The Comprehensive Aramaic Lexicon

13:01	ܗܐ ܗܠܝܢ ܟܠܗܝܢ ܚܙܬ ܥܝܢܝ܂ ܘܫܡܥܬ ܐܕܢܝ ܘܐܬܒܝܢܬ܂
13:02	ܐܝܟ ܝܕܥܬܟܘܢ ܝ݁ܕܥ ܐܢܐ ܐܦ ܐܢܐ܂ ܘܠܐ ܗܘܝܬ ܒܨܝܪ ܡܢܟܘܢ܂
13:03	ܒܪܡ ܕܝܢ ܐܢܐ ܠܘܬ ܚܣܝܢܐ ܡܡܠܠ ܐܢܐ܂ ܘܡܟܣܢܘܬܝ ܠܘܬ ܐܠܗܐ ܐܚܘܐ܂
13:04	ܒܪܡ ܕܝܢ ܐܢܬܘܢ ܡ̈ܡܠܠܝ ܫܘܩܪܐ ܐܢܬܘܢ܂ ܘܡܐ̈ܣܝܝ ܒܠܐ ܡܕܡ ܐܢܬܘܢ܂
13:05	ܡ݁ܢ ܕܝܢ ܥܒܕ ܕܡܫܬܩ ܫܬܝܩܝܢ ܗܘܝܬܘܢ܂ ܘܗܘܬ ܠܟܘܢ ܕܝܢ ܗܕܐ ܠܚܟܡܐ܂
13:06	ܫܡܥܘ ܗܟܝܠ/ܡܟܝܠ#3#/ ܡܟܣܢܘܬܝ܂ ܘܨܘܬܘ ܕܝܢܐ ܕܣ̈ܦܘܬܝ܂
13:07	ܥܠ ܐܠܗܐ ܡܡܠܠܝܢ ܐܢܬܘܢ ܥܘܠܐ܂ ܘܥܠܘܗܝ ܡܡܠܠܝܢ ܐܢܬܘܢ ܢܟܠܐ܂
13:08	ܒܐ̈ܦܘܗܝ ܢܣܒܝܢ ܐܢܬܘܢ܂ ܐܘ ܥܡ ܐܠܗܐ ܕܝܢܝܢ ܐܢܬܘܢ܂
13:09	ܛܒ ܠܟܘܢ ܕܒܨܐ ܠܟܘܢ܂ ܐܘ ܐܝܟ ܕܡܬܕܝܢ ܒܟܠ ܐܢܫ ܡܬܕܝܢܝܢ ܐܢܬܘܢ ܒܗ܂
13:10	ܡܟܣܘ ܢܟܣܟܘܢ܂ ܐܘ ܒܐ̈ܦܘܗܝ ܢܣܒܝܢ ܐܢܬܘܢ܂
13:11	ܕܚܠܬܗ ܬܒܥܬܟܘܢ܂ ܘܙܘܥܬܗ ܬܦܠ ܥܠܝܟܘܢ܂
13:12	ܐܬܕܟܪܘ ܕܡܢ ܥܦܪܐ ܗܘ ܫܘܠܛܢܟܘܢ܂ ܘܥܠ ܓܢܒ ܛܝܢܐ ܗܘ ܡܕܝܪܟܘܢ܂
13:13	ܫܬܘܩܘ ܡܢܝ ܘܐܡܠܠ ܐܦ ܐܢܐ܂ ܘܐܡܪ ܟܠ ܡܕܡ ܕܥܒܪ ܥܠܝ܂
13:14	ܥܠ ܡܢܐ ܫܩܝܠ ܐܢܐ ܒܣܪܝ ܒܫ̈ܢܝ܂ ܘܢܦܫܝ ܣܝܡܐ ܒܐ̈ܝܕܝ܂
13:15	ܐܢ ܢܩܛܠܢܝ ܠܗ ܗܘ ܡܣܟܐ ܐܢܐ ܒܠܚܘܕ܂ ܡܛܠ ܕܐܘܪ̈ܚܬܝ ܩܕܡܘܗܝ/ܩܕܡܝ#3#/ ܐܢܝ̈ܢ܂
13:16	ܘܐܦ ܗܘ ܢܗܘܐ ܠܝ ܦܪܘܩܐ܂ ܡܛܠ ܕܠܐ ܥܐܠ ܩܕܡܘܗܝ ܚܠܦܐ܀܀
13:17	ܫܡܥܘ ܡܫܡܥ ܡ̈ܠܝ܂ ܘܬܚܘܝܬܝ ܐܡܪ ܩܕܡܝܟܘܢ܂
13:18	ܗܐ ܐܦ ܐܢܐ ܡ݁ܝܬܐ ܐܢܐ ܕܝܢܝ܂ ܘܝܕܥ܂ ܐܢܐ ܕܐܢܐ ܗܘ ܙܟܝ܂
13:19	ܡ݁ܢ ܗܘ ܕܐ݁ܢ ܥܡܝ܂ ܕܗܫܐ ܐܫܬܘܩ ܘܐܬܬܢܝܚ܂
13:20	ܒܪܡ ܬܪ̈ܬܝܢ ܠܐ ܬܥܒܪ ܡܢܝ܂ ܘܗܝܕܝܢ ܡܢ ܩܕܡܝܟ ܠܐ ܐܬܛܥܐ܂

13:21	ܐܝܕܟ ܠܐ ܬܦܪܩ ܡܢܝ܂ ܘܕܚܠܬܟ ܠܐ ܬܙܝܥܢܝ܂

13:22	ܘܩܪܝܢܝ ܘܐܢܐ ܐܥܢܐ܂ ܐܘ ܐܡܠܠ ܘܐܬܝܒܝܢܝ ܦܬܓܡܐ܂
13:23	ܟܡܐ ܠܝ ܚ̈ܘܒܐ ܘܚ̈ܛܗܐ܂ ܚ̈ܘܒܝ ܘܚ̈ܛܗܝ ܐܘܕܥܝܢܝ܂
13:24	ܠܡܢܐ/ܡܢܐ#3#/ ܡܗܦܟ ܐܢܬ ܐ̈ܦܝܟ ܡܢܝ܂ ܘܚܫܒܬܢܝ ܠܟ ܐܝܟ/#3#/ ܒܥܠܕܒܒܐ܂
13:25	ܠܛܪܦܐ ܝܒܝܫܐ ܕܢ݁ܬܪ ܕܐ݁ܫ ܐܢܬ܂ ܘܠܓܠܐ ܝܒܝܫܐ ܪ݁ܕܦ ܐܢܬ܂
13:26	ܕܟܬܒܬ ܥܠܝ ܡܪܕܘܬܐ܂ ܘܡܕܟܪ ܐܢܬ ܥܠܝ ܚ̈ܘܒܐ/ܚ̈ܛܗܐ#3#/ ܕܛܠܝܘܬܝ܂
13:27	ܘܣܡܬ ܪ̈ܓܠܝ ܒܣܕܐ܂ ܘܢܛܪܬ ܒܟܠܗܝܢ/ܟܠܗܝܢ#3#/ ܐܘܪ̈ܚܬܝ ܘܥܠ ܬܘܩܦܐ ܕܪ̈ܓܠܝ ܬܚܙܐ܂
13:28	ܘܗܘ ܐܝܟ ܪܩܒܐ ܕܒ݁ܠܐ܂ ܘܐܝܟ ܠܒܘܫܐ ܕܐ݁ܟܠ/ܕܐܟܠܐ#3#/ ܠܗ ܣܣܐ܂