The Comprehensive Aramaic Lexicon

10:01	ܥܩܬ ܢܦܫܝ ܒܚ̈ܝܝ܂ ܪܢܝܬ ܒܪܢܝܝ܂ ܘܐܡܠܠ ܒܡܪ̈ܪܐ ܕܢܦܫܝ܂
10:02	ܘܐܡܪ ܠܐܠܗܐ ܠܐ ܬܚܝܒܢܝ܂ ܐܘܕܥܝܢܝ/ܘܐܘܕܥܝܢܝ#3#/ ܥܠ ܡܢܐ ܗܘ/#3#/ ܕܐ݁ܢ ܐܢܬ ܠܝ܂
10:03	ܠܐ ܟܕܘ ܠܟ ܕܛ݁ܠܡ ܐܢܬ ܘܡܣܠܐ ܐܢܬ ܠܐܘܬܐ ܕܐ̈ܝܕܝܟ܂ ܘܥܠ ܬܪܥܝܬܐ ܕܪ̈ܫܝܥܐ ܐܕܝܩܬ܂
10:04	ܕܠܡܐ ܥܝܢ̈ܝܟ ܐܝܟ/ܥܠ#3#/ ܥܝ̈ܢܝ ܒܣܪܐ ܐ̈ܢܝܢ܂ ܐܘ ܐܝܟ/#3#/ ܡܚܙܝܐ ܗܘ ܕܐܢܫܐ ܚ݁ܙܐ ܐܢܬ܂
10:05	ܐܘ ܝܘܡ̈ܬܟ ܐܝܟ ܝܘ̈ܡܝ ܐܢܫܐ ܐܢܘܢ܂ ܐܘ ܫ̈ܢܝܟ ܐܝܟ ܝܘܡ̈ܬܐ ܐܢܘܢ/ܐܢ̈ܝܢ#3#/ ܕܓܒܪܐ܂
10:06	ܕܡܥܩܒ/ܘܡܥܩܒ#3#/ ܐܢܬ ܥܠ ܚ̈ܘܒܝ ܘܥܠ ܚ̈ܛܗܝ܂
10:07	ܘܝ݁ܕܥ ܐܢܬ ܕܐܢܐ ‍<‍ܗܘ#2#‍>‍ ܙܟܝ ܐܢܐ܂ ܘܠܝܬ ܕܡܢ ܐ̈ܝܕܝܟ ܡܫܬܘܙܒ܂
10:08	ܐܝ̈ܕܝܟ ܠܐ̈ܝ ܒܝ ܘܥܒ̈ܕܢܝ/ܘܥܒܕܢܝ#2#/܂ ܘܡܢ ܒܬܪܟܢ ܨ݁ܒܐ ܐܢܬ ܠܡܚܝܒܘܬܢܝ ܘܠܡܛܒܥܘܬܢܝ܂
10:09	ܐܬܕܟܪ ܕܐܝܟ ܛܝܢܐ ܗܘ ܥܒܕܬܢܝ܂ ܘܠܥܦܪܐ ܡܗܦܟ ܐܢܬ ܠܝ܂
10:10	ܘܐܝܟ ܚܠܒܐ ܗܘ ܪܒܝܬܢܝ܂ ܘܐܝܟ ܓܒܬܐ ‍<‍ܗܘ#3#‍>‍ ܡܣܝܬܢܝ܂
10:11	ܡܫܟܐ ܘܒܣܪܐ ܐܠܒܫܬܢܝ܂ ܘܒܓ̈ܝܕܐ ܘܒܓܪ̈ܡܐ/ܘܓܪ̈ܡܐ#3#/ ܫܪܪܬܢܝ܂
10:12	ܘܚ̈ܝܐ ܘܫܠܡܐ ܥܒܕܬ ܥܡܝ܂ ܘܦܘܩ̈ܕܢܝܟ ܢܛܪܬ ܪܘܚܝ܂
10:13	ܘܗܠܝܢ ܟܣܝܬ ܒܠܒܟ܂ ܝ݁ܕܥ ܗܘܝܬ ܕܗܕܐ ܗܘܬ ܒܪܥܝܢܟ܂

10:14	ܕܐܢ ܚܛܝܬ ܢܛ݁ܪ ܐܢܬ ܠܝ/#3#/܂ ܘܡܢ ܚ̈ܛܗܝ ܠܐ ܡܙܟܐ ܐܢܬ ܠܝ܂

10:15	ܐܢ ܚܛܝܬ ܘܝ ܠܝ܂ ܘܐܢ ܐܙܕܕܩܬ ܠܐ ܐܪܝܡ ܪܝܫܝ܂ ܡܣܒܥ ܐܢܐ ܨܥܪܐ ܘܚܙܝܬ ܡܘܟܟܝ܂
10:16	ܘܐܢ ܐܬܬܪܝܡ ܐܝܟ ܐܪܝܐ ܬܨܘܕܢܝ܂ ܘܗ݀ܦܟ ܐܢܬ ܡܬܓܢܒܪ ܥܠܝ܂
10:17	ܘܡܚܪܐ ܐܢܬ ܙܝܢܟ ܠܘܩܒܠܝ/ܠܘܩܒܠ#3#/܂ ܘܡܣܓܐ ܐܢܬ ܪܘܓܙܟ ܠܘܬܝ܂ ܘܚܝ̈ܠܘܢ ܡܚܠܦ ܐܢܬ ܥܠܝ܂
10:18	ܘܠܡܢܐ ܡܢ ܡܪܒܥܐ ܐܦܩܬܢܝ܂ ܣܦܬ ܕܝܢ܂ ܘܥܝܢ/ܘܥܝܢܝ#3#/ ܠܐ ܚܙܬܢܝ܂
10:19	ܘܗܘܝܬ ܕܝܢ ܐܝܟ ܕܠܐ ܗܘܝܬ܂ ܘܡܢ ܟܪܣܐ \ܠܩܒܪܐ ܕܝܢ /ܕܝܢ ܠܩܒܪܐ#3#/ ܐܘܒܠܘܢܝ܂
10:20	ܙܥܘܪ̈ܝܢ ܐܢܘܢ ܝܘܡ̈ܬܐ ܕܚ̈ܝܝ܂ ܦܪܘܩ ܡܢܝ ܘܐܫܠܐ ܘܐܬܬܢܝܚ ܩܠܝܠ܂
10:21	ܥܕܠܐ ܐ݁ܙܠ ܐܢܐ ܘܬܘܒ ܠܐ ܐܗܦܘܟ܀ ܠܐܪܥܐ ܚܫܘܟܬܐ ܘܕܛ̈ܠܠܝ/ܘܛ̈ܠܠܝ#3#/ ܡܘܬܐ܂
10:22	ܕܫܗܝܐ ܐܝܟ ܚܒܪܐ ܘܛ̈ܠܠܝ ܡܘܬܐ܂ ܘܠܝܬ ܒܗ݀ ܣܕܪ̈ܝܢ ܕܕܪ̈ܝܢ/ܕܪܕܝܢ#3#/܂ ܘܡܫܠܗܝܐ ܐܝܟ ܚܒܪܐ܀