← Back
The Comprehensive Aramaic Lexicon
← Return to the Text Browser
click on the file description for more information

62027: P Ps

Click on a word for lexical analysis
Click on a red-colored coordinate for comments and/or translations of the line

previous chapter


106:001 ܐܘܕܘ ܠܡܪܝܐ ܕܛܒ ܗܘ ܘܠܥܠܡ ܛܝܒܘܬܗ܂
106:002 ܡܢܘ/ܡܢ#3#/ ܢܫܬܥܐ ܬܕܡܪ̈ܬܗ ܕܡܪܝܐ܂ ܘܢܫܡܥ ܟܘܠܗܝܢ ܬܫ̈ܒܚܬܗ܂
106:003 ܛܘܒܝܗܘܢ ܠܐܝܠܝܢ ܕܢܛܪܝܢ ܕܝܢ̈ܘܗܝ܂ ܘܥܒܕܝܢ ܙܕܝܩܘܬܗ ܒܟܠܙܒܢ܂
106:004 ܐܬܕܟܪܝܢܝ ܡܪܝܐ ܒܨܒܝܢܗ ܕܥܡܟ܂ ܘܦܪܘܩܝܢܝ ܒܦܘܪܩܢܟ/ܒܛܝܒܘܬܟ#3#/܂
106:005 ܕܐܚܙܐ ܒ̈ܛܒܬܐ ܕܓܒܝ̈ܟ܂ ܐܚܕܐ ܒܚܕܘܬܟ ܘܐܫܬܒܚ ܒܝܪܬܘܬܟ܂
106:006 ܚܛܝܢ ܥܡ ܐ̈ܒܗܝܢ ܘܐܣܟܠܢ ܘܐܪܫܥܢ܂
106:007 ܐܒ̈ܗܝܢ ܒܡܨܪܝܢ ܠܐ ܐܣܬܟܠܘ ܬܕܡܪ̈ܬܟ܂ ܘܠܐ ܐܬܕܟܪܘ ܣܘܓܐܐ ܕܛܝܒ̈ܘܬܟ܂ ܕܐܬܚܪܝܘ ܥܠ ܡ̈ܝܐ ܒܝܡܐ ܕܣܘܦ܂
106:008 ܘܦܪܩ ܐܢܘܢ ܡܛܠ ܫܡܗ܂ ܕܢܚܘܐ ܓܢܒܪܘܬܗ܂
106:009 ܟܐܐ ܒܝܡܐ ܕܣܘܦ ܘܝܒܫ܂ ܗܠܟ ܐܢܘܢ ܒܬܗܘܡܐ ܐܝܟ ܕܒܡܕܒܪܐ܂
106:010 ܘܦܪܩ ܐܢܘܢ ܡܢ ܐܝܕܐ ܕܒܥܠܕܒܒܐ܂ ܘܦܨܝ ܐܢܘܢ ܡܢ ܐܝܕܐ ܕܐܠܘܨܐ܂
106:011 ܘܟܣܝܘ/ܘܟܣܘ#3#/ ܡ̈ܝܐ ܠܐ̈ܠܘܨܝܗܘܢ܂ ܘܚܕ ܡܢܗܘܢ ܠܐ ܐܫܬܚܪ܂
106:012 ܗܝܡܢܘ ܒܡ̈ܠܘܗܝ ܘܫܒܚܘ ܬܫܒ̈ܚܬܗ܂
106:013 ܐܣܬܪܗܒܘ ܘܛܥܘ ܠܐܠܗܐ܂ ܘܠܐ ܣܒܪܘ ܠܬܪܥܝܬܗ/ܠܦܘܪܩܢܗ#3#/܂
106:014 ܪܓܘ ܪܓܬܐ ܒܡܕܒܪܐ܂ ܘܢܣܝܘ ܠܐܠܗܐ ܒܐܫܝܡܘܢ܂
106:015 ܝܗܒ ܠܗܘܢ ܫܐ̈ܠܬܗܘܢ܂ ܘܫܕܪ ܣܒܥܐ ܠܢܦܫ̈ܬܗܘܢ/ܥܠ ܢܦܫ̈ܬܗܘܢ#3#/܂
106:016 ܛܢܘ ܒܡܘܫܐ ܒܡܫܪܝܬܐ܂ ܘܒܐܗܪܘܢ ܩܕܝܫܗ ܕܡܪܝܐ܂
106:017 ܐܬܦܬܚܬ/ܐܬܦܚܬܬ#3#/ ܐܪܥܐ ܘܒܠܥܬ ܠܕܬܢ܂ ܘܟܣܝܬ ܥܠ ܟܢܘܫܬܗ ܕܐܒܝܪܡ܂
106:018 ܚܒܬ ܢܘܪܐ ܒܟܢܘܫ̈ܬܗܘܢ܂ ܘܫܠܗܒܝܬܐ ܐܘܩܕܬ ܠܥܘ̈ܠܐ܂
106:019 ܥܒܕܘ ܥܓܠܐ ܒܚܘܪܝܒ܂ ܘܣܓܕܘ ܠܢܣܝܟܐ܂
106:020 ܘܚܠܦܘ ܐܝܩܪܗܘܢ ܒܕܡܘܬܐ ܕܬܘܪܐ ܕܐܟܠ ܥܣܒܐ܂
106:021 ܘܛܥܘ ܠܐܠܗܐ ܕܦܪܩ ܐܢܘܢ܂ ܕܥܒܕ ܪ̈ܘܪܒܬܐ ܒܡܨܪܝܢ܂
106:022 ܘܬܕܡܪ̈ܬܐ ܒܐܪܥܐ ܕܚܡ܂ ܘܕܚ̈ܝܠܬܐ ܒܝܡܐ ܕܣܘܦ܂
106:023 ܘܐܡܪ ܕܢܘܒܕ ܐܢܘܢ܂܀ ܐܠܘ ܠܐ ܡܘܫܐ ܓܒܝܗ܂ ܕܩܡ ܒܬܘܪܥܬܐ ܩܕܡܘܗܝ܂ ܘܐܗܦܟ ܪܘܓܙܗ ܕܠܐ ܢܚܒܠ ܐܢܘܢ܂
106:024 ܘܐܣܝܠܝܘܗ݀ ܠܐܪܥܐ ܕܪܓܬܐ܂ ܘܠܐ ܗܝܡܢܘ ܠܡܠܬܗ܂
106:025 ܘܪܛܢܘ ܒܡܫ̈ܟܢܝܗܘܢ ܘܠܐ ܫܡܥܘ ܒܩܠܗ ܕܡܪܝܐ܂
106:026 ܘܐܪܝܡ ܐܝܕܗ ܥܠܝܗܘܢ ܕܢܘܒܕ ܐܢܘܢ ܒܥܡ̈ܡܐ܂
106:027 ܘܢܒܕܪ ܙܪܥܗܘܢ ܒܥܡ̈ܡܐ/ܒܐܡ̈ܘܬܐ#3#/܂ ܘܢܘܒܕ ܐܢܘܢ ܒܐܪ̈ܥܬܐ܂
106:028 ܥܠ ܕܐܬܢܩܦܘ ܠܦܬܟܪ̈ܐ ܕܦܥܘܪ/ܕܟܢܥܢ#3#/܂ ܘܐܟܠܘ ܕܒ̈ܚܐ ܕܡ̈ܝܬܐ܂
106:029 ܘܐܪܓܙܘܗܝ ܒܥܒ̈ܕܝܗܘܢ/ܒܥ̈ܘܠܬܗܘܢ#3#/ܒ̈ܥܠܘܬܗܘܢ#3#/܂ ܘܒܦܬܟܪ̈ܝܗܘܢ ܐܛܢܘܗܝ܂ ܘܥܫܢ/ܘܐܥܫܢ#3#/ ܥܠܝܗܘܢ ܡܘܬܢܐ/ܡܘܬܐ#3#/ ܡܢ ܫܠܝܐ܂
106:030 ܩܡ ܦܝܢܚܣ ܘܨܠܝ ܘܐܬܟܠܝ ܡܘܬܢܐ܂
106:031 ܘܐܬܚܫܒܬ ܠܗ ܙܟܘܬܐ ܠܕܪܕܪܝܢ ܥܕܡܐ ܠܥܠܡ܂
106:032 ܘܐܪܓܙܘܗܝ ܥܠ ܡ̈ܝܐ ܕܚܪܝܢܐ܂ ܘܐܒܐܫ/ܘܒܐܫ#3#/ ܠܡܘܫܐ ܡܛܠܬܗܘܢ܂
106:033 ܡܛܠ ܕܡܪܡܪܘ ܪܘܚܗ ܘܡܠܠܘ ܒܣ̈ܦܘܬܗ܂
106:034 ܘܠܐ ܐܘܒܕܘ ܠܥܡ̈ܡܐ ܕܐܡܪ ܠܗܘܢ ܡܪܝܐ܂
106:035 ܐܠܐ ܐܬܚܠܛܘ ܒܥܡ̈ܡܐ ܘܝܠܦܘ ܥܒ̈ܕܝܗܘܢ܂
106:036 ܘܕܚܠܘ ܠܦܬܟܪ̈ܝܗܘܢ ܘܗܘܘ ܠܗܘܢ ܠܬܘܩܠܬܐ܂
106:037 ܕܒܚܘ ܒܢܝܗܘܢ ܘܒܢ̈ܬܗܘܢ ܠܫܐ̈ܕܐ܂
106:038 ܘܐܫܕܘ ܕܡܐ ܙܟܝܐ܂ ܕܡܐ ܕܒܢܝܗܘܢ ܘܕܒܢ̈ܬܗܘܢ܂ ܕܒܚܘ ܠܦܬܟܪ̈ܐ ܕܟܢܥܢ܂ ܘܐܬܛܢܦܬ ܐܪܥܐ ܒܕܡܐ܂
106:039 ܐܬܛܢܦܘ ܒܥܒ̈ܕܝܗܘܢ ܘܙܢܝܘ ܒܨܢ̈ܥܬܗܘܢ܂
106:040 ܘܐܬܚܡܬ ܪܘܓܙܗ ܕܡܪܝܐ ܥܠ ܥܡܗ܂ ܘܐܣܠܝ ܠܝܪܬܘܬܗ܂
106:041 ܘܐܫܠܡ ܐܢܘܢ ܒܐܝܕܐ ܕܥܡ̈ܡܐ܂ ܘܐܫܬܠܛܘ ܒܗܘܢ ܣ̈ܢܐܝܗܘܢ܂
106:042 ܘܫܥܒܕܘ ܐܢܘܢ ܒ̈ܥܠܕܒܒܝܗܘܢ܂ ܘܐܫܬܥܒܕܘ ܬܚܘܬ ܐ̈ܝܕܝܗܘܢ܂
106:043 ܙܒܢ̈ܬܐ ܣ̈ܓܝܐܬܐ ܦܨܝ ܐܢܘܢ܂ ܘܗܢܘܢ ܡܪܡܪܘܗܝ ܒܬܪ̈ܥܝܬܗܘܢ܂ ܘܐܬܡܟܟܘ ܒܥܘܠܗܘܢ܂
106:044 ܘܚܙܐ ܒܐܘܠܨܢܗܘܢ ܘܫܡܥ ܒܥܘܬܗܘܢ܂
106:045 ܘܐܬܕܟܪ ܩܝܡܗ ܘܪܚܡ ܥܠܝܗܘܢ܂ ܘܕܒܪ ܐܢܘܢ ܐܝܟ ܣܘܓܐܐ ܕܛܝܒ̈ܘܬܗ܂
106:046 ܘܝܗܒ ܐܢܘܢ ܒܪ̈ܚܡܐ ܩܕܡ ܟܘܠ ܫܒܝ̈ܗܘܢ܂

106:047 ܦܪܘܩܝܢ ܡܪܝܐ ܐܠܗܢ ܘܟܢܫܝܢܝ ܡܢ ܥܡ̈ܡܐ܂ ܕܢܘܕܐ ܠܫܡܟ ܩܕܝܫܐ ܘܢܫܬܒܚ ܒܝܪܬܘܬܟ܂

106:048 ܒܪܝܟ ܗܘ ܡܪܝܐ ܐܠܗܐ ܕܐܝܣܪܝܠ܂ ܡܢ ܥܠܡ ܘܥܕܡܐ ܠܥܠܡ܂ ܘܢܐܡܪ ܟܘܠܗ ܥܡܐ ܐܡܝܢ ܘܐܡܝܢ܂

next chapter