← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62027: P Ps

Click on a word for lexical analysis
Click on a red-colored coordinate for comments and/or translations of the line

previous chapter


104:001 ܒܪܟܝ ܢܦܫܝ ܠܡܪܝܐ܂ ܡܪܝܐ ܐܠܗܝ ܝܪܒ ܛܒ܂ ܙܝܘܐ ܘܗܕܪܐ ܠܒܫ܂
104:002 ܐܬܟܣܝ ܢܘܗܪܐ ܐܝܟ ܡܪܛܘܛܐ܂ ܡܬܚ ܫܡܝܐ ܐܝܟ ܝܪܝܥܬܐ܂
104:003 ܥܒܕ ܒܡ̈ܝܐ ܡܕܝܪ̈ܘܗܝ܂ ܘܣܡ ܥܠ ܥܢ̈ܢܐ ܡܪܟܒܬܗ܂ ܘܡܗܠܟ ܥܠ ܟܢ̈ܦܝܗ݀ ܕܪܘܚܐ܂
104:004 ܥܒܕ ܡܠܐ̈ܟܘܗܝ ܪܘܚ܂ ܘܡܫܡ̈ܫܢܘܗܝ ܢܘܪ ܝܩܕܐ܂
104:005 ܐܬܩܢ ܐܪܥܐ ܥܠ ܡܬܩ̈ܢܝܗ݀܂ ܕܠܐ ܬܙܘܥ ܠܥܠܡ ܥܠܡܝܢ܂
104:006 ܬܗܘܡܐ ܐܝܟ ܡܪܛܘܛܐ ܟܣܝܬܝܗܝ܂ ܘܥܠ ܛܘܪ̈ܐ ܩܡܘ ܡ̈ܝܐ܂
104:007 ܡܢ ܟܐܬܟ ܥܪܩܝܢ܂ ܘܡܢ ܩܠܐ ܕܪ̈ܥܡܝܟ ܡܬܪܗܒܝܢ܂
104:008 ܣܠܩܘ ܛܘܪ̈ܐ ܘܢܚܬܘ ܦܩ̈ܥܬܐ܂ ܒܐܬܪܐ ܕܬܩܢܬ ܠܗܘܢ܂
104:009 ܬܚܘܡܐ ܣܡܬ ܠܗܘܢ܂ ܕܠܐ ܢܥܒܪܘܢ ܘܢܟܣܘܢܗ݀ ܠܐܪܥܐ܂
104:010 ܫܕܪ/ܡܫܕܪ ܐܢܬ#3#/ ܡܒ̈ܘܥܐ ܒܢܚ̈ܠܐ܂ ܘܒܝܢܬ/ܘܒܝܢܝ#3#/ ܛܘܪ̈ܐ ܡܗܠܟܝܢ܂
104:011 ܘܡܫܩܝܢ ܟܠܗ݀ ܚܝܘܬܐ ܕܕܒܪܐ܂ ܘܣܒܥܝܢ ܥܪ̈ܕܐ ܕܨܗܝܢ/ܕܨܗܝܘܢ#3#/܂
104:012 ܘܦܪܚܬܐ ܕܫܡܝܐ ܥܠܝܗܘܢ ܫܟܢܐ܂ ܡܢ ܒܝܢܬ ܛܘܪ̈ܐ ܝܗܒܝܢ ܩܠܐ܂
104:013 ܡܫܩܐ ܛܘܪ̈ܐ ܡܢ ܡܕܝܪ̈ܘܗܝ܂ ܡܢ ܦܐܪ̈ܝ ܥܒ̈ܕܝܟ ܬܣܒܥ ܐܪܥܐ܂
104:014 ܡܘܥܐ ܥܡܝܪܐ ܠܒܥܝܪܐ܂ ܘܥܣܒܐ ܠܦܘܠܚܢܗ ܕܒܪܢܫܐ܂ ܠܡܦܩܘ ܠܚܡܐ ܡܢ ܐܪܥܐ܂
104:015 ܚܡܪܐ ܡܚܕܐ ܠܒܗ ܕܒܪܢܫܐ܂ ܘܡܦܨܚ ܐ̈ܦܘܗܝ ܒܡܫܚܐ܂ ܠܚܡܐ ܣܡܟ ܠܒܗ ܕܒܪ ܐܢܫܐ܂
104:016 ܢܣܒܥܘܢ ܐ̈ܝܠܢܘܗܝ ܕܡܪܝܐ܂ ܘܐܪ̈ܙܐ ܕܠܒܢܢ ܕܢܨܒ܂
104:017 ܬܡܢ ܐܩܢ ܨܦܪ̈ܐ܂ ܘܚܘܪܒܐ ܩܢܗ ܒܫܪ̈ܘܝܢܐ܂
104:018 ܛܘܪ̈ܐ ܪ̈ܡܐ ܠܕܝ̈ܨܐ܂ ܘܫ̈ܩܝܦܐ ܣܬܪܐ ܠܚ̈ܓܣܐ܀܀
104:019 ܥܒܕ ܣܗܪܐ ܠܙܒ̈ܢܐ܂ ܘܫܡܫܐ ܝܕܥ ܙܒܢܐ ܕܡܥܪ̈ܒܘܗܝ܂
104:020 ܥܒܕ ܚܫܘܟܐ ܘܗܘܐ ܠܠܝܐ܂ ܘܒܗ ܥܡܪ̈ܢ/ܥܒܪ̈ܢ#3#/ ܟܠܗܝܢ ܚܝ̈ܘܬܐ ܕܥܒܐ܂
104:021 ܐܪ̈ܝܘܬܐ ܢܗܡܝܢ ܠܡܬܒܪ܂ ܘܠܡܒܥܐ ܡܢ ܐܠܗܐ ܡܐܟܘܠܬܗܘܢ܂
104:022 ܒܡܕܢܚ̈ܝ ܫܡܫܐ ܡܬܚܡܠܝܢ܂ ܘܒܡܥܡܪ̈ܝܗܘܢ ܪܒܥܝܢ܂
104:023 ܢܦܩ ܒܪܢܫܐ ܠܥܒܕܗ܂ ܘܠܦܘܠܚܢܗ ܥܕܡܐ ܠܪܡܫܐ܂
104:024 ܡܐ ܣܓܝܐܝܢ ܥܒ̈ܕܝܟ ܡܪܝܐ܂ ܘܟܠܗܘܢ ܒܚܟܡܬܐ ܥܒܕܬ/ܒܪܝܬ#3#/ ܐܢܘܢ܂ ܘܡܠܬ ܐܪܥܐ ܩܢܝܢܟ܂
104:025 ܗܢܘ ܝܡܐ ܪܒܐ܂ ܘܐܪܘܚܬܐ ܕܐ̈ܝܕܝܐ܂ ܕܒܗ ܐܝܬ ܪܚܫܐ ܕܠܐ ܡܢܝܢ܂ ܚ̈ܝܘܬܐ ܪ̈ܘܪܒܬܐ ܥܡ ܕܩ̈ܕܩܬܐ܂
104:026 ܘܒܗ ܗܘ ܡܗ̈ܠܟܢ ܣܦܝ̈ܢܐ܂ ܠܘܝܬܢ ܗܢܐ ܕܒܪܝܬ ܠܡܓܚܟ ܥܠܘܗܝ܂
104:027 ܟܠܗܘܢ ܠܟ ܗܘ ܡܣܟܝܢ܂ ܕܬܬܠ ܠܗܘܢ ܡܐܟܘܠܬܐ ܒܙܒܢܗܘܢ܂
104:028 ܝܗܒ ܐܢܬ ܠܗܘܢ ܘܡܬܬܪܣܝܢ܂ ܦܬܚ ܐܢܬ ܐܝܕܟ ܘܣܒܥܝܢ܂
104:029 ܡܗܦܟ ܐܢܬ ܐ̈ܦܝܟ ܘܡܬܕܠܚܝܢ܂ ܫܩܠ ܐܢܬ ܪܘܚܗܘܢ ܘܡܝܬܝܢ܂ ܘܠܥܦܪܗܘܢ ܗܦܟܝܢ/ܡܗܦܟܝܢ#3#/܂
104:030 ܡܫܕܪ ܐܢܬ ܪܘܚܟ ܘܡܬܒܪܝܢ܂ ܘܡܚܕܬ ܐܢܬ ܐ̈ܦܝܗ݀ ܕܐܪܥܐ܂
104:031 ܢܗܘܐ ܫܘܒܚܗ ܕܡܪܝܐ ܠܥܠܡ܂ ܢܚܕܐ ܡܪܝܐ ܒܥܒ̈ܕܘܗܝ܂
104:032 ܕܚܐܪ ܒܐܪܥܐ ܘܙܝܥܐ܂ ܘܟܐܐ ܒܛܘܪ̈ܐ ܘܬܢܝܢ܂
104:033 ܐܫܒܚ ܠܡܪܝܐ ܒܚܝ̈ܝ܂ ܘܐܙܡܪ ܠܐܠܗܝ ܥܕ ܩܝܡ ܐܢܐ܂
104:034 ܬܒܣܡ ܠܗ ܬܫܒܘܚܬܝ܂ ܘܐܢܐ ܐܚܕܐ ܒܡܪܝܐ܂
104:035 ܘܢܣܘܦܘܢ ܚ̈ܛܝܐ ܡܢ ܐܪܥܐ܂ ܘܥܘ̈ܠܐ ܠܐ ܢܫܬܚܪܘܢ ܒܗ݀܂ ܒܪܟܝ ܢܦܫܝ ܠܡܪܝܐ܂

next chapter