← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62028: P Job

Click on a word for lexical analysis
Click on a red-colored coordinate for comments and/or translations of the line

previous chapter


08:01 ܘܥܢܐ ܒܠܕܕ ܫܘܚܝܐ ܘܐܡܪ܂
08:02 ܥܕܡܐ ܠܐܡܬܝ ܬܡܠܠ ܗܠܝܢ܂ ܘܪܘܚܐ ܪܡܬܐ ܡܠܐ ܦܘܡܟ܂
08:03 ܕܠܡܐ ܐܠܗܐ ܡܥܘܠ ܕܝܢܐ܂ ܐܘ ܚܣܝܢܐ ܡܥܘܠ ܙܕܩܐ܂
08:04 ܐܢ ܒ̈ܢܝܟ ܚܛܘ ܠܗ܂ ܫܕܪ ܐܢܘܢ ܒܚ̈ܛܗܝܗܘܢ܂
08:05 ܘܐܢ ܐܢܬ ܒܥܝ ܡܢ ܐܠܗܐ܂ ܘܠܚܣܝܢܐ ܬܬܟܫܦ܂
08:06 ܐܢ ܙܟܝ ܐܢܬ ܘܬܪܝܨ܂ ܗܫܐ ܢܬܬܥܝܪ ܥܠܝܟ܂ ܘܢܫܠܡ ܕܝܪܐ ܕܙܕܩܟ܂
08:07 ܘܬܗܘܐ ܩܕܡܝܬܟ ܙܥܘܪܝܐ ܘܐܚܪܝܬܟ ܢܣܓܐ ܛܒ܂
08:08 ܫ݁ܐܠ ܢܐ ܥܠ ܕܪ̈ܐ ܩܕܡ̈ܝܐ܂ ܘܐܬܒܝܢ/ܘܐܬܒܕܩ#3#/ ܒܒܘܕܩܐ ܕܐ̈ܒܗܝܗܘܢ܂
08:09 ܕܐܬܡܠܝ ܓܝܪ ܚܢܢ ܠܐ ܝܕܥܝܢܢ܂ ܘܐܝܟ ܛܠܠܐ ܐܢܘܢ ܝܘ̈ܡܝܢ ܥܠ ܐܪܥܐ܂
08:10 ܘܗܐ/ܗܐ#3#/ ܗܢܘܢ ܢܠܦܘܢܟ ܘܢܐܡܪܘܢ ܠܟ܂ ܘܡܢ ܠܒܗܘܢ ܢܦܩܘܢ ܡ̈ܠܐ܂
08:11 ܕܠܡܐ ܣ݁ܓܐ ܐܓܡܐ ܒܐܬܪܐ ܨܗܝܐ܂ ܐܘ ܝ݁ܥܐ ܐܪܒܢܐ ܐܝܟܐ ܕܠܝܬ ܡ̈ܝܐ܂
08:12 ܕܥܕ ܗܘ ܒܐܒܗ ܠܐ ܡܬܩܛܦ܂ ܘܩܕܡ ܟܘܠ ܥܡܝܪ ܝ݁ܒܫ܂
08:13 ܗܟܢܐ \ܐܢܝ̈ܢ ܐܘܪ̈ܚܬܗ /ܐܘܪ̈ܚܬܗ ܐܢܝ̈ܢ#3#/ ܕܟܠ ܡ݁ܢ ܕܛ݁ܥܐ ܠܐܠܗܐ܂ ܘܣܒܪܗ ܕܚܢܦܐ ܢܐܒܕ܂
08:14 ܘܢܬܦܣܩ ܬܘܟܠܢܗ܂ ܘܒܝܬܐ ܕܓܘܓܝ ܒܝܬܗ܂
08:15 ܢܬܬܟܠ/ܘܢܬܬܟܠ#3#/ ܥܠ ܒܝܬܗ ܘܠܐ ܢܩܘܡ܂ ܘܢܚܡܣܢ ܘܠܐ ܢܬܩܝܡ܂
08:16 ܐܝܟ ܪܛܒܐ ܗܘ ܩܕܡ ܫܡܫܐ܂
08:17 ܘܥܠ ܓܠܠܝ̈ܢ ܫܪ̈ܫܘܗܝ ܢܣܡܟܘܢ܂ ܘܒܝܬܐ ܕܟܐ̈ܦܐ ܢܚܙܐ܂
08:18 ܐܢ ܢܥܩܪܝܘܗܝ ܡܢ ܐܬܪܗ܂ ܘܢܕܓ݁ܠ ܒܗ ܘܢܐܡܪ ܠܗ܂ ܕܠܐ ܚܙܝܬܟ܂
08:19 ܗܐ ܗܘܝܘ ܒܨܐ ܟܠܗܝܢ ܐܘܪ̈ܚܬܐ܂ ܘܡܢ ܥܦܪܐ ܐܚܪܢܐ ܢܨܡܚ܂
08:20 ܠܐ ܡܣܠܐ ܐܠܗܐ ܠܬܡ̈ܝܡܐ܂ ܘܠܐ ܐ݁ܚܕ ܒܐܝܕܐ ܕܡܒ̈ܐܫܢܐ܂
08:21 ܥܕܡܐ ܕܢܬܡܠܐ ܦܘܡܟ ܓܘܚܟܐ ܘܣ̈ܦܘܬܟ ܬܫܒܘܚܬܐ܂
08:22 ܣܢܐ̈ܝܟ ܢܠܒܫܘܢ ܒܗܬܬܐ܂ ܘܡܫܟܢܐ ܕܪ̈ܫܝܥܐ ܠܝܬܘܗܝ܀

next chapter