܕܝܩܘܬܐ ܘܒܕܝܢܐ ܡܬܩܢ ܟܘܪܣܝܟ܂ ܒܛܝܒܘܬܐ ܘܒܩܘܫܬܐ ܡܩܕܡܝܢ ܐ̈ܦܝܟ܂
089:016	ܛܘܒܘܗܝ ܠܥܡܐ/ܠܓܒܪܐ#3#/ ܕܝܕܥ ܬܫܒܚ̈ܬܟ܂ ܡܪܝܐ ܒܢܘܗܪܐ ܕܐ̈ܦܝܟ ܢܗܠܟܘܢ܂
089:017	ܘܒܫܡܟ ܢܕܘܨܘܢ ܟܠܝܘܡ܂ ܘܒܙܕܝܩܘܬܟ ܢܬܬܪܝܡܘܢ܂
089:018	ܡܛܠ ܕܬܫܒܘܚܬܐ ܕܥܘܫܢܢ ܐܢܬ ܗܘ܂ ܘܒܨܒܝܢܟ ܬܬܪܝܡ ܩܪܢܢ܂
089:019	ܡܛܠ ܕܡܪܝܐ ܗܘ ܬܘܟܠܢܢ܂ ܘܩܕܝܫܐ ܕܐܝܣܪܝܠ ܡܠܟܢ܂
089:020	ܗܝܕܝܢ ܡܠܠ ܒܚ̈ܙܘܢܐ ܥܡ ܙܕܝܩ̈ܘܗܝ܂ ܘܐܡܪ ܕܣܡܬ ܥܘܕܪܢܐ ܠܓܒܪܐ܂ ܘܐܪܝܡܬ ܓܒܝܐ ܡܢ ܥܡܐ܂
089:021	ܘܐܫܟܚܬ ܠܕܘܝܕ ܥܒܕܝ܂ ܡܫܚܐ ܕܩܘܕܫܝ/ܩܕܝܫܝ#3#/ ܡܫܚܬܗ܂
089:022	ܐܝܕܝ ܥܕܪܬܗ ܐܦ ܕܪܥܝ ܚܝܠܗ܂
089:023	ܘܠܐ ܐܗܢܝ ܡܕܡ ܒܥܠܕܒܒܗ܂ ܘܒܪܗ ܕܥܘܠܐ ܠܐ ܡܟܟܗ܂
089:024	ܐܘܒܕ ܡܢ ܩܕܡܘܗܝ ܠܒ̈ܥܠܕܒܒܘܗܝ܂ ܘܠܣܢܐ̈ܘܗܝ ܐܬܒܪ܂
089:025	ܗܝܡܢܘܬܝ ܘܛܝܒܘܬܝ ܥܡܗ܂ ܘܒܫܡܝ ܬܬܪܝܡ ܩܪܢܗ܀
089:026	ܐܣܝܡ ܐܝܕܗ ܒܝܡܐ܂ ܘܒܢܗܪ̈ܘܬܐ ܝܡܝܢܗ܂
089:027	ܗܘ ܢܩܪܝܢܝ ܐܒܝ ‍<‍ܐܒܝ#3#‍>‍ ܐܢܬ܂ ܐܠܗܝ ܘܦܪܘܩܝ ܬܩܝܦܐ/ܥܫܝܢܐ#3#/܂
089:028	ܐܦ ܐܢܐ ܒܘܟܪܐ ܐܥܒܕܝܘܗܝ܂ ܘܐܪܝܡܝܘܗܝ ܥܠ ܡ̈ܠܟܐ ܕܐܪܥܐ܂
089:029	ܘܠܥܠܡ ܐܛܪ ܠܗ ܛܝܒܘܬܝ܂ ܘܩܝܡܝ ܢܬܗܝܡܢ ܒܗ܂
089:030	ܐܣܝܡ ܠܥܠܡ ܙܪܥܗ܂ ܘܟܘܪܣܝܗ ܐܝܟ ܝܘܡ̈ܬܐ ܕܫܡܝܐ܂
089:031	ܐܢ ܢܫܒܩܘܢ ܒܢ̈ܘܗܝ ܢܡܘܣܝ܂ ܘܒ̈ܦܘܩܕܢܝ ܠܐ ܢܗܠܟܘܢ܂
089:033	ܐܦܩܘܕ ܒܫܒܛܐ ܥܘܠܗܘܢ܂ ܘܒܡܚܘܬܐ ܚ̈ܛܗܝܗܘܢ܂
089:034	ܘܛܝܒܘܬܝ ܠܐ ܐܥܒܪ ܡܢܗ܂ ܘܠܐ ܐܕܓܠ ܒܗܝܡܢܘܬܝ܂
089:035	ܘܠܐ ܐܣܠܐ ܩܝܡܝ܂ ܘܡܕܡ ܕܢܦܩ ܡܢ ܣ̈ܦܘܬܝ ܠܐ ܐܫܚܠܦ/ܐܫܬܚܠܦ#3#/܂
089:036	ܚܕܐ ܝܡܝܬ ܒܩܘܕܫܝ/ܒܩܘܫܬܝ#3#/ ܠܕܘܝܕ ܘܠܐ ܐܟܕܒ܂
089:037	ܕܙܪܥܗ ܠܥܠܡ ܢܗܘܐ܂ ܘܟܘܪܣܝܗ ܐܝܟ ܫܡܫܐ ܠܘܩܒܠܝ܂
089:038	ܘܐܝܟ ܣܗܪܐ ܢܬܩܢ ܠܥܠܡ܂ ܣܗܕܐ ܒܫܡܝܐ ܡܗܝܡܢ܂
089:039	ܘܐܢܬ ܛܥܝܬܢܝ ܘܐܣܠܝܬܢܝ܂ ܘܐܗܦܟܬ ܐ̈ܦܘܗܝ ܕܡܫܝܚܟ܂
089:040	ܘܐܣܠܝܬ ܩܝܡܗ ܕܥܒܕܟ/ܕܥܡܟ#3#/܂ ܘܐܪܡܝܬ ܒܐܪܥܐ ܟܠܝܠܗ܂
089:041	ܗܓܡܬ ‍<‍ܒܐܪܥܐ#3#‍>‍ ܣܝ̈ܓܘܗܝ ܘܣܚܦܬ ܚܣ̈ܢܘܗܝ܂
089:042	ܘܕܫܘܗܝ ܟܠ ܥܒܪ̈ܝ ܐܘܪܚܐ܂ ܘܗܘܐ ܚܣܕܐ ܠܫܒ̈ܒܘܗܝ܂
089:043	ܘܐܪܝܡܬ ܝܡܝܢܐ ܕܒ̈ܥܠܕܒܒܘܗܝ܂ ܘܚܕܝܬ ܠܟܠܗܘܢ ܣܢܐ̈ܘܗܝ܂
089:044	ܘܐܗܦܟܬ ܥܘܕܪܢܐ ܕܣܦܣܝܪܗ܂ ܘܠܐ ܣܝܥܬܝܗܝ ܒܩܪܒܐ܂
089:045	ܘܒܛܠܬ ܡܙܟܝ̈ܢܘܗܝ܂ ܘܟܘܪܣܝܗ ܠܐܪܥܐ ܣܚܦܬ܂

089:046	ܘܒܨܪܬ ܝܘܡ̈ܬܐ ܕܛܠܝܘܬܗ܂ ܘܐܥܛܦܬܝܗܝ ܒܗܬܬܐ܂

089:047	ܥܕܡܐ ܠܐܡܬܝ ܪܓܙ ܐܢܬ ܡܪܝܐ ܠܥܠܡ܂ ܘܝܩܕ ܐܝܟ ܢܘܪܐ ܪܘܓܙܟ܂
089:048	ܐܬܕܟܪܝܢܝ ܡܢ ܚܦܪܐ܂ ܡܛܘܠ ܕܠܐ ܗܘܐ ܣܪܝܩܐܝܬ ܒܪܝܬ ܠܟܠܗܘܢ ܒܢܝܢܫ̈ܐ܂
089:049	ܡܢܘ ܓܒܪܐ ܕܢܚܐ ܘܠܐ ܢܚܙܐ ܡܘܬܐ܂ ܘܢܦܨܐ ܢܦܫܗ ܡܢ ܐܝܕܐ ܕܫܝܘܠ܂
089:050	ܐܝܟܐ ܐܢܝܢ ܛܝ̈ܒܘܬܟ ܡܪܝܐ ܩܕܡܝ̈ܬܐ܂ ܕܝܡܝܬ ܠܕܘܝܕ ܒܗܝܡܢܘܬܐ܂
089:051	ܐܬܕܟܪ ܡܪܝܐ ܚܣܕܗ ܕܥܒܕܟ܂ ܕܫܩܠܬ ܒܚ̈ܝܝ ܟܠܗ ܪܢܝܗܘܢ ܕܥܡ̈ܡܐ܂
089:052	ܚܣܕܘܢܝ ܒ̈ܥܠܕܒܒܝܟ ܡܪܝܐ܂ ܘܚܣܕܘ ܥܩ̈ܒܘܗܝ ܕܡܫܝܚܟ܂
089:053	ܒܪܝܟ ܗܘ ܡܪܝܐ ܠܥܠܡ ܐܡܝܢ ܘܐܡܝܢ܂