← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62029: P Prov

Click on a word for lexical analysis
Click on a red-colored coordinate for comments and/or translations of the line

previous chapter


14:01 ܐܢܬܬܐ ܚܟܝܡܬܐ ܒܢܬ ܒܝܬܐ܂ ܘܣܟܠܬܐ ܒܐ̈ܝܕܝܗ݀ ܣܚܦܬܗ܂
14:02 ܕܡܗܠܟ ܒܬܪܝܨܘܬܐ ܕܚܠ ܡܢ ܡܪܝܐ܂ ܘܕܥܫܝܩ ܒܐܘܪܚܗ ܫܐܛ ܠܗ܂
14:03 ܒܦܘܡܗ ܕܣܟܠܐ ܙܩܬܐ ܘܨܥܪܐ܂ ܘܣ̈ܦܘܬܗܘܢ ܕܚ̈ܟܝܡܐ ܢܢܛܪ̈ܢ ܐܢܘܢ܂
14:04 ܐܬܪ ܕܠܝܬ ܬܘܪ̈ܐ ܕܟܝܢ ܐܘܪ̈ܘܬܐ܂ ܘܣܘܓܐܐ ܕܥ̈ܠܠܬܐ ܒܚܝܠܗ ܕܬܘܪܐ܂
14:05 ܣܗܕܐ ܡܗܝܡܢܐ ܠܐ ܡܬܟܕܒ/ܡܟܕܒ#3#/܂ ܘܕܡܡܠܠ ܟܕܒܘܬܐ ܣܗܕܐ ܗܘ ܕܓܠܐ܂
14:06 ܒܝܫܐ ܒܥܐ ܚܟܡܬܐ ܘܠܐ ܢܫܟܚܝܗ݀܂ ܘܝܕܥܬܐ ܠܣܟܘܠܬܢܐ ܫܟܝܚܐ ‍<‍ܗܝ#3#‍>‍܂
14:07 ܠܓܒܪܐ ܣܟܠܐ ܟܠ ܡܕܡ ܣܩܘܒܠܐ ܗܘ ܠܗ܂ ܘܙܝܢܐ ܕܝܕܥܬܐ ܣܦܘ̈ܬܐ ܕܚܟܝ̈ܡܐ܂
14:08 ܥܪܝܡܐ ܒܚܟܡܬܗ ܡܣܬܟܠ ܐܘܪܚܗ܂ ܘܐܘܪܚܐ ܕܣ̈ܟܠܐ ܒܛܥܝܘܬܐ܂
14:09 ܒܬ̈ܝܗܘܢ ܕܥܘ̈ܠܐ ܬܪܝܨܐܝܬ ܒܥܝܢ ܕܘܟܝܐ܂ ܘܒܬ̈ܝܗܘܢ ܕܙܕܝܩ̈ܐ ܡܩܒܠܝܢ܂ ܣ̈ܟܠܐ ܥܒܕܝܢ ܚ̈ܛܗܐ܂ ܘܒܢ̈ܝ ܬܪ̈ܝܨܐ ܨܒܝܢܐ܂
14:10 ܠܒܐ ܝܕܘܥܬܢܐ/ܝܕܘܥܬܢܐ ܒܟܠܙܒܢ#2#/ ܟܪܝܘܬܐ ܗܘ ܠܢܦܫܗ܂ ܘܒܚܕܘܬܗ ܠܐ ܢܬܚܠܛ ܢܘܟܪܝܐ܂
14:11 ܒܝܬܐ ܕܥܘ̈ܠܐ ܢܐܒܕ܂ ܘܡܫܟܢܐ ܕܬܪ̈ܝܨܐ ܢܪܘܙ܂
14:12 ܐܝܬ ܐܘܪܚܐ ܕܣܒܪܝܢ ܒܢܝ ܐܢܫܐ ܕܬܪܝܨܐ ܗܝ܂ ܘܐܘܪ̈ܚܬܗ݀ ܐܘܪ̈ܚܬܐ ܐ̈ܢܝܢ ܕܡܘܬܐ܂
14:13 ܐܦ ܒܓܘܚܟܐ ܢܟܐܒ ܠܒܐ܂ ܘܚܪܬܐ ܕܚܕܘܬܗ ܐܘܢܬܐ܂
14:14 ܡܢ ܐܘܪ̈ܚܬܗ ܢܣܒܥ ܡ݁ܢ ܕܡܪܚ ܒܠܒܗ܂ ܘܓܒܪܐ ܛܒܐ ܢܣܒܥ ܡܢ ܕܚܠܬܐ ܕܢܦܫܗ܂
14:15 ܫܒܪܐ ܡܗܝܡܢ ܠܟܠ ܡܠܐ܂ ܘܥܪܝܡܐ ܦܪܫ ܛܒ ܡܢ ܒܝܫ܂
14:16 ܚܟܝܡܐ ܕܚܠ ܘܣܛܐ ܡܢ ܒܝܫܬܐ܂ ܘܣܟܠܐ ܡܬܚܠܛ ܒܗ݀ ܬܟܝܠܐܝܬ܂
14:17 ܩܠܝܠܐ ܟܘܠ ܕܥܒܕ ܠܐ ܡܬܡܠܟ܂ ܘܓܒܪܐ ܚܟܝܡܐ ܪܡܝܣ܂
14:18 ܝܪ̈ܬܝܢ ܣ̈ܟܠܐ ܫܛܝܘܬܐ܂ ܘܥܪ̈ܝܡܐ ܡܦܠܓܝܢ ܝܕܥܬܐ܂
14:19 ܢܦܠܘܢ ܒܝܫ̈ܐ ܩܕܡ ܛܒ̈ܐ܂ ܘܥܘ̈ܠܐ ܢܐܬܘܢ ܠܬܪܥܗ ܕܙܕܝܩܐ܂
14:20 ܐܦ ܠܚܒܪ̈ܘܗܝ ܣܢܐ ܡܣܟܢܐ܂ ܘܪ̈ܚܡܘܗܝ ܕܥܬܝܪܐ ܣ̈ܓܝܐܝܢ܂
14:21 ܕܫܐܛ ܠܚܒܪܗ ܚܛܐ܂ ܘܕܡܪܚܡ ܥܠ ܡܣܟܢܐ ܛܘܒܘܗܝ܂
14:22 ܥܘ̈ܠܐ ܛܥܝܢ ܕܥܒܕܝܢ ܒܝܫ̈ܬܐ܂ ܘܡܪ̈ܚܡܢܐ ܘܙܕܝܩ̈ܐ ܥܒܕܝܢ ܟܠܗܝܢ ܛܒ̈ܬܐ܂ ܥܒ̈ܕܝ ܒܝܫ̈ܬܐ ܪ̈ܚܡ݂ܐ ܘܗܝܡܢܘܬܐ ܠܐ ܢܣܬܟܠܘܢ܂ ܡܪܚܡܢܘܬܐ ܕܝܢ ܘܗܝܡܢܘܬܐ ܥܡ ܥܒ̈ܕܝ ܛܒ̈ܬܐ ܗܝ܂
14:23 ܒܟܠ ܕܝܨܦ ܐܢܬ ܚܕܐ ܗܝ ܕܡܘܬܪܐ܂ ܘܐܝܢܐ ܕܒܨܝܪ ܒܥܘܡܪܗ܂ ܢܝܚܐ ܘܒܣܝܡܐ ܢܗܘܐ܀ ܟܠ ܟܐܒ ܡܪܝܐ ܡܐܣܐ܂ ܘܡܡܠܠܐ/ܘܡܡܠܠܢܐ#3#/ ܕܣ̈ܦܘܬܗܘܢ ܕܥܘ̈ܠܐ ܡܚܣܪ ܠܗܘܢ܂
14:24 ܟܠܝܠܐ ܕܚ̈ܟܝܡܐ ܥܘܬܪܗܘܢ܂ ܘܗܘܦܟܐ ܕܣܟ̈ܠܐ ܫܛܝܘܬܗܘܢ܂
14:25 ܡܦܨܐ ܢܦܫ̈ܬܐ ܣܗܕܐ ܕܩܘܫܬܐ܂ ܘܡܡܠܠ ܢܟܠܐ ܣܗܕܐ ‍<‍ܗܘ#3#‍>‍ ܕܓܠܐ܂
14:26 ܕܚܠܬܗ ܕܡܪܝܐ ܒܣܒܪܐ ܥܫܝܢܐ܂ ܘܠܒܢ̈ܘܗܝ ܢܗܘܐ ܡܣܬܪܢܐ܂
14:27 ܕܚܠܬܗ ܕܡܪܝܐ ܡܒܘܥܐ ܗܝ ܕܚ̈ܝܐ܂ ܠܐܝܠܝܢ ܕܣܛܝܢ ܡܢ ܦܚ̈ܐ ܕܡܘܬܐ܂
14:28 ܒܥܡܐ ܣܓܝܐܐ ܗܕܝܪ ܡܠܟܐ܂ ܘܒܣܘܦܗ ܕܥܡܐ ܡܬܬܒܪ ܡܠܟܐ܂
14:29 ܕܢܓܝܪܐ ܪܘܚܗ ܣܓܝ ܚܟܝܡ܂ ܘܕܟܪܝܐ ܪܘܚܗ ܛܒ ܣܟܠ܂
14:30 ܕܡܦܝܓ ܚܡܬܗ ܐܣܝܐ ܗܘ ܕܢܦܫܗ/ܕܠܒܗ#3#/܂ ܘܣܣܐ ܕܓܪ̈ܡܐ ܛܢܢܐ ܗܘ܂
14:31 ܕܕܒܪ ܠܡܣܟܢܐ ܒܝܫ ܒܝܫ܂ ܡܪܓܙ ܠܡ݁ܢ ܕܥܒܕܗ܂ ܘܕܡܝܩܪ ܠܡܪܝܐ ܡܪܚܡ/ܡܬܪܚܡ#3#/ ܥܠ ܡܣ̈ܟܢܐ/ܒܝ݁ܫܐ#3#/܂
14:32 ܒܒܝܫܘܬܗ/ܒܒܝܫܬܗ#3#/ ܡܣܬܚܦ ܥܘܠܐ܂ ܘܕܬܟܝܠ ܕܠܝܬ ܠܗ ܚ̈ܛܗܐ ܙܕܝܩܐ ܗܘ܂
14:33 ܒܠܒܐ ܕܟܐ̈ܢܐ ܬܫܪܐ ܚܟܡܬܐ܂ ܘܒܠܒܐ ܕܣ̈ܟܠܐ ܠܐ ܬܬܝܕܥ܂
14:34 ܙܕܝܩܘܬܐ ܬܪܡܪܡ ܠܥܡܐ܂ ܘܡܙܥܪܝܢ ܐܡ̈ܘܬܐ ܚ̈ܛܗܐ܂
14:35 ܨܒܝܢܗ ܕܡܠܟܐ ܒܥܒ݂ܕܐ ܣܟܘܠܬܢܐ܂ ܘܒܚܟܡܬ ܢܦܫܗ ܡܣܬܚܦ ܥܘܠܐ܂ ܕܬܟܝܠ ܕܠܝܬ ܠܗ ܚ̈ܛܗܐ ܙܕܝܩܐ ܗܘ܂ ܪܘܓܙܐ ܕܝܢ ܐܦ ܠܚ̈ܟܝܡܐ ܡܘܒܕ܂

next chapter