The Comprehensive Aramaic Lexicon

10:01	ܒܪܐ ܚܟܝܡܐ ܡܚܕܐ ܠܐܒܘܗܝ܂ ܘܒܪܐ ܚܣܝܪ ܪܥܝܢܐ ܡܒܗܬ ܠܐܡܗ܂
10:02	ܠܝܬ ܝܘܬܪܢ ܒܣ̈ܝܡܬܗ ܕܥܘܠܐ܂ ܙܕܝܩܘܬܐ ܕܝܢ ܡܦܨܝܐ ܡܢ ܡܘܬܐ܂
10:03	ܠܐ ܓܝܪ ܡܟܦܢ ܡܪܝܐ ܢܦܫܗ ܕܙܕܝܩܐ܂ ܘܩܢܝܢܐ ܕܥܘ̈ܠܐ ܡܣܚܦ܂
10:04	ܡܣܟܢܘܬܐ ܡܡܟܟܐ ܠܓܒܪܐ܂ ܐ̈ܝܕܝܐ ܕܝܢ ܕܟܫܝܪ̈ܐ ܡܥܬܪ̈ܢ܂
10:05	ܕܦܠܚ ܒܩܝܛܐ ܒܪܐ ܗܘ ܣܟܘܠܬܢܐ܂ ܘܕܕܡܟ ܒܚܨܕܐ ܒܪܐ ܗܘ ܡܒܗܬܢܐ܂
10:06	ܒܘܪܟܬܐ ܬܗܘܐ/ܕܡܪܝܐ#3#/ ܥܠ ܪܝܫܗ ܕܙܕܝܩܐ܂ ܘܠܦܘܡܐ ܕܥ݁ܘ̈ܠܐ ܢܟܣܐ ܥܘ݂ܠܐ܂
10:07	ܥܘܗܕܢܗ ܕܙܕܝܩܐ ܠܒܘܪܟܬܐ܂ ܘܫܡܐ/ܘܫܪܓܐ#3#/ ܕܥܘ̈ܠܐ ܢܕܥܟ܂
10:08	ܕܚܟܝܡ ܠܒܗ ܢܩܒܠ ܦܘܩܕܢܐ܂ ܘܕܫ̈ܛܝܢ ܣ̈ܦܘܬܗ ܡܬܬܚܕ܂
10:09	ܕܡܗܠܟ ܒܬܡܝܡܘܬܐ ܢܐܙܠ/ܐܙ݁ܠ#3#/ ܒܣܒܪܐ܂ ܘܕܡܥܩܡ̈ܢ ܐܘܪ̈ܚܬܗ ܢܬܝܕܥ܂
10:10	ܕܪܡܙ ܒܥܝ̈ܢܘܗܝ ܒܢܟܠܐ ܝܗܒ ܟܐܒܐ܂ ܘܕܡܟܣ ܓܠܝܐܝܬ ܥܒܕ ܫܠܡܐ܂
10:11	ܡܒܘܥܐ/ܡܦܩܢܐ#3#/ ܕܚܝ̈ܐ ܦܘܡܗ ܕܙܕܝܩܐ܂ ܘܠܦܘܡܗܘܢ ܕܥ݁ܘ̈ܠܐ ܢܟܣܐ ܥܘ݂ܠܐ܂
10:12	ܣܢܐܬܐ ܬܓܪܓ ܕܝܢܐ܂ ܘܠܟܠܗܘܢ ܥܘ̈ܠܐ ܬܟܣܐ ܒܗܬܬܐ܂
10:13	ܡ݁ܢ ܕܡܢ ܣ̈ܦܘܬܗ ܡܦܩ ܚܟܡܬܐ܂ ܒܫܒܛܐ ܫܩܦ ܠܓܒܪܐ ܚܣܝܪ ܠܒܐ܂
10:14	ܚ̈ܟܝܡܐ ܢܛܫܘܢ ܝܕܥܬܐ܂ ܘܦܘܡܐ ܡܣܪܗܒܐ ܩܪܝܒ ܗܘ ܠܬܒܪܐ܂
10:15	ܩܢܝܢܐ ܕܥܬܝܪ̈ܐ ܟܪ̈ܟܐ ܥܫܝ̈ܢܐ܂ ܘܬܒܪܐ ܕܡܣ̈ܟܢܐ ܡܣܟܢܘܬܗܘܢ܂
10:16	ܥ݁ܒܕܗ ܕܙܕܝܩܐ ܠܚ̈ܝܐ܂ ܘܥ̈ܠܠܬܗ ܕܥܘܠܐ ܠܚܛܝܬܐ܂
10:17	ܐܘܪܚܐ ܕܚ̈ܝܐ ܢܛܪܐ ܡܪܕܘܬܐ܂ ܘܕܣܢܐ ܡܟܣܢܘܬܐ ܛܥܐ/ܣܟܠܐ ܗܘ#3#/܂
10:18	ܡ̈ܟܡܢܢ ܒܥܠܕܒܒܘܬܐ ܣ̈ܦܘܬܐ ܕܥܘ̈ܠܐ܂ ܘܕܡܦܩ/ܘܕܣܦܩ#3#/ ܠܘܛܬܐ ܚܣܝܪ ܪܥܝܢܐ ܗܘ܀
10:19	ܒܣܘܓܐܐ ܕܡ̈ܠܐ ܠܐ ܡܬܦܨܐ ܥܘܠܐ܂ ܘܕܚܣܟ ܣ̈ܦܘܬܗ ܣܟܘܠܬܢ܂

10:20	ܣܐܡܐ ܓܒܝܐ ܠܫܢܗ/ܣܦܘ̈ܬܗ#3#/ ܕܙܕܝܩܐ܂ ܘܠܒܐ ܕܥܘ̈ܠܐ ܡܪܬܐ/ܡܪܝܪܬܐ#3#/ ܗܘ܂

10:21	ܣ̈ܦܘܬܗ ܕܙܕܝܩܐ ܣܓܝ ܡܪ̈ܚܡܢܝܢ܂ ܘܫ̈ܛܝܐ ܒܚܣܝܪܘܬ ܪܥܝܢܗܘܢ ܢܡܘܬܘܢ܂
10:22	ܒܘܪܟܬܗ ܕܡܪܝܐ ܡܥܬܪܐ܂ ܘܟܐܒܐ ܠܐ ܢܗܘܐ ܥܡܗ݀܂
10:23	ܣܟܠܐ ܟܕ ܓܚܟ ܥܒܕ ܒܝܫܬܐ܂ ܘܚܟܡܬܐ ܠܓܒܪܐ ܣܘܟܠܗ܂
10:24	ܥܘܠܐ ܠܐܒܕܢܐ ܡܬܢܥܓ܂ ܘܣܒܪܐ ܡܬܝܗܒ ܠܙܕܝܩ̈ܐ܂
10:25	ܐܝܟ ܕܡܢ ܫܠܝܐ ܥܒܪܐ ܥܠܥܠܐ܂ ܗܟܢܐ ܢܐܒܕ ܥܘܠܐ ܘܠܐ ܢܫܬܟܚ܂ ܙܕܝܩܐ ܕܝܢ ܢܬܬܣ̈ܝܡܢ ܫܬܐ̈ܣܘܗܝ ܠܥܠܡ܂
10:26	ܐܝܟܢܐ ܕܒܣܪ̈ܐ ܠܫ̈ܢܐ ܢܟ̈ܝܢ ܘܬܢܢܐ ܠܥܝ̈ܢܐ܂ ܗܟܢܐ ܢܟܐ ܥܘ݂ܠܐ ܠܥܒ̈ܘܕܘܗܝ܂
10:27	ܕܚܠܬܗ ܕܡܪܝܐ ܬܘܣܦ ܝܘܡ̈ܬܐ܂ ܘܫ̈ܢܝܗܘܢ ܕܥܘ̈ܠܐ ܢܬܒܨܪ̈ܢ܂
10:28	ܣܒܪܗܘܢ ܕܙܕܝ̈ܩܐ ܒܚܕܘܬܐ܂ ܘܣܒܪܐ ܕܥܘ̈ܠܐ ܢܐܒܕ܂
10:29	ܡܥܫܢܐ ܐܘܪܚܗ ܕܡܪܝܐ ܠܬܡ̈ܝܡܐ܂ ܘܬܒܪܐ ܠܥܒ̈ܕܝ ܥܘ݂ܠܐ܂
10:30	ܙܕܝܩܐ ܠܥܠܡ ܠܐ ܢܙܘܥ܂ ܘܥܘ̈ܠܐ ܠܐ ܢܥܡܪܘܢ ܒܐܪܥܐ܂
10:31	ܦܘܡܗ ܕܙܕܝܩܐ ܡܡܠܠ ܚܟܡܬܐ܂ ܘܠܫܢܐ ܗܦܝܟܐ/ܗܦܟܝܐ#3#/ ܢܬܦܣܩ܂
10:32	ܣ̈ܦܘܬܗ ܕܙܕܝܩܐ ܝܕܥ̈ܢ ܛܝܒܘܬܐ܂ ܘܦܘܡܗܘܢ ܕܥܘ̈ܠܐ ܗ̈ܦܝܟܬܐ܂