← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62029: P Prov

Click on a word for lexical analysis
Click on a red-colored coordinate for comments and/or translations of the line

previous chapter


02:01 ܒܪܝ ܐܢ ܬܩܒܠ ܡ̈ܠܝ܃ ܘܦܘܩ̈ܕܢܝ ܬܛܫܐ ܒܠܒܟ܃
02:02 ܘܬܨܠܐ ܐܕܢܟ ܠܚܟܡܬܐ܃ ܘܬܦܢܐ ܠܒܟ ܠܣܘܟܠܐ܃
02:03 ܘܬܩܪܐ \ܠܣܘܟܠܐ ܘܠܣܘܟܠܐ ܬܪܝܡ /ܠܣܘܟܠܐ ܘܢܥܢܝܟ ܘܬܪܝܡ#3#/ ܩܠܟ܃
02:04 ܘܬܒܥܝܘܗܝ ܐܝܟ ܣܐܡܐ܂ ܘܬܒܨܝܘܗܝ ܐܝܟ ܣܝܡܬܐ܂
02:05 ܗܝܕܝܢ/ܗ݀ܝ ܕܝܢ#2#/ ܬܣܬܟܠ ܕܚܠܬܗ ܕܡܪܝܐ܂ ܘܬܫܟܚ ܝܕܥܬܗ ܕܐܠܗܐ܂
02:06 ܡܛܠ ܕܡܪܝܐ ܗܘ ܝܗܒ ܚܟܡܬܐ܂ ܘܡܢ ܦܘܡܗ ܝܕܥܬܐ ܘܣܘܟܠܐ܂
02:07 ܘܢܛܪ ܣܒܪܐ ܠܐܝܠܝܢ ܕܬܪ̈ܝܨܝܢ܂ ܘܡܣܝܥ ܠܐܝܠܝܢ ܕܡܗܠܟܝܢ ܕܠܐ ܡܘܡ܂
02:08 ܘܢܛܪ ܐܘܪ̈ܚܬܐ ܕܕܝܢܐ܂ ܐܘܪ̈ܚܬܐ ܕܚܣ̈ܝܘܗܝ ܢܢܛܪ܂
02:09 ܗܝܕܝܢ ܬܣܬܟܠ ܙܕܝܩܘܬܐ ܘܕܝܢܐ܂ ܘܬܪܝܨܘܬܐ ܕܟܠܗܘܢ ܫ̈ܒܝܠܐ ܫܦܝܪ̈ܐ܂
02:10 ܟܕ ܬܥܠ ܚܟܡܬܐ ܠܠܒܟ܂ ܘܝܕܥܬܐ ܠܢܦܫܟ ܬܒܣܡ܂
02:11 ܬܪܥܝܬܐ ܛܒܬܐ ܬܢܛܪܟ܂ ܘܣܘܟܠܐ ܕܟܐ̈ܢܐ ܢܫܘܙܒܟ܂
02:12 ܕܬܬܦܨܐ ܡܢ ܐܘܪ̈ܚܬܐ ܒܝܫ̈ܬܐ܂ ܘܡܢ ܓܒܪ̈ܐ ܕܡܡܠܠܝܢ ܗܦܝ̈ܟܬܐ/ܗܦܟ̈ܝܬܐ#3#/܂
02:13 ܕܫܒܩܝܢ ܐܘܪܚܐ ܬܪܝܨܬܐ܂ ܘܡܗܠܟܝܢ ܒܐܘܪܚܐ ܕܚܫܘܟܐ܂
02:14 ܘܚܕܝܢ ܠܡܥܒܕ ܒܝܫܬܐ܂ ܘܕܝܨܝܢ ܒܗܘܦܟܐ ܕܒܝܫܬ̈ܐ܂
02:15 ܐܘܪ̈ܚܬܗܘܢ ܡܥܩ̈ܡܢ ܘܡܦ̈ܬܠܝܢ ܫܒܝ̈ܠܝܗܘܢ܂
02:16 ܬܦܨܝܟ ܚܟܡܬܐ ܡܢ ܐܢܬܬܐ ܢܘܟܪܝܬܐ ܕܡܗܦܟܐ ܡ̈ܠܝܗ݀܂
02:17 ܕܫܒܩܬ ܡܪܒܝܢܐ ܕܛܠܝܘܬܗ݀܂ ܘܛܥܬ ܩܝܡܐ ܕܐܠܗܗ݀܂
02:18 ܛܥܬ ܐ̈ܣܟܦܬܐ ܕܒܝܬܗ݀܂ ܘܗ̈ܠܟܬܐ ܕܫܒܝ̈ܠܝܗ݀܂
02:19 ܟܠ ܕܥܐܠܝܢ ܠܘܬܗ݀ ܠܐ ܗܦܟܝܢ܂ ܘܠܐ ܡܬܕܟܪܝܢ ܐܘܪܚܐ ܕܚ̈ܝܐ܀
02:20 ܗܠܟ ܗܟܝܠ ܒܐܘܪܚܐ ܕܛܒ̈ܐ܂ ܘܛܪ ܐܘܪܚܐ ܕܙܕܝܩ̈ܐ܂
02:21 ܡܛܠ ܕܬܪ̈ܝܨܐ ܥܡܪ̈ܝܢ ܒܐܪܥܐ܂ ܘܐܝܠܝܢ ܕܕܠܐ ܡܘܡ ܐܢܘܢ ܡܫܬܚܪܝܢ ܒܗ݀܂
02:22 ܘܚ̈ܛܝܐ ܣܝܦܝܢ ܡܢ ܐܪܥܐ܂ ܘܥܘ̈ܠܐ ܡܬܥܩܪܝܢ ܡܢܗ݀܂

next chapter