The Comprehensive Aramaic Lexicon

13:01	ܒܪܐ ܚܟܝܡܐ ܡܫܬܡܥ ܠܐܒܘܗܝ܂ ܘܒܪܐ ܒܝܫܐ ܕܠܐ ܡܩܒܠ ܟܐܬܐ ܢܐܒܕ܂
13:02	ܓܒܪܐ ܛܒܐ ܡܢ ܦܐܪ̈ܝ ܦܘܡܗ ܢܣܒܥ܂ ܘܢܦܫ̈ܬܗܘܢ ܕܥܘ̈ܠܐ ܢܐ̈ܒܕܢ܂
13:03	ܕܢܛܪ ܦܘܡܗ ܡܙܕܗܪ ܒܢܦܫܗ܂ ܘܕܦܬܚ ܣܦ̈ܘܬܗ ܥܒܕ ܬܒܪܐ ܠܢܦܫܗ܂
13:04	ܒܟܠܙܒܢ ܒܪ̈ܓܝܓܬܐ ܪܡܐ/ܐܪܡܐ#2#/ ܒܪܢܫܐ ܕܥ݁ܒܕܐ ܠܐ ܥܒܕ܂ ܘܢܦܫܐ ܕܥܫܝ̈ܢܐ ܬܕܗܢ܀
13:05	ܙܕܝܩܐ ܣܢܐ ܡܠܬܐ ܕܫܘܩܪܐ܂ ܘܥܘܠܐ ܢܒܗܬ ܘܢܚܦܪ܂
13:06	ܙܕܝܩܘܬܐ ܬܢܛܪ ܠܐܝܢܐ ܕܬܡܝܡ ܒܐܘܪܚܗ܂ ܘܠܚܛܝܐ ܬܘܒܕܝܘܗܝ ܚܛܝܬܗ܂
13:07	ܐܝܬ ܕܡܥܬܪ̈ܝܢ ܢܦܫܗܘܢ܂ ܘܡܕܡ ܠܝܬ ܠܗܘܢ܂ ܘܐܝܬ ܕܡܡܣܟܢ ܢܦܫܗ ܘܩܢܐ ܣܘܓܐܐ܂
13:08	ܦܘܪܩܢܐ ܕܢܦܫܗ ܕܓܒܪܐ ܥܘܬܪܗ܂ ܘܡܣܟܢܐ ܠܐ ܡܩܒܠ ܟܐܬܐ܂
13:09	ܢܘܗܪܐ ܕܙܕܝܩ̈ܐ ܢܪܘܙ܂ ܘܫܪܓܐ/ܘܫܡܐ#3#/ ܕܥܘ̈ܠܐ ܢܕܥܟ܂
13:10	ܒܪܢܫܐ ܒܝܫܐ ܒܨܥܪܐ ܥܒܕ ܒܝܫܬܐ܂ ܘܐܝܠܝܢ ܕܡܬܡܠܟܝܢ ܚ̈ܟܝܡܐ ܐܢܘܢ܂
13:11	ܩܢܝܢܐ ܕܡܢ ܥܘ݂ܠܐ ܢܙܥܪ܂ ܘܕܡܬܟܢܫ/ܘܕܡܟܢܫ#3#/ ܒܙܕܝܩܘܬܐ ܢܣܓܐ܂
13:12	ܛܒ ܗܘ ܒܪ ܐܢܫܐ ܕܡܫܪܐ/ܕܡܫܕܐ#3#/ ܠܡܥܕܪܘ܂ ܛܒ ܡܢ ܗ݀ܘ ܕܬܠܐ ܒܣܒܪܐ܂ ܘܐܝܠܢܐ ܕܚ̈ܝܐ ܡܝܬܐ ܣܒܪܐ܂
13:13	ܕܒܣܐ ܥܠ ܡܠܬܐ ܢܬܚܒܠ/ܡܬܚܒܠ#3#/ ܡܢܗ݀܂ ܘܕܕܚܠ ܡܢ ܦܘܩܕܢܐ ܢܫܬܘܙܒ܂ ܠܓܒܪܐ ܢܟܘܠܬܢܐ ܠܐ ܬܗܘܐ ܠܗ ܛܝܒܘ܂ ܘܓܒܪܐ ܚܟܝܡܐ ܕܬܪ̈ܝܨܢ/ܕܬܕ̈ܝܨܢ#2#/ ܥܒܝ̈ܕܬܗ܂ ܐܦ ܐܘܪܚܗ ܬܣܩ ܠܪܝܫ܀
13:14	ܢܡܘܣܐ ܕܚܟܡܬܐ ܡܒܘܥܐ ܗܘ ܕܚ̈ܝܐ܂ ܠܐܝܠܝܢ ܕܣܛܝܢ ܡܢ ܦܚ̈ܐ ܕܡܘܬܐ܂
13:15	ܣܘܟܠܐ ܛܒܐ ܝܗܒ ܪ̈ܚܡ݂ܐ/ܪ̈ܚܡ݁ܐ#3#/܂ ܘܐܘܪܚܐ ܕܥܘ̈ܠܐ ܠܐܒܕܢܐ܂
13:16	ܟܠ ܕܥܒܕ ܥܪܝܡܐ ܒܝܕܥܬܐ܂ ܘܣܟܠܐ ܡܡܠܠ ܣܪ̈ܝܩܬܐ/ܣܪܝܩܐܝܬ#1##2#/܂
13:17	ܐܝܙܓܕܐ ܥܘܠܐ ܢܦܠ ܒܒܝܫܬܐ܂ ܘܐܝܙܓܕܐ ܡܗܝܡܢܐ ܐܣܝܐ ܗܘ܂
13:18	ܡܣܟܢܘܬܐ ܘܨܥܪܐ ܡܒܛܠܝܢ ܡܪܕܘܬܐ܂ ܘܕܢܛܪ ܡܟܣܢܘܬܐ ܢܫܬܒܚ܂

13:19	ܪܓܬܐ ܝܐܝܬܐ ܬܒܣܡ ܢܦܫܐ܂ ܘܛܡܐܘܬܐ ܕܥܘ̈ܠܐ ܦܪܝܩܐ ܗܝ ܡܢ ܝܕܥܬܐ܂

13:20	ܕܡܗܠܟ ܥܡ ܚܟܝܡܐ ܢܗܘܐ ܚܟܝܡ܂ ܘܕܡܗܠܟ ܥܡ ܣܟܠܐ ܢܒܐܫ ܠܗ܂
13:21	ܠܚ̈ܛܝܐ ܬܪܕܘܦ ܒܝܫܬܐ܂ ܘܙܕܝ̈ܩܐ ܢܫܬܠܡܘܢ ܠܛܒ̈ܬܐ܂
13:22	ܓܒܪܐ ܛܒܐ ܡܘܪܬ ܠܒܢܝ ܒܢ̈ܘܗܝ܂ ܘܡܬܢܛܪ ܠܙܕܝܩܐ ܥܘܬܪܗ ܕܚܛܝܐ܂ ܐܝܠܝܢ ܕܠܐ ܚܙܐ ܠܗܘܢ ܥܘܡܪܐ܂ ܫ̈ܢܝܐ ܣܓܝܐܬ̈ܐ ܐܘܒܕܘ ܥܘܬܪܐ܂ ܘܐܢܫ̈ܝܢ ܐܒܕܘ ܓܡܝܪܐܝܬ܂
13:24	ܟܠ ܕܚܐܣ ܥܠ ܫܒܛܗ ܣܢܐ ܠܒܪܗ܂ ܘܕܪܚܡ ܠܒܪܗ ܚܦܝܛܐܝܬ ܪܕܐ ܠܗ܂
13:25	ܙܕܝܩܐ ܐܟܠ ܘܣܒܥܐ ܢܦܫܗ܂ ܘܟܪܣܐ ܕܥܘ̈ܠܐ ܬܚܣܪ܂