← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62029: P Prov

Click on a word for lexical analysis
Click on a red-colored coordinate for comments and/or translations of the line

previous chapter


06:01 ܒܪܝ ܐܢ ܥܪܒܬ ܠܚܒܪܟ܂ ܐܫܠܡܬ ܐܝܕܟ ܠܢܘܟܪܝܐ܂
06:02 ܐܬܬܨܝܕܬ/ܐܬܨܝܕܬ#2#/ ܒܡܐܡܪܐ ܕܦܘܡܟ܂ ܘܐܬܬܚܕܬ ܒܡܡܠܠܐ ܕܣ̈ܦܘܬܟ܂
06:03 ܥܒܕ ܗܟܢܐ ܒܪܝ ܘܐܬܦܨܐ܂܂ ܡܛܠ ܕܥܠ ܐ̈ܦܝ ܚܒܪܟ ‍<‍ܥܒܪܬ#3#‍>‍ ܢܦܠܬ ܒܐ̈ܝܕܝ ܒܥܠܕܒܒܟ܂ ܓܪܓ ܗܟܝܠ ܚܒܪܟ ܕܥܪܒܬ ܥܠܘܗܝ܂
06:04 ܘܠܐ ܬܬܠ ܫܢܬܐ ܠܥܝܢ̈ܝܟ܂ ܐܦ ܠܐ ܢܘܡܬܐ ܠܓܒܝܢ̈ܝܟ܂
06:05 ܕܬܬܦܨܐ ܐܝܟ ܛܒܝܐ ܡܢ ܢܫܒܐ ܘܐܝܟ ܨܦܪܐ ܡܢ ܦܚܐ܂
06:06 ܐܬܕܡܐ/ܐܬܕܡܝ#3#/ ܠܫܘܫܡܢܐ ܘܚܙܝ ܐܘܪ̈ܚܬܗ܂ ܘܝܠܦ ܕܠܝܬ ܠܗ ܚܨܕܐ܂
06:07 ܘܠܝܬ ܠܥܠ ܡܢܗ ܫܠܝܛܐ܂ ܘܐܦ ܠܐ ܡ݁ܢ ܕܐܟܦ ܠܗ܂
06:08 ܘܡܛܝܒ ܠܗ ܡܢ ܩܝܛܐ ܠܚܡܗ܂ ܘܩܦܣ ܒܚܨܕܐ ܡܐܟܘܠܬܗ܂
06:09 ܥܕܡܐ ܠܐܡܬܝ ܕܡܟ ܐܢܬ ܚܒܢܢܐ܂܂ ܐܡܬܝ ܡܢ ܫܢܬܟ ܬܩܘܡ܂
06:10 ܩܠܝܠ ܬܢܘܡ ܘܩܠܝܠ ܬܕܡܟ܃ ܘܩܠܝܠ ܬܣܝܡ ܐܝܕܟ ܥܠ ܚܕܝܟ܃
06:11 ܬܐܬܐ ܥܠܝܟ ܡܣܟܢܘܬܐ ܘܬܕܪܟܟ ܨܪܝܟܘܬܐ܂ ܐܝܟ ܓܒܪܐ ܟܫܝܪܐ/ܛܒܠܪܐ#3#/܂
06:12 ܒܪ ܐܢܫܐ̈ ܣܟܠܐ܂ ܓܒܪܐ ܥܘܠܐ ܡܗܠܟ ܒܥܫܝܩܘܬܐ܂
06:13 ܪܡܙ ܒܥܝ̈ܢܘܗܝ ܘܬܟܣ ܒܪܓܠܗ܂ ܘܪܡܙ ܒܨܒ̈ܥܬܗ
06:14 ܘܡܬܗܦܟ ܒܠܒܗ܂ ܘܚܫܠ ܒܝܫܬܐ ܒܟܠܙܒܢ܂ ܘܫܓܫ ܒܝܬ ܬܪ̈ܝܢ܂
06:15 ܡܛܠ ܗܢܐ ܡܢ ܫܠܝܐ ܢܐܬܐ ܬܒܪܗ܂ ܘܡܢ ܫܠܝܐ ܢܬܬܒܪ܂ ܘܠܐ ܬܗܘܐ ܠܗ ܐܣܝܘܬܐ܀
06:16 ܫܬ ܐ̈ܢܝܢ ܕܣܢܐ ܡܪܝܐ܂ ܘܕܫܒܥ ܐܣܠܝܬ ܢܦܫܗ܂
06:17 ܥܝܢܐ ܪܡܬܐ ܘܠܫܢܐ ܕܓܠܐ܂ ܘܐ̈ܝܕܝܐ ܕܐ̈ܫܕܢ ܕܡܐ ܙܟܝܐ܂
06:18 ܘܠܒܐ ܕܡܬܚܫܒ ܡܚ̈ܫܒܬܐ ܕܥܬܐ܂ ܘܪܓܠܐ ܕܡܣܬܪܗܒܐ ܠܡܪܗܛ ܠܒܝܫܬܐ܂
06:19 ܘܣܗܕܐ ܕܓܠܐ ܕܡܡܠܠ ܟܕܒܘܬܐ܂ ܘܠܕܪܡܐ ܒܝܬ ܐ̈ܚܐ܂
06:20 ܛܪ ܒܪܝ ܦܘܩܕܢܐ ܕܐܒܘܟ܂ ܘܠܐ ܬܛܥܐ ܢܡܘܣܐ ܕܐܡܟ܂
06:21 ܩܒܘܥ ܐܢܘܢ ܒܠܒܟ ܐܡܝܢܐܝܬ܂ ܘܟܪܘܟ ܐܢܘܢ ܒܨܘܪܟ܂
06:22 ܘܡܐ ܕܡܗܠܟ ܐܢܬ܂ ܐܩܦ ܐܢܘܢ ܠܟ ܘܥܡܟ ܢܗܘܘܢ܂ ܛܪ ܐܢܘܢ ܕܢܢܛܪܘܢܟ܂ ܘܡܐ ܕܐܬܬܥܝܪܬ ܗܢܘܢ ܢܗܘܘܢ ܠܟ ܪܢܝܐ܂
06:23 ܫܪܓܐ ܗܘ ܓܝܪ ܦܘܩܕܢܐ ܘܢܡܘܣܐ ܢܘܗܪܐ܂ ܘܐܘܪܚܐ ܕܚ̈ܝܐ ܡܟܣܢܘܬܐ ܘܡܪܕܘܬܐ܂
06:24 ܕܬܢܛܪܟ ܡܢ ܐܢܬܬܐ ܒܝܫܬܐ܂ ܘܡܢ ܡܐܟܠ ܩܪܨܐ ܕܠܫܢܗ݀ ܕܢܘܟܪܝܬܐ܂
06:25 ܠܐ ܬܪܓ ܫܘܦܪܗ݀ ܒܠܒܟ܂ ܘܠܐ ܬܬܨܝܕ ܒܥܝܢ̈ܝܗ݀܂ ܘܠܐ ܬܫܒܝܟ ܒܬܡܪ̈ܝܗ݀܂
06:26 ܕܘܡܝܗ݀ ܓܝܪ ܕܐܢܬܬܐ ܙܢܝܬܐ ܐܝܟ ܓܪܝܨܬܐ ܕܠܚܡܐ܂ ܘܐܢܬܬ ܓܒܪܐ ܢܦܫܐ ܝܩܝܪܬܐ ܨܝܕܐ܂
06:27 ܕܠܡܐ ܣܐܡ ܒܪܢܫܐ ܢܘܪܐ ܒܥܘܒܗ ܘܢܚ̈ܬܘܗܝ ܠܐ ܡܘܩܕ܂
06:28 ܐܘ ܕܠܡܐ ܡܗܠܟ ܓܒܪܐ ܥܠ ܓܘܡܪ̈ܐ ܕܢܘܪܐ ܘܪ̈ܓܠܘܗܝ ܠܐ ܡܬ̈ܟܘܝܢ܂
06:29 ܗܟܢܐ ܡ݁ܢ ܕܥܐܠ ܥܠ ܐܢܬܬ ܚܒܪܗ܂ ܘܩܪܒ ܠܗ݀ ܠܐ ܢܙܟܐ܂
06:30 ܠܐ ܠܡܬܕܡܪܘ/ܠܡܬܬܕܡܪܘ#2#/ ܒܐܝܢܐ ܕܡܬܬܚܕ ܕܓܢܒ܂ ܕܓܢܒ ܓܝܪ ܕܢܣܒܥ ܢܦܫܗ ܕܟܦܢܐ܂
06:31 ܘܐܢ ܡܬܬܚܕ ܕܓܢܒ ܦܪܥ ܚܕ ܒܫܒܥܐ܂ ܘܟܠܗ ܩܢܝܢܐ ܕܒܝܬܗ ܝܗܒ܂
06:32 ܕܓܐܪ ܕܝܢ ܐܢܬܬܐ ܚܣܝܪ ܪܥܝܢܐ ܗܘ ܘܡܚܒܠ ܢܦܫܗ܂
06:33 ܘܗܘܝܘ ܥܒ݁ܕ ܕܢܩܪܘܒ ܠܗ ܨܥܪܐ ܘܢܕܪܟܝܘܗܝ܂ ܘܚܣܕܗ ܠܐ ܢܬܛܥܐ܂
06:34 ܚܡܬܗ ܓܝܪ ܕܓܒܪܐ ܡܛܠ ܕܡܠܝܐ ܛܢܢܐ܂ ܠܐ ܚܐܣ ܒܝܘܡܐ ܕܦܘܪܥܢܐ܂
06:35 ܘܠܐ ܢܣܒ ܒܐ̈ܦܐ ܕܩܘܪܒܢܐ܂ ܘܠܐ ܡܬܛܦܝܣ ܟܕ ܬܣܓܐ ܠܗ ܫܘܚܕܐ܀܀

next chapter