← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62028: P Job

Click on a word for lexical analysis
Click on a red-colored coordinate for comments and/or translations of the line

previous chapter


28:01 ܡܛܠ ܕܐܝܬ ܠܟܣܦܐ ܢܦܩܐ܂ ܘܐܬܪܐ ܕܠܕܗܒܐ ܡܫܚܠܝܢ܂
28:02 ܘܦܪܙܠܐ ܡܢ ܥܦܪܐ ܡܬܢܣܟ܂ ܘܡܢ ܟܐ̈ܦܐ ܡܬܢܣܟ ܢܚܫܐ܂
28:03 ܩܨܐ ܣܡ/ܣܐܡ#3#/ ܠܚܫܘܟܐ܂ ܘܠܟܠ ܣܘܦܐ ܗܘ ܝ݁ܕܥ܂ ܟܐܦܐ ܕܚܒܪܐ ܘܛܠܠܗ ܕܡܘܬܐ܂
28:04 ܬܘܪܥܬܐ ܝܪܬܘ ܡܢ ܥܡܐ ܓܝܘܪܐ܂ ܐܬܛܥܝܘ ܡܢ ܪ̈ܓܠܬܐ ܘܐܬܕܠܠܘ ܡܢ ܐܢܫܐ܂
28:05 ܓܠܘ ܐܪܥܐ ܕܡܢܗ݀ ܢ݁ܦܩ ܡܙܘܢܐ܂ ܘܬܚܘܬܝܗ݀ ܡܬܗܦܟ ܐܝܟ ܢܘܪܐ܂
28:06 ܘܕܘܟܬܐ ܕܣܦܝܠܐ ܟܐ̈ܦܝܗ݀܂ ܘܫܚܠܐ ܕܕܗܒܐ ܒܫ̈ܒܝܠܝܗ݀܂
28:07 ܠܐ ܝܕܥܬܗ݀ ܛܝܪܐ܂ ܘܠܐ ܚܙܬܗ݀ ܥܝܢ ܕܝܬܐ܂
28:08 ܘܠܐ ܕܪܫܗ݀ ܚܝ̈ܘܬܐ܂ ܘܠܐ ܥܒܪ ܥܠܝܗ݀ ܐܪܝܐ܂
28:09 ܒܟܐܦ ܛܪ̈ܢܝܢ ܐܘܫܛ ܐܝܕܗ܂ ܘܗܦܟ ܡܢ ܥܩܪ̈ܝܗܘܢ ܛܘܪ̈ܝܢ/ܛܘܪ̈ܐ#3#/܂
28:10 ܒܚܘܣܢܗ ܢܗܪ̈ܘܢ ܦܠܓ/ܢܦܠܓ#3#/܂ ܘܟܠ/ܘܠܟܘܠ#3#/ܘܒܟܠ#3#/ ܐܝܩܪ ܚܙܬ ܥܝܢܗ܂
28:11 ܘܥܘܫܢܐ ܕܢܗܪ̈ܘܬܐ ܚܒܫ܂ ܘܡܢ ܬܚܦܝܬܐ ܢܦܩ ܢܘܗܪܐ܂
28:12 ܘܚܟܡܬܗ ܐܝܡܟܐ ܬܫܬܟܚ܂ ܘܐܝܢܐ ܗܘ ܐܬܪܐ ܕܣܘܟܠܗ݀܂
28:13 ܠܐ ܝ݁ܕܥ ܐܢܫ ܓܙܗ݀܂ ܘܠܐ ܡܫܬܟܚܐ ܐܠܐ ܐܢ ܒܐܬܪܐ ܕܚ̈ܝܐ܂
28:14 ܬܗܘܡܐ ܐܡ݁ܪ܂ ܠܐ ܗܘܬ ܒܝ܂ ܘܝܡܐ ܐ݁ܡܪ܂ ܠܝܬ ܠܘܬܝ܂
28:15 ܠܐ ܡܬܝܗܒ ܕܗܒܐ ܚܠܦܝܗ݀܂ ܘܠܐ ܡܬܡܢܐ ܟܣܦܐ ܒܕܡ̈ܝܗ݀܂
28:16 ܠܐ ܡܬܚܠܦܐ ܒܕܗܒܐ ܕܐܘܦܝܪ܂ ܘܒܒܪ̈ܘܠܐ ܘܒܣܦܝܠܐ܂
28:17 ܠܐ ܦ݁ܚܡ ܠܗ݀ ܕܗܒܐ܂ ܘܙ̈ܓܘܓܝܬܐ ܘܡܪ̈ܓܢܝܬܐ ܛܒ̈ܬܐ܂ ܘܛ̈ܒܥܐ ܘܚܘܡܪ̈ܐ ܠܐ ܦܚܡܝܢ ܠܗ݀܂
28:18 ܛܒܐ ܗܝ ܚܟܡܬܐ ܡܢ ܟܐ̈ܦܐ ܛܒ̈ܬܐ܂ ܠܐ ܦ݁ܚܡ ܠܗ݀ ܦܬܘܬܟܐ ܕܗܝܐ܂ ܘܒܙܡܪ̈ܓܕܐ/ܘܒܐܙܡܪ̈ܓܕܐ#2#/ ܘܒܩܪ̈ܟܕܢܐ ܠܐ ܡܬܚܠܦܐ܂ ܛܒܐ ܗܝ ܓܝܪ ܚܟܡܬܐ ܡܢ ܟܘܠ ܡܕܡ܂ ܘܡܕܡ ܠܐ ܦ݁ܚܡ ܠܗ݀܂
28:19 ܡܪ̈ܓܢܝܬܐ ܕܟܘܫ ܘܟܐ̈ܦܐ ܕܦܕܬܐ ܠܐ ܦܚ̈ܡܢ/ܦܚܡܝܢ#3#/ ܠܗ݀܂
28:20 ܚܟܡܬܐ ܐܝܡܟܐ/#3#/ ܐܬܝܐ܂ ܘܐܝܢܐ ܗܘ ܐܬܪܐ ܕܣܘܟܠܗ݀܂
28:21 ܟܣܝܐ ܗܝ ܡܢ ܥܝܢ̈ܝ ܟܠ ܕܚܝ܂ ܘܡܢ ܦܪܚܬܐ ܕܫܡܝܐ ܡܣܬܪܐ ܗܝ܂
28:22 ܐܒܕܢܐ ܘܡܘܬܐ ܐܡܪܘ܂ ܕܒܐ̈ܕܢܝܢ ܫܡܥܢ ܫܡܥܗ݀܂
28:23 ܡܛܠ ܕܐܠܗܐ ܗܘ ܒܝܢܢ ܐܘܪ̈ܚܬܗ݀܂ ܘܗܘܝܘ ܝ݁ܕܥ ܕܘܟܬܗ݀܂
28:24 ܡܛܠ ܕܗܘ ܚ݁ܙܐ ܠܣܘܦ ܟܠ ܕܒܐܪܥܐ܂ ܘܬܚܝܬ ܟܠ ܫܡܝܐ ܚ݁ܙܐ܂
28:25 ܕܥܒܕ ܡܬܩܠܐ ܠܪܘܚܐ܂ ܘܡܬܩܠܐ ܐܬܩܢ ܒܟܝܠܬܐ܂
28:26 ܥܒܕ ܢܡܘܣܐ ܠܡܛܪܐ܂ ܘܐܘܪܚܐ ܠܚܙ̈ܘܢܐ ܕܩܠܐ܂
28:27 ܗܝܕܝܢ ܚܙܗ݀ ܘܐܫܬܥܝܗ݀܂ ܬܩܠܗ݀ ܘܐܦ ܒܕܩܗ݀܂
28:28 ܘܐܡܪ ܠܒܪܢܫܐ܂ ܕܚܠܬܗ ܕܐܠܗܐ ܗܝ ܗܝ ܚܟܡܬܐ܂ ܘܠܡܣܛܐ ܡܢ ܒܝܫܬܐ ܒܘܝܢܐ܀

next chapter