The Comprehensive Aramaic Lexicon

14:01	ܗܟܢܐ ܗܘ ܐܢܫܐ ܝܠܝܕ ܐܢܬܬܐ܂ ܘܙܥܘܪ ܝܘܡ̈ܝܢ ܗܘ ܘܣ݁ܒܠ ܙܘ̈ܥܐ܂
14:02	ܘܐܝܟ ܥܘܦܝܐ ܢ݁ܦܩ \ܘܝ݁ܒܫ ܘܚ݁ܡܐ /ܘܚ݁ܡܐ ܘܝ݁ܒܫ#3#/܂ ܘܥ݁ܪܩ ܐܝܟ ܛܠܠܐ ܘܠܐ ܩ݁ܐܡ܂
14:03	ܐܦ ܥܠ ܗܢܐ ܦܬܚܬ ܥܝܢܝ̈ܟ܂ ܘܠܗ ܬܥܠ ܒܕܝܢܐ ܥܡܟ܂
14:04	ܡܢܘ ܢܬܠ ܕܟܝܐ ܡܢ ܛܡܐܐ܂ ܐܦ ܠܐ ܚܕ܂
14:05	ܐܢ ܦܣܝܩܝܢ ܐܢܘܢ ܝܘܡ̈ܘܗܝ܂ ܘܡܢܝܢܐ ܕܝܪ̈ܚܘܗܝ ܓܙܝܪ̈ܝܢ܂ ܢܡܘܣܐ ܥܒܕܬ ܕܠܐ ܢܥܒܪ ܡܢܗ܂
14:06	ܘܢܦܘܫ ܥܕܡܐ ܕܢܪܗܛ ܐܝܟ ܐܓܝܪܐ ܝܘܡ̈ܘܗܝ܂
14:07	ܡܛܠ ܕܐܝܬ ܠܩܝܣܐ ܣܒܪܐ܂ ܕܐܢ ܡܬܦܣܩ ܬܘܒ ܡܚܠܦ܂ ܘܥܢ̈ܩܘܗܝ ܠܐ ܥܢ̈ܕܢ܂
14:08	ܘܐܢ ܢܣܐܒ ܒܐܪܥܐ ܥܩܪܗ܂ ܘܒܥܦܪܐ ܬܡܘܬ ܡܘܥܝܬܗ܂
14:09	ܡܢ ܪܝܚܐ ܕܡ̈ܝܐ ܢܦܪܥ܂ ܘܢܥܒܕ ܛܪ̈ܦܐ ܐܝܟ ܢܨܝܒܐ܂
14:10	ܘܓܒܪܐ ܡ݁ܐܬ ܘܒ݁ܠܐ܂ ܘܣ݁ܐܦ ܒܪܢܫܐ ܘܠܝܬܘܗܝ܂
14:11	ܥܢܕܝܢ ܡ̈ܝܐ ܡܢ ܝܡܐ܂ ܘܢܗܪܐ ܚ݁ܪܒ ܘܝ݁ܒܫ܂
14:12	ܘܓܒܪܐ ܕܫ݁ܟܒ ܠܐ ܩ݁ܐܡ܂ ܥܕ ܒܠܝܢ ܫܡܝܐ ܠܐ ܢܬܬܥܝܪܘܢ܂ ܘܠܐ ܢܕܝܢ ܡܢ ܫܢܬܗܘܢ܂
14:13	ܡ݁ܢ ܕܝܢ ܥܒܕ ܕܒܫܝܘܠ ܛܫܝܬܢܝ܂ ܘܣܬܪܬܢܝ ܥܕܡܐ ܕܥܒܪ ܪܘܓܙܟ܂ ܘܣܡܬ ܠܝ ܕܝܢ ܩܝܡܐ ܘܐܬܕܟܪܬܢܝ܂
14:14	ܐܢ ܡ݁ܐܬ ܓܒܪܐ ܕܠܡܐ ܚܝܐ܂ ܘܟܠܗܘܢ ܝܘܡ̈ܬܐ ܕܥܠܝܡܘܬܗ ܡܣܟܐ ܥܕܡܐ ܕܐܬܝܐ ܣܝܒܘܬܗ܂
14:15	ܐܢ ܬܩܪܝܢܝ ܐܥܢܝܟ܂ ܘܥܠ ܥܒܕ ܐ̈ܝܕܝܟ ܐܬܚܫܒ/ܐܬܚܫܒܬ#3#/܂
14:16	ܡܛܠ \ܕܗܫܐ ܗ̈ܠܟܬܝ /ܗ̈ܠܟܬܝ ܕܗܫܐ#3# /ܕܗ̈ܠܟܬܝ#3#/ ܠܐ ܬܡܢܐ܂ ܘܠܐ ܬܛܪ ܥܠܝ ܚ̈ܛܗܝ܂
14:17	ܚܬܘܡ ܒܨܪܪܐ ܚ̈ܘܒܝ܂ ܘܐܦܪܩ ܡܢܝ ܚ̈ܛܗܝ܂
14:18	ܫܪܝܪܐܝܬ ܛܘܪܐ ܥܫܝܢܐ ܢ݁ܦܠ܂ ܐܘ ܫܩܝܦܐ ܡܬܬܙܝܥ ܡܢ ܕܘܟܬܗ܂
14:19	ܟܐܦܐ ܫܚܩܐ ܡ̈ܝܐ܂ ܐܘ ܟܬܐ ܥܦܪܗ݀/ܥܦܪܐ#3#/ ܕܐܪܥܐ܂ ܣܒܪܗ ܕܐܢܫܐ ܐܘܒܕܬ܂
14:20	ܬܥܫܢܝܘܗܝ ܠܥܠܡ ܘܢܗܠܟ܂ ܒܒܗܬܬܐ ܕܐ̈ܦܘܗܝ ܬܫܕܝܘܗܝ/ܬܫܪܝܘܗܝ#3#/܂

14:21	ܐܢ ܢܣܓܘܢ ܒ̈ܢܘܗܝ ܠܐ ܝ݁ܕܥ܂ ܘܐܢ ܢܙܥܪܘܢ ܠܐ ܡܫܬܘܕܥ ܠܗܘܢ܂

14:22	ܒܪܡ ܒܣܪܗ ܥܠܘܗܝ ܢܟܐܒ܂ ܘܢܦܫܗ ܥܠܘܗܝ ܬܬܐܒܠ܀