The Comprehensive Aramaic Lexicon

09:01	ܘܥܢܐ ܐܝܘܒ ܘܐܡܪ܂
09:02	ܫܪܝܪܐܝܬ ܝ݁ܕܥ ܐܢܐ ܕܗܟܢܐ ܗܘ܂ ܘܠܐ ܙ݁ܟܐ ܠܐܠܗܐ ܐܢܫܐ܂
09:03	ܐܢ ܢܨܒܐ ܓܝܪ ܠܡܕܢ ܥܡܗ܂ ܚܕܐ ܡܢ ܐܠܦ ܠܐ ܥ݁ܢܐ ܠܗ܂
09:04	ܚܟܝܡ ܠܒܐ ܗܘ ܘܥܫܝܢ ܚܝܠܐ܂ ܡܢܘ ܐܬܩܫܝ ܠܘܬܗ ܘܗܘܐ ܫܠܡ܂
09:05	ܗ݀ܘ ܕܡܫܢܐ ܛܘܪ̈ܝܢ ܠܐ ܝ݁ܕܥ܂ ܘܗ݀ܦܟ ܠܗܘܢ ܒܪܘܓܙܗ܂
09:06	ܗ݀ܘ ܕܐܙܝܥ ܐܪܥܐ ܡܢ ܫܪ̈ܫܝܗ݀ ܘܥܡܘܪ̈ܝܗ݀ ܪܥܠܝܢ܂
09:07	ܗ݀ܘ ܕܐܡܪ ܠܫܡܫܐ ܘܠܐ ܕܢܚ܂ ܘܒܐ̈ܦܝ ܟܘ̈ܟܒܐ ܚܬܡ܂

09:08	ܗ݀ܘ ܕܡܬܚ ܫܡܝܐ ܒܠܚܘܕܘܗܝ܂ ܘܕܪܟ ܥܠ ܬܘܩܦܗ ܕܝܡܐ܂

09:09	ܗ݀ܘ ܕܥܒܕ ܟܝܡܐ ܘܥܝܘܬܐ܂ ܘܓܢܒܪܐ ܘܐܚܕܪ ܠܬܝܡܢܐ܂
09:10	ܗ݀ܘ ܕܥܒܕ ܪ̈ܘܪܒܬܐ ܕܠܐ ܣܟ܂ ܘܬܩܝ̈ܦܬܐ ܕܠܐ ܡ̈ܢܝܢ܂
09:11	ܗܐ ܐܢ ܥ݁ܒܪ ܥܠܝ ܠܐ ܚ݁ܙܐ ܐܢܐ ܠܗ܂ ܘܐܢ ܡܬܟܪܟ ܚܕܪ̈ܝ ܠܐ ܡܬܒܝܢ ܐܢܐ ܠܗ܂
09:12	ܗܐ ܐܢ ܬܒܪ ܡܢܘ ܢܦܩܘܕ ܒܐܝܕܗ܂ ܘܡܢܘ ܢܐܡܪ ܠܗ ܡܢܐ ܥ݁ܒܕ ܐܢܬ܂
09:13	ܐܠܗܐ ܠܐ ܡܗܦܟ ܪܘܓܙܗ܂ ܘܬܚܘܬܘܗܝ ܢܬܡܟܟܘܢ ܡܥܕܪ̈ܝ/ܡܥܕܪ̈ܢܝ#3#/ ܣ̈ܓܝܐܐ܂
09:14	ܐܦ ܐܢܐ ܕܝܢ ܐܥܢܝܘܗܝ܂ ܘܐܣܕܘܪ ܡ̈ܠܝ ܩܕܡܘܗܝ܂
09:15	ܐܠܐ ܐܙܕܕܩܬ ܠܐ ܐܬܥܢܐ܂ ܘܠܕܝ݁ܢܝ ܐܬܟܫܦ܂
09:16	ܐܢ ܩ݁ܪܐ ܐܢܐ ܥ݁ܢܐ ܠܝ܂ ܠܐ ܡܗܝܡܢ ܐܢܐ ܥܕܡܐ ܕܫ݁ܡܥ ܩܠܝ܂
09:17	ܕܒܟܠ ܡܢܬܐ ܕܪܫܝ ܒܬܘܩܦܐ ܡܚܢܝ܂ ܘܐܣܓܝ ܨ̈ܘܠܦܬܝ ܡܓܢ܂
09:18	ܘܠܐ ܫܒܩܢܝ ܕܬܬܢܝܚ ܪܘܚܝ݁ ܡܛܠ ܕܐܣܒܥܢܝ ܡܪ̈ܪܐ ܘܐܪܘܝܢܝ ܓܕ̈ܕܐ܂
09:19	ܐܢ ܒܚܝܠܐ ܬܩܝܦ ܗܘ܂ ܘܐܢ ܠܕܝܢ݂ܐ ܡܢܘ ܢܐܪܥܝܘܗܝ܂
09:20	ܐܢ ܐܙܟܐ ܦܘܡܝ ܢܚܝܒܢܝ܂ ܬܡܝܡ ܐܢܐ ܘܡܥܩܡ ܠܝ܂
09:21	ܬܡܝܡ ܐܢܐ ܘܠܐ ܝ݁ܕܥ ܐܢܐ܂ ܢܦܫܝ ܐܣܠܝܬ ܚ̈ܝܝ܂
09:22	ܚܕܐ ܗܝ܂ ܡܛܠ ܗܢܐ ܐܡܪܬ܂ ܕܠܙܕܝܩ̈ܐ/ܠܙܕܝܩ̈ܐ#3#/ ܘܠܪ̈ܫܝܥܐ ܗܘܝܘ ܡܣܝܦ܂
09:23	ܐܢ ܫܒܛܗ ܡܢ ܫܠܝ ܩܛܠ܂ ܘܥܠ ܫܛܝܘܬ/ܫܝܛܘܬ#3#/ ܙܟܝ̈ܝܢ ܡܡܝܩ܂
09:24	ܐܪܥܐ ܝܗܒܗ݀ ܒܐܝܕܗ ܕܪܫܝܥܐ܂ ܘܐ̈ܦܝܗܘܢ ܕܕܝ݁ܢܐ̈ ܡܚܦܝܢ܂ ܐܠܐ ܪܘܓܙܗ ܡܢܘ ܡܣܝܒܪ܂
09:25	ܝܘܡ̈ܝ ܩܠܘ ܡܢ ܕܪܗܛܐ܂ ܥܪܩܘ ܘܠܐ ܚܙܘ ܛܒܬܐ܂
09:26	ܥܒܪܘ ܥܡ ܐ̈ܠܦܐ ܣܓܝܐ̈ܬܐ ܕܒ̈ܥܠܕܒܒܐ܂ ܐܝܟ/ܘܐܝܟ#3#/ ܢܫܪܐ ܕܛ݁ܐܣ ܥܠ ܡܟܘܠܬܗ܂
09:27	ܥܡ ܡܪ̈ܪܝ ܛܥܝܬ ܫܘ̈ܥܝܬܝ܂ ܐܢ/ܘܐܢ#3#/ ܐܫܒܘܩ ܪܢܝܝ ܐܘ ܡ̈ܠܝ܂ ܡܬܬܥܝܩ/ܡܬܥܝܩ#2#/ ܐܢܐ܂
09:28	ܘܐܢ ܐܬܬܢܝܚ ܕܚ݁ܠ ܐܢܐ ܡܢ ܟܠ ܬܫܢܝܩ܂ ܡܛܠ ܕܝ݁ܕܥ ܐܢܐ ܕܠܐ ܡܙܟܐ ܐܢܬ ܠܝ܂
09:29	ܗܐ ܐܢ ܐܬܚܝܒ܂ ܠܡܢܐ ܐܝܟ ܗܒܠܐ ܡܣܝܦ ܐܢܬ ܠܝ܂
09:30	ܘܐܢ ܐܬܬܫܝܓ/ܐܬܫܝܓ#2#/ ܒܡ̈ܝܐ ܕܬܠܓܐ ܘܡܬܕܟܐ ܐܢܐ ܒܕܟܝܘܬܐ ܕܐ̈ܝܕܝ܂
09:31	ܗܝܕܝܢ ܒܓܘܡܨܐ ܬܛܒܥܢܝ܂ ܘܢܬܪܚܩ ܡܢܝ/ܡܢ#3#/ ܠܒܘܫܝ܂
09:32	ܡܛܘܠ ܕܠܐ ܗܘܐ ܓܒܪܐ ܕܐܟܘܬܝ ܕܐܬܠ/ܕܐܝܬ#3#/ ܠܗ ܦܬܓܡܐ܂ ܘܢܥܘܠ ܐܟܚܕܐ ܠܕܝܢܐ܂
09:33	ܐܫܬܘܦ ܕܝܢ ܐܝܬ ܡܟܣܢܐ ܒܝܢܬܢ܂ ܕܢܣܝܡ ܐܝܕܗ ܥܠ ܦܘܡܐ ܕܬܪ̈ܝܢ܂
09:34	ܘܢܥܒܪ ܡܢܝ ܫܒܛܗ܂ ܘܕܚܠܬܗ ܠܐ ܬܙܝܥܢܝ܂
09:35	ܐܡܠܠ ܘܠܐ ܐܕܚܠ ܡܢܗ܂ ܡܛܠ ܕܠܐ ܗܘܝܬ ܠܩܘܒܠܗ܂