The Comprehensive Aramaic Lexicon

12:01	ܘܥܢܐ ܐܝܘܒ ܘܐܡܪ܂
12:02	ܒܩܘܫܬܐ ܐܢܬܘܢ ܐܢܘܢ ܥܡܐ܂ ܘܥܡܟܘܢ ܬܡܘܬ ܚܟܡܬܐ܂
12:03	ܐܦ ܠܝ ܠܒܐ ܐܝܬ ܠܝ ܐܟܘܬܟܘܢ܂ ܘܠܐ ܗܘܝܬ ܒܨܝܪ ‍<‍ܐܢܐ#3#‍>‍ ܡܢܟܘܢ܂ ܠܡ݁ܢ ܗ̈ܘܝ ܐܝܟ ܗܠܝܢ܂
12:04	ܘܗܘܐ ܓܘܚܟܐ ܠܚܒܪ̈ܘܗܝ܂ ܘܩܪܐ ܠܐܠܗܐ ܘܥܢܝܗܝ܂ ܕܨ݁ܒܐ ܒܙܕܝ̈ܩܐ ܕܠܐ ܡܘܡ܂
12:05	ܠܡܦܪܩܘ ܫܛܝܘܬܐ ܘܥܘܠܐ܂ ܘܠܡܬܩܢܘ ܪܓܠܐ ܡܙܥܬܐ܂
12:06	ܢܫܢܘܢ ܡܫ̈ܟܢܝܗܘܢ ܕܒܙܘ̈ܙܐ܂ ܘܬܘܟܠܢܗܘܢ ܕܐܝܠܝܢ ܕܡܪܓܙܝܢ ܠܐܠܗܐ܂ ܡܛܠ ܕܠܝܬ ܐܠܗܐ ܒܠܒܗܘܢ܂
12:07	ܘܐܠܐ ܫ݁ܐܠ ܠܚܝܘܬܐ ܘܬܠܦܟ܂ ܘܠܦܪܚܬܐ ܕܫܡܝܐ ܘܬܚܘܝܟ܂
12:08	ܘܐܫܬܥܐ ܠܐܪܥܐ ܘܬܠܦܟ܂ ܘܢܫܬܥܘܢ ܠܟ ܢ̈ܘܢܐ ܕܒܝܡܐ܂
12:09	ܡܢܘ ܕܠܐ ܝ݁ܕܥ ܒܗܠܝܢ ܟܠܗܝܢ܂ ܕܐܝܕܗ ܕܡܪܝܐ ܥܒܕܬ ܗܠܝܢ܂
12:10	ܡܛܠ ܕܒܐܝܕܗ/ܕܒܐܝ̈ܕܘܗܝ#3#/ ܐ̈ܢܝܢ ܢܦܫ̈ܬܐ ܕܟܠ ܕܚܝ܂ ܘܪܘܚܐ ܕܟܠ ܒܣܪ ܘܐܢܫ܂
12:11	ܐܕܢܐ ܫ݁ܡܥܐ ܡ̈ܠܐ܂ ܘܚܟܐ ܛܥ݁ܡ ܡܐܟܘܠܬܐ܂
12:12	ܘܒܩܫܝ̈ܫܐ ܚܟܡܬܐ܂ ܘܒܢܘܓܪܐ ܕܝܘܡ̈ܬܐ ܒܘܝܢܐ܂
12:13	ܥܡܗ ܗܝ ܚܟܡܬܐ ܘܓܢܒܪܘܬܐ܂ ܕܝܠܗ ܗܝ ܬܪܥܝܬܐ ܘܒܘܝܢܐ܂
12:14	ܗܐ ܐܢ ܣ݁ܚܦ ܡܢܘ ܒ݁ܢܐ܂ ܘܐܢ ܐܚ݁ܕ ܒܐ̈ܦܝ ܐܢܫ ܡܢܘ/ܡ݁ܢ#3#/ ܦܬܚ܂
12:15	ܐܢ ܓ݁ܥܪ ܒܡ̈ܝܐ ܝܒܫܝܢ܂ ܘܐܢ ܡܫܕܪ ܠܗܘܢ ܗܦܟܝܢ ܐܪܥܐ/ܠܐܪܥܐ#3#/
12:16	ܕܝܠܗ ܗܘ ܬܘܩܦܐ ܘܚܟܡܬܐ܂ ܕܝܠܗ ܗܘ ܥܘܫܢܐ ܘܦܘܪܩܢܐ܂
12:17	ܡܕܒܪ ܠܡ̈ܠܟܐ ܒܬܡܗܐ܂ ܘܠܕܝ݁ܢܐ̈ ܡܫܛܐ܂
12:18	ܡ݁ܚܬ ܡ̈ܠܟܝܢ ܠܬܪܥܐ܂ ܘܐ݁ܣܪ ܚ̈ܙܩܐ ܒܚ̈ܨܝܗܘܢ܂
12:19	ܡܕܒܪ ܠܟܗ̈ܢܐ/ܠܡ̈ܠܟܐ#3#/ ܒܬܡܗܐ܂ ܘܠܥܫ̈ܝܢܐ ܡܫܦܠ܂
12:20	ܡܥܒܪ ܡܡܠܠܐ ܡܢ ܡܗ̈ܝܡܢܐ ܘܛܥܡܐ ܕܣ̈ܒܐ ܫ݁ܩܠ܂

12:21	ܐܫ݁ܕ/ܐ݁ܚܕ#3#/ ܫܛܝܘܬܐ ܥܠ ܫ̈ܠܝܛܢܐ܂ ܘܚܠܝܨܘܬܗܘܢ ܕܬܩ̈ܝܦܐ ܡܪܦܐ܂

12:22	ܡܓܠܐ ܥܡܝ̈ܩܬܐ ܡܢ ܚܫܘܟܐ܂ ܘܡ݁ܦܩ ܠܢܘܗܪܐ ܡܢ ܛ̈ܠܠܝ ܡܘܬܐ܂
12:23	ܡܛܥܐ ܠܥܡ̈ܡܐ ܘܡܒܕܪ/ܘܡܕܒܪ#3#/ ܠܗܘܢ܂ ܫ݁ܛܚ ܠܥܡ̈ܡܐ ܘܡܘܒܕ ܠܗܘܢ܂ ܫ݁ܛܚ ܠܐ̈ܡܘܬܐ ܘܫ݁ܒܩ ܠܗܝܢ܂
12:24	ܡܫܛܐ ܠܒܐ/ܠܠܒܐ#3#/ ܕܪ̈ܫܘܗܝ ܕܥܡܐ ܕܐܪܥܐ܂ ܘܡܛܥܐ ܠܗܘܢ ܒܬܘܫܐ ܕܠܐ ܐܘܪܚܐ܂
12:25	ܢܡܘܫܘܢ ܒܚܫܘܟܐ ܘܠܐ ܒܢܘܗܪܐ܂ ܢܓܫܓܫܘܢ ܚܫܘܟܐ ܘܠܐ ܢܗܝܪܐ܂ ܘܡܛܥܐ ܠܗܘܢ ܐܝܟ ܪ̈ܘܝܐ܂