The Comprehensive Aramaic Lexicon

40:01	ܘܥܢܐ ܡܪܝܐ ܘܐܡܪ ܠܐܝܘܒ܂
40:02	ܣ̈ܓܝܐܝܢ ܐܢܘܢ/#3#/ ܡ̈ܠܟ݂ܘܗܝ ܕܐܠܗܐ܂ ܘܡ݁ܢ ܕܡ݁ܟܣ ܠܐܠܗܐ ܝ݁ܗܒ ܦܬܓܡܐ܀
40:03	ܘܥܢܐ ܐܝܘܒ ܘܐܡܪ ܠܡܪܝܐ܂
40:04	ܒܨܪܬ ܠܝ ܡܢܐ ܐܬܝܒܟ܂ ܣܡܬ ܐܝܕܝ ܥܠ ܦܘܡܝ܂
40:05	ܚܕܐ ܡܠܠܬ ܘܠܐ ܐܬܠ ܦܬܓܡܐ܂ ܘܕܬܪ̈ܬܝܢ ܠܐ ܡܘܣܦ ܐܢܐ ܠܡܡܠܠܘ܂܀
40:06	ܘܥܢܐ ܡܪܝܐ ܘܐܡܪ ܠܐܝܘܒ ܡܢ ܥܠܥܠܐ܂
40:07	ܐܣܘܪ ܢܐ ܐܝܟ ܓܢܒܪܐ ܚ̈ܨܝܟ܂ \ܐܫܐܠܟ /ܐܫܐܠ ܠܟ#3#/ ܐܘܕܥܝܢܝ܂
40:08	ܐܢ ܗܘ ܕܡܒܛܠ ܐܢܬ ܠܝ ܘܡܚܝܒ ܐܢܬ ܠܝ ܕܬܙܟܐ܂
40:09	ܐܝܬ ܠܟ ܕܪܥܐ ܐܝܟ ܕܐܠܗܐ܂ ܘܪܥ݁ܡ ܐܢܬ ܒܩܠܐ ܐܟܘܬܗ܂
40:10	ܠܒܫ ܓܐܝܘܬܐ ܘܓܢܒܪܘܬܐ܂ ܘܐܬܥܛܦ ܙܝܘܐ ܘܗܕܪܐ܂
40:11	ܘܐܫܘܕ ܚܡܬܐ ܕܪܘܓܙܟ܂ ܘܚܙܝ ܟܠ ܕܪܡ ܣܚܘܦܝܗܝ܂
40:12	ܘܐܪܡܐ ܠܚ̈ܛܝܐ ܒܕܘܟܬܗܘܢ܂
40:13	ܘܐܟܚܕܐ ܒܥܦܪܐ ܛܡܘܪ ܐܢܘܢ܂ ܘܐ̈ܦܝܗܘܢ ܚܒܘܫ ܒܕܚܝܚܐ܂
40:14	ܘܐܦ ܐܢܐ ܐܫܒܚܟ ܡܐ ܕܦܪܩܬܟ ܝܡܝܢܟ܂
40:15	ܗܐ ܒܗܡܘܬ ܕܥܒܕܬ ܥܡܟ܂ ܥܡܝܪܐ ܐܝܟ ܬܘܪܐ ܐ݁ܟܠ܂
40:16	ܘܥܘܫܢܗ ܒܣܬܪܗ܂
40:17	ܙܩ݁ܦ ܕܘܢܒܗ ܐܝܟ ܐܪܙܐ܂ ܘܙܩܝܦܝܢ ܓܝ̈ܕܐ ܕܦܘܚ̈ܕܘܗܝ܂
40:18	ܓܪ̈ܡܘܗܝ ܥܫܝ̈ܢܝܢ ܐܝܟ \ܢܚܫܐ ܘܐܝܟ ܦܪܙܠܐ /ܦܪܙܠܐ ܘܐܝܟ ܢܚܫܐ#3#/܂
40:19	ܗܘܝܘ ܪܝܫ ܟܘܠܗܝܢ ܒܪ̈ܝܬܗ ܕܐܠܗܐ܂ ܕܥܒܕܗ ܕܢܥܒܕ ܩܪܒܐ܂
40:20	ܘܣܘܓܐܐ ܕܛܘܪ̈ܐ ܫܩܝܠܝܢ ܠܗ܂ ܘܟܠܗ݀ ܚܝܘܬܐ ܕܕܒܪܐ

40:21	ܬܚܝܬ ܛܠܠܗ ܕܡܟܐ܂ ܘܒܣܬܪܐ ܕܩܢܝܐ ܪܒ݁ܥ܂

40:22	ܟܪ̈ܝܟܝܢ ܠܗ ܛ̈ܠܠܐ܂ ܘܟܪ̈ܝܟܝܢ ܠܗ ܥܘܪ̈ܒܐ ܕܢܚܠܐ܂
40:23	ܐܢ ܫ݁ܘܪ ܢܗܪܐ܂ ܠܐ ܙܐ݁ܥ܂ ܘܬܟܝܠ ܕܢ݁ܣܟ ܠܗ ܝܘܪܕܢܢ ܠܦܘܡܗ/ܠܦܘܡܐ#3#/܂
40:24	ܒܥܢ̈ܢܘܗܝ ܢܣܒܝܘܗܝ ܘܒܡܨܝܕܬܐ ܢܬܬܚܕ܂
40:25	ܬܐܚܕܝܘܗܝ ܠܬܢܝܢܐ ܒܡܨܝܕܬܐ܂ ܒܚܒܠܐ ܬܐܚܕܝܘܗܝ ܒܠܫܢܗ܂
40:26	ܪܡ݁ܐ ܐܢܬ ܦܓܘܕܬܐ ܒܦܘܡܗ܂ ܘܢ݁ܩܒ/ܘܢܣܒ#3#/ ܐܢܬ ܦܟܗ ܒܫܘܪܗ܂
40:27	ܘܐܢ ܡܣܓܐ ܒ݁ܥܐ ܡܢܟ ܘܐܡ݁ܪ ܠܟ ܕܪ̈ܟܝܟܢ܂
40:28	ܡ݁ܫܪ ܥܡܟ ܩܝܡܐ܂ ܐܘ ܡ݁ܢܐ ܐܢܬ ܠܗ ܥܒܕܐ ܠܥܠܡ܂
40:29	ܓ݁ܚܟ ܐܢܬ ܥܠܘܗܝ ܐܝܟ ܨܦܪܐ܂ ܘܢ݁ܛܪ ܐܢܬ ܠܗ ܠܝ̈ܘܡܝ ܥܠܝܡܘܬܟ܂
40:30	ܫ̈ܘܬܦܐ ܢܬܟܢܫܘܢ ܥܠܘܗܝ܂ ܘܢܦܠܓܘܢܗ ܒܝܬ ܣ̈ܓܝܐܐ܂
40:31	ܡ݁ܠܐ ܐܢܬ ܡܫܟܗ ܒܣܪܐ܂ ܘܪܝܫܗ ܒܛܠܠܐ ܕܢܘܪܐ܂
40:32	ܣܝܡ ܥܠܘܗܝ ܐܝܕܟ܂ ܘܕܘܟܪܢܐ ܕܩܪܒܐ ܠܐ ܬܘܣܦ܂