The Comprehensive Aramaic Lexicon


05:01	ܩܪܝ ܢܐ ܐܢ ܐܝܬ ܕܥ݁ܢܐ ܠܟ܂ ܘܠܘܬ ܡ݁ܢ ܡܢ ܩܕܝܫ̈ܐ ܬܬܦܢܐ܂

05:02	ܡܛܠ ܕܠܣܟܠܐ ܩܛܠ ܪܘܓܙܐ܂ ܘܠܣܟܠܐ ܩܛܠܐ ܩܢܐܬܐ܂
05:03	ܐܢܐ ܚܙܝܬ ܪܫܝܥܐ ܕܡܨܠܚ܂ ܘܐܒܕܐ ܕܝܪܗ ܡܢ ܫܠܝ܂
05:04	ܢܬܪܚܩܘܢ ܒܢ̈ܘܗܝ ܡܢ ܦܘܪܩܢܐ܂ ܘܢܬܡܟܟܘܢ ܒܬܪܥܐ ܘܠܝܬ ܕܦܪܩ ܠܗܘܢ܂
05:05	ܕܚ݁ܨܕ ܟܦܢܐ ܢܐܟܘܠ܂ ܘܠܨܗܝܐ ܢܬܢܣܟܘܢ܂ ܘܢܓܪܣ ܨܗܝܐ ܩܢܝܢܗܘܢ/ܩܢܝܢܝܗܘܢ#3#/܂
05:06	ܡܛܠ ܕܠܐ ܢ݁ܦܩ ܡܢ ܥܦܪܐ ܫܘܩܪܐ܂ ܐܦܠܐ ܡܢ ܐܕܡܬܐ ܨ݁ܡܚ ܥܘܠܐ܂
05:07	ܡܛܠ ܕܒܪܢܫܐ ܠܥܡܠܐ ܗܘ/#3#/ ܐܬܝܠܕ܂ ܘܒܢ̈ܝ ܥܘܦܐ ܢܪܝܡܘܢ ܓܦܐ܂
05:08	ܒܪܡ ܐܢܐ ܐܥܩܒ ܥܠ ܐܠܗܐ܂ ܘܠܘܬ ܐܠܗܐ ܐܣܝܡ ܡܠܬܝ܂
05:09	ܕܥܒܕ ܪ̈ܘܪܒܬܐ ܕܠܐ ܣܟ܂ ܘܬܕܡܪ̈ܬܐ ܕܠܐ ܡܢܝ̈ܢ܂
05:10	ܕܝ݁ܗܒ ܡܛܪܐ ܥܠ ܐ̈ܦܝ ܐܪܥܐ܂ ܘܡܫܕܪ ܡ̈ܝܐ ܥܠ ܐ̈ܦܝ ܫ̈ܘܩܐ܂
05:11	ܠܡܣܡ ܫ̈ܦܠܐ/ܫܦܠܐ#3#/ ܒܪܘܡܐ܂ ܘܡܟܝ̈ܟܐ ܢܬܥܫܢܘܢ ܒܦܘܪܩܢܐ܂
05:12	ܡܒܛܠ ܡܚ̈ܫܒܬܐ ܕܚܟܝ̈ܡܐ܂ ܕܠܐ ܢܥܒ̈ܕܢ ܐ̈ܝܕܝܗܘܢ ܠܚܟܡܐ܂
05:13	ܐ݁ܚܕ ܚ̈ܟܝܡܐ ܒܚܟܡܬܗܘܢ܂ ܘܬܪܥܝܬܐ ܕܨܢܘ̈ܥܬܢܐ/ܕܨܘܢܥܬܢܐ#2#/ ܡܒܛܠ܂
05:14	ܒܐܝܡܡܐ ܢܓܫܓܫܘܢ ܐܝܟ ܕܒܚܫܘܟܐ܂ ܘܐܝܟ ܕܒܠܠܝܐ ܢܡܘܫܘܢ ܒܛܗܪܐ܂
05:15	ܦܪܩ ܡܢ ܚܪܒܐ ܡܢ/#3#/ ܦܘܡܗܘܢ܂ ܘܡܢ ܐܝܕܐ ܕܥܫܝܢܐ ܠܡܣ̈ܟܢܐ/ܠܡܣܟܢܐ#3#/
05:16	ܘܢܗܘܐ/ܘܢܚܘܐ#3#/ ܠܡܣܟܢܐ ܣܒܪܐ܂ ܘܥܘ݁ܠܐ ܢܣܟܘܪ ܦܘܡܗ܂
05:17	ܛܘܒܘܗܝ ܠܓܒܪܐ ܕܢܟܣܝܘܗܝ ܐܠܗܐ܂ ܘܡܪܕܘܬܗ ܕܚܣܝܢܐ ܠܐ ܢܣܠܐ܂
05:18	ܡܛܠ ܕܗܘ ܬܒܪ ܘܥ݁ܨܒ܂ ܘܡ݁ܚܐ ܘܐ̈ܝܕܘܗܝ ܡܐܣ̈ܝܢ܂
05:19	ܒܫܬ ܥܩ̈ܢ ܢܦܪܩܟ܂ ܘܒܕܫܒܥ ܠܐ ܢܩܪܘܒ ܠܟ ܒܝܫܐ܂
05:20	ܒܟܦܢܐ ܢܦܪܩܟ ܡܢ ܡܘܬܐ܂ ܘܒܩܪܒܐ ܡܢ ܐ̈ܝܕܝ ܚܪܒܐ܂
05:21	ܡܢ ܫܒܛܐ ܕܠܫܢܐ ܬܣܬܬܪ܂ ܘܠܐ ܬܕܚܠ ܡܢ ܬܒܪܐ ܟܕ ܢܐܬܐ܂
05:22	ܥܠ ܒܙܬܐ ܘܥܠ ܟܦܢܐ ܬܓܚܟ܂ ܘܡܢ ܚܝܘܬܐ ܕܒܪܐ/ܕܕܒܪܐ#3#/ ܠܐ ܬܕܚܠ܂
05:23	ܡܛܠ ܕܥܡ ܟܐ̈ܦܐ ܕܕܒܪܐ ܩܝܡܟ܂ ܘܚܝܘܬܐ ܕܒܪܐ/ܕܕܒܪܐ#3#/ ܐܫܬܠܡܬ ܠܟ܂
05:24	ܘܬܕܥ ܕܫܠܡ ܗܘ ܡܫܟܢܟ܂ ܘܬܗܦܘܟ ܠܕܝܪܟ ܘܠܐ ܬܚܛܐ܂
05:25	ܘܬܕܥ ܕܣܓܝ ܙܪܥܟ܂ ܘܝܠܕܟ ܐܝܟ ܥܣܒܐ ܕܐܪܥܐ܂
05:26	ܘܬܥܘܠ ܢܝܚܐܝܬ ܠܩܒܪܐ܂ ܐܝܟ ܡܣܩ ܓܕܝܫܐ ܒܙܒܢܗ܂
05:27	ܗܕܐ ‍<‍ܗܘ#3#‍>‍ ܒܨܝܢ ܘܗܟܢܐ ܗܘ ܫܡܥܢܗ݀܂ ܘܐܢܬ ܕܥ ܠܟ܀܀܂