The Comprehensive Aramaic Lexicon


37:01	ܘܐܦ ܥܠ ܗܕܐ ܢܬܬܙܝܥ ܠܒܗ܂ ܘܢܙܘܥ ܡܢ ܕܘܟܬܗ܂

37:02	ܫܡܥܘ/ܫܡܥ#1##2#/ ܡܫܡܥ ܩܠܗ ܒܪܘܓܙܐ܂ ܕܝܢܐ ܕܢ݁ܦܩ ܡܢ ܦܘܡܗ܂
37:03	ܬܚܝܬ ܟܠܗܘܢ ܫܡܝܐ ܢܫܒܚܘܢܗ܂ ܘܢܘܗܪܗ ܥܠ ܟܢ̈ܦܝܗ݀ ܕܐܪܥܐ܂
37:04	ܒܐܬܪܗ ܢܪܥܡ ܒܩܠܐ ܕܓܐܝܘܬܗ܂ ܘܠܐ ܢܥܩܒ ܐܢܘܢ܂ ܡܛܠ ܕܢܫܡܥܘܢ ܩܠܗ/ܒܩܠܗ#3#/܂
37:05	ܘܢܪܥܡ ܐܠܗܐ ܒܩܠܗ܂ ܬܕܡܪ̈ܬܐ ܥ݁ܒܕ ܘܪ̈ܘܪܒܬܐ ܘܠܐ ܡܬܝܕܥ܂
37:06	ܡܛܠ ܕܠܬܠܓܐ ܐܡܪ܂ ܗܘܝ ܐܪܥܐ܂ ܘܡܛܪܐ ܘܪܒܝܥܐ ܪܒܐ
37:07	ܒܝܕ ܟܘܠ ܐܢܫ ܚܬܡ܂ \ܕܢܘܕܥ ܠܟܘܠ ܐܢܫ /ܘܢܘܕܥ ܠܥܠܡ#3#/ ܥܒ݁ܕܘ̈ܗܝ܂
37:08	ܘܬܥܘܠ ܚܝܘܬܐ ܒܟܡܐܢܐ ܘܬܫܪܐ ܒܡܪܒܘܥܝܬܗ݀܂
37:09	ܡܢ ܬܘ̈ܘܢܐ ܬܐܬܐ ܟܘܟܝܬܐ܂ ܘܡܢ ܙܪܝܦܬܐ ܩܘܪܫܐ܂
37:10	ܘܡܢ ܢܫܡܬܗ ܕܐܠܗܐ ܢܬܝܗܒ ܓܠܝܕܐ܂ ܘܣܘܓܐܐ ܕܡ̈ܝܐ ܡܚܬ܂
37:11	ܘܪܟܝܟܐܝܬ ܡܬܡܬ̈ܚܢ ܥܢ̈ܢܐ܂ ܘܦܪܣ ܥܢ̈ܢܐ ܕܢܘܗܪܗ/ܢܘܗܪܗ#3#/܂
37:12	ܘܗܘ ܡܬܟܪܟ ܘܡܬܗܦܟ ܠܡܥܒܕ ܡܚܫ̈ܒܢ܂ ܟܠ ܕܦܩܕ ܠܗܘܢ ܥܠ ܐ̈ܦܝ ܬܒܝܠ ܐܪܥܗ/ܐܪܥܗܘܢ#3#/܂
37:13	ܐܢ ܠܫ̈ܠܝܛܢܐ ܘܐܢ ܠܐܪܥܐ܂ ܘܐܢ ܠܚܣܝܕܐ ܕܡܫܬܟܚ/ܕܢܫܬܟܚ#3#/ ܒܗ݀܀
37:14	ܨܘܬ ܗܕܐ ܐܝܘܒ ܘܫܡܥ܂ ܘܐܬܒܝܢ ܬܕܡܪ̈ܬܗ ܕܐܠܗܐ܂
37:15	ܗܐ ܝ݁ܕܥ ܐܢܬ ܡܕܡ ܕܣܡ ܐܠܗܐ ܥܠܝܗܘܢ܂ ܘܓܠܐ ܢܘܗܪܐ ܕܥܢ̈ܢܘܗܝ܂
37:16	ܝ݁ܕܥ ܐܢܬ ܡܦܩܐ/ܡܦܩܢܐ#1##2#/ ܕܥܢ̈ܢܐ܂ ܘܬܕܡܪ̈ܬܐ ܕܕܠܐ ܡܘܡ ܒܐܝܕܥܬܐ܂
37:17	ܠܒ̈ܘܫܝܟ ܢܚܡܘܢ܂ ܘܬܫ݁ܢܐ ܐܪܥܐ ܡܢ/ܕܡܢ#1##2#/ ܬܝܡܢܐ܂
37:18	ܘܬܪܩܘܥ ܥܡܗ ܠܪܩܝܥܐ ܬܩܝܦܐ ܠܡܣܡܟܘ ܐܟܚܕܐ܂
37:19	ܐܘܕܥܝܢܝ ܡܢܐ ܐܡܪ ܠܗ܂ ܘܠܐ ܢܣܬܬܪ ܡܢ ܩܕܡ ܚܫܘܟܐ܂
37:20	ܘܐܫܬܥܐ ܠܗ ܡܕܡ ܕܐܡܪ܂ ܘܐܢ ܢܐܡܪ ܓܒܪܐ ܢܬܒܠܥ܂
37:21	ܘܗܫܐ ܠܐ ܚܙܘ ܢܘܗܪܐ܂ ܢܗܝܪ ܗܘ ܒܪܩܝܥܐ ܕܫܡܝܐ܂ ܘܪܘܚܐ ܬܥܒܪ ܘܬܕܟܐ ܐܢܘܢ܂
37:22	ܡܢ ܓܪܒܝܐ ܕܗܒܐ ܢܐܬܐ܂ ܘܡܢ ܐܠܗܐ ܢܘܗܪܐ ܚܣܝܢܐ܂
37:23	ܣܓܝ ܚܝܠܐ ܘܕܝܢܐ܂ ܘܪܒ ܙܟܝ̈ܝܢ ܠܐ ܢܥܢܐ܂
37:24	ܡܛܠ ܗܢܐ ܢܕܚܠܘܢ ܐܢ̈ܫܝܢ܂ ܘܢܙܘܥܘܢ ܡܢܗ ܟܠܗܘܢ/ܟܠ#3#/ ܚ̈ܟܝܡܝ ܠܒܐ܀