The Comprehensive Aramaic Lexicon

39:01	ܝ݁ܕܥ ܐܢܬ ܙܒܢܐ ܕܝ̈ܠܕܢ ܕܝܨ̈ܬܐ ܒܫ̈ܩܝܦܐ ܘܒ̈ܛܢܢ ܐ̈ܝܠܬܐ܂
39:02	ܢ݁ܛܪ ܐܢܬ ܡܢܝܢܐ ܕܝܪ̈ܚܐ܂ ܘܝ݁ܕܥ ܐܢܬ ܙܒܢ ܡܘܠܕܗܝܢ܂
39:03	ܘܐܡܬܝ ܒܪ̈ܟܢ ܘܝ̈ܠܕܢ܂
39:04	ܘܡܬܪ̈ܒܝܢ ܒܢܝܗܝܢ ܘܡܬܚܣܠܝܢ܂
39:05	ܡܢܘ ܫܒܩ ܥܪܕܐ ܒܪ ܚܐܪ̈ܝܢ܂ ܘܦ݁ܠܛ ܡܢܗ ܢܝܪܐ܂
39:06	ܕܥܒܕ ܦܩܥܬܐ ܒܝܬܗ܂ ܘܒܐܬܪܐ ܡܠܚܐ ܡܫܪܝܗ܂
39:07	ܓܚ݁ܟ ܥܠ ܣܘܓܐܐ ܕܩܘܪ̈ܝܐ܂ ܘܠܐ ܕܚ݁ܠ ܡܢ ܩܠܐ ܕܫ̈ܠܝܛܢܐ܂
39:08	ܒܣܘܓܐܐ ܕܛܘܪ̈ܐ ܡܪܥܝܬܗ܂ ܘܥܠ ܟܠ ܝܘܪܩ ܕܐ݁ܫ܂
39:09	ܕܠܡܐ ܡܬܛܦܝܣ ܪܝܡܐ ܕܢܦܠܚܟ܂ ܐܘ ܕܠܡܐ ܥܠ ܐܘܪܝܟ ܒܐܬ܂
39:10	ܕܠܡܐ ܐ݁ܣܪ ܐܢܬ ܢܝܪܐ ܥܠ ܩܕܠܗ ܕܪܝܡܐ܂ ܘܕܒ݁ܪ ܦܕܢܐ ܒܐܬܪܐ ܥܣܩܐ܂
39:11	ܡܬܬܟܠ ܐܢܬ ܥܠܘܗܝ ܕܣܓܝ ܚܝܠܗ܂ ܘܫ݁ܒܩ ܐܢܬ ܥܠܘܗܝ ܠܐܘܬܟ܂
39:12	ܡܗܝܡܢ ܐܢܬ ܠܗ ܕܡܕܟܐ ܐܕܪܟ ܘܙܪܥܟ ܚ݁ܡܠ܂

39:13	ܟܢ̈ܦܝ ܫܒܚܝܢ ܡܬܪܘܪܒܐ ܘܛܝܣܐ ܘܐܬܝܐ ܘܡܩܢܐ܂

39:14	ܘܫܒܩܐ ܥܠ ܐܪܥܐ ܒܢ̈ܬܗ݀܂ ܘܥܠ ܥܦܪܐ ܡܚܡܡܐ ܠܗܝܢ܂
39:15	ܘܐܬܢܫܝܬ ܡܛܠ ܕܪ̈ܓܠܐ ܕܛܝܪܐ ܐܝܬ ܠܗ݀܂ ܘܚܝܘܬܐ ܕܐܪܥܐ/ܒܐܪܥܐ#3#/ ܕܝܫܐ ܠܗ݀܂
39:16	ܐܣܓܝܬ ܒܢ̈ܝܐ ܕܠܐ ܠܗ݀܂ ܘܣܪܝܩܐܝܬ ܠܐܝܬ ܕܠܐ ܕܚܠܬܐ܂
39:17	ܡܛܠ ܕܐܣܓܝ ܐܠܗܐ ܚܟܡܬܐ/ܒܚܟܡܬܗ#3#/܂ ܘܠܐ ܦܠܓ ܠܗ݀ ܒܘܝܢܐ܂
39:18	ܒܡܪܘܡܐ ܬܬܪܝܡ ܐܝܟ ܕܩܠܐ܂ ܬܓܚܟ ܥܠ ܣܘܣܝܐ ܘܥܠ ܪܟܒܗ܂
39:19	ܝ݁ܗܒ ܐܢܬ ܠܣܘܣܝܐ ܓܢܒܪܘܬܐ܂ ܘܡܠܒܫ ܐܢܬ ܨܘܪܗ ܙܝܢܐ܂
39:20	ܡܙܝܥ ܐܢܬ ܠܗ ܐܝܟ ܩܡܨܐ܂ ܐܘ ܡܕܚܠ ܐܢܬ ܠܗ ܒܕܚܠܬܐ܂
39:21	ܚ݁ܦܪ ܒܥܘܡܩܐ ܘܕܐ݁ܨ ܒܙܚܠܐ/ܒܚܝܠܐ#2#/܂ ܘܢܦ݁ܩ ܠܐܘܪܥܐ ܒܙܝܢܐ܂
39:22	ܓ݁ܚܟ ܥܠ ܓܘܡܨܐ ܘܠܐ ܕܚ݁ܠ܂ ܘܠܐ ܗ݀ܦܟ ܡܢ ܐ̈ܦܝ ܚܪܒܐ܂
39:23	ܥܠܘܗܝ ܡܫܬܒܚܐ ܩܛܪܩܐ/ܩܛܪܩܛܐ#2#/܂ ܘܫܠܗܒܝܬܐ ܕܪܘܡܚܐ ܘܕܢܝܙܟܐ܂
39:24	ܒܙܘܥܬܐ ܘܒܪܘܓܙܐ ܪܗ݀ܛ ܥܠ ܐܪܥܐ܂ ܘܠܐ ܕܚ݁ܠ ܡܢ ܩܠܐ ܕܩܪܢܐ܂
39:25	ܒܩܠܐ ܐ݁ܡܪ ܐܚܢܝ ܘܡܢ ܪܘܚܩܐ ܡܪܝܚ ܩܪܒܐ܂ ܘܡܙܝܥ ܠܪ̈ܘܪܒܢܐ/ܪ̈ܘܪܒܢܐ#2#/ ܒܨܗܠܗ܂
39:26	ܡܢ ܚܟܡܬܟ ܗܘܐ ܢܨܐ܂ ܘܦܪܣ ܓܦܘ̈ܗܝ ܠܬܝܡܢܐ܂
39:27	ܥܠ ܡܠܬ ܦܘܡܟ ܢܬܬܪܝܡ ܢܫܪܐ܂ \ܘܡܪܝܡ /ܟܕ ܡܪܝܡ#3# /ܘܢܪܝܡ#3#/ ܩܢܗ ܠܫܩܝܦܐ܂
39:28	ܘܫ݁ܟܢ ܘܒ݁ܐܬ ܥܠ ܫܢܐ ܕܫܩܝܦܐ܂
39:29	ܘܡܢ ܨܝܕܗ ܡܣܬܝܒܪ܂ ܘܠܪܘܚܩܐ ܚܝܪ̈ܢ ܥܝܢ̈ܘܗܝ܂
39:30	ܘܦܪ̈ܘܓܘܗܝ ܕܡܐ ܠܥܝܢ܂ ܘܐܝܟܐ ܕܡܬܩܛܠ ܩܛܝܠܐ ܬܡܢ ܗܘ܀