← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62028: P Job

Click on a word for lexical analysis
Click on a red-colored coordinate for comments and/or translations of the line

previous chapter


06:01 ܘܥܢܐ ܐܝܘܒ ܘܐܡܪ܂
06:02 ܠܘܝ ܕܝܢ ܡܬܬܩܠ ܪܘܓܙܝ܂ ܘܡܕܡ ܕܗܘܢܝ ܒܡܣܐܬܐ ܐܟܚܕܐ܂
06:03 ܡܛܘܠ ܕܗܫܐ ܡܢ ܚܠܐ ܕܝܡ̈ܡܐ ܥܫܢ܂ ܡܛܠ ܗܢܐ ܦܬ̈ܓܡܝ ܟܠܝܢ܂
06:04 ܡܛܠ ܕܓܐܪ̈ܘܗܝ ܕܚܣܝܢܐ ܒܒܣܪܝ܂ ܘܚܡܬܗܘܢ ܫܬܝܐ ܠܪܘܚܝ܂ ܘܒܥܬܬܗ ܕܐܠܗܐ ܣܪܕܬܢܝ܂
06:05 ܕܠܡܐ ܡܣܘܩ ܥܪܕܐ ܥܠ ܬܕܐܐ܂ ܐܘ ܓܥܐ ܬܘܪܐ ܥܠ ܚܡܝܡܐ܂
06:06 ܐܘ ܡܬܐܟܠ ܦܟܝܗܐ ܕܠܐ ܡܠܚܐ܂ ܐܘ ܐܝܬ ܛܥܡܐ ܒܪܝܪܗ݀ ܕܚܠܡܬܐ܂
06:07 ܡܐܢܬ ܢܦܫܝ ܒܡܟܬܫܗ݀ ܐܘ ܡܝܠܠ ܐܝܟ ܪܘܝܐ ܩܪܒܝ܂
06:08 ܡܢܘ ܢܬܠ ܠܝ ܕܬܐܬܐ ܫܐܠܬܝ܂ ܘܣܒܪܝ ܢܬܠ ܐܠܗܐ܂
06:09 ܘܢܬܛܦܝܣ ܐܠܗܐ ܘܢܕܟܝܢܝ܂ ܘܢܦܪܘܣ ܐܝܕܗ ‍<‍ܥܠܝ#3#‍>‍ ܘܢܫܡܠܝܢܝ܂
06:10 ܘܢܗܘܐ ܬܘܒ ܒܘܝܐܝ܂ ܘܐܫܬܡܠܐ ܬܘܒ ܒܚܝܠܐ ܕܠܐ ܚܘܣܢ܂ ܡܛܠ ܕܠܐ ܕܓܠܬ ܒܡܐܡܪܗ ܕܩܕܝܫܐ܂
06:11 ܘܟܡܐ/ܘܡܢܐ#3#/ ܗܘ ܚܝܠܝ ܕܐܣܝܒܪ܂ ܘܡܢܐ ܗܝ ܚܪܬܝ ܕܐܓܪ ܪܘܚܝ܂
06:12 ܐܠܘ ܐܝܟ ܚܝܠܐ ܗܘ ܕܟܐܦܐ ܚܝܠܝ܂ ܐܘ ܒܣܪܝ ܕܢܚܫܐ ܗܘ܂
06:13 ܗܐ ܠܝܬ ܥܘܕܪܢܗ ܒܝ܂ ܘܦܘܪܩܢܗ ܐܬܪܚܩ ܡܢܝ܂
06:14 ܕܟܠܐ ܫܠܡܐ ܡܢ ܚܒܪܗ܂ ܕܚܠܬܗ ܕܥܠܝܐ/ܕܐܠܗܐ#3#/ ܫ݁ܒܩ܂
06:15 ܐ̈ܚܝ ܕܓܠܘ ܐܝܟ ܦܨ̈ܝܕܐ܂ ܘܐܝܟ ܪ̈ܓܠܬܐ ܕܥܒܪ̈ܢ܂
06:16 ܕܕܚܠܝܢ ܗܘܘ ܡܢ ܓܠܝܕܐ ܥܠܝܗܘܢ ܣܓܝ/ܗܘܐ#3#/ ܬܠܓܐ܂
06:17 ܘܒܫܥܬܐ ܕܕܢ݁ܚ ܒܗܘܢ ܦܫܪ̈ܝܢ܂ ܘܒܚܘܡܗܘܢ ܦܫܪ̈ܝܢ ܡܢ ܐܬܪܗܘܢ܂
06:18 ܢܬܥܪܩܠܘܢ ܫܒ̈ܝܠܐ ܕܐܘܪ̈ܚܬܗܘܢ܂ ܘܢܣܩܘܢ ܒܬܘܫܐ ܘܢܐܒܕܘܢ܂
06:19 ܕܚܪܘ/ܕܚܙܘ#3#/ ܠܐܘܪ̈ܚܬܐ ܕܬܝܡܢܐ܂ ܘܠܫܒܝ̈ܠܐ ܕܫܒܐ ܣ݁ܟܝܘ ܠܗܘܢ܂
06:20 ܒܗܬܘ ܒܡܕܡ ܕܐܬܬܟܠܘ܂ ܡܛܘ ܠܘܬܗ ܘܐܚܦܪܘ܂
06:21 ܘܐܦ ܐܢܬܘܢ ܗܘܝܬܘܢ ܥܠܝ ‍<‍ܛܥܢܐ#2#‍>‍܂ ܡܛܠ ܕܥܕܠܐ ܚܙܝܬܘܢ ܙܘܥܐ ܕܚܠܬܘܢ܂
06:22 ܐܠܘ ܓܝܪ ܐܡܪܬ ܠܟܘܢ ܗܒܘ ܠܝ܂ ܐܘ ܡܢ ܢܟܣ̈ܝܟܘܢ ܫܚܘܕܘ ܚܠܦܝ܂
06:23 ܘܦܠܛܘܢܝ ܡܢ ܐ̈ܝܕܝ ܡܥܝܩܢܝ/ܡܥܝ̈ܩܢܝ#3#/ ܐܘ ܡܢ ܐܝܕܐ ܕܚܣܝܢܐ ܦܨܐܘܢܝ܂
06:24 ܐܠܦܘܢܝ ܘܐܢܐ ܐܫܬܘܩ܂ ܘܡܢܐ ܛܥܝܬ ܒܝܢܘܢܝ܂
06:25 ܠܡܢܐ ܕܚܩܝܢ ܐܢܬܘܢ ܡܐܡܪ ܩܘܫܬܐ܂ ܘܡ݁ܢ ܕܡܟܘܢ ܘܡ݁ܟܣ ܡܢܟܘܢ܂
06:26 ܗܐ/ܘܗܐ#3#/ ܠܡܟܘܢܘ ܡ̈ܠܝܢ ܬܬܚܫܒܘܢ܂ ܘܥܠ ܪܘܚܝ/ܪܘܚ#3#/ ܡܠܬܝ ܬܬܒܝܢܘܢ܂
06:27 ܗܐ ܥܠ ܝܬܡܐ ܡܬܪ̈ܘܪܒܝܢ ܐܢܬܘܢ܂ ܘܡܟܪܝܢ ܐܢܬܘܢ ܠܪܚܡܟܘܢ܂
06:28 ܘܗܫܐ ܐܬܛܦܝܣܘ ܘܚܘܪܘ܂ ܘܩܕܡܝܟܘܢ ܐܡܠܠ ܘܠܐ ܐܟܕܒ܂
06:29 ܬܘܒܘ ܢܐ ܗܫܐ܂ ܘܠܐ ܬܗܘܘܢ ܐܝܟ ܥ݁ܘ̈ܠܐ܂ ܬܘܒܘ ܗܟܝܠ ܘܙܟܘ/ܘܣܟܘ#3#/܂
06:30 ܕܠܡܐ ܐܝܬ ܒܠܫܢܝ ܥܘ݂ܠܐ܂ ܐܘ ܦܘܡܝ ܠܐ ܡܡܠܠ ܩܘܫܬܐ܂

next chapter