The Comprehensive Aramaic Lexicon

22:01	ܘܥܢܐ ܐܠܝܦܙ ܬܝܡܢܝܐ ܘܐܡܪ܂
22:02	ܕܠܡܐ ܥܡ ܐܠܗܐ ܐ݁ܡܪ ܐܢܬ ܓܒܪܐ܂ ܕܐܢܬ/ܘܐܢܬ#3#/ ܐܫܬܘܝܬ ܥܡܗ ܒܚܟܡܬܐ܂
22:03	ܘܡܢܐ ܝܘܬܪܢ ܕܡܬܡܡ ܐܢܬ ܐܘܪ̈ܚܬܟ ܡܢ ܕܚܠܬܟ܂
22:04	ܢܟܣܟ ܘܢܥܘܠ ܒܕܝܢܐ/ܠܕܝܢܐ#3#/ ܥܡܟ܂
22:05	ܗܐ ܒܝܫܬܟ ܪܒܐ ܗܝ܂ ܘܠܝܬ ܣܘܦ ܠܚ̈ܛܗܝܟ܂
22:06	ܡܛܠ ܕܢܣܒܬ ܡܫܟܢܐ ܕܐ̈ܚܝܟ ܣܪܝܩܐܝܬ܂ ܘܠܒܘܫܐ ܕܥܪܛܠܝܐ ܐܫܠܚܬ܂
22:07	ܠܐ ܡ̈ܝܐ ܐܫܩܝܬ ܠܡܛܪܦܐ܂ ܘܡܢ ܟܦܢܐ ܟܠܝܬ ܠܚܡܐ܂
22:08	ܐܝܬ ܓܒܪܐ ܕܙ݁ܪܥ ܠܗ ܐܪܥܐ ܘܡܪܐ ܩܛܝܪܐ ܢ݁ܣܒ ܠܗ݀ ܡܢܗ܂
22:09	ܐܪܡܠܬܐ ܫܕܪܬ ܣܪܝܩܐܝܬ܂ ܘܕܪܥܗ ܕܝܬܡܐ ܡܟܟܬ܂
22:10	ܡܛܠ ܗܢܐ ܚܕܪܘܟ ܦܚ̈ܐ܂ ܘܐܙܝܥܬܟ ܕܚܠܬܐ ܡܢ ܫܠܝ܂
22:11	ܐܝܡܟܐ ܗܘ ܚܫܘܟܐ ܠܐ ܚܙܝܬ܂ ܘܫܦܥܐ ܕܡ̈ܝܐ ܢܟܣܝܟ܂
22:12	ܗܐ ܐܠܗܐ ܐܪܝܡ ܫܡܝܐ܂ ܘܚܙܐ ܪܝܫ ܟܘ̈ܟܒܐ ܕܐܬܬܪܝܡ/ܕܐܬܬܪܝܡܘ#3#/܂
22:13	ܘܐܡ݁ܪ ܐܢܬ ܡܢܐ ܝ݁ܕܥ ܐܠܗܐ܂ ܕܠܡܐ ܠܓܘ ܡܢ ܥܪܦܠܐ ܢܕܘܢ܂
22:14	ܥܢܢܐ ܓܝܪ ܣܬܪܗ ܘܠܐ ܚܙܘ܂ ܘܥܠ ܚܘܓܬܐ ܕܫܡܝܐ ܡܗܠܟ܂܀

22:15	ܐܘܪܚܐ ܕܥܠܡܐ ܢܛܪܬ܂ ܕܟܒܫܘܗ݀ ܥܡܐ ܕܫܘܩܪܐ ܕܠܐ ܒܥܕܢܗܘܢ܂

22:16	ܘܒܥܒܪ ܢܗܪܐ ܐܬܟܠܝܘ܂ ܘܠܐ ܥܗܕܘ ܠܡ݁ܢ ܕܐܟܝܢ ܫܬܐ̈ܣܝܗܘܢ܂
22:17	ܘܐܡܪܝܢ/ܕܐܡܪܝܢ#3#/ ܠܐܠܗܐ ܦܪܘܩ ܡܢܢ܂ ‍<‍ܘܠܡܕܥ ܐܘܪ̈ܚܬܟ ܠܐ ܨܒܝܢܢ܂#2#‍>‍ ܘܡܢܐ ܥ݁ܒܕ ܠܢ ܐܠܗܐ܂
22:18	ܘܗܘ ܡܠܐ ܒܬ̈ܝܗܘܢ ܛܘܒܐ/ܛܘܒ̈ܐ#2#/܂ ܘܬܪܥܝܬܐ ܕܥ݁ܘ̈ܠܐ/ܕܪ̈ܫܝܥܐ#3#/ ܐܬܪܚܩܬ ܡܢܗܘܢ܂
22:19	ܢܚܙܘܢ ܙܕܝܩ̈ܐ ܘܢܚܕܘܢ܂ ܘܙܟܝܐ ܢܡܝܩ ܒܗܘܢ܂
22:20	ܐܠܐ ܢܬܡܟܟܘܢ ܡܢ ܩܫܝܘܬܗܘܢ/ܒܝܫܘܬܗܘܢ#3#/܂ ܘܫܪܟܗܘܢ ܬܐܟܘܠ ܢܘܪܐ܂
22:21	ܐܫܬܘܝܝ ܕܝܢ ܥܡܗ܂ ܘܫܠܡ ܐܢܘܢ/ܐܢ̈ܝܢ#3#/ ܡܢ ܥ̈ܠܠܬܟ ܛܒ̈ܬܐ܂
22:22	ܩ݁ܒܠ ܡܢ ܦܘܡܗ ܢܡܘܣܐ܂ ܘܢܣܝܡ ܡ̈ܠܘܗܝ ܒܠܒܟ܂
22:23	ܐܢ ܬܬܘܒ ܠܘܬ ܐܠܗܐ ܬܬܒܢܐ܂ ܘܐܢ ܬܪܚܩ ܥܘܠܐ ܡܢ ܡܫܟܢܟ܂
22:24	ܘܬܟܢܫ ܟܣܦܐ ܐܝܟ ܥܦܪܐ܂ ܘܐܝܟ ܚܠܐ ܕܢܚܠܐ ܕܗܒܐ ܕܐܘܦܝܪ܂
22:25	ܘܢܗܘܐ ܐܠܗܐ/ܐܠܗܟ#3#/ ܒܥܕܪܟ܂ ܘܟܣܦ ܚ̈ܘܫܒܢܝܢ ܢܗܘܐ ܠܟ܂
22:26	ܘܬܪܝܡ ܠܘܬ ܐܠܗܐ ܐ̈ܦܝܟ܂
22:27	ܘܬܨܠܐ ܩܕܡܘܗܝ ܘܢܫܡܥܟ܂ ܘܢܕܪ̈ܝܟ ܬܫܠܡ܂
22:28	ܘܬܐܡܪ ܡܠܬܐ ܘܢܩܝܡ ܠܟ܂ ܘܥܠ ܐܘܪ̈ܚܬܟ ܢܓܗ ܢܘܗܪܐ܂
22:29	ܡܛܠ ܕܡ݁ܢ ܕܡܬܡܟܟ ܐ݁ܡܪ ܕܢܬܬܪܝܡ/ܕܡܬܬܪܝܡ#2#/ܕܡܬܬܪܝܡ#3#/ܕܡܬܪܝܡ#3#/܂ ܘܕܡܟ̈ܝܟܢ ܥܝ̈ܢܘܗܝ ܢܬܦܪܩ܂
22:30	ܢܬܦܠܛ ܙܟܝܐ ܐܝܟܐ ܕܐܝܬܘܗܝ܂ ܘܢܬܦܠܛ ܒܕܟܝܘܬܐ ܕܐ̈ܝܕܘܗܝ܀܀܀