The Comprehensive Aramaic Lexicon

15:01	ܘܥܢܐ ܐܠܝܦܙ ܬܝܡܢܝܐ ܘܐܡܪ܂
15:02	ܚܟܝܡ ܪܘܚܐ ܢܥܢܐ ܒܐܝܕܥܬܐ܂ ܘܢܡܠܐ ܚܡܬܐ ܟܪܣܗ܂
15:03	ܠܡܟܣܘ ܡ̈ܠܝܢ ܕܠܐ ܟܫܪ̈ܢ܂ ܘܒܡ̈ܠܐ ܕܠܝܬ ܒܗܝܢ ܝܘܬܪܢ܂
15:04	ܐܦ ܐܢܬ ܡܒܛܠ ܐܢܬ ܕܚܠܬܐ ܘܡܣܓܐ ܐܢܬ ܡܡܠܠ ܩܕܡ ܐܠܗܐ܂
15:05	ܡܛܠ ܕܢܐܠܦ ܦܘܡܟ ܚ̈ܛܗܐ܂ ܘܨ݁ܒܐ ܐܢܬ ܒܠܫܢܐ ܕܢܟܠܐ܂
15:06	ܢܚܝܒܟ ܦܘܡܟ ܘܠܐ ܐܢܐ܂ ܘܣ̈ܦܘܬܟ ܢܣܗ̈ܕܢ/ܢܣܗܕܢ#2#/ ܒܟ ܩܕܡܝ܂
15:07	ܕܠܡܐ ܩܕܡ ܐܢܫܐ ܐܬܝܠܕܬ܂ ܐܘ ܡܢ ܩܕܡ ܪ̈ܡܬܐ ܐܬܒܛܢܬ܂
15:08	ܒܐܪܙܗ/ܒܪܐܙܗ#2#/ ܕܡܪܝܐ ܫܡܥܬ܂ ܘܐܬܓܠܝܬ ܠܟ ܚܟܡܬܐ܂
15:09	ܡܢܐ ܝ݁ܕܥ ܐܢܬ ܕܚܢܢ ܠܐ ܝܕܥܝܢ܂ ܐܘ ܡܢܐ ܡܬܒܝܢ ܐܢܬ ܕܠܐ ܗܘܐ ܠܘܬܢ܂
15:10	ܗܐ ܐܝܬ ܒܢ ܕܣܐ݂ܒ/ܕܣܒ#3#/܂ ܐܦ ܐܝܬ ܒܢ ܕܩܫܝܫ܂ ܘܕܥܬܝܩ ܐܦ ܡܢ ܐܒܘܟ ܒܝ̈ܘܡܬܐ܂
15:11	ܐܙܓܪ/ܐܙܥܪ/ ܡܢܟ ܠܘܚ̈ܡܘܗܝ ܕܐܠܗܐ܂ ܘܡܠܠ ܒܢܝܚ ܠܘܬ ܢܦܫܟ܂
15:12	ܠܡܢܐ ܐܬܪܝܡ ܠܒܟ܂ ܘܠܡܢܐ/ܘܡܢܐ#3#/ ܡܪ̈ܡܙܢ ܥܝܢ̈ܝܟ܂
15:13	ܕܡܪܝܡ ܐܢܬ ܠܘܬ ܐܠܗܐ ܪܘܚܟ܂ ܘܡ݁ܦܩ ܐܢܬ ܡܢ ܦܘܡܟ ܡ̈ܠܐ܂
15:14	ܡܢܘ ܐܢܫܐ ܕܢܙܟܐ܂ ܐܘ ܡܢܘ ܢܙܕܕܩ ܝܠܝܕ ܐܢܬܬܐ܂
15:15	ܗܐ ܒܩܕܝܫ̈ܘܗܝ ܠܐ ܡܗܝܡܢ܂ ܘܫܡܝܐ ܠܐ ܕܟܝܢ ܩܕܡܘܗܝ܂
15:16	ܐܦܢ ܡܣܬܠܐ ܘܡܬܛܪܦ ܓܒܪܐ܂ ܢܫܬܐ ܥܘܠܐ ܐܝܟ ܡ̈ܝܐ܂
15:17	ܐܚܘܝܟ ܫܡܥܝܢܝ܂ ܘܡܕܡ ܕܚܙܝܬ ܐܬܢܐ܂
15:18	ܕܚ̈ܟܝܡܐ ܚܘܝܘ ܘܠܐ ܟܣܝܘ ܡܢ ܐ̈ܒܗܝܗܘܢ܂
15:19	ܠܗܘܢ ܒܠܚܘܕܝܗܘܢ ܐܬܝܗܒܬ/ܐܬܝܗܒ#3#/ ܐܪܥܐ܂ ܘܠܐ ܥܒܪ ܢܘܟܪܝܐ ܒܝܢܬܗܘܢ܂
15:20	ܟܘܠ ܝܘܡ̈ܘܗܝ ܕܪܫܝܥܐ ܡܬܪܘܪܒ܂ ܘܡܢܝܢ ܫܢܘܗܝ ܢܬܢܛܪ ܠܚܣܝܢܐ܂
15:21	ܩܠ ܙܘܥܬܐ ܒܐܕܢ̈ܘܗܝ܂ ܘܒܫܠܡܐ ܒܙܘܙܐ ܢܐܬܐ ܥܠܘܗܝ܂
15:22	ܠܐ ܡܗܝܡܢ ܕܗ݀ܦܟ ܡܢ ܚܫܘܟܐ܂ ܚ݁ܙܐ ܠܚܪܒܐ܂
15:23	ܥ݁ܪܩ ܗܘ ܠܠܘܚܡܐ ܕܕܝܢܐ܂ ܘܐܝܟܐ ܕܗܘ ܝ݁ܕܥ ‍<‍ܗܘ#3#‍>‍ ܕܡܛܝܒ ܗܘ ܒܐܝܕܗ ܝܘܡܐ ܕܚܫܘܟܐ܂
15:24	ܢܒܥܬܝܘܗܝ ܐܘܠܨܢܐ ܘܥܩܬܐ ܬܕܪܟܝܘܗܝ܂ ܐܝܟ ܡܠܟܐ ܕܡܛܝܒ ܠܩܪܒܐ܂
15:25	ܡܛܠ ܕܐܪܝܡ ܥܠ ܐܠܗܐ ܐܝܕܗ܂ ܘܥܠ ܚܣܝܢܐ ܐܬܓܒܪ܂
15:26	ܘܪܗܛ ܥܠܘܗܝ ܒܨܘܪܐ ܪܡܐ ܘܒܩܦܝܐ ܕܩܕܠܗ܂ ܒܣܘܓܐܬ ܣܕܪ̈ܐ ܕܣܟܪ̈ܐ܂
15:27	ܘܟܣܝ ܐ̈ܦܘܗܝ ܒܬܪܒܗ܂ ܘܥܒܕ ܟܝܡܐ ܠܥܠ ܡܢ ܥܝܘܬܐ܂
15:28	ܘܐܘܬܒ ܩܘܪ̈ܝܐ ܚܪ̈ܒܬܐ ܕܠܐ ܝ̈ܬܒܢ ܘܐܬܛܝܒ ܠܩܪܒܐ܂
15:29	ܠܐ ܢܟܬܪ ܘܠܐ ܢܩܘܡ ܚܝܠܗ܂ ܘܠܐ ܢܪܡܐ ܡ̈ܠܐ ܥܠ ܐܪܥܐ܂
15:30	ܘܠܐ ܢܥܢܕܘܢ ܡܢ ܚܫܘܟܐ܂ ܘܥܢ̈ܩܘܗܝ ܬܝܒܫ ܫܠܗܒܝܬܐ܂ ܢܫܛܐ ܒܪܘܚܐ ܕܦܘܡܗ܂
15:31	ܘܠܐ ܢܗܝܡܢ ܠܕܓܠܘܬܐ ܡܛܥܝܢܝܬܐ܂ ܡܛܘܠ ܕܐܝܩܐ/ܕܐܝܟܢܐ#3#/ ܗܘܬ ܡܘܥܝܬܗ܂
15:32	ܘܕܠܐ ܒܝ̈ܘܡܘܗܝ ܝܒܫ/ܐܝܒܫ#2#/܂ ܘܐ̈ܝܕܘܗܝ ܠܐ ܢܫܟܚܢ܂
15:33	ܢܥܩܘܪ ܐܝܟ ܓܦܬܐ ܒܣܪ̈ܘܗܝ܂ ܘܢܫܕܐ ܐܝܟ ܙܝܬܐ ܡܘܥܝܬܗ܂
15:34	ܡܛܠ ܕܟܢܘܫܬܐ ܕܚܢ̈ܦܐ ܬܗܘܐ ܠܚܘܪܒܐ ܘܠܨܕܝܐ܂ ܘܢܘܪܐ ܬܐܟܘܠ ܠܡܫܟܢܐ ܕܥ݁ܘ̈ܠܐ܂

15:35	ܒܛܢܘ ܥܘ݂ܠܐ ܘܝܠܕܘ ܥܬܐ ܘܟܪ̈ܣܬܗܘܢ ܡ̈ܠܝܢ ܢܟܠܐ܀