← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62028: P Job

Click on a word for lexical analysis
Click on a red-colored coordinate for comments and/or translations of the line

previous chapter


01:01 ܓܒܪܐ ܚܕ ܐܝܬ ܗܘܐ ܒܐܪܥܐ ܕܥܘܨ܂ ܐܝܘܒ ܫܡܗ܂ ܓܒܪ/ܓܒܪܐ#3#/ ܗܘܐ \ܬܡܝܡ ܘܙܕܝܩ /ܙܕܝܩ ܘܬܡܝܡ#3#/ ܘܕ݁ܚܠ ܠܐܠܗܐ ܘܣ݁ܛܐ ܡܢ ܒܝܫܬܐ܂
01:02 ܘܐܬܝܠܕܘ ܠܗ ܫܒܥܐ ܒܢܝܢ ܘܬܠܬ ܒ̈ܢܢ܂
01:03 ܘܗܘܐ ܩܢܝܢܗ ܫܒܥܐ ܐ̈ܠܦܝܢ ܥܢܐ܂ ܘܬܠܬܐ ܐ̈ܠܦܝܢ ܓܡ̈ܠܐ܂ ܘܚܡܫܡܐܐ ܦܕܢܝ̈ܢ ܕܬܘܪ̈ܐ܂ ܘܚܡܫܡܐܐ ܐ̈ܬܢܝܢ܂ ܘܥܒܕܬܐ ܣܘܓܐܐ ܕܛܒ܂ ܘܓܒܪܐ ܗ݀ܘ ܪܒ ܗܘܐ ܡܢ ܟܠܗܘܢ ܒܢ̈ܝ ܡܕܢܚܐ܂
01:04 ܘܐܙܠܝܢ ܗܘܘ ܒܢ̈ܘܗܝ܂ ܘܥܒܕܝܢ ܡܫܬܝܐ ܒܝܬ ܓܒܪ ܕܝܘܡܗ܂ ܘܡܫܕܪܝܢ ܗܘܘ ܘܩܪܝܢ/ܘܡܝܬܝܢ#3#/ ܠܬܠܬ ܐܚ̈ܘܬܗܘܢ܂ ܠܡܐܟܠ ܘܠܡܫܬܐ ܥܡܗܘܢ܂
01:05 ܘܗܘܐ ܕܟܕ ܐܩܦܘ/ܐܩܦ#3#/ ܝܘܡ̈ܝ ܡܫܬܝܐ܂ ܫܕܪ ܐܝܘܒ ܘܩܕܫ ܐܢܘܢ܂ ܘܩ݁ܕܡ ܐܝܘܒ ܒܨܦܪܐ܂ ܘܐܣܩ ܕܒܚ̈ܐ ܡܢܝܢ ܟܠܗܘܢ܂ ܡܛܠ ܕܐܡܪ ܐܝܘܒ܂ ܕܠܡܐ ܚܛܘ ܒܢ̈ܝ܂ ܘܨܚܝܘ ܠܐܠܗܐ ܒܠܒܗܘܢ܂ ܗܟܢܐ ܥܒܕ ܗܘܐ ܐܝܘܒ ܟܠܗܘܢ ܝܘܡ̈ܬܐ܂
01:06 ܘܗܘܐ ܝܘܡܐ܂ ܘܐܬܘ ܒܢ̈ܝ ܐܠܘܗܝܡ ܠܡܩܡ ܩܕܡ ܡܪܝܐ܂ ܘܐܬܐ ܐܦ ܣܛܢܐ ܒܝܢܬܗܘܢ ܠܡܩܡ ܩܕܡ ܡܪܝܐ܂
01:07 ܘܐܡܪ ܡܪܝܐ ܠܣܛܢܐ܂ ܡܢ ܐܝܡܟܐ ܐܬܐ ܐܢܬ܂ ܥܢܐ ܣܛܢܐ ܘܐܡܪ ܠܡܪܝܐ܂ ܚܕܪܬ ܒܐܪܥܐ ܘܗܠܟܬ ܒܗ݀܂
01:08 ܘܐܡܪ ܡܪܝܐ ܠܣܛܢܐ܂ ܗܐ ܣܡܬ ܠܒܟ ܥܠ ܥܒܕܝ ܐܝܘܒ܂ ܕܠܝܬ ܐܟܘܬܗ ܒܐܪܥܐ܂ ܓܒܪ ܬܡܝܡ ܘܬܪܝܨ܂ ܘܕ݁ܚܠ ܠܐܠܗܐ ܘܣ݁ܛܐ/ܘܐܣܛܐ#3#/ ܡܢ ܒܝܫܬܐ܂
01:09 ܘܥܢܐ ܣܛܢܐ ܘܐܡܪ ܠܡܪܝܐ܂ ܣܪܝܩܐܝܬ ܓܝܪ ܕܚ݁ܠ ܐܝܘܒ ܠܐܠܗܐ܂
01:10 ܐܢܬ ܐܓܢܬ ܐܝܕܟ ܥܠܘܗܝ܂ ܘܥܠ ܒܝܬܗ ܘܥܠ ܒܢ̈ܘܗܝ ܘܥܠ ܟܠ ܡܕܡ ܕܐܝܬ ܠܗ ܒܟܠ ܕܘܟܐ܂ ܘܥܒܕ ܐ̈ܝܕܘܗܝ ܒܪܟܬ܂ ܘܩܢܝܢܗ ܣܓܝ ܒܐܪܥܐ܂
01:11 ܒܪܡ ܕܝܢ ܐܘܫܛ ܐܝܕܟ ܘܩܪܘܒ ܠܟܠ ܡܕܡ ܕܐܝܬ ܠܗ܂ ܐܠܐ ܒܐ̈ܦܝܟ ܢܨ݁ܚܝܟ܂
01:12 ܘܐܡܪ ܡܪܝܐ ܠܣܛܢܐ܂ ܗܐ ܟܠ ܡܕܡ ܕܐܝܬ ܠܗ ܡܫܠܡ ܒܐ̈ܝܕܝܟ܂ ܒܠܚܘܕ ܥܠܘܗܝ ܠܐ ܬܘܫܛ ܐܝܕܟ܂ ܘܢܦܩ ܣܛܢܐ ܡܢ ܩܕܡ ܐ̈ܦܘܗܝ ܕܡܪܝܐ܂
01:13 ܘܗܘܐ ܝܘܡܐ ܘܒܢ̈ܘܗܝ ܘܒܢ̈ܬܗ ܕܐܝܘܒ ܐܟܠܝܢ ܗܘܘ ܘܫܬܝܢ ܒܝܬ ܐܚܘܗܘܢ ܩܫܝܫܐ܂
01:14 ܘܡܠܐܟܐ ܐܬܐ ܠܘܬ ܐܝܘܒ ܘܐܡܪ ܠܗ܂ ܬܘܪ̈ܐ ܕܒܪܝܢ ܗܘܘ ܦ̈ܕܢܐ܂ ܘܐ̈ܬܢܐ ܪ̈ܥܝܢ ܗ̈ܘܝ ܥܠ ܓܒܗܘܢ܂
01:15 ܘܢܦܠ/ܘܢܦܠܘ#3#/ ܓܝܣܐ ܘܕܒܪ/ܘܕܒܪܘ#3#/ ܐܢܘܢ܂ \ܘܥ̈ܠܝܡܐ ܐܬܩܛܠܘ/ܘܠܥܠܝ̈ܡܐ ܩܛܠܘ#3#/ ܒܚܪܒܐ܂ ܘܐܬܦܠܛܬ ܐܢܐ ܒܠܚܘܕܝ ܕܐܚܘܝܟ܂
01:16 ܘܥܕ ܗܘ ܡܡܠܠ ܐܬܐ ܐܚܪܢܐ ܘܐܡܪ ܠܗ܂ \ܢܘܪܗ ܕܐܠܗܐ ܢܦܠܬ ܡܢ ܫܡܝܐ܂ ܘܣܦܬ/ܢܘܪܗ ܕܐܠܗܐ ܣܦܬ#3#/ ܒܥܢܐ ܘܒܪ̈ܥܘܬܐ ܘܐܘܩܕܬ ܐܢܘܢ܂ ܘܐܬܦܠܛܬ ܐܢܐ ܒܠܚܘܕܝ ܕܐܚܘܝܟ܂
01:17 ܘܥܕ ܗܘ ܡܡܠܠ ܐܬܐ ܐܚܪܢܐ ܘܐܡܪ ܠܗ܂ ܟ̈ܠܕܝܐ ܐܬܦܠܓܘ ܠܬܠܬ ܡ̈ܢܘܢ܂ ܘܢܦܠܘ ܥܠ ܓܡ̈ܠܐ ܘܕܒܪܘ ܐܢܘܢ܂ ܘܠܥ̈ܠܝܡܐ ܩܛܠܘ ܒܚܪܒܐ܂ ܘܐܬܦܠܛܬ ܐܢܐ ܒܠܚܘܕܝ ܕܐܚܘܝܟ܂
01:18 ܘܥܕ ܗܘ ܡܡܠܠ ܐܬܐ ܐܚܪܢܐ ܘܐܡܪ ܠܗ܂ ܒܢܝܟ ܘܒܢ̈ܬܟ ܐܟܠܝܢ ܗܘܘ ܘܫܬܝܢ ܒܝܬ ܐܚܘܗܘܢ ܩܫܝܫܐ܂
01:19 ܘܗܐ ܪܘܚܐ ܬܩܝܦܬܐ ܐܬܬ/ܘܐܬܬ#3#/ ܡܢ ܥܒܪ̈ܐ ܕܡܕܒܪܐ܂ ܘܐܬܛܪܝܬ ܒܐܪ̈ܒܥ ܙܘܝ̈ܬܗ ܕܒܝܬܐ܂ ܘܢܦܠ ܥܠ ܛ̈ܠܝܐ ܘܡܝܬܘ܂ ܘܐܬܦܠܛܬ ܐܢܐ ܒܠܚܘܕܝ ܕܐܚܘܝܟ܂
01:20 ܘܩܡ ܐܝܘܒ ܘܨܪܐ ܦܪܝܣܗ ܘܓܙ ܪܝܫܗ܂ ܘܢܦܠ ܥܠ ܐܪܥܐ ܣܓܕ/ܘܣܓܕ#3#/܂
01:21 ܘܐܡܪ܂ ܥܪܛܠ ܢܦܩܬ ܡܢ ܟܪܣܗ݀ ܕܐܡܝ܂ ܘܥܪܛܠ ܐܗܦܘܟ܂ ܡܪܝܐ ܝܗܒ ܘܡܪܝܐ ܢܣܒ܂ ܢܗܘܐ ܫܡܗ ܕܡܪܝܐ ܡܒܪܟ܂
01:22 ܘܒܗܠܝܢ ܟܠܗܝܢ ܠܐ ܚܛܐ ܐܝܘܒ܂ ܐܦܠܐ/ܘܐܦܠܐ#3#/ ܓ݁ܕܦ ܥܠ ܐܠܗܐ܂

next chapter